بينِ رفوفّ الكتبَ وجدتِك

البارت واحد وعشرين

بعد ما طلعت من الحمام راحت تطلع افخم واجمل فستان كان باللون السكري وتزينه الكرستالات اتجهت تزين شعرها بعد ماخلصت حطت مكياجها الخفيف ولبست الاكسسوارات الفضية وحطت اخر لمساتها واهو روجها وبعد ماخلصت طلعت لهيثم الي كان جالس على جواله :
نجود :تبي اشب لك على عوده !
هيثم واهو يقوم :لا مايحتاج
نجود :بكيفك واتجهت تشب لها على فحم ثم حطت الدخون وبدت تدخن شعرها ولبسها ثم اتجهت تبخر غرفتها
هيثم واهو يضبط نسفة الشماغ :ليكون تبخرين عبايتك
نجود بضحك :لا اصلاً مستحيل
وتقدمت جنب هيثم وخذت العطر المفضل لها وبدت تتعطر
كان هيثم يتأمل نجود من المرايه ويتأمل الكشخة وكل شي فيها
نجود واهو ترفع لهيثم عطر :خذ ذا ريحته تجننن
هيثم واهو ياخذه ويقلب فيه :بالعود حلوو
وتعطر فيه ثم لف لنجود :خلصتي !
نجود واهي تربط النقاب :اي خلصت
خذت شنطتها وطلعو من الشقه
.....................................................
في بيت ابو نايف :
كانوا كلهم يتجهزون عشان نجود كانوا البنات كاشخين وكذلك ام نايف الي اشتقت لبنتها وطول الوقت تفكر فيها هل هذا الزواج الي ارتحت فيه نجود او لا ..
العمه نوره :يا ريهام دخني الغرفة والصالة
ريهام واهو تاخذ المدخن :يلا
هيفاء واهي تتاكد من الطاولة :ها حلوه !
ملاذ :تفتح النفس
هيفاء :لا احس في شي ناقص
ملاذ :كل شي حلو الحلويات موجوده والكيكة بعد والقهوة والشاهي والتمر يعني خلاص
نوف واهي تركض لهم وتقول بصوت عالي :نجود نجود جات
وعلى طول راحو البنات يستقبلونها
....................................................
عند نجود وهيثم :
هيثم :وين بيتكم !
نجود واهي تضحك من يوم ما شافت اخوانها واقفين عند الباب :عانوه هنا
اتجه هيثم لهم وقبل ما ينزل لف على نجود وقال بعصبية وتحذير :لا تطولين فهمتي
نجود واهي تتذمر :خلاص فهمت ذا الكلام من يوم
ما وصلنا الرياض وانت كذا
نزل هيثم وكذلك نجود على طول دخلت نجود للحريم الي استقبلوها كلهم وكانت تسلم واهي فرحانه بس يوم شافت امها على طول بكت وجلست ام نايف تبكي وبعد الشين وقفو كان البيت كأنه عيد بنسبه لهم كانت الطاولة مليانه كلها حلويات وفي نص كيكة لنجود مع الهدايا لها على جنب من البنات ومن بعدها بدت السوالف
عند الرجال
دخل هيثم و استقبلوه عيال سلطان بفضل استقبال و ترحيب دخل وسلم على الي في المجلس واهم ابو محمد وعياله وذيب وناصر واحمد ومنصور
ابو نايف :اخبارك عساك بخير
هيثم :بخير نحمد الله ونشكره
وليد واهو يمد له الفنجال :سم
هيثم واهو ياخذ الفنجال :سم الله عدوك
وبدت سوالف العيال ومنها الكبار بعد
..................................................
