The Misplaced Teddy || TK

CHAPTER 22

කළුවර ගුහාවක දුවන ගමන් හිටිය ජන්කුක් දැක්කෙ ගුහාව කෙළවරේ තිබුණ ආලෝකයක්...පුළුවන් තරම් වේගෙන් ඒ පැත්තට දිව්ව ජන්කුක් ගෙ කකුල් දෙක එකපාර නතර වුණේ ජන්කුක් ඒ තැන අඳුර ගත්ත නිසා...

ඒ...ඒ කාලෙකට කලින් පිච්චිලා ගිය එයාගෙ අප්පාගෙ ෆැක්ට්‍රි එකක්...වටපිට බැලුව ජන්කුක් දැක්කෙ එක උඩ ගහලා තියෙන ටයර් ගොඩක් පිටිපස්සට වෙලා ගුළි වෙලා අඬන අවුරුදු පහක විතර පුංචි ජන්කුක් ව....

ඊට ටිකක් එහායින් හිටියෙ තනි කළු ඇඳගත්ත හැඩිදැඩි පිරිමි කෙනෙක් ළඟ දණින් වැටිලා ඒ පුද්ගලයගෙ කකුල් දෙක අල්ලගෙන අඬා වැටෙන තරුණයි කියලා බැලූබැල්මට පේන කාන්තාවක්...ඒ කාන්තාව අර පිරිමියට මොනවදෝ කියකියා අඬාවැටුණත් ඔහු ඒ බවක් ගනන් ගත්ත සේයාවක්වත් තිබුණෙ නෑ....තමන්ගෙ කකුලෙ එල්ලිලා ඉන්න කාන්තාවට පයින් ගැහුව ඔහු හැංගිලා ඉන්න ජන්කුක් ළඟට ආවා...

"කෝ බලන්න...ප්‍රින්ස් ජියෝන් එන්න එළියට...මොකද මේ හැංගිලා..."
පුංචි ජන්කුක්ගෙ අතින් ඇදලා ගත්ත ඔහු ජන්කුක්ව බිම වැටිල හිටිය කාන්තාව ළඟට තල්ලු කරද්දී ඇය ජන්කුක්ව තුරුල් කරගත්තෙ තමන් ඉස්සරහ ඉන්න තිරිසනුන්ගෙන් තමන්ගෙ දරුව ව හංග ගන්න වාගෙ....

"ජියෝන් ඉන්හා!...මං අවුරුදු ගානක් ඉවසුවා උඹව මගෙ ළඟට ගන්න...මල්ලිගෙ යාළුවෙක් නිසා මං උඹට රිද්දන්නෙ නැතිව ළඟට ගන්න ගොඩක් ඉවසුවා...ඒත් උඹ....උඹ තේරුවෙ ජියෝන් ව....දැන් ඌට උඹ වාගෙ ම දරුවෙකුත් දීලා....සතුටෙන් හිටියද ඉතින් උඹලා...ආආ?"

ඒ පුද්ගලයා වියරුවෙන් වාගෙ කියව කියව ඉන්හා වටේ ඇවිදිද්දි ඉන්හා ජන්කුක්ව පපුවට තුරුල් කරගෙන එක අතකින් ජන්කුක්ට මේ දේවල් නෑහෙන්න ජන්කුක්ගෙ කන් දෙක වහන්න තේරුමක් නැති මහන්සියක් ගත්තා....

"අද....අදත් උඹෙ කුමාරයා එයි උඹව බේරගන්න....හැබැයි...මං ඌව අද මගෙ ඉස්සරහ දණගස්සනවා....උගෙ හැමදේම විනාස කරනවා... හ්හහ්හාආ!"

තනියම අත්පුඩි ගගහා හිනාවෙන ඒ උමතු මනුස්සයා දිහා බලාගෙන ජන්කුක් කල්පනා කළේ හැමෝම ගොඩක් ගරු කරන එයාගෙ සුපර් හීරෝ අප්පාව දණ ගස්සන්න මේ මනුස්සයට කරන්න පුළුවන් මොනවද කියලා....