"عشقتها ي سعود بكل حالاتها ولا زالت تكابر وتقول مابيه"

بارت2

رجع خالد عند العيال وكملو سوالف
محمد:سلامات ي خالد وش صار
خالد:نوال تعبت وديتها المستشفى لاكن الحمدلله ماعندها شي وحطيتها عند اهلها ترتاح
محمد:الحمدلله
وبعد هدو تام سالم حب يلطف الجو شوي
سالم:بهاج
بهاج:لبيه
سالم:لبيت حاج اسمع عطنا شعر
بهاج:ابشر

تنحنح بهاج وهو يقول:

اليل لا من صك بابه بمزلاج
ومن خلفه ابيات تثني تراحيب

لقيت لي معا كل مدخل مخرج
من كثر ماقد علمتني تجاريب

لاهاجت همومي مع هوج الامواج
ركتها ماني بهيب ولد هيب

اسمي ماهو ينحط في وسط الادراج
مرفرفن من فوق راس المراقيب

وان كان مانومست المداح حداج
ماني على محمد حصان المطاليق

الكل:ونعععممم
بهاج:ماعليكم زود
خذتهم السوالف وبعدها دخلو العيال وناموا
..........................................
جاء الصبح وقامو ع ريحه الفطور والقهوه وجلسه الشياب والحريم برا الي تفتح النفس والعيال الي طلعو ياخذون اغراض ويتمشون والبنات الي في المطبخ يسوون الفطور
رجعو العيال والبنات جهزو الفطور وبدو يفطور وخلصو والشياب طلعو للاسواق يتمشون ويغيرون جو والحريم والبنات سوو القهوه وجلسو سواليف وضحك
اما الشباب الي رجعو ياخذون غفوه قبل الظهر لانهم كانو دايخين