بعد ساعة :
قامت نجود من سوالف البنات وراحت ترسل لوليد :
نجود :وليد
وليد :ارحبيي
نجود :البقى تعال بسلم عليك انت واخواني
على طول اتجهت نجود للباب الخلفي تنتظر اخوانها
عند العيال :
وليد واهو يلف على عبدالله :عبود قم نسلم على نجود
عبود :نسيت على بالي سلمت
قال وليد للعيال و جائو كلهم
فهد واهو يخفض صوته:وش رايكم نخرشها
وليد ببتسامه:تممم
نايف :بلا فقعت كبد بتخوفونها
مشى بخفيف فهد واهو يشوف نجود جالسه على عتبت الدرج وعلى جوالها رجع للعيال وقال بصوت خافت جداً
فهد :اسمعو عندي فكره ندخل عليها مع الباب العادي ونقول يا ولد ونركض لها و نخوفها
وليد ومشاري :يلا
كان نايف اهو الي رفض الفكرة وقرر انه يجلس على جنب وبعدها بيروح لها
اما عند العيال جلسو قدام الباب يضبطون نفسهم
فهد واهو يضحك :خيررر وش ذا الحركات
مشاري بضحك :خلاص بندخل
عبود بصوت شبه عالي :يولد بندخل
العمه منيره واهي تعلي صوتها :ادخلو
على طول كلهم ادخلو واتجهو للباب الخلفي جلسو يمشون بخفيف كانت تهوجس و رافعه راسه لفوق
فهد واهو يصارخ :نجودد
وفي نفس الوقت وليد بصوت شبه عالي :بووووه
فزت واهي تصارخ ثم قالت :بسم الله بسم الله خيررر
على طول ركض نايف يسكت نجود عشان العيال مايسمعون صوتها :بسم الله عليك ههههه
فهد واهو يضمها :اسففف والله
نجود واهي تضمه :كلب خوفتني
وليد : ارحبيي ثم ارحبيي
نجود واهي تضحك :الحين ارحبي يوم خرشتني وخلصت
عبود :معليه نغير جوك
نجود واهي تلف على مشاري :تعال وش بلاك منحرج من اختك
مشاري واهو يتجه لها ويسلم عليها
نايف واهو يضحك :على كيفك طيب اخوك الكبير شوي احترام
نجود واهي تلف له :نسيتك عاد الحين بتصير اب وبصير عمه مسرع
فهد واهو يغمز😉:واصير خال
ضحكوا كلهم ألا نجود الي فهمت بعدين :انت من اليوم تبين افصل عليك صح قل واهي ترفع الكعب عليه
عبود واهو يقوم :عشاني لا تسوين شي
نجود واهي تجلس :احمد ربك جلسني ولا كان راح تموت
وليد واهو منصرع ضحك :صدق كان شوي وفهيد ويموت
كان نايف يتأملهم وصدق رجعوا زي قبل كان البيت منطفي من بعد نجود بس يوم جات صار ضحك وفله
مشاري واهو يضرب كتف نايف :مب وقتك خلنا نسولف
وبدت سوالفهم وكانوا يشرحون كيف كان الوضع بدون نجود وبعدها قام نايف اهو مشاري وبقى فهد وعبود وليد
لفت عليهم نجود :اسمعو
عبود:إذا قلتي كذا يعني في سالفه وش
نجود واهي تضحك :ازهمكم ولا ازهم الذيب
فهد بصوت شبه عالي :شاشش راسيي
نجود واهي ميته ضحك :ابيكم تحلفون على هيثم يجلس
وليد بستغرب :ليه ما راح تجلسون
نجود :الا بس اهو يقول ساعه وبنروح عنده اشغال
عبود واهو يقوم :والله مايروح الا ١٢
نجود واهي تقوم ترقص :كفوو على اخواني
وقام فهد يصفق لها وقام وليد يرقص رقص استهبال
ام نايف واهي تطلع عليهم :ماشالله وش تسون ولفت تشوف وليد وش قوم ذا يرقص بسم الله عليك
عند وليد الي جلس واهو منحرج من امه
فهد واهو يضحك :طحت من عين امي ههههههههه
ام نايف واهي تلف على نجود : ماشالله فجاء اختفيت
و طلعت مع ذا السلق
عبود :يمه كل شي الا السلق ترى احنا عيالك
ام نايف :اعرف انكم عيال بس الهمام على المجلس يلا
وانتي يلا قدمي
لفت نجود على العيال واهي تقول :لاتنسون الي قلت لكم وارسلو ليي
لفت ام نايف واهي تضرب ظهرها :امشي قدمي
ضحكو العيال عليها
عبود واهو يرفع صوته عشان تسمه :معليكك
...............................................................
