الملاكِم.. ؛ The Boxer

Part 2°

الهام : نورهان نوضي اختي تكلمي للشيبة العاصية راه قالبة عليك الدنيا و كتغوت
نورهان قلبها بدا كيزدح : اويلي اش بغاتني تاني،فين كاينة هي دب
الهام :والله اختي ماعرفت قالت ليا غي سيري دب جيبيها ليا فينما كانت راه كاينة فالجناح خمسة
نورهان : واخا اختي شكرا
مشات نورهان كتجري و قلبها بغا يخرج من بلاصتو لانها خافت تكون ما دارتش خدمتها مزيان زائد جات معطلةو هي معندهاش استعداد نهائيا تخسر خدمتها حيت هي مصدر القوت ديالها الوحيد و بلا بيها غادي تخرج للزنقة هي و ختها
وصلات نورهان للجناح و دقات و قلبها بغا يخرج من بلاصتو حلات ليها تورية و هي فعينيها الشر و دخلو بجوج كيبان لنورها واحد الشخص تبارك الله طويل و قوي البنية و معاه واحد البنت باينة من لباسها انها من بنات الليل و لي زاد خلعها هو انه حتا من المدير الكبير ديال لوطيل كاين يعني القضية حامضة
نورهان شافت بخوف فيهم كاملين عاد استقرت الشوف ف تورية: وي مدام قالو ليا بغيتيني
تورية بانفعال : اييه الالة كديري دب بحال الا ما فخبارك والو!!
نورهان : كيفاش ا مدام مفهمتش اش لي مفخباريش
تورية : بركا من البهلان فين درتي المكانة  ديال سي ياسين
نورهان: اينا مكانة (ساعة اليد) ا مدام ماعرفتكش علاش 
كتهضري ؟
تورية :شوفي دب بلا متبقاي تدخلي  و تخرجي عليا فالهضرة راه نتي آخر وحدة دخلتي لهاد السويت و سي ياسين قالينا بلي راه خلا ساعتو هنا َ و لي ساوية كتر من عشرين مليون و الكاميرة كتبت بانك نتي هي اخر وحدة دخلتي لهنا اذن نتي لي غتكوني هزيتيها.. ما قدكش التعطال لي كتعطلي ديما دب زدتيها بالسرقة اقليلة الترابي
نورها بدات كتدمع بغات غي تهضر و مقدراتش حتا تدافع على راسها و هزات عينيها لقاتهم كلهم كيشوفو فيها باش تهضر و هي لسانها تقال و دموعها غي كيسيلو حتا جمعات قوتها و نطقات : والله ا مدام ممما... شفتها و. الله حتا جمعت غي السويت و درت خ... دمتي و ملي ساليت خرجت والله ما هزيت شي حاجة و عمرني فكرت نهز شي حاجة
ياسين بقا غي كيشوف فيها بقات فيه و حس بشوية ديال الصدق فهضرتها  ولكن هو متأك انه فالصباح حط مكانتو غي تماك و دب مالقاهاش
تورية : سمعي نقوليك واحد جوج كلمات دب التهمة راه تابتة عليه الكاميرة كتدل على ان نتي هي اخر وحدة دخلات السويت و ملي خرجي سبحان الله المكانة غبرات.. ( ضارت تورية عند ياسين و هضرات معاه) سمح لينا ا سي ياسين على هاد الديرونجمون ها حنا غنعيطو دب للبوليس باش دير شكاية بيها و يتحل تحقيق معاها و من جهة الاوطيل ديالنا راه حنا غنطردوها و غنحاولو ما امكن نتواصلو مع كاع ليزوطيل لي فالمدينة باش ميتعاودش بحال هاد لوجيست حيت الشفارة راه عمرهم كيتوبو كنطلب منك السماحة مرة آخرا
