بينِ رفوفّ الكتبَ وجدتِك

عرس الحبايب ❤️❤️

     🤍💍.          
  "يوم العرس wedding day~
‎ 1445/7/27هـجري"

تحديداً الظهر في بيت ابو تركي كانو خالات فارس كلهم موجودين بحكم ان الكوافيره والميكب ارتست بيجون
طبعاً اهل العريس اهم اول ناس بدأو وخلصو بدري وبداو في الباقي :
شيخه : ليان روحي مع تركي للقاعه واحنا بنجي بعدك
ليان : خلاص تم
شيخه : شوفي المنسقة عندك والمصوره بتجي خليها تصور القاعة
ليان وهي تطلع لفوق : من عيوني بدق على تركي ويلا
على طول رقت الدرج وهي تدق على تركي رد وهي تقول له نفس الكلام وعلى طول جاء نزلت وهي تزين نقابها وكانت مستعجله جداً لفت على صوت موضي وهي تقول: وين بتروحين ؟
ليان وهي تلبس سلبير حقها : ليه وش تبين ؟
موضي : أسأل
ليان وهي تطلع : خليك في البيت ابرك لك
زفرت بضيق وهي ترجع مكانها ..
........
ليان وهي تركب : السلام عليكم
تركي : وعليكم السلام
ليان : للحين ما رحتو ؟
تركي وهو يضحك : تدرين ان فارس مايرد هههه
ليان وهي مصدومه : تكذب قل والله
تركي : والله دقيت انا وابوي و ما رد
ليان وهي تشوف الساعه : معليه الحين ابي قهوة
تركي : ابشري اليوم انتي اخت العريس اي شي تبينه نقول لك تم
ليان : الله يخليك لنا
لف وهو يوقف عن أحّد الكوفيات: شتبين ؟
ليان : V60
تركي بستغراب : وش ذي ؟
ليان وهي تضحك : قهوة مقطرة اهم شي باردة تكفى
تركي: خلاص تمم
طلب وجاب القهوة واتجه هو وليان للقاعة وصلت وبدت تجهز الاغراض مع المنسقة و المصوره كانت منشغله بس قاطع عليها مكالمة من عزوز ردت وهي في عز الضيق وقتها: هاا
عزوز : وش هاا
ليان : بسرعه دقيقة إذا ما حكيت بسكر الخط في وجهك
عزوز وهو متوتر : خلاصص اسمعي الساعه ٤ وفارس ما رد ولا جاء
ليان وهي شارقه بالمويه وتكحه: كذاب وش يسوي ذا
عزوز : والله مدري وابوي بدا يعصب
ليان : برسل له وانت دق عليه
عزوز وهو يبعد الجوال من اذنه : يعني ردك عليكم؟
بتال : اي رد ويقول الحين بيجي للحلاق 
ليان : ولد تسمعني ؟
عزوز وهو يرجع الجوال لذنه: هلا معك معك بس فارس رد والحين بنروح الحلاق تبين شي
ليان : زين لا سلامتكم
سكر الخط وعل طول اتجهو كلهم للحلاق بعد ربع ساعه ادخلو ودخل بعدهم فارس وهو يضحك :
عزوز : كان كملت وما حضرت العرس
فارس وهو يضحك : والله معليش ما توقعت بتأخر كل ذا الوقت
بدر : حصل خير خلونا نحلق ونلحق على الوقت
بداو يحلقون وكان سوالف وضحك وكانو يشغلون اغاني ويلعبون :
فارس وهو يلعب مع الهندي : عااشش
تركي وهو يضحك : شاش راسه معنا
بدر : تشوف هههههههه
خلصو وهم يطلعون ويتفرقون بالسيارات عشان يلبسون ثم يتقابلون في القصر
دخل وهو يقول : جهزتي اغراضي ؟
نجود وهي تشرب قهوتها : اي كل شي جاهز
فارس : هجل بلبس وجهزي العوده
نجود وهي تقوم : ابشري
اتجهت للمطبخ وهي تشب الفحم وحطته بالمبخره
ودخلت الغرفه وهي تشوفه كاشخ ابتسمت وهي تقول : اقرا أذكارك
فارس : من عيونييي
نجود : وين العوده ؟
فارس وهو يطلعها من البوكس :عانوها ذي 
خذتها وهي تحطها فوق الفحم وتقرب تطيبه بالعوده وبعده خذت عطر و عطرته لف وهو يقول : اكشخ واحد انا
ابتسمت : اكيدد انت اليوم يومك هههه
