بينِ رفوفّ الكتبَ وجدتِك

البارت الثالث والعشرين

كانوا طول الوقت اخوانها يحاولون يرجعون لها ذاكرتها و يسولفون لها عن حياتها وحياتهم وش صار لها وبعد ما جاء الظهر اطلعو للبيت عشان يرتاحون واهي ترتاح وبيرجعون على العشاء في ذا الوقت تو فارس يقوم وقوم بتال معه وعلى طول لبسو وطلعو وتحديداً في السياره :
بتال واهو يسوق :وين الوجهة
فارس:للمستشفى
بتال و اهو يلف معصب :وشهو للمستشفى على كيفيك اهو يا غبي ما يصلح والله ما يصلح البنت ما تحل لك خلاص وبعد متزوجة وتجي عندها افهم بتحط نفسك في مشاكل
فارس واهو يشوف الطريق :إذا كنت كذا واقف على جنب و نزلني اشوف لي احد يوديني
بتال واهو يبتسم :شدعوة معليك بوديك
وكان طول الوقت فارس ساكت و الهواجيس تلعب فيه
وبعدها بعشر دقايق اوصلوا على طول فارس و بتال اتجهو للممرضة:
فارس :السلام عليكم
الممرضة:وعليكم السلام
فارس :انا اخو المريضة نجود سلطان
الممرضه بستغرب :ليه مافيه يعرف
فارس بخوف على نجود :وش فيه
الممرضه:اختي نجود صحت اليوم الصباح وغرفة هناك واهي تأشر وتكمل واهي تلف على بتال :هذا مين اخو !!
بتال بارتباك:انا ..انا فرند فرند
الممرضة :فرند اها وكملت الممرضه بس اليوم كلو فيه عائلة اختي نجود
فارس واهو متوتر :يعني نجود قامت
الممرضة :ايوا
على طول اتجهو للغرفة قبل لا يدخل فارس
بتال واهو يمسك يديه :ترى تسوي ذنب تدري
دخل فارس وهو ما رد على بتال كان واقف عند المدخل بس مادخل عند نجود
فارس :نجود
كانت نجود جالسه ويوم سمعت الصوت استغربت ما عرفته وبديهي بتتغطى على بالها انه الدكتور
نجود :هلا
فارس وهو يبتسم :يالبى الصوت الي يرد الروح
نجود بستغرب :هااا
فارس وهو يرفع حاجبه : وش ليكون مب نجود
نجود :انت من انت مب الدكتور !!
فارس انصدم وما توقع ان نجود نسته :نجود كيف يعني نسيتيني افاا تنسين من حبك بكل روحه نجودد جوبييي تكفين لا تكسريني وتقولين انك ما تبني ولا تحبيني يعني اعجبتك حياتك مع هيثم
كانت نجود تسمع كلامه وتحس بتأنيب الضمير بس انها ماتذكر اي شي كانت تحاول تعرف من هو
نجود :كيف وش تقول وانت من أصلاً
فارس بكل حزن :انا فارس يا نجود فارس الي حبك وكان يبيك بس للاسف ضعتي منيي شكلك نسيتيني ونسيتي الوعد
اول ما سمعت نجود اسمه بدت تتذاكر بس راسها فجاء صدع وكانت تسمع له وتحاول تتذكر
فارس وهو يفتح الباب واهو مكسور وضايق :تدرين الله يوقفك ويسعدك مع هيثم واضح انك ماتعرفيني اصلاً كيف امداك تنسين حبناا للاسف
اني كنت غبي يوم جيت لعندك وطلع ..