عند البنات :
الي جات فقرت الهدايا وكل واحده تعطيها
نجود واهي تبتسم :ماقصروتو كلكم
ملاذ :تستاهلين اكثر والله
وبعد الفقرة ذي جلسوا البنات يسولفون:
نوف بستغرب :وين حنين
ريهام واهي منسدحه :راحت تضبط اغراضها
نجود:يوو العرس بكره راح من بالي
هيفاء :اي عاد راحت حنين تتضبط وتجهز نفسها
وبدت السوالف عن عرس حنين وكيف راح يكون وش تجهيزات
اما عند العيال :
الي كان هيثم يدق على نجود ولا ترد زفر بعصبيه ولف على عبود :
هيثم :عبدالله
عبود:هلا
هيثم :قل لنجود تطلع دقيت عليها وما ترد
عبدالله واهو يحلف :عسى ماشر تروح الحين والله ماتطلع
توك ماجات ساعتين
هيثم : ليه الحلف !
عبدالله :عشان تجلس
هيثم واهو يقوم :لا والله الله يكرمكم وما قصرتو وجعله مجلس عامر يارب
ابو نايف واهو يرفع راسه:على وين يا ولدي
هيثم واهو يدعي انه مايقول له يجلس :ابد بروح
ابو نايف واهو يأشر له :اجلس اليوم مالك روحه الا ١١
جلس هيثم بعد اصرار ابو نايف عليه
كان ابو نايف مجهز لهيثم عشاء وبعد ربع ساعه تقريباً ٩
دخل فهد واهو يقول لبوه ان العشاء جاهز
قام ابو نايف :حياكم الله على العشاء
هيثم واهو يلف لبو نايف :ماقصرت ويعطيك العافيه بس والله ماتوقعت انت بحسبت ابوي وعيالك بحسبت اخواني
ابو نايف واهو يمسك يده ويمشي معه :انت تستاهل اكثر والله لو تبي عيوني عطيتك
لف هيثم يحب راس ابو نايف :الله يطول بعمرك
اما عند مشاري الي دق على نجود وقال لها ونطت من الوناسه انه بتطول
لفت نجود لعهد واهو تمسك بطنها :واايي على البطنن سعنوني
ضحكت عهد :اي والله سعنوني بس والله اني تعبت تعب مب طبيعي
نجود :كل شي بأجرة
عهد :اخبارك مع الحياة الزوجية
نجود واهي تخفض صوتها: زفت وتجيب الهم
عهد :افا عسى ماشر
نجود :يختي فقعت كبد وكيف انا مغصوبه بعد ذي سالفة ثانيه
عهد واهو تفرصها :استغفرالله غيرك يبي الزواج الحمدالله
نجود واهي تلف:من الي تبي الزواج والله اني لعطيها هيثم
عهد واهي تضرب راسها :فيك شي مستحيل تكوني عاديه
نجود واهي تضحك:مافيه شي
................................................
في بيت ابو تركي :
كان مزدحم من خوال شيخه كانوا كلهم عند شيخه عشان البنوته :
ليان واهي تركض للعاملة :بسرعه وين الشاهي
العاملة واهي تعطي ليان الترمس ليان :شكراً
وعلى طول ركضت للحريم وجلست تصب و تقهوي ذي وذي و توزع الحلويات طبعاً موضي اتجهت للعاملة
موضي :هي انتي
العاملة واهي تلف
موضي :وين عيال !
العاملة :مافي يعرف
موضي واهي تقرب منها :اسمعي فارس وينن ؟؟
العاملة بستغرب :انت ايش فيه
كانت العاملة جديد فا اهي ماتعرف موضي وخوالهم اول مره تشوفهم
موضي خافت منها وبلعت ريقها :اسمعي بعطيك فلوس بس ابيك ضروري طيب
العاملة ضحكت :في فلوس
موضي :ايوا فلوس كثير
موضي اشرت لها تطلع من المطبخ :اطلعي عشان اتكلم معك مافي احد يشوف
العاملة :انت ايش اسم !
موضي : موضي فهمتي
العاملة :اهااا موضي
موضي :اسمعي........
وبعد ساعه ونص طلعوا كلهم مابقى الا ام موضي واخوات موضي
ليان واهي تدخل بجامة
ضحكت شيخه :مسرع هههههه
ليان واهي تجلس :معليش تعب احتاج راتب
موضي :يوو عاد خوات وش راتب بعد
شيخه :اي صح اسمعي موضي
اما عند ام موضي و ام تركي :
ام موضي بصوت خافت :الا يا لطيفه متى بتزوجين فارس !