و هي تنطق نورهان و عينيها مدمعين بكثرة الظلم و الحكرة هي لعمرها مدات يديها على حاجة شي واحد واخا تكون كتموت بالجوع هاهي دب كيلفقو ليها تهمة السرقة و ساعة بعشرين مليون بالنسبة لنورهان هذا واحذ المبلغ لي عارفة واخا تبيع لي قدامها ولي وراها و مغتوصل حتا لربعة ديالو : عيطي للبوليس و عيطي حتا لجدارمية و عيطي حتا لقوات المسلحة انا ما خايفاش و ربي كبير و عارف لي كاين و حسبي الله و نعم الوكيل فكاع لي ضلمني عمري نسمح ليه لا دنيا ولا آخره
نطقات ديك بنت الليل لي كانت واقفة حدا ياسين : هاد الهضرة كاع كيقولوها الشفارة فاش كيحصلو دب غتمشي فين ترباي
نورهان يلاه بغات تجاوبها و هما يدخلو البوليس و شرحات ليهم تورية اش كاين و نورهان الدنيا ضايرة بيها باقي لدب مامستوعباش بلي راه جو البوليس على قبلها و غيديوها و كتفكر فاختها لي خلات عند لاخديجة حتا حسات بشي يد شدات ليها يديها بالجهد و رجعاتهم ليها لور و دارو ليها المينوط و هي تهز عينيها الحمرين بدموع القهر و شافت واحد الشوفة مامفهوماش فياسين و هو يجرها البوليسي بجهد من يديها دايينها بحال شي واحد قاتل عشرة
من بعد ما وصلو للكوميسارية داوها لواحد البلاصة جالسة فيها على ما يجي دورها و يحققو معاها و هي مسكينة جملة وحدة لي كضور فدماغها حسبي الله ونعم الوكيل فيهم و كتفكر فختها لي خلات و كتفكر الا دخلات للحبس اختها فين غتمشي و كتفكر فحياتها لي ضايعة اصلا و لي غضيع كتر الا دخلوها ضلم للحبس على شي حاجة هي مادايراهاش و هي عارفة راسها بلي كلشي ضدها و هي متقدرش دافع على راصها و ماعندها حتا شي حد لي يدافع عليها ولا يوقف جنبها
عند ياسين من بعد ما داو نورهان و مشات تورية و المدير لي حتا هو طلب السماحة من ياسين من بعد ما قاليه بلي الحساب ديال السويت ميخلصوش كهدية اعتذار من الاوطيل على هاد المشكل بقا غي ياسين و ديك البنت لي معاه ( ماريا)
بقا ياسين بين عينيه الصورة ديال الشوفة لي دارت فيه نورها و هما مخرجينها بقات فيه بزاف حس بالذنب جبهتها و لكن كيصبر راسو بانه متاكد خلا المكانة ديالو فديك البلاصة و انها الا كانت شفارة راه غادي تعاقب.. بقا كيفكر حتا نطقات ماريا : تستاهل الشفارة اصلا ساعة روليكس بحال هاديك راه تعيش الاشكال لي بحالها حياتهم كلها
هز فيها راسو ياسين بجهد بحال الا صرفقتيه و شاف فيها بشك : و باش عرفتيها روليكس ؟
توترات و بدات غي كتمتكم : ويلي على باش غنعرفها هه راه شفتها كنت لابسها قبيلة زعمل لبارح
ياسين جاي كيقرب ليها : لا انا مالبستها لا قبيلة لا لبارح و دب مباقيش غنسولك باش عرفتيها روليكس دب غادي نسولك فين درتيها ؟
ماريا : ويلي ا ياسين واش كتشك فيا انا ماع...
ما جات فين تكمل هضرتها حتا شدها من شعرها م قرب وجهها ليه و كيشوف ليها فعينيها : هضري فيناهي بلا مندير فيك يديا
ماريا : معرفتش علاش كتعامل معايا هك؛...