فارس : هو اخيراً اليوم عرسنا حجزت في افخم قصر والقاعه ما خليت شي ما سويته وحجزته عشان الكل يتذكر عرسنا ويقولون صدق كان عرس خيال
نجود : اكيد يا حبيبي الكل بيقول كذا و إذا ماقالو عادي اهم شي احنا
فارس : الله يخليك لي
نجود : ويااك يارب
فارس وهو يلبس البشت : اللون الاسود افضل مره
نجود : ماشاءالله تبارك الرحمن هيبه الله لا يضرك
فارس : بتخليني اروح وانا مروق لدرجة غريبه ههههه
نجود وهي تجيب جوالها : تعال عند المرايا بصور صوره
قرب لها وهو يحط يده عند خصرها و وجه عينه للمرايا
نجود وهي تبتسم : يلا بصور
صورت و رفعت الجوال وهي تشوفها : شفها تجنننن مره
فارس : اي حلوه
نجود : بحفظها وبخليها مع الألبوم عرسنا
فارس : زين انا بروح
نجود وهي تلف : بروح معك
فارس وهو منصدم   : كيف تروحين معي ؟
نجود وهي تقرب منه : امانه تكفى والله اني خايفه اجلس لحالي وانتي بتتأخر خلني على الاقل في بيت اهلي مع ان مافي احد بس عادي اخواني بيجون ماراح يتأخرون واكون قريبه
فارس : ما تفقنا على كذا بس يلا اليوم بس عشان محد عندك يا الخوافه
نجود وهي ترفع حاجبه : احترام نفسك ههههه
فارس : يلا البسي
ركضت وهي تطلع فستان انيق جداً وهادي ولبست عبايتها وطلعت ...
.............................
في بيت ابو نايف :
كان البيت كله يركض و اكثر وحده تعبت ام نايف كان فهد يجي عندها : يمه وين البشت حقي ؟
ام نايف وهي تكوي ثوب مشاري : مدري اكيد في درجك تأكد
فهد وهو معصب : اكيد الزفت وليد خذها
ابو نايف : خلصتي الثوب ؟
ام نايف وهي تكوي : يلا خلصته يلا
ابو نايف وهو ضايق : كان العيال ودو ثيابهم ماعندهم مسؤلية
عهد وهي داخله ومعها سلطان الي كان كاشخ بثوبه وغترته وبشته  وكان يمشي ويوم شاف جده اسرع بخطواته المتقطعه له
ابو نايف وهو يبتسم : ماشاءالله وش ذا الزين
عهد وهي تسلم عليه : اخبارك يا عم
ابو نايف : بخير يا بنتي
عهد وهي تروح لام نايف : خاله عطيني الثوب وانتي روحي شوفي نفسك
ام نايف وهي تعطيها : يالبى قلبك الله يسعدك تسوين فيني خير نص وقتي في الثياب
ابو نايف وهو يفتح بوكه ويطلع خمس مئة : ذي تفدك
عهد : والله ما تعطيه يا عم
ابو نايف وهو يحط الخمس مئة في مخب الثوب: مب على كيفك ذا حفيدي يطلب وانا اقول له تم
عهد : الله يطول بعمرك ويعطيك العافيه
كان سلطان في حضن جده وكان يسولف ولكن كلام مب مفهوم وكان جده يشوفه بكل حبّ وكأنه يفهم وش يقول
لف سلطان من سمع صوت فهد وهو يناديه
فهد وهو يوقف بطول سلطان ويفتح يديه له :ارحب 
سلطان بخطوات سريعه اتجه لحضنه وهو يبتسم
فهد وهو يضمه : يالله يارب احبه احبه جداً
ابو نايف وهو يمزح : هين يا سلطان تروح لفهد
سلطان لف لوجه جده وضحك وحذف وجه في صدر فهد
فهد : يحبني انا ههههه
ابو نايف : معليه يحب عمه
فهد وهو يشوف ثوبه : العب يا سلطان وش ذا الفلوس
نايف وهو داخل : معه فلوس ؟
فهد وهو يضحك : اي كأنها زرقاء
نايف وهو يلف لبوه : اكيد انت والله ماله داعي تكلف على نفسك
ابو نايف : مابه كلافة بقوم البس وتجهز ويلا لا تطولون
نايف : ابشر
فهد : يا حبيبي يا سلطان انا احبك تدري
نايف وهو يضحك : تحبه من اليوم لبكرة ماراح تجيك
