بينِ رفوفّ الكتبَ وجدتِك

البارت عشرين

بعد ما جهزو اغراضهم ترتبو على سيارتين:
صقر :اسمعو بروح البقاله بجيب مويه
نايف :انثبر
صقر :شدعوه وش بلاك تراني العّميد صقر بن سياف ....
نايف بنرفزه: انت ما تاكل شحمم اسكت شوي
مشاري واهو يركب السياره :تستاهل
سكت صقر لانه عرف ان نايف معصب
كان الترتيب ان السياره الاول :نايف -احمد -عبدالله -سعد -محمد -مشاري
السياره الثانيه :صقر -وليد -ذيب -فهد -منصور
اتجهو للعزبه
صقر واهو يضحك :اخيراً محد معي من اخواني يعني فلوها
ذيب واهو يشغل المسجل :فلوهاا لعيونكم يا عيال
ورفعوا الصوت وكانو يرقصون و مستمتعين جداً
بعد نص ساعه اوصلوا للعزبه كان هناك عامل قديم لهم جداً من زمان وهو في العزبه يأكل و يهتهم في الحلال (الي مايعرف معنا الكلمة تعني الابل )
محمد واهو يرفع صوته :يا عم جواد
طلع جواد واهو يبتسم :ارحب يا محمد ارحبو كلكم
اتجهو له يسلمون عليه وكان في العزبه مجلس خارجي وكان مرتب ونظيف
جواد :اخباركم والله قطعتو الديره
نايف :بخير الحمدالله وانت يا عم اخبارك
جواد :بخير الحمدالله
احمد للعيال :اقمز انت واهو جيبو العزبه والاغراض عشان نسوي القهوة بسرعه
منصور واهو يزفر عصبيه :كالعاده منصور اهو الي يجيب كل شي
فهد وذيب :والله
ذيب بنظرات:ترى بعد احنا معك
فهد بضحك :اخلصو نايف معصب هههههههه وعانوه عند الباب ينتظرنا
ذيب واهو يشوف :بسم الله معصب الله يكون بعون زوجته بيعصب عليها
فهد واهو يضحك :يا حبيبي هو يروق معها
منصور وهو يجلس معهم في التراب و يخفض صوته :
اي والله تخيلو لقيته مره معصب ثم يوم دخل سمعته يضحك ويقول
(يا قلبي انتي اهم شي سلامتك لا تعبين نفسك )
ذيب :تخيلو اتزوج واقول كذا لزوجتي
نايف من وراهم بعصبيه :تخيل اجي و اضربكم قم انت وهو بسرعه
ذيب واهو يقمز بخوف :ابش ابشر من عيوني
فهد واهو منصرع ضحك :توه الحين يضحك على نايف عشانه يقول يا قلبي وصار يقول من عيوني هههههههه
منصور واهو يضحك :تخيل ان نايف زوجته
على طول حذف الحذيان نايف عليهم وكان ذيب معصب منهم وجلس يلحقهم اما منصور وفهد يضحكون
فهد واهو يركض بين النخل :تكفى تكفى خلاص تعبت
ذيب :هجل نايف زوجتي اعقببب انت وهو
منصور واهو يضحك :فهمت غلططط
احمد بصوت عالي :تعال يا كلب انتَ وهو وقت مغرب
جائو وهم يشرحون السالفه للباقين وكانوا يضحكون
جواد وهو داخل :يلا الصلاة دخل وقت صلاة المغرب
قاموا كلهم يتوضؤن واتجهو يصلون جماعه بعد ماخلصو
جلسو عند الضو (النار ) قام جواد وهو يحلف للكل انه هو الي بيسوي القهوة
...............................................
