وفاء قامت من جنب منار ، وقالت :
- منار. ده كلام شنو البتقولي فيهو ده
- زي ماسمعتي ، لو البشر ديل بظلمو و بيأذو و بدمرو بعض كده فأنا لا يمكن أكون زيهم و لا يشرفني أكون إنسان....
وفاء اتنفست براحة وقالت :
- أوففف كده فهمتك خوفتيني ياخ .. يلا أنا طالعة ، حأحضر المحاضرة الأولى و أجيك
- لا أنا كويسة ماتشيلي همي... كملي اليوم براحتك
....
في ساحة الجامعة،،،
- أوووو الجكس جاي علييك و شكلو زعلان....
طارق اتلفت و كشر لمن شاف نهى وقال لأصحابو :
- ده يوم شنو ده البادي كده من أولو
- و انت الجابرك عليها شنو ياخي
- اشش اشش جات خلاص
نهى وقفت و كتفت يدينها وقالت :
- طارق... عاوزاك.... حالا
أصحابو طوالي انسحبو و مشو ، وهو قال :
- في شنو مالك جاية مادة لي خشمك شبرين
- يعني ماعارف في شنووو؟؟؟؟؟ و لا قايلني حأفوت ليك العملتو مع السنيورة.... أنا يا طارق ؟؟؟ أنا تخونني ؟؟؟ و مع منووو ؟؟؟ مع منار؟؟؟؟ مالقيت غيرها ؟؟؟؟
- خلاص نشوف غيرها ولا يهمك هههه
- إنت حتهظر؟؟؟؟
- ياستي انتي براك مكبرة الموضوع ، و مافاهمة شي
- طيب فهمني
طارق حك راسو بحيرة و ماعرف كيف يطلع من المأزق ده ، بس لقى نفسو بقول :
- الحكاية إنو في واحد صحبي عينو على البت دي ، و.. و.. وهي ما مدياهو فرصة و أنا بدردق ليهو فيها...
- عينو عليها كيف يعني
غمز و قال ؛:
- يعني.... دي حاجات خاصة ما حنتدخل للولد... بس صحبي و لازم اقيف معاهو
- و انت قايلها سهلة ؟ دي متوحشة و مجرمة
- عشان كده انا بساعدو.. لأنها ماساهلة
نهى ابتسمت بمكر و قالت :
- يا سلام لو قدرتو توقعوها.. ده انا حافضحها فضيحة...
سرحت شوية و فجأة قالت بحماس :
- أنا ممكن أساعدكم... هو صحبك ده اسمو منو اكيد بعرفو
- لا يانهى دي خصوصيات ناس... و ما أنا البطلع أسرار أصحابي... إنتي بس ظبطي لي.... قصدي... ظبطي ليهو المزة و بعد داك هو بطريقتو معاها....
- تمام... اعتبر منار من حسي في إيد صحبك....
...
..
