ثأر بلا إثم

الفصل الخامس والعشرين

بصوا انا مش هتكلم انا هخلي افعالي تحكي عني 😏😏😏مع ان افعالي السابقه هبابا  بس معلش خليها عليكم الروايه دي وانا موعدكوش بحاجه خالص الروايه الجايه 😆😆😆😘😘😘😘

@الروايه بالكامل من وحي الخيال والغرض الوحيد منها هو التسليه والخروج قليلاً من الحياه الواقعيه بكل ضغوطها @

@لا تلهيكم روايه عن الصلاه والذكر@

(أجوزك والمهر دليل برائتك)

جمله مازالت تدور كحجر الرحايه بعقل حنان...... تتردد بأذنيها فتصدمها كل مره كأول مره سمعتها بها تماماََ.... حين اصطحبها عماد إلي مقهى خاص بعد خروجهم من البيت الكبير..... وهناك وبلا مقدمات كان يعرض عليها عرضه الغريب الذي هز أركان روحها.....

اتسعت عينيها بدهشه وقتاها سأله بعدم فهم....
/أيه.... بتقول أيه /

فأجابها بنبرته الثابته الجسوره كعادته الأثير منذ اضاعها التأخر من بين يديه......
/ بعرض عليكي عرض أظن هيكون مناسب جداََ ليكي..... تتجوزيني ومهرك يكون دليل برأتك من كل التهم بتاعت زمان /

تلبكت وفقدت القدره على صياغة الرد المناسب كما تفعل في كل مفاجأه صاعقه كتلك..... فأكمل بنبره ناعمه كخيوط الحرير....
/فكري فيها بالعقل كده.... انتي عشتي نص عمرك هربانه من تهم ظلم وتار من غير ذنب ودلوقتي بنتك كمان بتعاني من نفس التهم الزور..... وانتي معندكيش حلول غير الهرب اللي مافدكيش قبل كده واكيد مش هيفيدك دلوقتي وبنتك على ذمة راجل بيحبها وعنده الموت أهون ولا انه يسيبها..... يبقي الحل ايه غير انك تواجهي الماضي وتبرأي نفسك وبنتك /

قالت بحده....
/ بيحب مين دا.... /

قاطعها برزانه.....
/ اي كان السبب بس بردوا عنده الموت أهون ولا انه يسيبها.... يبقي هتعملي ايه تهربي بيها تاني هيدور عليكم ولو سابكم هو ودا من رابع المستحيلات هيدور عليكم مهدي والحجه علشان تارهم القديم....... ولو فرضنا برضوا انهم سابوكم هتفضل برضوا بنتك على ذمته وتفضل عمرها كله كده لا هي مطلقه ولا هي متجوزه ....... يبقي ايه الأحسن انك تفضلي تدوري في الدايره دي ولا تواجهي الماضي وتنهي الموضوع دا مره واحده نهائياََ /

ادرات عينيها في وجهه بتعجب تبحث في تعابيره الهادئه على اي اشاره للكذب او المزاح او حتي سبب لطلبه العجيب ثم سألته بحيره ....
/طب ليه عايز تتجوزيني مقابل انك تديني دليل برائتي ولما هو عندك ليه خبي... /

قاطعها بنفس الهدوء....
/هو مش عندي بس هوصله قريب وهو.... /

قاطعته بدورها لكن بثوره....
/ولما انت تقدر توصل ليه سبتهم متهميني ظلم  السنين دي كلها ليه /

/مكانتش اعرف حاجه عن موضوع المخدرات دا.... مكانش حد يعرف إلا مهدي لانه هو اللي أتعامل مع النيابه لوحده ..... وهو زي امه كان بيحاول يصدق اي حاجه تلبسك انتي الليله كلها علشان يريح ضميره هو /