عند البنات :
حنين وهي تفز :اسمعو بتدرب على الزفه
البنات :تمام
ركضت ملاذ تجيب سحله عشان تطبل فيها
ريهام وهي تقوم :يلا بغني
هيفاء لحنين :اخلصي تعالي
عند حنين الي لبست شرشف (الصلاة ) وخذت عصاء عينتاه طايحه (كأنها باقة ورد)
ريهام وهي تلحن صوتها : تقدمييي يااا بنتتت الشييوخخ
وملاذ كانت تطبل والبنات يصفقون وحنين تمشي بخفيف وكانت خوله هي العريس وكانوا يمثلون صدق جلست حنين وهي ماسكه ضحكتها وخوله تقلد العريس تضحك وتلف وكانوا يستهبلون
العمه منيره وهي داخله بستغرب :يويلي وش ذا الحركات
خوله وهي تقوم منحرجه :ولله مب انا
هيفاء :نسوي تدريب لحنين
حنين :اي يا عمه
العمه منيره :قوموا بس بعدين تتدربون الحين ادخلو معنا
ملاذ واهي تحذف السحله :يالله
العمه منيره بعصبيه من صوت السحله :مين الي حذفت السحله ؟
هيفاء بتوتر :لب لبيه مدري
العمه منيره :قالوا من بسرعه
ريهام بصوت شبه عالي :اجمحي يا ملاذ بسرعه
قامت ملاذ تضحك وهي تركض لقسم الرجال
العمه منيره : هماني والله ماخليك وتلف على ريهام وقايلتلس انتي مشوهه منتي بعيده من ملاذ
دخلت العمه منيره وهي معصبه وجلسوا البنات يضحكون
نوف بصوت عالي :تعالي يا ملاذ
ملاذ وهي تجي :يوه والله خفت
خوله بضحك :كان هجدتي
عهد واهي تجي عندهم :بنات ترى فيه اسكريمات
ملاذ بفرح :يسس خاطري فيه
عهد بضحك :بس عانيه عند خالتي منيره
هيفاء بضحك :الهمام عند خالتي
ملاذ وهي تدخل :بعتذر والله اهم شي الاكل
......................................
عند العيال :
العم جواد :بسوي لكم قرص على الجمر ما راح تذوقون نفسه ابداً
ذيب :اكيدد لأنه من يدينك
ضحك العم جواد وبدا يسوي القرص قدام العيال وبعد ما خلص
العم جواد :يلا نايف الصحن
نايف وهويحط الصحن :اقلبه
اقلبه العم جواد وبداو ياكلون
مشاري :مميز طبخك يا عم
صقر :واحده ثانيه تكفى
العم جواد بضحك :لا يلا بروح للحلال وانتو تمشوا في المزرعه
قاموا العيال واهم يمشون لف صقر لهم :مسابقه الي بيوصل هناك هو الفائز
عبدالله بحماس :يلاا
احمد وهو يوقف :انا الحكم من هينا الى هناك عند
البركة
احمد بصوت عالي :واحد ثنين ثااااللثه
ركضو العيال كلهم وكان كل واحد يحاول يوصل الاول
فهد وهو يركض تعب ولف على العيال :مقدرر العمليه تعورني وجلس على جنب
صارخ عبدالله وهو يضحك :اكيددد الاول انا
صقر وهو منقهر :اصلاً عادي
ذيب :الحكم وينه ماله حس
نايف وهو ميت تعب :ياليت ما ركضت بس
محمد بضحك :كبرنا تشوف يا نايف
ابتسم نايف ونطق :اشوف والله
بعدها جلسو وبداو يسولفون شوي ثم كملو مشي وكانوا يضحكون وبعدها بنص ساعه
العم جواد :متى تبون العشاء
نايف :انا بسوي العشاء ونذر علي انك ماتسوي ولا شي كله انا والعيال
لف صقر للعيال :يارب رحمتك  لا زم احنا معه
محمد وهو يأشر بعيونه لصقر بمعنى (اسكت )
لف صقر بخوف من اخوه
وقام نايف يجهز العشاء وهو والعيال وزعوا الشغل على كل واحد :
صقر وذيب واحمد وليد :تقطيع البصل
اما عبدالله ومشاري ومنصور :تقطيع السلطة
و محمد يساعد نايف وفهد : يغسل الرز
وبعد ساعه جهز العشاء وكانو كل العيال ميتين جوع اقلبو القدر وكانت الكبسه شكله حمرا و ريحتها تشهيي
العم جواد :ماشالله تبارك الله
وبداو العيال ياكلون وكانوا على الصامت حرفياً من الجوع
.....................................