عند نجود الي تذكرت فارس بعد الشين وتعبب ويوم جات بتتكلم طلع فارس وكان مايمديها تتحرك جلست تبكي وهي ضايقه ومقهورة:يالله تكفى يا فارس والله ما نسيتك ابداً والحببب الي بيننا تكفى يالله و الوعد والله ما انساكك
بدت تتذكر تدريجاً تذكرت فارس ومن بعدها حياتها بس مو كلها شوي عن نفسها وأخوانها
عند فارس الي طلع وهو ساكت
بتال بستغرب:فارس وش بلاك
فارس وهو يرفع راسه :تدري طلع كلامك كله صح وانا غبي والله
بتال :قل وش صار
ومشى جنب فارس وكان يحاول يطبطب عليه و ارجعو للبيت وكان بتال مستغرب من فارس انه يجهز اغراضه :
بتال :وش بتسوي الحين
فارس :برجع لاهلي وبقول لامي تخطب موضي لي
بتال واهو مصدوم : دقيقة فارس كذا على طول بتخطب موضي لا
فارس واهو يلف له :وش اسوي انااا طيب اهي ما تبيني وانا وقفت الدنيا كلها عشانها و اخر شي ما تذكرني ولا شي تخيل تقول لي من انت
بتال :مستحيل ذا انت قبل كم يوم تقول والله ما اخذ الا اهي
جلس فارس وتنهد :اول ما دخلت عندها سولفت واستغربت انها ما تكلمت وانصدمت يوم قالت لي من انت
بتال واهو يرفع حاجبه :كيف يعني
فارس واهو يضحك :ههههه مافهمت يعني نستني وإذا مافهمت يعني خلاصص ما فيه حببب انتهاء وطلع طول الوقت من طرف واحدد شفتتت كيفففف ما تعرفني خلاصص رحت من بالها
بتال :مستحيل كيف ونهاية كذا طيب والخاتم مستحيل تنساك
طلع فارس الخاتم واهو يتأمله :هذا اهو الخاتم الي يخليني اصبرر على كل شي
بتال واهو يعدل جلسته :اهم شي زواج من موضي لا تكفى
فارس :والله مدري وش بيصير بس تدري احس ان فيها شي
بتال :طيب اسمع ارجع لاهلك لانهم اكيد اشتاقو لك واتوقع كذا احتمال ان امك ما تغصبك مره ثانيه
جلس بتال يسولف على فارس يحاول يغير جوه
....................................................
بيت ابو نايف :
انتشر الخبر في البيت ان نجود فقدت الذاكره وكانت كلهم نفسياتهم زفت و قررو ان كلهم يرحون عشان نجود
كان ابونايف جالس في المجلس مع العيال و سياف
بس ضاربن له وادي كله هواجيس وندم على نجود ولا كان معهم في الجلسة ابداً
صقر واهو ينادي :يا عم سلطان
ابو نايف واهو يلف له :سم
صقر :سم الله عودك ترى الي تسبب لنجود وهيثم خذا عقوبته واهو في السجن
ابو نايف بضيق :اكيد انه من الملاحيق
صقر :اي ياعم عمره ما وصل العشرين
ابو نايف :الله يفك عوقهم و عوقنا
عند البنات :
عهد واهي تجلس :يووه تعبب
خولة :شهر كم شكلك في الاخير
عهد :اي شوي وبخلص الثامن وبدخل التاسع
خولة :معليه يلا ذهب الكثير وبقيا القليل
ملاذ واهي تدخل :ما راح ترحون معنا
عهد :لا انا مقدر والله ودي بس تعبانه ويالله اتحرك
ملاذ واهي تلبس نقابها :عذرك معك وانتي يا خولة
خولة :الا بروح بس وش الترتيب
ملاذ :عماتي قالو سيارتين واحده لعيال عمي سلطان ومعهم عمتي منيره و عمتي غدير وعمي سلطان والعيال للي بيروح
عهد واهي تشرب قهوة :يلا اطلعو لا يعصبون عليكم
وعلى طول اطلعو طبعاً حنين يوم عرفت كانت بتكنسل شهر العسل وبتجي بس حالفو عليها وكانت كل شوي تدق تشوف اخبارك نجود والبيت
وبعد ماوصلو ادخلو كلهم عندها كانت تشوفهم بس ماتعرف الا امها و ابوها لان الباقي توها ماتذكرهم
العمة منيره :اخبارك يانجود
نجود واهي تلف لامها :ذي من
ام نايف واهي تمسح دموعها :عمتك يا نجود عمتك
ملاذ واهي تلف هيفاء :ببكيي تكفينن
هيفاء واهي تمسه دموعها :وضعها يكسر الخاطر
ابو نايف بحزن :نجود تذكرتي شي
نجود واهي تجلس وتشوف الكل :تذكرت شوي بس مب كل شي
ام نايف واهي تبتسم :قولي يابنتي
نجود :تذكرت اخواني وتذكرت امي وابوي وزوجي
ابو نايف واهو يضرب العصاء في الارض بعصبيه :ماعندك زوج
العمة منيره واهي تشهق :يوو وش فيك يا اخوي
ابو نايف واهو يزفر من العصبيه :الرخمه طلقها ورجع لاهله
العمة نورة واهي تخفض صوتها :الله يهديك ذا كلام تقوله قدام البنات وقدمها
على طول طلعت ريهام تبي تغير جو ومنها تجيب لهم اكل
اول ماطلعت جلست تمشي ثم لحظات ان احد وراها :
سعد :على وين !
