The Misplaced Teddy || TK

CHAPTER 34

උදේ පාන්දර ම යුංගි හිටියෙ හෙට ඉන්චෙන් වල තියෙන රැස්වීමට අද හවස ජන්කුක් එක්ක පිටත් වෙන්න ඕනා කරන දේවල් සූදානම් කරන ගමන්.....යුංගිට ජිමින් දොර ඇරගෙන ඇතුලට එනවා ඇහුණත් ජිමින් තවම කතා නොකළ එක යුංගිට ප්‍රශ්නයක් වුණා....ජිමින් කියන්නෙ සාමාන්‍යයෙන් නිහඬ කෙනෙක් නෙවෙයි..... විශේෂයෙන් ම යුංගි ළඟදි ජිමින් කියන්නෙ තොරතෝංචියක් නැතිව කියවන කෙනෙක්....ගෙනියන්න ඕන අන්තිම ලියකියවිලි ටිකත් ආයෙමත් සැරයක් බලලා බෑග් එකට දාලා බෑග් එක වැහුව යුංගි ආපහු හැරෙන්න හැදුවත් ජිමින්ගෙ පුංචි අත් දෙක තමන්ගෙ බඳ වටේ එතෙද්දි යුංගිට හිනා ගියා....

"මොකෝ සද්ද නැත්තෙ ම්ම්?"
යුංගි තමන්ගෙ උරහිසට හේත්තු කරගෙන ඉන්න ජිමින්ගෙ ඔලුව යන්තමට අතගාලා කොණ්ඩෙ අවුල් කරන ගමන් ඇහුවත් ජිමින් කළේ නිහඬව ම යුංගිගෙ පිටේ නහය අතුල්ලන ගමන නොතේරෙන්න මොනවාදෝ මිමිණුව එක.....

" කෝ බලන්න....මොකද්ද වෙලා තියෙන්නේ දැන්?"
යුංගි මේසෙට පිටුපාලා හිටගෙන ජිමින්ගෙ කම්මුල් දෙකට අත් දෙක තියලා බිමට බරවෙලා තිබුණ මූණ උඩට ඉස්සුවා....ජිමින්ගෙ ඇස්වලට යන්තමට කඳුළු ඇවිල්ලා....ඒකම ඇති වුණා යුංගිව කලබල කරන්න.....

"ඇයි මේ? ජිමින් මොකද මේ කඳුළු? ඔයාට සනීප නැද්ද? මං හිත රිදෙබ්ම්න-"
යුංගිට ඊට එහා කිසි දෙයක් කියන්න වුණෙ නැත්තෙ ජිමින් යුංගිගෙ තොල් උඩින් තොල් තිබ්බ නිසා.... ජිමින් කිසිම දෙයක් නොකියා තමන්ව සිප ගනිද්දී එකපාර වුණ දෙයින් යුංගි පුදුම වූණත් ජිමින්ගෙ කම්මුල් දිගේ කඳුළු බේරෙනවා දැක්කාම යුංගි ජිමින් ව ටිකක් ඈත් කරලා ජිමින්ගෙ මූණට එබුණා....

"මට මුලින් ම කියන්න ඇයි අඬන්නෙ කියලා මල...කවුද ඔයාව ඇඬෙව්වේ? ඔයා හොඳින් ද?"

යුංගි හරි පරිස්සමට ජිමින්ගෙ කඳුළු පිහදාද්දි ජිමින් තමන් හොඳින් නෙවෙයි කියලා කියන්න ඔලුව වනලා යුංගිට තුරුල් වුණා....

"ම්-මං කැමති නෑ....ඔ-ඔයා හවස යනව-ට....ම්-මට බ-බයයි...."
ජිමින් යුංගි ඇදගෙන හිටිය කළු පාට අත් කොට කම්සෙ උඩින් ම යුංගිගෙ පපුවෙ ඇඟිල්ලෙන් තමන්ගෙ නම ලියන ගමන් බිම බලාගෙන කියද්දි යුංගිට හිනා ගියා....