بينِ رفوفّ الكتبَ وجدتِك

البارت الرابع

وعلى طول طلع وراحت نجود تجيب الاغراض
عند عهد الي جات تساعد نجود:
نجود:خلصت الترتيب
عهد:يلا يبقى ادخن المجلس
عهد تمشي بالعوده  في المجلس ونجود جالسه تشيك على اخر شي الا ويسمعون صوت
ياولد في احد
نجود:وجع خوفتني
عبدالله:وش اقول يعني !
نجود:دق الباب
فهد بملل :خلاص حتى في ذا الوقت تتهاوشون
نجود وقفت عند الباب وقالت :اما الصحن حق العشاء معكم
عبدالله :اخلصيي في احد؟
نجود:عهـ..
ما امداها تكمل الا ويدخل عبدالله بالصحن ومعه فهد وحطو الصحن في مكانه
عبدالله واهو يمسك ظهره :الحمدالله تعب
نجود بصوت عالي : يا بزر عهد موجوده ..و وقفت قدام عهد عشان تكون ساتر لها
عبدالله بعصبيه :اقصري حسك جعلس مانبي قايل
فهد واهو يصد عن عهد ويعتذر ويقول :معليش دخلنا بسبب الدبش الي جنبي واهو يضرب رأس عبود
عهد واهي خايفه من نايف وعصبيته ان اخوانه في المجلس واهي موجوده بتوتر:حصل خير
وطلعوا العيال وعلى طول هجت عهد ودخلت في قسم الحريم وراحت عند المرايه تظبط شكله وتعيد على روجها وتتعطر وراحت عندهم اما عند نجود :
فهد:يعني خلاص !!
نجود:لا انتظر بجيب السلطات نسيتها
فهد بعصبيه :اخلصيي وإذا خلصتي ارسلي او دقي علي
نجود بخوف من عصبيته :طيب
.....................................
عند الرجال :
أبو تركي وأبو نايف كانوا يتبدلون السوالف
واما العيال كانوا يسولفون ومتحمسين :
أبو نايف:فهد قهوة
فهد الي قام من مكانه وقال :ابشر ...........سم
أبو نايف:سم الله عدوك
فهد:عم قهوة
أبو تركي:تكرم
اما عند نجود الي كانت ترسل لفهد واحرقت الجوال واهو مايرد
........
اما عند فهد الي كان يصب من داله للعيال وكان جواله جنب فارس اما عند فارس الي كان اصلاً على جواله ولا انتبه على  الجوال الا يوم حس في صوت اهتزاز الا يوم رفع الجوال الا اهي مكالمه من الواتس وكان مكتوب :
دنياتي وعمري كله تتصال
فارس جلس يشوف الاسم وبعدها قال :فهد ذا جوالك ؟
فهد :اشوف .......اي حقي
فارس:عندك رسائل ومكالمات
وجاء فهد وخذا الجوال ويوم عرف ان الاتصال من نجود راح كلم برا :
فهد:هلا
نجود بعصبيه :الحمدالله على سلامه على بالي فيكم شي
فهد:اخلصي خلصتي
نجود:اي كل شي جاهز
فهد سكر وراح عند الرجاجيل وقال بصوته العالي ويدل على المرجله والشجاعه :تفضلوا على العشاء تستاهلون اكثر والله وتو ينور البيت بوجودكم ارحبوا
ابو نايف لبو تركي :تو تكمل فرحتي اقلط على قل الكلافة
أبو تركي:الله يخليك لنا والله يجعل بيتك عامر بالفرحه والسعاده
العيال :امين
ويعدها اجلسو على العشاء وكان مرتب وكل شي في مكانه وكملو عشاهم
.............................
عند الحريم :
الي كانوا يسولفون عن حمل شيخه والمفاجأة
ليان واهي تعقد حواجبها :من متى انشالله حامل
شيخه واهي تضحك :أمس حسيت بشي في بطني يعورني وكبدي تقلب وقلت لبدر يجيب تحليل وحللت والحمدالله
(تعريف بسيط )
بدر ولد خال شيخه أكبر منها بثلاث سنوات عمره ٢٦ ومالها الا سنه متزوج واهو عسكري وساكنه في بيت مستقل عن خالها
نجود بحماس :وش الجنس؟
ليان وعهد واهو يشاركون حماس نجود:ايي وشهو قولي
ام تركي:يغبيه انتي واهي ما يوضح من اول يوم يعني على الاقل ثلاث شهور
ليان:انتظر ثلاث شهور اوف
أم نايف:الحمدالله بننتظر ويمكن اقل وانشالله نسمع خبر ولدتك ببنتك او ولدك
والكل:امين
وكملو السوالف والضحك وترمس القهوه والشاهي تدور بينهم والحلويات واما عند الرجال الي يتعشون ويسولفون وكل واحد يقول وش وظيفته ويقول السلبيات ولا اجابيات
.............................
بعد نص ساعه
عند البنات واهم يسولفون ويضحكون :
عهد:لا احس مايصلح
شيخه :بالعكس يطلع احسنن واجمل
ليان :وش فرواله فوق الكيكه احس لا
نجود:لا انتي واهي احسن توت يطلع اجمل
بعد نقاش جلس دقيقتين عشان الشكل فوق الحلا :
عهد:انتي واهي فرواله لا بحط شكولاته
البنات :صح عليك بيي بيطلع احسن
أم نايف:بنت نجود....اخوك يرسل يقول مافيه احد في قسم الرجال شوفيه
نجود واهي تقوم :ابشري
وطلعت لقسم الرجال الي كان يفصل عن الحريم باب وراحت فتحته وطلعت راسها تشوف في احد بس مالقت احد وراحت تشمي  بخفيف عشان تسكر الباب الي يطلعك على المجلس الخارجي والحوش عشان تاخذ راحتها في القسم ويوم سكرت الباب الا تحس بنظرات شخص يوم لفت على المغسله حقت الرجال الا تشوف .....
....................................
معليش على التاخير اتمنى يعجبكم البارت حاولت اطول البارت بس عوافي قولي لي رايكم وتتوقعون مين شافت نجود!😋😋