ريهام واهي تكمل المشي :مالك دخل
سعد واهو يمشي وراها :الا لي دخل وين بتروحين
ريهام واهي تلف عليه :يا خي خلاص بطلع امشي واجيب اكل
اول مالفت شاف عيونها الي تاخذ العقلل سحرته بجمال عيونها الحادة سعد في نفسه (اثقللل يا ولد سياف اثقلل) :خلاص بروح معك
ريهام واهي تمشي :طيب محد قال لك لا تجي
ابتسم واهو يقرب ويمشي معها بعدها بدقايق
ريهام :وش تخصصك!
سعد :تخصص تقنية حاسب
ريهام :واو حلووو
سعد واهو يبتسم :وانتي وش
ريهام :مصممة ازياء
سعد :يوه احس حوسه
ريهام :بالعكس حلوو
وبعدها ادخلت البقالة واشرت ماء و اشياء ثانيه ثم ارجعت لهم وكانت ارجعه كلها صمت
قبل لا تدخل ريهام
سعد :إذا تبين شي او تبون شي قولي لي
ريهام :تمام
ودخلت عليهم
ملاذ واهي تشوف الاغراض :ماشالله كان قلتي لي اروح اليمعك
ريهام واهي تضحك :قلت امشي واجيب لكم تغيرون جو
ملاذ واهي تقرب وتخفض صوتها :ترى اعرف 😏
بلعت ريقها ريهام و توترت وتوقعت ان ملاذ تراقبها وكملت ملاذ :عشان حليب شكولاته
اضحكت ريهام بارتباك :اوهه صحيح عشان حليب شكولاته
وجلسو مع نجود كانو يسولفون معها وكانت الدكتوره تجي تتأكد من حالتها وبنسه لهم عدت مرحلة الخطر لانها تذكرت شوي من حياتها ويعتبر حلووو
.......................................................................
عند تركي الي بدا يعزم لعرسه وكانت بطاقة دعوة لكل شخص وكان العرس يوم الجمعة وبدا التجهيزات كان يحتاج لفارس جداً بس فارس الى الحين ما رجع كان يشتغل ورفع جواله على اسم (قلبي هديل ) ابتسم واهو يرد :ارحبي
اضحكت هديل :البقى اخبارك حبيبي
تركي :يالبى الضحكه جعلها تدوم
هديل :بأذن الله بتدوم دامك معي يا حياتي
تركي:بأذن الله
هديل :وش تسوي الحين فاضي
تركي واهو يلف للعمال :خلاصص اسكتو ويكمل لهديل واضح لك اني مشغول عشان عرسنا
ابتسمت من خلف الجوال :هجل خلاص بسكر اخاف اخرب عليك ولا شي تبي شي
تركي واهو يضحك :سلامتك انتبهي على نفسك
سكرت وقامت تكمل اغراضها
..............................................
في بيت ابو تركي :
كانت ليان في الصالة تلعب مع بنت شيخه اسمعت صوت فتح باب وتوقعت انه عزوز بس يوم لفت انصدمت انه فارس :
ليان واهي مصدومه:فارس !!