ام تركي :مدري والله
ام موضي :لو كانت انا كان جمعت العرسين مع بعض افضل تركي وفارس ماشالله وفارس ماينقصه شي
ام تركي :فكرة حلوه بس مالقيت بنت الحلال لولدي
ام موضي :والله وش ناقص بناتي وعاد بنتي موضي غير عنهم كلهم وبدت تسولف ام موضي عن موضي وعن صفات مب موجوده فيها
ام تركي بنحرج :ماشالله والله ياحظ الي بياخذ موضي ماشالله بس بشوف فارس
ام موضي :ترى الولد بقول لا اعرف الي نفسه يبون بس يطلعون على طول قولي له ان ترى عرسك بعد اخوك وان البنت وكذا عاد الباقي عليك
ام تركي واهي تفكر :اي والله صادقة
طلعت ام موضي اهي وبناتها وكان طول الوقت تفكر
ام تركي وخلاص لقت الحل لفارس يتزوج الى متى واهو جالس
اما عند موضي وامها :
ام موضي :ها وش صار !
موضي بضحك :انا بنتك وش بيصير يعني كل شي صح
ام موضي :يعني وافقت
موضي :اي وافقت واصلاً ذي الخدامه غبيه بس هماها الفلوس وبس وقلت بعطيك بس سوي الي ابي
.....................................
عند فارس:
الي رجع واهو ميت تعب من التدريبات دخل اخذ شور ثم طلع ولبس ونزل يأكل :
ليان واهي تدخل المطبخ :ارحب يا الفارس
فارس بورطه :تعالي جابك الله سوي لي اكل
ليان 😒:والله اسوي لك !
فارس واهو يضرب كتفها:يلا بس
ليان واهي تمسك كتفها:عشان ذي الكلمة لا واضربه
فارس واهو يضمها:حبيتي ليان يلا ياقلبي
ليان :يلا لعيونك اسوي لك
سوت له العشاء وكان فارس بس يسولف لها عن الاسطبل وان البطوله خلاص قربت ومافيه وقت بس قاطع عليه الكلام ليان واهي عيونها كلها دموع :
ليان واهي تلف عليه وتحاول ما تبكي :فارس والله اسفه
فارس بستغرب وخوف :ليه وش فيك
ليان واهي تكمل :اسفه ثم اسفه خربت حياتك وانا الي قلت لك مب الحين بس لو ماقلت كان الحين متزوجين والله اسفه واعرف انك ماتكلمني ذيك الفتره عشان كذا
فارس واهو يبتسم ويضمها :عادي ماصار شي
كان يكذب عليها وعلى نفسه ان اهو ناسها بس بلعكس كل شوي يتذكر بس بدا يحس مافيه امل خلاص
ليان واهي ترفع راسها :متاكد !
فارس واهو يحاول يطمنها :معليك متاكد
ليان :تدري وش كانت تقول لي كانت تقول والله مب بيدي لو بيدي كان رفضته بس ابوي
فارس واهو يقوم ويحاول يغير الموضوع :خلاص الله يوفقها
شيخه واهي تدخل :تسولفون هنا تعالوا سالفو معي ومع بنتي
فارس واهو يشيلها :من زمان عنها
وبدا يبوسها ويلعبها
عزوز واهو جاي :ياربي وينهي حبيبيت خالها
ليان :إذا تزوجت وجبت ولد او بنت بتحبونها زي ريم !
تركي واهو داخل :اكيددد لا ريم غير
على طول حذفت عليه ليان المنديل :انقلع السؤال مب لك
فارس بضحك :كلنا نتفق مع تركي
ليان واهي معصبه :أصلاً عادي ما اهتم لكم 🙄
ام تركي لتركي :ها جهزت نفسك واغراضك !
