The Misplaced Teddy || TK

CHAPTER 06

තරු පන්තියේ අවන්හලක ධනපති පන්තියට වෙන් කරලා තිබුණ එළිමහන් මේසයක ගෑණු ළමයි දෙන්නෙක් එක්ක වාඩි වෙලා හිටිය හෙසෝක් අත වැනුවේ ඈතින් එන තමන්ගෙ හොඳ ම යාළුවා මින් යුංගිට..

"මොකද දැන් උඹ එන්න කීවෙ මට?"

යුංගි අතේ තිබුණ ෆුල්ෆේස් හෙල්මට් එක මේසෙ උඩ තියන ගමන් ඇහැව්වෙ හෙසෝක් යුංගිට අත වනලා ආයෙමත් කලින් විදියටම හිනාවෙලා ළඟ ඉන්න ගෑණු ළමයි දෙන්නා එක්ක කතා කරන්න පටන් ගත්ත නිසා....

"ආහ්....උඹට අඳුන්නල දෙන්න කෙනෙක් ඉන්නවා....ඒකයි එන්න කීවෙ....මොකද්ද බං රෙද්දක් ඇඳන් වරෙන්කො හරියට....මහ ලොකු බ්‍රෑන්ඩඩ් ටෙක්ස්ටයිල් එකක අයිතිකාරයා....බැලුවොත් ඔය ලදරම ඇඳන් ඉන්නෙ...."

හෙසෝක් යුංගිගෙ දැන් අවුරුදු තුනක විතර ඉඳලා කැමති ම ශර්ට් එකට ඇනුම්පද කියද්දී යුංගිට ටිකක් විතර කේන්ති ගියා...ඒත් යුංගි දන්නවා හෙසෝක් එහෙම කරන්න හේතුව...ඒ නිසා යුංගි තීරණය කළා ඒක නොසලකා ඉන්න...

"හරි හරි ඉතින්....උඹ මට මඟුලක් තීන්දු කරන්න නෙවෙයි නෙ එන්න කීවෙ...."

ඒ වෙලාවෙ හෙසෝක්ගෙ මූණෙ ඇඳුණ සෙල්ලක්කාර හිනාව ඇල්ලුවෙ නැති නිසා යුංගි රවලා බැලුවත් හෙසෝක් උරහිස් අකුළලා හිනාවෙලා යුංගිට පිටිපස්සෙන් ඉන්න කාටහරි අත වැනුවා....යුංගි උරහිසට උඩින් පිටිපස්ස බැලුවේ තමන්ගෙ හොඳම යාළුවා මේ වතාවෙ අර අදින්නෙ මොකකට ද කියලා බලන්න....

යුංගි දැක්කෙ ටිකක් ඈත ඉඳන් හිනා වෙවී තමන් ඉන්න පැත්තට ඇවිදගෙන එන තරුණියක්... අනිවාර්යයෙන්ම වයස විසිපහකට අඩුයි කියලා පේන ගෑණු ළමයා ඇඳගෙන හිටිය තනි කළු පාට කොට ගවුම නිසා කෙල්ලගෙ හීන් කකුල් දෙක කැපිලා පෙනුණා වගේ ම අවන්හලේ දැල්විලා තිබුණ රතු පාට විදුලි බුබුළු නිසා ඒවා රෝස පාටට පෙනුණා....ඇඟට ඇලුණ කළු පාට ගවුමට කෙල්ලෙගෙ ඇඟේ හැඩය හොඳින් ම කැපිලා පෙනුණා.... නිරාවරණය වෙලා තිබුණ උරහිස් මතින් කෙල්ලගෙ තද කළු පාට කැරලි කොණ්ඩෙ ලස්සනට විසිරිලා තිබුණා....යුංගිව පහු කරගෙන නැඟිටලා ඉන්න හෙසෝක් ළඟට ගිය කෙල්ල හෙසෝක්ට හග් එකක් දුන්නා...හෙසෝක් මොනවාහරි කිව්වා ම ආපහු හැරිලා බැලුව කෙල්ලගෙ ආමන්ඩ් හැඩ තද කළු ඇස් දෙක තව ටිකක් ලොකු වුණේ වාඩිවෙලා කිසිම විශේෂත්වයක් නැතිව වාගෙ බලාගෙන ඉන්න යුංගිව දැකලා.....