ام تركي واهي تطلع بخوف :وش في فارسس وطلعت وشافته في الصاله اضحكت واهي تمسك دموعها:ما بغيت تجيي يا ولدي
فارس واهو يسلم عليها :اسف يايمه والله اسفف
ام تركي واهي تمسك يديه :انا الي اقول لك اسفه ضغطت عليك لاني كنت مضغوطه ومدري اصلاً وش كان فيني كنت اصلاً في ذيك الفترة عصبيه وبس اصارخ ومعرف وش اقول
فارس واهو يحب يدينها :انتي الغالية انتي نور البيت يا يمه
شيخه واهي تطلع من غرفتها وتشوف فارس :ارحبب يا الفارس ارحبب
ولف لها وسلم عليها وجاته على طول ليان وسملت عليه
فارس بستغرب :غريبه وين اخواني
شيخه :تركي من الحين يضبط عرسه وعزوز مع ابوي
فارس واهو يضرب راسه :اوففف نسيت السباق
اضحكت ام تركي واهي تمسح دموعها :انت همك سباقك واخوك همه عرسه
ضحك فارس ثم راح لغرفته اول مادخل غرفته على طول دخلت بعده ليان واهي تسكر الباب
فارس بستغرب :عسى ماشر !
ليان واهي تجلس:اخوي جايه اسولف معك
فارس واهو يجلس جنبها :صحيح
((شي مهم ترى محد يعرف عن النقاش الي صار بين
ام تركي وفارس الا بتال ))
ليان :ودي اروح للاسطبل من زمان عنه وانت تقول لي بتروحين ولا شفت شي
فارس:ابشري بتروحين بس الحين مقدر توني يبقى يومين تقريباً على السباق
ليان :يعني هجل بروح وقت السباق
فارس واهو يرفع حاجبه :اممممم بشوفف
ليان :تكفىى
فارس :خلاص من عيوني
ليان واهي تطلع :يالبىى الله يخليك لي ولنجودك😉😉
تغير مود فارس اول ما تذكرها واعطى ليان نظرة طلعت واهي خايفه منه اول ماطلعت قفل الباب وطاح على السرير :الله ياخذ الحببب صدق ان قالو الحب بلوى
ونام واهو تعبان جسديًا ونفسيًا ..
...............................................
في الصبح طلع واهو يرفع راسه للجو الي كله غيوم ومن الواضح بيجي مطر ابتسم و ركب السيارة متوجه للاسطبل لاخر تدريب له ...
وبعد ما وصل اتجه للميدان يشوف المتدربين وبعده اتجه لسهم وبدا يجهزه و اتجه للميدان ودخل كان السهم سريع وعلى طول يقفز من الحواجز وكانوا الباقين يصفقون له والمدرب واهو يضحك :ابداع ما شالله حلوو في مدة قصيره خلصتها كلها
ابتسم فارس:الحمدالله كله بفضل الله ثم فضلك لف فارس لدخول بتال بخيله الجدل كان ينافس سرعة السهم كان الجدل يقفز مع الحواجز وكان فارس مصدوم كيف تغير كان الجدل ما يقفز ومن زمان بتال تاركه وبعد ماخلص اتجه له
فارس واهو مصدوم :وش ذا الابداع
ابستم بتال :رايك بس تدري اني بدخل معك في السابق وطول الوقت اتدرب بس آبيه مفاجأة لك
فارس :اوفف منت سهل يا الجدل سريع ماشالله
وبداو يتدربون مع بعض كانت من افضل لحظات لهم
..............................................