جاء الظهر وقامو العيال طلعو العيال والشياب للمسجد
والبنات خلصو ودخلو المطبخ يسوون الغداء
اجتمعو الشياب والشباب في المجالس والحريم في الصاله وبدو يتغدون خلصو ورتبو البنات وسوو القهوه والحلا
والحريم والشياب جلسو مع بعض وسوالف والبنات دخلو في الغرفه وبدو يسولفون
محمد من الباب الخارجي :غلا
غلا:جايه جايه
قامت غلا وراحت عند اخوها :هلا
محمد:تطلعون معنا بنطلع نتمشى برا
غلا:بشوف البنات واجي
راحت غلا للبنات والبنات وافقو ولبسوا عباياتهم ونقاباتهم وطلعو مع عيال عمانهم واخوانهم
دلال:خلونا نروح للاسواق الشعبيه
بهاج:الاسواق الشعبيه بعيده
غلا:بس الاسواق الشعبيه احلى الصراحه من هذا المكان
بهاج:اجل مشينا
دلال عطت بهاج النظره القاتله
بهاج:يعني صح هي بعيده بس مو مره
وراحو الاسواق الشعبيه وبدو ياخذون اغراض ويتفرجون وكان في الاسواق الشعبيه روح جميله الشياب والحريم الكبار في السن الي مسوين بسطات والاطفال الي يركضون وكانو كانهم في ايام زمان
والبنات كانو مبسوطين وماخلو شي في خاطرهم
لان عيال ال مطلق مايخلون بناتهم يرحون الاسواق الشعبيه بروحهم فعشان كذا كانو يرحون قليل
دق جوال محمد
ام خالد:يالله ي ولد طولتو
محمد:يالله يالله
محمد:يالله امشو رجعنا
تقسمو في السيارات ورجعو المنتجع
جاء المغرب والكل بداء يتجهز لصلاة
عند البنات
الجوهره:بنات خلونا نسوي جلسه برا ونجيب الحلا والقهوه
حلا:خلاص بنسويها ع الساعه ١٠ او ١١ بعد العشاء
قامو البنات وجهزو العشاء وخلصوا
طلعو البنات برا
كانت جلست البنات كلها فعاليات وضحك وسوالف
اما عند الشباب شبت ضوء والعزبه والقهوه والسوالف والقصيد
  ..........................................
عند البنات
كانت غلا ع الجوال وفجئه
صرخت غلا بحماس:الله الله الله الله
الجوهره:وطي صوتس وش فيتس
غلا:مقدر بنات الله حماس
حلا:وش فيتس
غلا:تخيلو بكره بيجون بنات عمي راكان
العنود:بذمتس
غلا:الحين قالت لي نجد
منى:الله والله اشتقنا لهم كم صار لنا ماشفناهم ٣ سنوات
كثير مره
غنى:ايوالله
..........................................
عند الشباب
كانو معزومين في الاستراحه عند فارس
تعشوا وخلصوا وبدو يسولفون
بهاج:من يلعب بيلوت
محمد:انا بلعب
فارس:حتى انا
سعود:يالله وانا
كانو بهاج وفارس اصدقاء ومحمد وسعود اصدقاء
وبدو يلعبون وبدا الحماس وبدا التشجيع
بهاج:ترا اخر مره نمشيها
محمد:اقول اللعب اللعب
وكملو لعب وفاز بهاج وفارس
فارس:يالله القم ي هطف انت وهو
محمد:كنا نعطيكم ع جوكم
بهاج:صدقنا صدقنا
وكملو لعب وضحك
..........................................
عند البنات
ام خالد تصارخ مع الباب:يالله ي بنات الساعه شوي وتجي 12 امشو يالله نوم يالله
دخلو البنات ودخلو الأغراض والفرح يعم المكان
اما عند الشياب الي قال لهم اخوهم راكان و نايمين ك العاده الساعه ٩ وعندهم مقام بدري وتجهيز
اما عند الشباب الي رجعو من السمره وراحو ينامون ب المقلط
وبهاج الي ماجاه نوم وطالع برا وجالس ع الكتاب يكتب قصيد الا ويسمع صراخ في المطبخ
ويروح وهو يجري بسرعه
ودخل ولقاء غلا الي طالعه تشرب ماء
واول ما شافها بهاج صد وجلس يضحك
غلا:بهاج تكفى اقتله
بهاج:كل هذا الصياح عشان صرصور ماتوقعتك كذا ي غلا
غلا قلبت عيونها في بهاج لانها ماكانت تطيقه تحسه نفس ابوه
صح كانت تحب عمها بس كان متحجر شوي
طلعت غلا وبهاج قتل الصرصور بس مااحد سمع صوت الصراخ لانهم نايمين والمطبخ بعيد بس بهاج لانه باقي ما نام
طلع بهاج بعد ماقتل الصرصور
بهاج:شفيتس باقي مانمتي
غلا:والله بكيفي
بهاج كان يعرف ان غلا ماتحبه بس بهاج باقي صامل في حبه يالله تصبحين على خير طلع بهاج وهو يحس قلبه يوجعه
بهاج في نفسه:ياليل
كانت غلا تحس بهاج مثل عيال عمانها لاكن لما صار عمره ١٦ كبرت وكانت تحسب بهاج نفس ابوه متشدد لاكن بالعكس بس خلاص اخذت عنه صوره وتحسبها الصح
راحو بهاج وغلا وناموا
عندهم في الديره مايجي الصبح الا والديره كلها قايمه باقي نفس الاولين
صباح  اليوم الثاني في المنتجع عند البنات الي في المطبخ يسوون الفطور والشيبان الي متجمعين والعيال الي راح يجيب ذبيحه عشان العم راكان والي يصب القهوه والي يشب النار وكل واحد في شغله
وجهز الفطور وتجمعو الرجال برا والنسوان داخل وخلصو وطلعو الشباب يخلصون الشغل ويشترون العصيرات والفواكه والبنات دخلو عند الشيبان ولفو الأغراض ونضفو المجلس وطلعو
................................
بعيد عن المنتجع
في بيت ابو راكان الفرحه تعم المكان خصوصا نجد الي بتطير من الفرح لأنها بتروح عند بنات عمها الي تعشقهم خصوصا غلا معروفين في العائله علاقت نجد وغلا اذا اجتمعو ماعاد تخلص سوالفهم
اما ناصر الي يصارخ
ناصر:نايف وين عقالي اخلص
نايف:يا ابن الحلال والله ماجيته
ناصر:اجل وين بيروح الجني مثلاً
جات نجد ع صراخهم
نجد:شفيكم اصواتكم واصله لين اخر الدنيا
ناصر:شفتي عقالي
نجد:ايه شفت ماجد معه عقال
ناصر بصراخ:ماجد يلي ماتستحي على وجهك ماخذ عقالي
نايف:ماشالله عليتس طالعه قمر
نجد ضحكت: اكيد دامني اخت نايف
ابو ناصر :يالله ي عيال بنتاخر خلونا نمشي
طلعو وهم ياخذون أغراضهم ويمشوا وفي نص الطريق قال أبو ناصر:هاه نسيتو شي ترا بنطول هناك عندي اجازه
الا وتصرخ نجد بقوه
ناصر:عمى يعمي عينتس وش ذا الصراخ وعند اذني وجع
نجد:نسيت هديه غلا تكفى يبه خلنا نرجع
ابو ناصر:وين نرجع خلاص البيت بعيد
نجد:تمام بس خلنا نوقف عند مكان هدايا واجيب لها هديه
ناصر:ابك انتي متفهمين مو لازم هدايا
نجد:مالك شغل
ابو ناصر:ابشري بعزتس كم عندي نجد
نجد:الله يطول عمرك يبه
وقف ابو ناصر ونزلت نجد معا نايف خذت هديه وطلعت
وكملو طريقهم
..........................................
في الديره وخصوصاً في المنتجع
الي يعمه الفرح لان عمهم بيجي والكل متجهز من بدري وريح العطر والبخور في كل مكان وترتيب والتجهيز كل شي جهز
جلسو الشباب
ابو خالد:هاه بشرو جهزتو كل شي
خالد:ايه يبه كل شي جاهز مابقا شي
ابو عبدالرحمن:والله يا انه طول علينا راكان اشتقنا له
ابو سعيد:اي والله وانت صادق