ياسين قربها ليه كتر : دوي القحبة مك فيناهي 
يلا هز يديه خافت لا يضربها لوجهها و هي تقول ليا : واخا واخا هاني انقوليك غي مضربش عفاك
طلق منها يلاه طلقينا
بعدات ماريا عليه و مشات لواحد الصاك اخور ديالها ماشي داك لي هازة باش في حالة قلبوها البوليس و لا شكو فيها مايلاقاوهاش عندها و جبداتها ليه
نترها من يديها بجهد حتا كانت بغات نطيح و مشا هز جاكيتو و هو خارج هز ليها صاكهاو جرها و خرجها قدام الباب و سد الباب ديال السويت و قاليها : نجي منلقاش ديلمك هنا و من الاحسن عمرني نشوف ديلمك حدايا ولو غي بالصدفة حيت دب شاد راسي عليك غي حيت مبغيتش نوسخ يديا فموسخة بحالك  و زاد و خلاها مشا ركب طوموبيلتو ديريكت و قصد الكوميسارية لي قريبة و دخل  كيسول عليها و قالو ليه راه كاينة مزال ما بدا التحقيق معاها
ياسين: انا هو الشخص لي درت بيها شكاية بغيت نلغيها دب حيت غي وقع سوء تفاهم و هي ما دارت ليا والو حيت المكانة راه لقيتها و هي بصح ما داتهاش
البوليسي : واش متأكد اسي ياسين حيت مبغيتش تكون غي تعاطفتي معاها حيت راه الشفارة بحال هادو خاصهم يدخلو فين يترباو
ياسين بدا كيتعصب: ما تعاطفت معاها ما والو اسي واش غتبقاو شادين البنت على والو هاهي المكانة راه لقيتها و جبدها من جيبو
البوليسي: واخا اسي ياسين هاهي غي تسني شي وراق و تخرج
ناض البوليسي مشا يكمل شغلو مع نورهان باش يطلقوها و ياسين بقا كيتسنا على برا  فطوموبيلتو حتى كتبان ليه نورهان خارجة كتمسح دموعها بيديها و ماهازة معاها والو و كتشوف فالطريق مزيان بحال الا كتعرف على البلاصة لي هي فيها باش تقدر ترجع للدار على رجليها حيت ما هازة معاها والو لا فلوس لا تيليفون خلات كلشي فصاكها فالاوطيل بقا ياسين كيشوف فيها كيفاش تلفانة و كتشوف فالطريق عارف بلي هي معرفاتش فين كاينة يعني ما عارفاش كيفاش ترجع لدارهم تماك نزل من طوموبيلتو و قصدها هي غي شافتو تسمرات بلاصتها بقات غي كتشوف فيه حتا وصل لعندها و هي تنطق : شنو بغيتي تاني ا سيهم ياسين ياكما سرقت ليك تاني شي ساعة اخرا دايرة ربعين مليون هاد المرة؟
ياسين : بقا غي كيشوف فيها عرفها معصبة و تالفة و مصدومة وماعرفاش كيفاش تخرج عصبيتها : جيت نلغي الشكاية و نطلب منك السماحة حيت ضلمتك راه لقيت الساعة
نورهان : نتا راه ماشي غي ضلمتيني وصافي نتا بهادشي لي درتي راه خرجتي ليا على حياتي و على خدمتي  الا سمح ليك الله اولد الناس انا مسامحاك و الله يصاوب للجميع الله لا يلاقيني مع بحالك و بحال دوك لي كانو معاك فديك الشموبر
ياسين : سمعي ليا نقوليك انا راه معنديش الوقت بزاف لهادشي انا اصلا مكنتش باغي هادشي يكبر و الساعة عزيزة عليا حيت كادو من الوليد ديالي و كان همي غي نلقاها ماشي همي نعاقب لي سرقها راه هاديك المرا الكبيرة لي كانت كتغوت قبيلة هي لي كبرات الموضوع و..
نورهان بلا ما تحس : اييه ديك الشيبة العاصية خاصها غي منين دوز ليا لقاتها مناسبة بغات تهنا مني بمرة الله ياخد فيها الحق ما قدهاش تجري عليا من خدمتي بغات تحرم عليا الخدمة فكاع البلايص ولكن الرزق بيد الله ماشي بيدها
ياسين جاه الضحك : ههههه اييه ديك الشيبة العاصية كي قلتي هي لي دغيا كبرات الموضوع. احم على أي كنعتاذز مرة آخرا و الا قبلتي يلاه نوصلك للبلاصة فين ساكنة راه الليل هذا
نورهان : و هي منزلة راسها لا لا شكرا دب نعيط لخويا يجي ليا و ماشي مشكل الغلط كيوقع
ياسين كيشوف فيها بديك النظرة ديال من نيتك : باش غتعيطي لهاد خوك بالسلامة انا راه عارف ما هازة معاك والو دب كلشي خليتيه فلوطيل زيدي تركبي دب بلا ما تكتري الهضرة
نورهان شافت حتا عيات و عرفات بلي مغتقدرش توصل للدار على رجليها و ان الليل هذا خطار عليها فقررات توكل أمرها لله و تركب معاه
فاش سولها ياسين فين ساكنة قالت ليه الحي كدا و كدا و هو يشوف حيت هو نفس الحي لي عايشة فيه عائلتو ولكن سكت ما قالو ليها والو و بقا غادي و هي كتوريه فين يدخل حتا وصلاتو قدام دار لاخديجة و لي هي دار واليديه هههه جاه الضحك فراسو كيقول دب هادي اش كدير هههه...