بعده بيوم واهو يوم السباق كان الجو غيومم ويجيب العافيه كانوا كل المتسابقين حاضرين من بدري عند فارس و بتال الي يمشون بأكواب القهوة
بتال لفارس:شفف هناك
فارس واهو يلف :اوفف
بتال واهو يغمز 😉😉:خيرر وش اوففف قلل ليكون
ضحك فارس واهو يضربه مع كتفه :على شحم قصدي وش جابهم هنا عندنا انت الي لا يكونن
بتال :على كيفيك اكيد بيتسابقون معنا وبعدين بكيفهم
فارس واهو يتأمل الجو :خلاص اسكت شف الجو اجمل منك
بتال واهو يرفع حاجبه :والله وترى اجمل منك بعد انت اقول امش بس شوي ويبدا السباق
بدت المسابقة كان الحكم ينادي بكل واحد لين وصل
عند اسم فارس (المتسابق فارس بن سعود ال عقاب يتوجه الى الميدان )على طول ركب فارس السهم واهو يبتسم وكان بتال يعزز له اول ما قفز بدا المطر يمطر
فارس لسهم:يلا تقدر
وكان يقفز بسرعه جداً كان شكله واهو يقفز في المطر
رهيبب خطف الانظار بحركاته وكان اللكل متوتر بس يوم قفز القفزه الاخيره صارخ بعلى صوته المذيع (سواهاا سواها فارس قفز من الحواجز بسرعه في ذا الجوو رهيبب يا الفارس )
كانوا كلهم يصفقون له ابتسم واهو يرفع يدينه للمذيع بمعنى الشكر و اول ما طلع قررو انهم يأجلون السباق عشان المطر لسلامتهم
نزل فارس من السهم ونط عليه بتال واهو يضمه :كفووو والله انك افضل واحددد الفوزز لك
فارس واهو يبادره :بأذن الله لي ولك
بتال واهو يضحك:بأذن الله معليك
لف فارس واهو يدور بعيونه ليان وعزوز الموجودين جاه عزوز واهو يخوفه :بوووه
فارس بخوف:بسم الله
بتال واهو ميت ضحك :معليش بس ردت فعلك تصرع
ضحك عزوز واهو يلف لفارس :وش ذا حركاتك ابداع والله انك مبدع صدق ان قالو خيال
ليان واهي تجي جنبه :يا حظنا فيك
فارس واهو يبتسم ويلف لبتال ويشمق له 🙄: شف شف التحفيز
ليان واهي ترفع جوالها :بصور صورة يلا وقفو مع بعض بسرعه
بتال ليان :ينفع اجي ولا اخوان
ليان واهي تلف له:اخلص بس
فارس :يارجل انت اخوي واخو للكل
على طول جاء بتال وصورت ليان صوره جميله وذكرى حلوه وكان في النص فارس وعلى يمينه عزوز ويساره بتال
ليان واهي تشوف الصور و تتأملها :تعالو
عزوز واهو يشوف الصور :حلوه بس كأني شين
بتال واهو يضحك :أصلاً انت شين
عزوز واهو يرفع حاجبه :خف علينا يا المزيون
فارس :يلا الحين بيكملون السباق
وبعدها كملو السباق وما قبل الاخير كان بتال ودخل
با لجدل وبد يقفز بالحواجز خلصها كلها ثم طلع لفارس الي طاير من الفرحه له
فارس واهو يبتسم :والله انك رهيببب واضح ان انا وانت الي بنفوز
ليان واهي تمسك الجدل :يوه شكله معصب
بتال واهو ينزل من الجدل :اي وانا اقفز بغيت اطيح منه مدري وش جاه
فارس بستغرب :يمكن ما تعود عليك
بتال :مدري بس احس بسبب الحركة ذي يمكن ما افوز
عزوز :يا رجال خل عندك امل بتفوز معليك
وبعدها انتهاء السباق وجاء اعلان من الفايز وكان اللكل متوتر
المذيع :الفايز الاول في السباق لنادي الفروسيه...
الي ابدع رغم الظروف وصدمنا بقوة حماسه هوو
عزوز بتوتر :قلل لا توترنا
المذيع واهو يعلي صوته :فارس بن سعود ال عقاب
با لمركز الاول
نط بتال له واهو يضمه وبعد عزوز وكانت ليان توثق لحظه وكان الكل يصفق له واهو فرحان من زمان ما دخل سباق و اتجه ياخذ الجائزه واهو ميت من الفرح ويضحك وقف على المسرح المصغر ثم صور كم صوره وجا اعلان المركز الثاني
المذيع:المركز الثاني هو زيدان بن راشد ال سعد
لف بتال واهو حاقد عليه
اما عند زيدان لف واهو يضحك وكان مع اخوياه
ليان واهي تلف له :يع ما يستاهل
بتال :تشوفين
عزوز واهو يصفق له :مبروك مبروك
بتال واهو يلف له :يا الحبيب وش فيك مضيع
عزوز واهو يخفض صوته :يا الحبيب خل روحك رياضيه
ليان واهو تفرصه :خلك عاقل
عزوز واهو يتعور و يلمس مكان الفرصه :ابشري من عيوني مايستاهل الفوز
بتال ليان :كذا اعجبتني
ليان واهو تلف لزايدن :اسكت لهفك بعد انت
بتال واهو يلف :ابشري
اتجه زايدن ياخذ الجائزه اخذه وقف جنب فارس
زايدن لفارس :حلو انت فارس!