تركي :يبقى شوي يعني
عزوز بستغرب :وين ابوي
ام تركي :شايف الساعه كم قدها ٢ ونص
عزوز :مدري على بالي واعي
تركي واهو يقوم :يلا بروح انام تصبحون على خير
ليان وعزوز :بعد احنا
ام تركي :الله يحفظكم
فارس واهو يقوم :يلا بعد انا
ام تركي واهي تقطع كلامه :اجلس ابيك موضوع
فارس بستغرب :عسى خير
ام تركي :خير خير
عند شيخه حست انا الوضع خاص فا خذت بنتها ودخلت تنام
فارس :يمه تكلمي
ام تركي بجدية :اسمع جايه اقول لك الموضوع عشان تحطه في بالك فهمت مو أني اخذ رايك الى متى بتجلس كذا بدون حياة بدون ايش شي عمرك ثلاث وعشرين كبير وعاقل وش يبقى
فارس بتوتر:بالعكس يمه عندي حياة والحمدالله كل شي زين
ام تركي :الى متى !سمع اتوقع انك عرفت وش ابي اقول لك
فارس واهو يستغبي :وشهو !
ام تركي:الزواج فهمت الزواااج راح تتزوج بعد اخوك
فارس :لا لا لا يمه انا قلت لا
ام تركي بعصبيه :كيف لالا ليكون تنتظر بنت الناس بنت الناس تزوجت خلاص تخرب حياتك عشانها واهي مادرت عنك الى متى اعقل انت رجال وتفهم كلامي
فارس واهو يزفر بتعب :يمه تكفين مب قصدي كذا انا توني
ام تركي :وش توك يوم البنت تزوجت زعلت وعلى طول مشيت وما دريت انك تبيها الا من اختك يوم سمعت عن عرسها قالت انك تبيها وخاطرك فيها ومتجهز بس تزوجت بس يوم قلت لك الحين تزوج قلت لا
فارس واهو ضايق :يمه اسمعني زواج لا انا كنت ابي البنت وخلاص راحت مني تزوجت والله يوفقها بس انا ما ابي الحين عندي بطوله وعجبني وضعي
ام تركي واهي تقوم :بس اسمع ترى جيت اقول لك ان اليوم خطبت لك موضي بنت خالتك وبس جايه اقول لك
فارس واهو يقوم بصدمه :لا ليهه انا ما ابيها يمه لا تظلمين بنت الناس معي انا ما ابيها والله ما اتزوج انا قلت مب الحينن
ام تركي بعناد وعصبيه :يعني وتحلف بعدد والله ما تاخذ الا موضي
فارس واهو مو مستوعب : دقيقه حلفتي اتزوج موضي ليه انا ماابيها فهمتيي يمه لا
ام تركي :خلاص قلت لك
فارس بضحك :انا ما ابي اتزوج بنت قليلة اداب وترى انتي ما تعرفين وش تسوي اكيد خالتي قالت لك زوجيه وانتي معها
ام تركي :والله الحين بتجلس تطلع كلام في البنت ماشالله عليها تفتح النفس و لاينقصها شي بس انت ما تبيها
فارس بهدت حيل :اسمعي يمه إذا خطبتي لي فأن مب راضي ولا راح ارجع للبيت
وعلى طول طلع برا البيت كانت ام تركي مصدومه وحست بتأنيب ضمير حست انها مب اهي يوم كانت تتكلم كانت ام تركي معوده عيالها وبناتها ان النقاشات تكون هاديه و متفاهمه جلست واهي تبكي خايفه عليه واهو طالع في اخر الليل
اما عند فارس الي ماتوقع امه بتزوجه من واحده وبعد موضي وكلم تذكر حركتها وانها جريئة يتقشعر جسده ركب السياره وجلس يمشي واهو مايعرف وين يروح
وقرار يروح الاسطبل يوم وصل تذكر ان الاسطبل مقفل
وقف واهو يفكر وجلس يمشي عشان يشوف كيف ينط
فارس :تقدر تقدر يلا
وابعد واهو يركض وينط على الجدار وكان كل شي ظالم ما عرف يتوازن وطاح على الارض
فارس بصوت عالي :اخااااا يعورر
بعدين استوعب وقصر صوته قام واهو يمسك ظهره وبدا يمشي بخفيف وصل عند السهم يوم وصل فتح الباب بس كان السهم خايف ولا عرف من وجلس يصهل ويضرب الارض
فارس بهدوء:سهم وبدأ يقرب يده عنده وبعدين عرفه سهم وهادى جلس فارس جنب السهم وكأن السهم يعرف ان فارس مهموم وان فيه شي جلس عنده وبدا يقرب راسه عند فارس عشان يمسكه
فارس بضحك :وش فيك !
