Sakamakon kauna.

2

Karamci Writer's Association
(Karamci shi ne tushen mu'amala tagari)

              Sakamakon K'auna!

               Na

          Khairat UP.

*
FANCIABLE CREATION*
_sun zo muku da hajar zannuwan gado domin gyaran gadon ki._ _Ina Uwargida ina Amarya? Wannan damar taki ce a ajiye tsoffin zanin gado a siyo sabo domin burge maigida ga kyau ga laushi , Hajju za ki samu duk wannan ne a rahusa mai sauk'i._ _Sai an gwada a kan san na k'warai_
*Domin Samun wayanan kayan adon.*
👇👇👇👇👇👇
Quilt(duvet)*
*Plain bedsheets* *( 2pillowcase & 4pillow case)*
*Half set*
*Throw pillows*
*Curtains*
E.t.c
_Za ki iya tuntubar wannan layin._
👇👇👇👇👇👇.
08031534014.

_Domin tallata hajar ki za ki iya tuntubar wann number.
     09065856251.

*

                  Pg 2

"kan ya koma gida sai da ya sai musu balangu da lemo mai sanyi ya tafi da shi dan ya faranta mata."

Ko da ya koma gidan ya san tana jin karar mashin din shi amma tayi mirsisi ta dauke kai taki bude masa kofar Allah Ya so yana da na shi mukullin.Ya sa mukulin ya bude kofar ya shiga ya gyara zaman mashin din ya daure ya danne bacin ransa ya soma kiran sunan ta.

"Su'ad! Su'ad!."
Tana ciki tana jin shi tsaf ta d'auke kai tana karkad'a kafafuwan ta.

Ciki ya shiga ya ganta a falo a zaune fuskar nan cike da masifa tana mishi kallon banza da wofi.

"Salamu alaikum."
    "Wa'alaikum salam." Ta fadi had'e da dauke fuskarta.

"Dan bani ruwa in sha."

"Ni? Ai ka san mai ka sai wa kan ka ni dai ni Su'ad ni za ka yi wa danyen kai toh baka isa ka manna min hauka ba sai dai ni na manna maka Wallahi ni za ka yi wa wulakanci? Kai din me kudin kan me ni dai ba wata tsiya ka ke min ba balle ka ce toh ka saurare ni yau ni da kai a gidan nan alo tsiya alo danja."

"Zauna mu yi magana Su'ad ba abin fad'a ba ne ni ne fa Aliyun ki bai kamata ki dinga gaya min duk irin maganganun da ki ka ga dama ba kin san ina son ki kuma ina kokarin ganin na yi miki abin da ki ke so, ina kokarin wadata ki da komai amma me yasa kike nuna min gazawata?."

"Dadin bakin ka ya daina yin tasiri a kai na ka ji ko? To ka saurare ni da kyau mu dai bazamu ji kunya ba dan baka yi min ba Allah bazai hanani ba , a takaice dai ka shirya karshen watan nan zaka bada kudin da na aro na yi ankon dubu dari cas ba dadi ba ragi kar ma ka ce ban gaya ma ba."

Mamaki ne ya cika fuskarshi anya ko yarinyar nan ta san abin da take yi kuwa? Dubu dari kuma a ina zai samota a karshen wata? .

"Ka yi shiru ko ba zaka biya ba ne? Ni fa kwanciyar hankali na da kai ka amsa biyan kudin nan kai ko baka amsa ba sai ka biya dan a karkashin ka nake, komai nawa a kan ka yake ehe."

"Dubu dari fa kika ce? Kin san me dubu dari? Kin san abin da zata yi mana a wani watan? Ko kin san jari ne guda wannan dubu darin a wurina? Gaskiya bazan biya ba ki maida musu kudinsu ko kuma ki san yadda za ki biyasu."

"Eh lallai wai yau ni nake fad'a kana fad'a ko ka manta wace a gaban ka?." Ta fad'a ta na nuna kan ta.

"Ke wace? Nace ke wace? Naga so kike yi ki maida ni wani gaula ban san abin da nake yi ba ko? Toh ki ji ni da kyau ni Aliyu bazan biya wannan kudin ba ina jiran sakamako." Shigewa ya yi d'aki cike da bacin rai.

Ita ko hankalinta tashi ya yi yau Aliyu ke yi mata haka ? Ihu fa yayi mata kuma yace bazai yi ba tab di akwai matsala tabbas.

*