The Misplaced Teddy || TK

CHAPTER 18

"හෙසෝකා.."

හෙසෝක් තමන්ගෙ කාර්යාල කාමරේ සෝෆාවෙ වාඩිවෙලා අළුත් මෘදුකාංගයක් හඳුන්වා දෙන ව්‍යාපෘතියක් සම්බන්ධ ලියකියවිලි වාගෙයක් දෙවනි වතාවට පරීක්ෂා කරන ගමන් ඉඳලා ඔලුව ඉස්සුවෙ යුංගිගෙ කටහඬට....

"යුංගියා...උඹ මෙහෙ? මොකෝ අවුල?"

"නම්බර් එකක් තියෙනවා....මම දන්න විදියට සිම් එක හැක් කරන්න බැලුවා හරියන්නෑ....ට්‍රැක් කරලා මේ ෆෝන් එක තියෙන තැන හොයලා දීපන්..."

"හදිස්සියක් වගේ....අපේ ගෙදර යමන්...."
හෙසෝක් ලියකියවිලි ටික ෆයිල් කවරෙට ම දාලා තමන්ගෙ ඇඟිලි සලකුණෙන් අඟුළු දාන ලොකර් එකට දාලා පුටුවෙ දාලා තිබුණ බ්ලෙසර් එකත් අරගෙන ම යුංගිගෙ කරට අත දාගෙන එළියට ගියේ හවස වෙනත් විශේෂ වැඩ තිබුණෙත් නැති නිසා....
.
.
.
.
.
.
.
.
.

ජන්ග් මැන්ශන් එකත් මින් මැන්ශන් එක තරම්ම ලොකු වුණත් වැඩියෙන් වීදුරු යොදලා තිබුණ නිසා හවස් වෙද්දි විදුලි පහන් දැල්විලා ඒක ගොඩක් ලස්සනට පෙනුණා.... වාහනේ යතුර ගාඩ් කෙනෙක් අතට දීලා යුංගි එක්ක ඇතුළට ගිය හෙසෝක් ඇවිදගෙන ගියේ පහළ තට්ටුවෙ ගෙස්ට් රූම් එකට....යුංගිත් සද්ද නැතිව ඒ පස්සෙන් ගියේ හෙසෝක් කියන්නෙ කොහොමත් කරන දේවල් කිය කිය ඉන්න කෙනෙක් නෙවෙයි බව දන්න නිසා.... වොෂ්රූම් එකේ මිරර් එකට යටින් තිබුණ ස්ක්‍රීන් එකට හෙසෝක්ගෙ සුලැඟිල්ල ස්කෑන් කළාම කණ්ණාඩිය බිත්තිය දිගේ පැත්තකට ඇදිලා එක පාරකට එක්කෙනෙකුට යන්න පුළුවන් විදියෙ දොරක් ඇරුණෙ හෙසෝක් යුංගිට එන්න කියාගෙන ඇතුළට යද්දී....

එතන තනිකර ම තිබුණෙ එක එක විදිහෙ පරිගණක යන්ත්‍ර...ගොඩක් ඒවා ස්වයංක්‍රීය තත්ත්වයට හැඩ ගස්වලා තිබුණා වගේම එතන සමහර තිරවල දත්ත හැම තත්පරේක ම අළුත් වෙමින් තිබුණා....

"උඹට මෙතන ගොඩක් දේවල් තේරෙන එකක් නෑ...Software Company එකක් කරගෙන යනවා කියන්නේ ම යුද්ධයක් යුංගියා..."

හිනාවෙවී කැරකෙන පුටුවක් ඇදලා අරගෙන වාඩිවුණ හෙසෝක් යුංගි දුන්න දුරකථන අංකයට අදාල අන්තර්ජාල සැපයුම් ආයතනයේ ජාලයට තප්පර කිහිපයක් ඇතුළත ලේසියෙන් ම හොරෙන් ඇතුල් වුණේ යුංගිට හෙසෝක්ගෙ හැකියාව ගැන ආඩම්බර හිතෙද්දි.... හැමදේම අතෑරලා දාන්න හදද්දි හෙසෝක් ව ඒ ක්ෂේත්‍රයේම රඳවලා තියා ගත්ත එකෙන් අද තමන්ගෙ යාලුවා ඉන්න තැන ගැන යුංගි සතුටු වුණා....