فارس واهو يلف له :اي عسى خير
زايدن واهو يبستم ويرفع راسه :الخير بوجهك
عند بتال الي كان عزوز يعطيه امل ان اسمه المركز الثالث واهو متحطم
ليان :ياخي تراك ازعجتني خلاص
بتال :اوف لهدرجة مزعج
قاطع كلامه كلام المذيع واهو يعلن المركز الاخير :والمركز الثالث والاخير هوو بتال بن هادي ال فيصل
فز بتال واهو منصدم وفرحان
عزوز واهو يضحك :شفتت قلت لك
اتجه بتال واهو يأخذ الجائزه
فارس واهو يضمه :مبروكك انا الاول وانت الثالث
بتال واهو ميت من الفرح :الحمدالله
زيدان واهو يبتسم :مبروك
بتال :الله يبارك فيك
وبعدها خذا كم صوره لذكرى ثم طلعو
بتال :اطلبو الي تبون بمناسبة الفوز
فارس :الغداء عليك
بتال :تمممم
حرفياً كان بتال بيموت من الفرح اخيراً فاز
...................................
كانت في ذي اليومين كلها تفكر في فارس وكانت ضايقة من المستشفى ودها لو تطلع وتتمشى بس ماتقدر زفرت بضيق واهي ترفع راسه لسقف وتمسح دموعها :
الله ياخذك يا هيثم الله لا يوقفك كسرتني وش اسوي الحين
دخلت النيرس تبي تشوف وضعها ويوم شافت نجود تبكي لفت له بخوف :وش فيك
نجود واهي تمسح دموعها :وش فيني كل الهموم فيني
النيرس واهي تقرب منها :معليك الله معك ويعرف كل شي ،بس في سؤال في بالي كان يجي رجال ويسأل عنك وبعدين يروح والحين ماعاد جاء
نجود واهي تلف مصدومه :وش كيف شكله
النيرس واهي تغير المغذي:طويل وماشالله جميل جداً
نجود :طيب وش اسوي في ذي الموصفات ماعرفت من
النيرس : ودي اخدمك زياده بس ما اذكر مره
نجود واهي تزفر بضيق :تمام مشكورة
جلست شوي الا ويندق الباب
نجود :من
ناصر من ورا الباب :انا ناصر جيت اشوف وضعك
نجود :وضعي زين تو النيرس تطلع مني
ناصر :زين تبين شي
نجود :متى بطلع
ناصر واهو يضحك :توك مطوله كأنك فهد
نجود :يوه الى متى
ناصر :مدري على حسب
نجود :يعطيك العافيه ماتقصر
طلع ناصر وكانت نجود تتمنى لو يجي فارس مره ثانيه وتشرح له وكانت متاكده أنه ماراح ينساها
اما عند فارس الي طلع يتغدا اهو وبتال وعزوز وبعده طلعو يتمشون بس كان في باله نجود وتذكر كلامه و
زفر بضيق فارس في نفسه (اهي ماتبيك لو تبيك كان
ما نستك )
بتال واهو يلف لفارس :وش فيك
فارس :معليك مافيني شي
بتال :متاكد !!
فارس :اي معليك وقاطعه صوت جواله ورفعه ورد وكان فهد :
فارس :بخير وانت
فهد :الحمدالله اسمع فاضي
فارس واهو يقوم ويعبد عنهم :اي عسى خير
فهد واهو يضحك :شف والله اني ضايق ودي اغير جو
فارس :ابشر الحين اجيك
فهد :كفوو والله كنت متوقع انك بترد لاني ارسلت للعيال ومحد رد كلهم مشغولين هجل تراني في البيت
فارس :الحين اجيك
وسكر فارس واهو يضحك (سبحان الله كلم حاولت ابعد عنك وعن اهلك عشان ماتذكرت يصير عكس )
و قال للعيال انه مشغول وراح لفهد
وبعدها بربع ساعه :
فارس لفهد :اطلع
فهد :يلا الحين جاي
وطلع فهد واهو في يده كوبين شاهي
فارس واهو يفتح الباب له :ليه تكلف على نفسك
فهد واهو يركب :امي حلفت علي تقول ماتطلع لا ومعك شاهي
فارس واهو يشربه :حلوو عاد افضل الحبق عن النعناع
فهد :انا كلهم
وجلسو يسولفون على بال مايوصلون الى الوجهه
ادخلو المكان كان هادي جداً و راقي جلسو في الدور المكشوف على طاولة وطلب فارس قهوة وحلا :
فهد واهو يرفع راسه للجو :يخي سبحان الله احس كل الي صار حلم
فارس بستغرب :قصدك من !