عند فارس :
الي كان من العصر وهو في الاسطبل عند السّهم يتدرب عشان المسابقة
فارس وهو يقفز فوق الحواجز
الكوتش بصوت عالي :يا فارس زيد السرعه
زاد فارس سرعة السهم اكثر ولف من سمع الكوتش
الكوتش :ايوااا زينن خلك على ذا السرعه لا تلف لا تهوجس انتبه لطريقك
فارس وهو يقفز مره الثانيه ويحاول ما يهوجس ما يفكر بس مايقدر
الكوتش واهو يأشر لفارس انه يجي عنده
الكوتش :فارس لا تفكر ابداً في شي شغال بالك واضح جداً لانك مو متحكم في الخيل ابداً
فارس :ابشر بحاول
الكوتش وهو يضرب السهم :يلا مره ثانيه
و اسرع فارس وقفز من الحاجز وهو يحاول ما يفكر ابداً واسرع للحاجز الثاني وقدر يتحكم في السرعة وبعد ربع ساعه طلع فارس من الميدان هو والسّهم
بتال :بهذلت الكوتش والله
فارس بضحك :وش اسوي يعني
نزل فارس من السّهم واعطه للعامل
فارس للعامل :عطوه دش
العامل :ان شالله
بتال:تعال نتقهوى
فارس :يلا
جلسو في طاولة وطلب بتال كوبين قهوة
بتال :الحين متى عرس اخوك تركي
فارس :مدري عنهم
بتال بستغرب:كيف يعني اخوك
فارس :ما تكلمت معهم ابداً بس اسلم واطلع واتوقع بعد المسابقة بسبوع
بتال :والله ليه وما تكلمهم ان شالله
فارس وهو يلف ويشوف الميدان :انا ماقدرت ما انساها والله حاولت وكلم اتذكر انهم خالوني احضر عرسها واسلم على العريس انهبللل انا مو مستوعب تكفى وعاد هي تزوجت واحتاج والله فتره عشان اتخطى
بتال بنرفزة :اسمع عاد الحين انت تحوس نفسك وحياتك عشانها ترى هي تزوجت وخلاص مالك شغل فيها هي تزوجتت سمعت يعني ما تفكر فيها ولا تتخيل ولا شي وهي الحين ما تدري عنك اصلاً ولا طريت على بالها مسافره وبتفل امها وانت اجلس كذا معصب وضايق عشانها
سكت فارس واهو يفكر في كلامه ثم قال :
‏حنييّت له والقلب بالبعد ملزوم
‏وش حيلتي لا اشتقت له وما لقيته
ضحك بتال وقال :والله اني عارف انك ماراح تسمع الكلام والي في راسك بيصير
ضحك فارس ولف يسمع سوالف بتال الي مستحيل ما يمل منها ابداً
..................................................
عند العيال :
بعد ماخلصوا العشاء شبو الضو وحط عبدالله بريق الشاهي ولف على العيال :تبون حبق ولا نعناع !
احمد :حبق افضل شي
صقر :اي حبق
وكمل عبدالله يسوي الشاهي طبعاً عبدالله افضل شخص يسوي شاهي
والكل يعرف انه محترف فيه و في الوزنيه
فهد :عيال
محمد :وش فيك
فهد :عندي سؤال
منصور بنرفزة :تكلم زين لاتجلس تقول كلمة وتسكت
فهد بضحك :خلاص بقول تتوقعون لو عمي سياف مشى لرياض بيمشي ابوي
صقر :الصراحه اتوقع
نايف :ابوي فجاء تهج معه انه يروح وفجاء يقول وش دخلني في ذا يروح بكيفه
وليد وهو ينسدح :والله ابوي متناقض يمكن اي ويمكن لا
عبدالله وهو يلف لهم :خلص الشاهي
محمد :كفو
عبدالله :كفوك الطيب اسمع ذيب بالله شف في العزبه عندك فصفص طلعه
ذيب :اي لقيته
احمد لصقر :جوالك يدق
صقر وهو يرفع جواله :ابوي
وليد :رد طيب
راح صقر يقوم ويكلمه
نايف :الشاهي زينن
عبدالله بستغرب:وين العم جواد
منصور :قال بيروح ينام لانه قايم من الصبح
وليد بفضول لصقر :وش قال عمي
صقر :يقول متى بتجي عشان بكره
ذيب :الساعه كم ؟
مشاري :١١:٤٠
نايف :هجل بنشرب الشاهي ثم نرجع
محمد :أصلاً الوقت متاخر خلون نمشي من الحين والشاهي نشربه في السياره لان بنوصل ١
فهد :صحيح
نايف :هجل يلا
بعشر دقايق خلصو كل شي و قسمو الشاهي لسيارتين واتجهو للبيت
............................................
