The Misplaced Teddy || TK

CHAPTER 25

One Week later

ජින් මේඩ්ස්ලව යවලා කිචන් එකට වෙලා උදේ කෑම ලෑස්ති කර කර ඉද්දි ජන්කුක් කිචන් අයිලන්ඩ් එක උඩ වාඩිවෙලා කකුල් දෙක පද්ද පද්ද කැරට් අලයක් හපන ගමන් හිටියා....ජන්කුක්ගෙ වෙළුම් දාපු අත තෙමෙන්නෙ නැති වෙන්න උකුල උඩ තියාගෙන ජන්කුක් ජින් කෑම හදන දිහා බලාගෙන හිටියා....

ඔව්....එදා නම්ජුන් ජන්කුක්ගෙ කාමරේ දොර කඩලා ඇතුළට යද්දී ජින්කුක් වොෂ්රූම් එක ඇතුලෙ සිහි නැතිව වැටිලා හිටියා....ඒ වෙලාවෙ ඉඳලා ජින් යුකීව වාගෙ ම ජන්කුක්වත් පොඩි දරුවෙක් වාගෙ බලාගත්තා..... ගෙවුණ සතියට ජන්කුක් හිටියට වඩා මෘදු වෙලා තිබුණා වගේම ජින්ට ගොඩක් ලැදි වෙලා තිබුණා.... ජන්කුක්ට බෙහෙත් කරන්න ආව වෛද්‍යවරු කිව්වෙ එකපිට එක සිද්ධ වුණ සිදුවීම් අමතක කරන්න ජන්කුක්ගෙ මනස එයාව ම රවට්ටගෙන එයා සතුටින් හිටිය කාලෙ මතක විතරක් ඉතිරි කර ගන්න උත්සාහ කරනවා කියලා....ජන්කුක්ට මොනවත් අමතක නොවුණත් මනස විසින් ඒ මතක පියවි සිහියෙන් ඈත් කරන්න උත්සාහ කරනවා වගේ දෙයක් නිසයි එකපාර මේ තරම් ලොකු වෙනසක් වෙලා තියෙන්නේ කියලයි වෛද්‍යවරු කිව්වෙ....ඒ නිසා ම නම්ජුන් ජන්කුක්ව ටික දවසකට මාෆියා වැඩවලින් ඈත් කළා....ඇත්තට ම එයාලා දැක්කා ජන්කුක් සැහැල්ලුවෙන් ඉන්නවා කියලා....

ජින් වැඩේ නතර කරලා හැරිලා බැලුවේ පිටිපස්සෙන් ඇහුණ හුරතල් හිනාව නිසා....

දොර ළඟ හිටියෙ නම්ජුන්....රෑ ඇඳගෙන හිටිය ශෝට් එක පිටින් ම යුකී බබාව වඩාගෙන ඇවිත් දොර ළඟට වෙලා ඉන්න නම්ජුන් දැක්කාම ජින්ට හිනා ගියා.... නම්ජුන් කියන්නෙ සතියකට කලින් නම් නිවාඩු දවසට දහය විතර වෙනකල් ජින්ව බදාගෙන නිදා ගන්න කෙනක්...ඒත් දැන්....යුකී නිදියන්න ආසම තැන එයාගෙ අප්පාගෙ පපුව උඩ....කෙල්ලව මොන විදියට ඇඳේ නිදිකළත් අනිවාර්යයෙන්ම කෙල්ල හීනෙන් නම්ජුන්ගෙ තුරුලට ගියාම නම්ජුන් කෙල්ලව උස්සලා අරගෙන පපුව උඩින් තියා ගන්නවා....ජින් ඇදෙන් බැහැලා ඇවිත් පැයක් විතර ඇතුළත යුකී අනිවාර්යයෙන්ම ඇහැරෙනවා වගේම ඇහැරුණ වෙලාවෙ ඉඳලා පුංචි ඇඟිලිවලින් නම්ජුන්ගෙ පපුව පහුරු ගාන නිසා නම්ජුන්ටත් වැඩිවෙලා නිදා ගන්න ලැබෙන්නෙ නෑ...ටික දවසකට කලින් පුංචි ළමයින්ට අකමැතියි කිව්ව නම්ජුන් දැන් ඔෆිස් ගියත් දෙතුන් වතාවක් වීඩියෝ කෝල් ගන්නවා යුකීව බලන්න....ඒ සුරංගනාවි මැන්ශන් එක සතුටින් පුරවලා....