قرب سهم راسه لفارس
فارس :اها فهمت
وبدا فارس يمسك السهم بس كان يهوجس طول الوقت وبعدين داخ ونام جنب السهم ..
............................................
بيت ابو تركي :
خلص العشاء وعلى طول راح هيثم يدق على نجود
كانت نجود جالسه مع البنات ويسولفون وكانت حاطه جوالها على الصامت :
ريهام :نجود جوالك
نجود واهي ترفعه :تمام
قامت واهي ترد عليه :
هيثم :يلا اطلعي
نجود :تعشيتوا
هيثم :اي تعشينا
نجود :هجل يلا بلبس وبطلع
على طول لبست وراحت تحب امها :تبين شي
ام نايف :سلامتك واهم شي زوجك والعناد لا
نجود ببتسامه:ابشري يا نظر عيني
ولفت على البنات :يلا بكرة نشوف من الجميلة الي بتاخذ الانظار 😉😉
نوف واهو تقوم :اكيد انا
ضحكت نجود :نشوف
وطلعت كانت تدور على ابوها ولقته وراحت تسلم عليه بس داخله عتاب كبير بس ابوها مهم كان وسلمت على عمه وطلعت على طول لهيثم :
واهو تركب :السلام عليكم
هيثم :وعليكم السلام
‏وعم الصمت لدقايق
هيثم :والله ماتوقعت ابوك يحط عشاء
نجود :اي بعد انا توقعت نروح بدري بس غريبه
هيثم :اي عبدالله حلف علي اجلس وبعدها عمي بعد وجلست
ابتسمت وجلست تشوف الطريق
..............................................
عند فارس :
الي نايم ولا حس بنفسه ابداً ما حس الا بصوت احد يقومه :
بتال بخوف وتوتر:فارس .... ولد
فارس واهو يفز :بسم الله وجلس يشوف المكان وقام واهو يقول :وش جابني هنا !
بتال بستغرب:على كيفك انا الي أسأل وش جابك هنا
لف فارس لسهم وتذكر كل شي زفر بضيق :خلاص تذكرت
بتال :خفت عليك
فارس واهو يطلع :صارت اشياء كثيره
بتال واهو يسكر على السهم ويمشي جنبه: امك دقت علي وكانت تبكي وتقول فارس ولا فهمت شي بس فهمت انك مب موجود وجلست ادور عليك وقلت اخر شي الاسطبل ولقيتك
لف فارس واهو ماتوقع :اوففف ما توقعت
بتال بضحك:معليش فارس مقدر امشي معك وانت كذا
نزل راسه فارس واهو يشوف شكلة وجلس يضحك :ودي احذف عليك شي
بتال :في احد يطلع واهو لباس شورت هههههههه
فارس :ياخي وش اسوي طلعت وانا معصب امي تبي تخطب لي وحده
بتال واهو يوقف الضحك :دقيقه وش
فارس :زي ما سمعت تبي تخطب لي بنت خالتي ذيك موضي الزفت
بتال واهو يمسك راسه :كل شي الا موضي يععع
فارس :تشوف مدري وش جالس يصير
بتال واهو يشوف المتدربين في الميدان :والله مدري وش اقول
فارس :قلت لها ما ابي وحلفت علي اتزوجها
بتال :مستحيل ذي خالتي مستحيل
فارس : احس انها مب امي
بتال واهو يحاول يغير الموضوع :طيب ماراح تغير لبسك عشان نطلع نفطر
فارس :البيت ماراح اروح ابداً
بتال واهو يفكر :يعني ما تبي تروح البيت عشان ماتشوف امك وانك انت زعلان ومن ذا الكلام صح
فارس واهو يأشر براسه :صح وش فيك كذا تخرع
بتال واهو يفز :لقيت الحل تروح معي في بيتنا وتلبس ملابسي وطول ذا المدة تجلس عندي واهم على بالهم انك مب عندي
فارس واهو يضحك :صح عليك ها يلا
اتجهو لبيت بتال عشان يغير لبسه فارس وبعدها يروحون يفطرون
اول ما دخلو :
فارس لبتال :في احد !