فهد وهو يقوم : معليه اعرف كيف اجيبها
طبعاً بعده بدقيقتين تقريباً جاء وليد وبعده عبدالله وتجمعو كلهم
وليد : وش ذا البشت والكشخه يا سلطان
عبدالله :ودي اكله
نايف وهو يبتسم : شوفو كيف يشبه لي كأنه انا يوم كنت صغير
فهد وهو يضحك : واضح الشبه جداً
وكان صدق سلطان يشبه ابوه جداً ولكن ياخذ ملامح بسيطه من امه مثل رسمة الحواجب ولون الشعر وغمازاته
دخلت نجود وهي تقاطعم : اي يشبهك
لفو وهم مصدومين ، على طول سلطان اتجه لها وهو يضمها يحب كل عمانه ويحب نجود اكثر
نجود وهي تشله : نسيت ههههه السلام عليكم
نايف وهو يبتسم : وعليكم السلام تو ما نور البيت
على طول كلهم تجمعو عليها و يسلمون ويسألونها
نجود : والله مستحيل اجلس لحالي بالبيت وبعد خايفه
ام نايف وهي طالعه : يمه كأني اسمع صوت نجود
ما كانت تشوفها لانها في الوسط واخوانها مغطين عليها
نجود وهي ترفع يديها : موجوده ههههه
ام نايف : ارحبي ثم ارحبي تعالي يا حياتي
وليد : احس اني غرت
فهد وهو يلف عليه : عاد انا طول الوقت قدام وجهها ولا قالت لي شي
ابو نايف وهو طالع من غرفته : ماشاءالله نجود موجوده
نجود وهي تسلم عليه : موجود طول الوقت عندكم ههه
ابو نايف بصوت خافت : زوجك موافق ؟
نجود بنفس صوته : اي معليك هو الي موافق لي
ابو نايف : زين يا بنتي الله يستر عليكم
بربع ساعه اختفى الازعاج في البيت وصار هادي نزلت نجود وهي بجامتها دخلت المطبخ تسوي لها شاهي وطلعت في السور وهي تفكر في عرسهم :
يوه يا حظهم يحضرون عرسي الحين توهم يتقهون والرجال بعد ياليتني احضر بس .
......
فالعرس وتحديداً عند الرجال :
كانو ال عقّاب في استقبال الضيوف وكان فارس واقف بهيبته بالبشت الاسود كان الكل حاضر من حب وتقدير لبو تركي وفارس  ابتسم يوم شاف عمه وعياله رحب فيهم وسلم عليهم :
ابو تركي: ارحب حي الله عيال سلطان
وليد : الله يحيك ماتقصر
ابو نايف : شخبارك يا سعود
ابو تركي : بخير دامك بخير
لف فارس بعيونه لعزوز الي فهم قصده وعلى طول اتجه لاحد القهوجيين :راح هناك
اتجه وهو يقهويهم ،وكذلك عند الحريم كانو خوات العريس وام العريس وعمات العريس في الاستقبال وكان العرس نفس الي يبون بفضل الله بعد الاستقبال الضيوف
ارتفع صوت الطقطقه وهي تقول : حياكم الله كلكم في عرس ولد الشيخ فارس بن سعود والله يوفقهم ويسعدهم يارب
ام تركي وهي تبتسم : ماعليك زود يا عمري
ومن بعده  بدا الرقص و الردح عند الحريم ،الى ما جاء وقت العشاء
ام تركي بصوت جمهوري : حياكم الله على العشاء
لفت ليان لملاذ والبنات الي معها : حياكم الله على العشاء
ملاذ : الله يحيك
هيفاء : ما شبعت من الحلويات ماشاءالله تجنن
ليان : عافيه على قلبك عطيني فنجالك وتقهوي هههه
مدت فنجالها وصبت لها وجلسو يسولفون كلهم
لفت شيخه بستغرب لخالتها ام موضي : خاله فيك شي ؟
ام موضي بدون نفس : لا مافيني شي
شيخه : العشاء جاهز حياك الله
ام موضي وهي تلف وجهها : مالي نفس للعشاء
شيخه وهي عارفه السبب : عسى ماشر هجل تعبانه يا خاله تبين فيفادول ؟
ام موضي وهي تقوم : ما ابي شي وبعدين ما قلت لك تعالي ابعدي مني
لفت لها وهي تضحك : بتموتين موتييي يععع
لفت وهي تروح للبنات تسولف معهم ..