بعد اربع ايام بدون اي احداث مهمه :
هيثم لنجود :خلصتي
نجود :اي بس دقايق
ودخلت الغرفه تتأكد إذا يبقى شي او لا
هيثم لنجود بعصبيه:بسرعه تجلسين كذاا تروحين وتجين
نجود وهي تطلع من الغرفه :وش عاد ترى بتاكد وبعدين وش فيك مستعجل يبقى على الطيارة ساعه و ٤٠ دقيقه مب انت الي تقول لي كذا
هيثم :اخلصييي وبس
راحت تلبس نقابها وطلعوا من الشقه و اهم متوجهين للمطار بس كانت تفكر تحس ورا هيثم شي وهي ماتعرفه لانها لاحظت له فتره يعصب على اي شي حرفياً
اوصلوا للمطار
وبعدها بكم دقيقه ركبو الطياره وكان طول الوقت هيثم ساكت ونجود كذالك
بعدها بساعتين اوصلوا الرياض كانت نجود بتموت من الفرحه مشتاقه لاهلها لان يبقى يوم واحد لعرس حنين والكل في الرياض اول ماطلعو من المطار لفت نجود لهيثم وهي تقول :بنروح وين !
هيثم :لشقه
نجود:وش رايك نروح لاهلي لانهم في الرياض
هيثم بنرفزه :لا تونا جينا على طول لاهلك
نجود بقهر :اوففف طيب والواحد مشتاق لاهله وش يعني
هيثم وهو يرفع صوته :اسمعي ترى بعد يومين او ثلاثه بنمشي لديره عشان اهلي
نجود وهي ماتوقعت ابداً : دقيقه كيففف
هيثم :ما ابي اعيد كلامي
نجود :هيثم تكفى لا انا ابي اكمل درستي وطيب اهلي كيفف
هيثم :احمدي ربك ترى جلست هنا عشان عرسك بنت خالك مدري عمك ولا بعد مب لازم تحضرين
نجود بعصبيه :خلاص عاد بحضر العرس وبعدين وش فيك كذا معصب من يومنا في دبي
هيثم وهو يشد يده على الدركسون :استغفرالله
نجود بتوتر :خلاص انتبه لطريق
لفت وهي منصدمه انها ماراح تكمل الدراسه جلست تفكر وش بيصير بعد
....................................
عند عهد ونايف :
نايف :بتحضرين العرس !
عهد بتعب :اي وترى عندي موعد بعد اسبوع
نايف :زين ذكرتني
عهد :يووه والله انفقعت كبدي انكتم بسبب البزر ذا
نايف بضحك :الا ولدنا عاد
عهد :نجود بتجي؟
نايف :نسيتها
عهد :دق عليه
قام نايف وهو يدق على نجود وجلس يأخذ علومها ويسولف معه
نايف :متى بتجينا
نجود وهي تلف على هيثم وتشمق له :مدري بس يقول هيثم يمكن المغرب نجيكم
لف هيثم بصدمه من الي سمعه
نايف :زين والله من زمان عنك وعن هيثم
نجود بصوت عالي عشان يسمع هيثم :اي معليك حتى هيثم مشتاق لكم ولبوي يقول لازم نروح لهم
هيثم وهو يأشر لنجود بأنها وش تقول
نايف :ماراح اطول عليك تبين شي
نجود :سلامتك
سكرت نجود وهي خايفه من هيثم اول ماسكرت لف هيثم لها :
هيثم بصوت عالي :وش نجي لهم المغرب
نجود :امي احرجتني تبي تسلم علي وعليك وقلت اليوم نجي
هيثم :والله وانا وش قلت
نجود :عاد وش ترى بسلم وبنرجع ولا تبي ادق عليها واقول مقدر هيثم ما يبي
هيثم :لا تدقين ولا شي بنروح لهم بس ساعه ونطلع
نجود وهي تبتسم : ان شاءلله
راحت تاخد شور وهي تضحك عليه كيف كذبت بس هو الي اجبرها تكذب عليه من البدايه
..................................................
السلام عليكم اخباركم حبيايبي ان شالله بخير حرفياً من ذا البارت راح يبدأ الحماس وكل شي اهم شي تعليقاتكم ولاتنسون ⭐️ و ضيفوني على الانستا
حسابي : x8ri.l احب اقرا تعليقاتكم وحماسكم ❤️❤️
يا حبايبي ترى في بارت راح ينزل في الانستا قبل الواتباد فاضيفوني عشان ما تفوتون شي