الملاكِم.. ؛ The Boxer

Part 19•

اول حاجة سمحو ليا بزااااف على التعطال بزاف ديال الحوايج كيطراو فالحياة كيخلويوك تغبر ، كل مرة كنشوف شي حد دار تعليق على القصة كنفرح و كنتحمس باش نكملها ولكن فكل مرة كنغرق فالخدمة و كننسا نكملها، المهم على اي نقدر نبقا نكتب بارت او جوج فكل اسبوع ..

_______________________________

نورهان : بقا معايا الليل كلو ...
ياسين لي متعجب كيفاش يلاه كانو بجوج مخاصمين و تلت سنين ماشافوش بعضياتهم او حتى سمعو اخبار بعضهم و ها هما دبا حدا بعضهم ناعسين بجوج فنفس البلاصة : هههه ماخايفاش على راسك بغيتيني نبقا حداك الليل كلو
نورهان لي بلا ماتفكر جاوبات : فاش كتكون حديا مكنبقا نخاف من والو
ياسين لي معنقها و حاط راسها على سدرو و كيلعب فشعرها مصدوم و فرحان بانها كتحس معاه بالأمان : مزيان ، حيت مادام انا عايش مغنخلي حتى حاجة تقيسك لا من قريب ولا من بعيد ولكن خاصك غي نتي ما تبقايش ديري داكشي لي عارفاه كيجعرني باش منغلطش فيك حيت انا راه مكنعرفش شي حاجة سميتها ماتفاهمناش انتفارقو ، كنعرف حاجة وحدة هي غنبقا معاك حتى غاتقادي و نعيشو مزيان

نورهان بصدمة و عصبية هزات راسها باش تشوف فيه مباشرة : نتقاد ؟؟ و علاش نتا لي ما تقادش ؟ تلت سنين و نتا فاسبانيا عايش الحياة طولا و عرضا ماخليتي بنات ما خليتي سهرات ما خليتي مشهورات هانتا ليوم مع هادي و غدا مع لاخرا و دبا جاي كتحاسبني انا ؟

ياسين مصدوم و ميت بالضحك: ياك الالة هههه و باش عرفتي نتي هادشي ؟

نورهان : خبارك كانت كتنتاشر هنا كي لعافية ، اما تصاورك مع دوك الزعرات الطويلات فينما مشيت كنلقاهم ، صفرات حالتهم مانعرف اش عجبك فيهم

ياسين : هههههههه و الا حلفت ليك بلي داكشي كاع لي شفتي كان غي بروتوكول و تاوحدة ماعجباتني و داكشي كيكون غي تصاور فقط لا غير ، مع انه كان بامكاني ندير لي بغيت ولكن اصلا مكيعجبنيش داك النوع د البنات ( هز ليها وجهها بين يديه و كيشوف ليها فعويناتها) انا راه كيعجبني الوجه البريء و العوينات الكبار و الشعر الكحل ، واخا يسكنو فعيادات التجميل والله لا وصلو للربع ديالك

نورهان صافي هنا دابت المسخوطة ههه ولكن مارضاتش فاش قال ليها انه كان بامكانو يدير لي بغا و مادارش غي حيت ماشي النوع لي كيعجبو : اه تيقتك تيقتك ، اصلا هاد النوع د الزين لي كيعجبك فيا هو نيت لي كيعجب اغلبية الرجال هنا خصوصا لكليان لي كيجيو لعن....

ماجاتش فين تكملت هضرتها حتى لوا ليها شعرها الطويل بين يديه ختى غوتاااات ، ما حسات براسها حتى قلبها على كرشها فالناموسية و جارها من شعرها و كيدوي ليها فودنيها بواحد الصوت كيدخل ليك لدماغك بحال سم ..
ياسين كيخرج الهضرة غي بزز بكترة السم لي ركبات فيه بهاديك الجملة : الا شفتيني ضريف معاك راه غي حيت موحشك و ماباغيش نضربك شي ضربة لي نعوق ديلمك بيها على هادشي كاع لي درتي فهاد تلتسنين ، و هادشي مكيعنيش انني مسامحك و دوزتها ليك راه باقي هضرتك فداك البواط كضور ليا فراسي و ياااااوييييلك نكتاشف بلي شي حد قاسك ولا حتى غير خرجتي مع شي حد قسما بالله حتى نقبر ديلمك ، الا شفتيني صابر عليك ماضسريش بزااف راه هاد ياسين لي معاك مقود على هداك لي عرفتي تلت سنين هادي