بتال واهو يفتح الباب :اي بس نايمين
فارس واهو يمشي بخفيف :وابوك ؟
بتال واهو يمشي :يا كثر سوالفك امش بس
على طول ادخلو الغرفة
فارس واهو يشوف الغرفه :اوف وش في غرفتك كذا
بتال واهو يضحك :كنت ابي شراب وحست ام الغرفة وطلع انه في الجزمة
فارس واهو يفتح الدالوب: العب وش ذا الطقم
بتال :اكيد تبيني اقول حلالك بس لا
فارس واهو يركض للحمام:اصلاً باخذه واهو يطلع لسانه ينرفزه 🤪
بتال واهو معصب :كلبب ارويك 🤌🏻🤌🏻
وبعدها بكم دقيقة طلع فارس
فارس واهو يمشي :شف شف بس علي حلووو
بتال واهو يصفق :طلع افضل لانه علي قصير
فارس واهو يحوس بالاغراض :وين العطور والمشط
بتال واهو يفتح الدرج :عانه
وجلس يتعطر ويمشط شعره
بتال واهو يطلع ويلف براسه يمين ويسار :مافيه احد اطلع
وطلعو لتحت يوم توه بيطلع من الباب سمع صوت ابوه :
ابو بدر من الدور الثاني :من الي هنا
لف بتال لفارس بتوتر وكان فارس يأشر له بمعنى انه يرد على طول جواب بتال على ابوه واهو يأشر لفارس يجي ورا الكنبه الي في الصالة
بتال :لبيه لبيه
ابو بدر :طلعت انت ليه ماتنام وش مطلعك في ذا الوقت ها
بتال بتوتر و رتباك :عندي اشغال
ابو بدر:اشغال هجل كذاب وانت سلوقي اهجد بس
بتال واهو يلف لفارس الي كان يضحك عليه
ابو بدر :وش تشوف هناك !!!
بتال واهو يبلع ريقه :لبي ...لبيه
ابو بدر :الله يشفيك ويعافيك شكل فيك شي نام ولا بتشوف شي ما يرضيك
بتال واهو يسوي نفسه يطلع :يبه عندي اشغال بروح اقدم على وضيفة
ابو بدر واهو يرجع ويبتسم :ماشالله تبارك الله الله يوقفك رح لا تتأخر
بتال واهو يبتسم :ابشر
وطلع وقف عند الباب دقايق ينتظر فارس يجي بس ماجاء استغرب ودخل ويوم لف ما شافه
بتال بصوت خافت :بس بس ورعع
فارس واهو يطلع من الحمام :ها وش فيك ماني قطو عشان تقول بس
بتال واهو متورط :الله ياخذك اطلع يا كلبببب صوتككك
على طول ركض فارس واهو يطلع اما بتال طلعت اخته من غرفتها مستغربه :
بتال واهو يدعي على فارس من صوته :وش فيك !
ندى :كأني سمعت صوت غريب
بتال :محد سمع صوت
ندى :اطلع بس واضح انك في مشكلة
بتال بصوت خافت الله ياخذ عدوك يا فارس
ندى :وش تقول ماسمع
بتال واهو يطلع :ولا شي
طلع ركض للسيارة وركب واهو معصب :خيرر مالك داعي يوم تتكلم بسبتك طلعت ندى
فارس واهو قامط من بتال :معليش اسف نسيت
بتال واهو يحط يده على الدركسون :كل شحم مدري كيف ماتبي امك تعرف ولا احد يعرف انك عندي
فارس :ياخي اسف معليك محد بيعرف بس اعجبتني كذبتك انك بتروح تقدم على وضيفة ههههههه
بتال واهو ميت ضحك :تكفى بغيت اموت من الخوف عاد ابوي لو يعرف انك موجود على طول بيدق بيقول وش وش في ولدك عندنا من صباح الله خير و من ذا الكلام
و كملوا السوالف على ما يوصلون المطعم ..
.......................................................................
السلام عليكم اخباركم ان شالله بخير رجعت لكم بارت طويل جداً وحلو عطوني رايكم فيه ولاتنسون تضيفوني انستا انزل قبل الواتباد واقول لكم إذا بينزل بارت او لا حرفياً البارت الجاي كله حماس واكشنن ❤️❤️❤️