.....................
عند الرجال الي قاموا يلعبون كان صفين صف في جهة اليسار وصف في جهة اليمين و متوسطين الصفين 
ابو تركي وابو نايف وكانو يلعبون بالسيوف رغم كبر سنهم الا انهم يلعبون وكانهم في شبابهم قام فارس وهو ياخذ السيّف ويتجه لهم لعب وهو داخل جوو وكان واضح من عيونه الحب لبو تركي ولبو نايف قامو العيال وهم يدخلون معهم بالعب انتهى العب بعد ما قال تركي لبوه :
يبه العشاء جاهز
ابو تركي : زين
لف وهو يقلطهم على العشاء : حياكم الله كلكم على العشاء بمناسبة زواج ولدي فارس واشكر كل من تعن لنا عشان يحضر عرس ولدي والله يحياكم
تعالت الاصوات بقول : الله يوفقه ، ما تقصر ، الله يخليك لهم
رفع يدينه وهو يبتسم لهمم ومن بعده قامو للعشاء،
قام فارس وهو ياخذ جواله ويدور رقمها دق عليها واستغرب انها ما ردت لف الجوال وهو يتأكد  رجع دق مره ثانيه ولا ردت زفر بضيق ليكون صار لها شي دق مره ثانيه وهو متوتر وخايف عليها ..
.....................................
عند نجود من بعد ما شربت الشاهي دخلت غرفتها وهي ترتبها بعد ما خلصت ترتيبها انسدحت بتعب على السرير ونامت ما نامت هاذي نومه من  شهر كان نومها متلخبط قامت وهي تدور جوالها يبدينها وفزت  من سمعته يدق لفت بعيونها ولا شافته قامت تدور على الصوت فتحت درج ملابسها واستغربت وجوده وفز قلبه للاسم فتحته :
فارس : الو
نجود : لبيه
فارس وهو يبتسم و ارتاح من سمع صوتها : وينك خوفتني عليك دقيت مرتين ولا رديتي
نجود وهي تضحك: معليش كنت نايمه ولا  سمعت الجوال
فارس : الحمدالله ها متى تبيني اجيك ؟
نجود وهي تشوف الساعه : تو الساعه ماجات ١١ انتو وش تسون الحين ؟
فارس وهو يشوف العيال : تو الحين قايمين على العشاء
نجود : هجل توك خذ راحتك فلها معهم عادي لو تتأخر اليوم يومك ههههه
فارس وهو يبتسم : صح اليوم يومي يلا إذا تبين شي دقي
نجود : من عيوني الله يحفظك
سكر وهو مبسوط حس انه بيطير لف لصوت بتال : وش عندك يا اخر حبه
فارس : ماعندي شي يا الشايب
بتال وهو يقرب منه : صدق امانه وش عندك ؟
فارس وهو يضحك : مافيه شي
جاء صقر وهو يتجه لفارس : السلام عليكم
فارس : وعليكم السلام
صقر : الله يسعدك ويوفقك والله كان ودي اجلس الى نهاية اليوم بس والله مشغول جداً
فارس: وياك يارب ، ماقصرت والله يسعدك وعذرك معك
صقر وهو يقرب منه : عذري  ان عندي قضية ولازم اسكر ملفها و محلفيني ما يطلع الكلام
فارس : ما يحتاج التبرير يا صقر ما بينا والله يسهل امورك ويوفقك وعقبالك
صقر وهو يبتسم من تذكرها : وياك يارب
لف وهو ناقد على نفسه يوم ابتسم
.........