فهد واهو يلف له :الي صار في نجود ماتدري كيف صار و قبل لا يصير الحادث جايه تودعني شي غريب جداً وابوي متغير اخخ بس
كان فارس يحاول يربط المواضيع
فهد واهو يشرب القهوة :ههه كتمتك بكلامي
فارس واهو يضحك :لا معليك كمل
فهد :فارس بسألك
فارس واهو يلف له :أسال وش
فهد :هل قد حبيت ؟
تغيرت ملامح فارس وتذكر نجود على طول لف بتوتر :
ها لا
فهد :حتى انت ماتحب
فارس :وش طاري السؤال الحين
فهد :من زمان وانا افكر هل الحب اسم يعني بس قدام الناس اني احب ولا في حب صادق بس الى الحين ماشفت حب صادق
فارس :لا لا في حب صادق وترى في ناس يحبون بس يفضلون يحتفظون فيه و ما يقولون لحد
فهد :اقنعتني الصراحه
و كملوا سوالف وبعدها بساعه وتحديداً في السياره:
فارس واهو متردد :فهد بسألك بس
فهد وهو يلف له :بس وش
فارس :احسك بتفهمني غلط
فهد :يا خي قل ترا كأنك اخوي وكل ذا السوالف واخر شي منحرج مني تكلم
فارس :نجود وش فيها !
فهد وهو يلف له بستغرب :نجود اختي
فارس وهو يبلع ريقه :اي بس فضول ترى مب لازم تقول لي
فهد وهو يضحك :وش فيك خايف ههههههه بقول لك
فارس :انت خوفتني
وقال له فهد كل السالفة كان فارس مصدوم ولا توقع ان كل ذا صار لها وانه فقدة الذاكره هنا حس بتأنيب ضمير مره وكان يقول (انت الي سحبت عليها وقت الشدة وقت التعب اهي كانت تحتاجك )
فارس :الله يعافيها يارب
فهد واهو ينزل :اللهم امين تبي شي
فارس :سلامتك يا الغالي وكلم بغيت شي دق علي واجي
فهد :ماتقصر
وعلى طول من نزل فهد اتجه فارس للمستشفى بس ماراح يدينه فاضيه اشتر بقة ورد وكتب رساله لها واول مادخل المستشفى قرر انه ما يكلم نجود وراح اعطى النيرس وطلع ...
.............................
عند نجود :
الي كانت تشوف التلفزيون تلهي نفسها وسمعت الباب يندق :
نجود :من
النيرس وهي تدخل :في هدية لك
نجود واهي تبتسم اخيراً في شي يغير مودها :عطني اشوف
النيرس :هذي اهي
نجود بستغرب:من الي عطاك ؟
النيرس :ماقال اسمه
نجود واهو تقرب الورده وتشمها :ريحتها تفتح النفسس
ولفت واهي تاخذ الرسالة وجلست تقرها :
السلام عليكم اخبارك يا الغلا كله عسى كل الاوجاع فيني ولا فيك واسف كنت ماعرف ان كل ذا صار لك بس اسمعي يا الغلا ترى بعد ما تطلعين من المستشفى بخطبك رسمياً وغصب عن الكل والي ما يرضى بيرضى
كل يوم يزيد الشوق واسف على الكلام الي قلته لك قبل
من الفارس ❤️❤️ .
عند نجود واهي تقرا الرسالة كانت تبتسم وابتسمت اكثر يوم قرت(بخطبك رسمياً وغصب عن الكل )غطت وجها بالورده وضحكت :ماتوصلل ههههههه
ويوم خلصت الرساله جلست تتأمل الورد الاحمر وتفكر في كلامه
.....................................
السلام عليكم اخباركم معليش عن التاخير بمناسبة اليوم الوطني نزلت لكم بارت اهم شي رايكم