____________________
كانت نورهان كدير خدمتها على أكمل وجه و كتنقل من طبلة ل طبلة كتحاول ما أمكن دير خدمتها و تخبي مشاعرها متظهرش على وجها، كترسم على وجهها واحد الابتسامة غي بزز ولكن فالداخل ديالها ماقابلاش على وضعيتها و كدير ما فجهدها باش تبدل حياتها... كانت كدير خدمتها حتا حسات بلي المنادجر ديال البار كيمشي و يجري و يوجد و مرعود غا بوحدو هه بقات كتقول فراسها مال هادا داير هاد الحالة كلها على قبل هاد الكليان، اش غيكونو كاع فملك الله..
نورهان باستغراب : ناهد ختي عفاك جاني الفضول شكون هاد الكليان ال vip لي جايين عندنا هاد الليلة حيت شفت هاداك من الصباح و هو كيطير و يوجد هه
ناهد : انا معرفتش شكون بالضبط ولكن شي رياضي مشهور ف برا جاي هو و صحابو يسهرو هنا
نورهان كتضحك : ههه ايوا هادي هي فرصتك اصاحبتي متعرفي يكون شي لعاب هههههه
ناهد : هههههههه مكرهتش اصحبتي ولكن هاد المرة الفرصة فرصتك نتي حيت نتي الزوينة لي غادي تسربيهم و متقوليش لا حيت الأمر جا من عند هداك لي من الصباح و هو كيوجد على قبلهم الا عندك شي اعتراض سيري قوليها ليه 🙂
نهاد قالت لي عندها و مشات مخلية نورهان وراها مصدومة و مفقوصة حيت المنادجر ديما وقتما جاو شي كليان vip كيفرض عليها هي تسربيهم و من ديما نورهان كتحس براسها رخيصة فاش كيتفرض عليها تسربي ناس مامربيينش و مامحتارمينش غي حيت زوينة...
—————-———————
أمين كيعيط فالتيلي لياسين : الو اصاحبي فينك؟؟
ياسين : اش بغيتي؟
أمين بغضب: تا كيفاش اش بغيت؟ راه واقيلة دايرين اننا نمشيو نسهرو
ياسين : غي سير بصحتك ما عنديش الخاطر لشي سهير
آمين : تا والله ما نتفاك معاك انا ريزيرفيت يومين قبل فواحد لوطيل ناضي والله حتا تجي ولا قسما بالله حتى...
قاطعو ياسين بنرفزة : صافي صافي دب نجي غي سكتنا من دوك التهديدات الحامضين ديالك، فين كاين هاد لوطيل ولا نمي؟
أمين : هاني دب ندوز عليك ياك كاين غي فالدار؟
ياسين :هاني كنتسناك
ما جاش فين يجاوبو أمين حتا قطع عليه ههه
من بعد ساعة كان امين وصل عند ياسين للفيلا تاعو و كان ضارب الحطة و البارفان لي شمو يدوخ، أمين اليوما ناوي على خزيت غادي يزها حتا للصباح ههه
أمين : يلاه اصاحبي راه تعطلنا
ياسين بنرفزة : بركا من الفريع اصاحبي صافي هاني نايض ،غي باش نعلمك مغنفوتش ساعتين و غنرجع فحالي ماعنديش الخاطر غي داير ليك خاطرك
أمين : ساعتين؟ انا غي نلقا شي بياسة مزيانة و السلام عليكم هههه ديك الساعة سير ولا بقا 😂
ياسين: الله يعفو عليك العشير
أمين هز يديه للسما : اميييييييين 😂
—————————————
نورهان كانت متكية علي الكونطوار كتهضر مع البنت لي كتسربي فالكونطوار حتا كتسمع المنادجر كيعيط ليها ،دغيا جمعات الوقفة و مشات تبعاتو للبيرو ديالو.. دقات قبل ما تدخل
أنور "منادجر بار" :دخل
نورهان بتوتر : بونسوار موسيو أنور، طلبتيني؟
أنور : اه نورهان سمعيني، ليوما عندنا كليان vip و كيفما شفتي نهار كلو و حنا كنوجدو على قبلهم و هادو راه رياضيين محتارفين ف برا و بغينا نكونو اليوما فالمستوى باش نكسبوهم و يبقاو يجيو لعندنا ديما...
نورهان بعدم فهم : وي موسيو ان شاء الله انديرو ما فجهدنا
أنور : تماما! خاصك نتي بالظبط ديري ما فجهدك حيت ديك الطبلة ديالهم غتكون من مسؤوليتك بغيتك ترحبي بيهم مزيان و ماتخليهم مخصوصين من حتا حاجة، لمهم انا مغاديش نوريك خدمتك ولكن بغيتك غي تتهلاي فيهم مزيان حيت انا كنعرفك الا قلقك شي كليان كضوري فيه ديك الساعة و كنصبر ليك على هبالك ولكن الا هادو!!! الا صدر منك اي فعل معجبنيش غيكون آخر نهار ليك فهاد الخدمة ،تفاهمنا!
أنت تقرأ
الملاكِم.. ؛ The Boxer
Romanceالسلام عليكم البنات، هادي هي اول قصة ليا نكتبها من بعد بزااف ديال القصص لي كنت مألفاهم غي فعقلي ههه كنتمنى تعجبكم ❤️. هاد القصة غادي تكون شاملة بزاف ديال الحوايج الا انه الواقع كيغطي فيها واحد النسبة لي كبيرة بزاف و من غير هكا راه فيها فن من كل طرف...