عند الحريم راحو كل المعازيم ما بقى الا اهل العروسة واهل المعرس شيخه وهي تطلع بجامته : يووه راحه قسم بالله
نوف وهي تضحك : اي والله راحه
شيخة وهي تلف ليان : قولي لهم يجيبون الكابتشينو مع الشكولاتة الي قلت لهم
ليان : يلا تمام
تجمعو كل البنات وهم يسولفون لفت ملاذ لريهام وهي تقصر صوتها : ما ني ما ارتاح من ذي الي قدامي
ريهام : اي والله نظراتها مدري وش فيها
لفو لصوت عمتهم منيره : ماقصرتو والله يهنيهم يارب ويهنيكم ويوفقهم
ام تركي وهي تقوم : حرام عليك تو الوقت
العمه منيره : والله اعذريني وراي العيال ويالبى الجلسة معكم ما تنمل يلا نوف وسمو
قامت نوف تسلم على شيخه وليان : بأذن الله لنا لقاء ثاني
شيخه : بأذن الله
قامت بعدها ام محمد و العمه نوره وقامت ام نايف
وهي تسلم وطلعو وهم ينهون اجمل ليلة في هذا الشهر طلعت ام نايف وهي فرحانه لانها تشوف من عيوني
ام تركي الحب لبنتها وتدعي انه يكون الرجال الصح
الي يكمل معها حياتها ...
.........
عند العيال وتحديداً الساعه ١ الليل
فارس قام وهو يبتسم  : ما قصرتو والله يسعدكم والله ما انسى وقفتكم معي اليوم وان شاءالله اردها لكم با أفراحكم والله يخليكم لي يا سندي
بتال وهو يقوم : ما سوينا شي وهذا وجبنا
بدر وهو يبتسم : ما قصرت والله يوفقك
لف على اخونه بحب وهو يقول : الله يسعدكم
تركي : وياك والله يرزقكم بالذريه الصالحه
عزوز : ما سوينا شي
ومن بعد الكلام الكل طلع ،اتجه فارس لباب الخلفي لقاعة الحريم وكان قبل داق على امه جلس ينتظر امه وشافها طولت فتح جواله وكان يشوف تصوير العيال للعرس وتوثيقهم لعرسه حس احد جاء رفع راسه وهو
متوقعه امه ولكن انصدم يوم شاف بنت بشعرها الاسود لكتفها ولبسه بجامة لونها ابيض وكانت بأكسسوراتها وبمكياج العرس
لف بصدمة وهو يتعوذ من شيطان
اما البنت شهقت ولفت وهي ترجع ركضت وهي تدخل الغرفة جلست وهي خايفه فكرت شوي وهدت على نفسها كانت تذكر وجهه بس ماتعرف وين شافته ويوم سمعت امها تناديه ردت وهي متوتره : هلا
غالية : شوق وينك ؟
شوق وهي تطلع : لبيه يمه قلت هلا من اول ما سمعتي ؟
غالية : يا امي انتي ما سمعتك تعالي وشبك اختفيتي
شوق وهي تبلع ريقها : ما فيه شي
غاليه : يلا تعالي
كان فارس عند الباب وعرف انها شوق بنت عمته تعوذ من ابليس ورفع الجوال يدق على امه يبي يقطع حبل افكاره ما هي الادقيقة وتطلع ام تركي : ارحب أهلا بالعريس شخبارك يا ولدي
فارس وهو يسلم عليها : البقى بخير الحمدالله وانتي
ام تركي : بخير دامك بخير كيف عرسكم عسى كل شي زين
فارس : اي الحمدالله زين
ام تركي : الحمدالله ما بي اطول عليك بغيت شي
فارس : سلامتك
طلع وهو يتجه لبيت ابو نايف
...............
