The Misplaced Teddy || TK

CHAPTER 28

නම්ජුන් ඇහැරලා තමන්ගෙ පපුව උඩ ගුළි වෙලා ඉන්න යුකීගෙ ඔලුවත් අතගාලා ඇඳේ තමන්ගෙ එහා පැත්ත බැලුවාම දැක්කෙ ඇඳ මිට්ටමට හේත්තු වෙලා තමන්ගෙ අත දිහා බලාගෙන හිනාවෙන ජින්ව....

"මූන්?"

"ඔහ් ගුඩ් මෝනින් ජුනී....ඔයා දැන්ද ඇහැරුණේ?"
යුකී නිසා තවම හාන්සි වෙලා ඉන්න නම්ජුන්ගෙ නළලට පුංචි හාදුවක් දීලා ජින් හිනාවුණා....

"ඔයා මොකක්ද බල බල හිටියෙ දැන් මූන්?"
නම්ජුන් අහද්දි ජින් ඇඳේ ටිකක් ඇල වෙලා නම්ජුන් දිහාට නැමුණා....

"මේ බලන්නකො ජුනී...මේක ගෙනාවෙ අපෙ යුංගිනෙ....එතකොට මේක ගෙනාවෙ ජිමින්...ඒත් මේ බලන්නකො..."

ජින් මුලින් ම යුංගි ගෙනාව රෝස් ගෝල්ඩ් රවුම් පෙන්ඩන්ට් එක මෙට්ටෙ උඩින් තිබ්බා.....ඒකෙ උඩ කෙළවරට වෙන්න පුංචි හදවතක් හැඩේ හිඩැසක් තිබුණා....වටේ තද රෝස පාට වුණ රවුමෙ මැදට එද්දී රෝස පාට අඩු වෙලා  සුදට හුරු වෙලා තිබුණා.....ඊට පස්සෙ ජිමින් දුන්න බ්‍රේස්ලට් එකේ පෙන්ඩන්ට් එක වුණ සුදු රත්තරන් වලින් හදපු පුංචි හදවත ඒක උඩින් තිබ්බාම ඒක අර සිදුරට හරියට ම ගැලපිලා ඒක සම්පූර්ණ වුණා....

ඒක දැක්කාම නම්ජුන්ට හිනා ගියා....

"අවුරුද්දකින් දැකලාවත් නැති මිනිස්සු දෙන්නා දෙතැනකින් තෝරපු දේත් හරියට ම ගැළපෙනවා....ඇයි මන්දා මුන් දෙන්නට සතුටෙන් ඉන්න බැරි...."
නම්ජුන් රවාගෙන කියද්දි ජින් නම්ජුන්ගෙ බාහුවකට ඔලුව තියාගෙන ආයෙමත් අඳෙන් හාන්සි වුණා....

"මේ වතාවෙ මම ජිමින්ට යන්න දෙන්නෑ ජුනී....යුංගි විඳෙව්වා ඇති.... ජිමින් දුක් වින්දාත් ඇති....ඒ දෙන්නා කතා කරලා දෙයක් කර ගත්තෙ නැත්නම් අනිවාර්යයෙන් ම ජිමින් එක්ක කතා කරනවා..."

නම්ජුන් ජින්ගෙ නළලට හාදුවක් දීලා එක අතකින් යුකීවත් අනිත් අතින් ජින්වත් බදාගෙන ඇස්පියා ගත්තෙ තාම උදේ පාන්දර නිසා....

.
.
.
.
.
.
.
.
.

ඇඳ මිට්ටමට හේත්තු කරලා තිබුණ කොට්ටෙට පිට දීලා බිත්තියට ඔලුව හේත්තු කරගෙන හිටිය ජිමින්ගෙ රෝස පාට තොල් දෙක නින්දෙන් උල්වෙලා තිබුණා...ජිම්න්ගෙ කකුල් දෙක අතරින් හාන්සි වෙලා ජිමින්ගෙ යන්තමට ඇබ්ස් පේන බඩට කම්මුලක් තද කරගෙන හිටිය යුංගිගෙ අත් දෙක ජිමින්ගෙ ඉණ වටේ එතිලා තිබුණා... ජිමින්ගෙ එක අතක් යුංගිගෙ උරහිසේ රැඳිලා තියෙද්දී අනිත් අත යුංගිගෙ අවුල් වුණ තද කළු හිසකෙස් අතරෙ හැංගිලා ගිහින් තිබුණා....