The Misplaced Teddy || TK

CHAPTER 21

One week later

බේස්මන්ට් එකේ තමන් ගැන ඔත්තුවක් දුන්න කොල්ලෙක්ට දස වධ දීලා ඇඳගෙන හිටිය සුදුපාට ශර්ට් එක ලේ වලින් නෑවිලා තියෙද්දිම ජන්කුක්ගෙ අත් දෙකත් ලේවලට ම පෙඟිලා තිබුණා....ජන්කුක් හිටියෙ පුළුවන් උපරිමට කේන්ති ගිහිල්ලා....ජන්කුක්ට ඕනා වුණේ පුළුවන් ඉක්මනට ටේහ්‍යුන් ළඟට යන්න....එදා ජින් ටේහ්‍යුන්ට බෙහෙත් කරලා ගතවුණ සති තුනට ජන්කුක්ට තේරුණා ටේහ්‍යුන් ළඟ තමන්ට අමුතු සැනසීමක් දැනෙන බව.... ඒකට හේතුව නොදන්නවා වුණාට ජන්කුක් කලබල වෙන හැම වෙලාවක ම උත්සාහ කළේ ටේහ්‍යුන් ළඟට යන්න.... බේස්මන්ට් එකේ ඉඳලා ම තරහට වෙව්ල වෙව්ල ආව ජන්කුක් දුරතියා ම දැක්කා ජිමින් හෙසෝක් එක්ක කොහෙදෝ යන විදිහ.... ප්‍රධාන දොර පැත්ත බලාගෙන ආව ජන්කුක් හරි සිහියට ආවෙ තමන්ගෙ ඇඟේ හැපිලා කවුරුහරි වැටුණ නිසා....

තමන්ගෙ කකුල් දෙක ළඟ වැටිලා වෙව්ල වෙව්ල ඉන්න එයාගෙ ඩෝල් ව දැක්කාම ජන්කුක්ගෙ කේන්තිය පාලනය කර ගන්න ජන්කුක්ට බැරි වුණා.....ජන්කුක්ට තේරුණ එකම දේ තමන්ගෙ ඩෝල් තමන්ව දාලා පැනලා යන්න හැදුවා කියන එක....ඒ සිතුවිල්ල ටේහ්‍යුන් ඉස්සරහ මේ තරම් දවසක් නිදාගෙන හිටිය ජන්කුක්ගෙ රාක්ෂයාව ආයෙත් වියරු වැට්ටුවා....

"තමුසෙ?"
බිම වැටිලා ඉන්න දියෙන් ගොඩ දාපු මාළුවෙක් වාගෙ ගැහෙන ටේහ්‍යුන්ගෙ වැලමිටකින් අලංලලා තනි අතින් ටේහ්‍යුන්ව නැඟිට්ටුව ජන්කුක් දත්මිටි කාගෙන කියද්දී ටේහ්‍යුන්ගෙ ඇස් තදට පියවුණේ කම්මුල් දිගේ කඳුළු වැල් කඩාගෙන හැලෙන්න දීලා.....

"මූට එළියට එන්න දොර ඇරලා දීපු එකා අරගෙන වරෙන් මෙතනට..."
තමන්ට පිටිපස්සෙන් සද්ද නැතිව හිටගෙන ඉන්න කවින්ට කීව ජන්කුක් ටේහ්‍යුන්ව ළඟ තිබුණ සෝෆාවට තල්ලු කරලා දුම්වැටියක් දල්වගෙන තමන්ගෙ ආරක්ෂකයෙක්ට ඇමතුමක් දුන්නා....

ටිකකින් ජන්කුක් ඉස්සරහ හිටගෙන හිටියෙ ජියෝන් මැන්ශන් එකේ ජන්කුක්ගෙ අප්පා ඉන්න කාලෙ ඉඳලම වැඩ කරපු මේඩ් කෙනෙක් වුණ මිස් යන්ග්....මැදිවිය ඉක්මවලා හිටිය අවිවාහක කාන්තාවක් වුණ ඇය මුළු ජීවිතය ම කැප කරලා තිබුණෙ ජන්කුක් වෙනුවෙන් වුණත් මේ වෙලාවෙ ජන්කුක්ට පෙනුණෙ තමන් ඉස්සරහ හිටගෙන ඉන්න මනුස්සයා නිසා තමන්ගෙ ඩෝල්ව තමන්ට නැති වෙන්න ගියා කියලා විතරයි