بيت ابو نايف :
كان الكل موجود العيال برا في المجلس والبنات داخل البيت وكانو يسولفون ويقولون كل شي لنجود وكانت تبتسم وكانو يمدحون العرس انه انيق ورايق :
نجود : ودي اسولف معك بس هو عرسي ولا شفت شي
نوف : نفس وضعييي
ملاذ :بس تخيلي اخر شي جلسنا وفي بنت شكلها ما يطمن ابداً
ريهام : اي شفتها يوم قلتي لي
نجود بستغرب : طيب اسمها وش ؟
ملاذ وهي ترفع كتفه بمنعى (مدري )
نوف : عرفتهاا الي لبسه فستان اسود ؟
ريهام : اي واخر شي بجامة لونها اضن ازرق
نوف : يا غبيه انتي وهي ذي بنت خالتهم
ملاذ : مدري عنها بس ما تطمنت ابداً لها
لفت نجود لجوالها وقامت وهي ترد عليه
فارس : وينك !
نجود : موجوده في البيت
فارس : يلا في الطريق تجهزي
نجود : بضبط وينك ؟
فارس وهو يضحك : بالضبط عند باب بيتكم
نجود : وتقول لي في الطريق هجل يلا بطلع لك
سكرت وهي تتجه فوق تلبس عبايتها لفت وهي تتعطر من افضل عطر بنسه لها خذت جوالها ونزلت وهي تودع  البنات واتجهت تسلم على امه وعماتها رفعت جوالها من شفته يدق
نجود : لبيه
فارس : اطلعي مع الباب الثاني
نجود بستغرب : ليه
فارس : اخلصي لان العيال موجودين
نجود وهي تضحك : طيب على بالي في احد ثاني
فارس وهو يحاول يتمالك  اعصابه : انا قلت اطلعي من الباب الثاني
نجود وهي ضاقت من حركته:طيب 
وسكرت وهي تلف لامها
ام نايف : وش فيك عسى خير
نجود : داق عشان يقول لي اطلعي من الباب الثاني
ام نايف : خلاص يا بنتي اطلعي من الباب الثاني
نجود : بس يمه السبب سامج عشان العيال وكلهم اعتبرهم اخواني
ام نايف وهي تمسك كتفها : اعرف يا امي انتي بس كل هذا ولا فهمتي ؟
نجود : كيف يمه ما فهمت
ام نايف : يا بنتي ذي غيرة ما يبيهم يلمحونك او يشوفونك عاد ابوك كان يسوي اكثر من كذا كان يغار إذا احد شاف ظلي حتى
نجود وهي تضحك : يمه تكفين توني افهم انه غيور
ام نايف : كل الرجال كذا وانتي شغلي مخك
نجود وهي تحب يديها : من عيوني تأمرين بشي 
ام نايف : سلامتك
طلعت من الباب ثاني وهي تسكره وتركب لفت له وهي تشوف انه معصب
نجود : السلام عليكم
فارس وهو يلف وجهه منها : وعليكم السلام
نجود : شخبارك يالعريس
فارس :بخير .
لف وهو يسوق اسكتت شوي وهي تشوفه ساكت ويسوق
انفجرت تضحك لف بستغرب لها
فارس : وش فيه ؟
نجود وهي تضحك : شكلك ونت معصب ما عرفتك
فارس وهو يضحك : صدق شكلي تغير
نجود : والله خفت اول بداية حتى حواجبك تغيرت
فارس : الشكوك لله
نجود وهي تمسك يديه : والله اسفه اني عصبتك
كان يسوق ولا توقع انها بتسمك يديه كانت ناعمه جداً ابتسم الا شعوري مسك على يديها اكثر  سكتت وهي تتأمل الطريق
ما حب الصمت ابداً لف وهو يشوف يديها للحين بيده ولا وده يبعدها عن بعض فك يديه من الدركسون وهو يضغط على المسجل وعلى طول رجع يحط ايده اشتغلت
اغنية عبدالمجيد عبدالله " اول حكايتنا "
لف وهو يبتسم وشعور الفرح يعتريه : بسبك صرت اسمعها يومياً
نجود : وش دخلني
فارس : اسمعي وبتعرفين وش دخلك
بدت نغمات الاغنية وابتداء معها صوت عبدالمجيد :