دخلوا العيال يسلمون على هلهم امهم وابوهم وعمانهم وعماتهم وبعدها جلسوا يسولفون عن الحادثه وكيف صار او وش صار وبعدها اتجه كل واحد البيته ينام
الا البنات الي ناموا مع بعض غلا ونجد وحلا والجوهره في غرفه العنود والجوهره وكل وحده تبكي وتدعي وكل وحده اتجهت لفراشه تنام بس نقدر نقول ماقدرو ينامون من التفكير في البنات
~صباح اليوم الثاني~
في المستشفى الي كان مليان كان الاغلب موجود من عائله ابو لطيفه عشان بنتهم سلمى وغير كذا حلا ونجد والجوهره وغلا جايين يتطمنون على البنات والعيال بهاج وسالم وعبدالله وذيب وسعود والباقين جلسوا في البيت مع الاباء والامهات
الدكتور:الحمدلله حالتهم اليوم نقدر نقول احسن من اليومين الي راحت وصحوا كلهم صح فيهم كسور وجروح بس تطيب مع الوقت ومب زين لهم الكلام الكثير لازم يريحون فكهم نقدر نقول اسبوع ويطلعون من المستشفى
الكل:الحمدلله والشكر
بهاج:نقدر نشوفهم
الدكتور:ايه طبعاً
ذيب:كلهم في غرفه وحده
الدكتور:لا كل ثنتين مع بعض الا غرفه فيها ثلاثه (كمل كلامه بحزن)وغير كذا الولد حالته معروفه لين الحين ماصحى ومانقدر نقول شي
غلا:تمام كل واحد يدخل لاخته ويتطمن عليها
الغرفه الاولى كان فيها دلال وسلمى والعنود
الغرفه الثانيه كان فيها امل وريماس
الغرفه الثالثه كان فيها منى وغنى
الغرفه الاولى دخلوها بهاج وعائله ابو لطيفه كلهم وغلا وذيب وسالم
الغرفه الثانيه دخلوها عبدالله وسعود
الغرفه الثالثه دخلوها حلا والجوهره
*الغرفه الاولى*
دخل الكل وكانوا دلال وسلمى والعنود صاحين وتعبانين ويناظرون في الي دخلوا تقدمو وكل واحد جلس عند اخته او زوجته ويناظرون فيهم نظرات الحزن كيف كانوا مهلكين
غلا:اخباركم بنات علومكم
الكل:الحمدلله
بهاج:لا ماشاءالله مب مثل ماقال الدكتور بخير وماعندكم شر
دلال:كنا بخير من قبل مانشوف وجهك
بهاج:هذي حتى وهي على فراش الموت لازم تناقرني
دلال:بسم الله علي الحمدلله مافيني شي
غلا:خلاص ي دلال الدكتور يقول الكلام الواجد مب زين لكم
بهاج ضحك:يعني بالمعنى العربي الفصيح تقول انكتمي فقعتي روسنا
دلال:دز امها انت وياها
غلا:هذا وانا انتبه لصحتس ماتستاهلين اهتماماتي ابداً
بهاج :وفري اهتماماتس لي بس
غلا ناظرته بطرف عين وضحك
دلال:وع يشينكم اذا كذا اطلعوا تكفين
ضحكوا غلا وبهاج وقالت لطيفه الي كانت تناظر نظرات الغيره من بعيد:اخبارك بهيج
بهاج بقرف:بخير الحمدلله
غلا بغيره من دلعته:اسئلي اختس عن اخبارها ترا مب بهاج التعبان
لطيفه:خير انتي ترا ما اكلمتس مسويه تغار يعع
بهاج بحده:ترانا في مستشفى فكونا
سالم:شخبارتس سلومتي طمنيني
سلمى:تمام ي روحي لا تخاف
لف سالم على العنود الي كانت تسولف مع بهاج:شخبارتس ي روحي وعلومتس
ابتسمت العنود:الحمدلله بخير
بهاح:لاتخاف عليها وهي اخت بهاج
سالم:انا اكبر اتوقع
ضحكت العنود وقالت:ونعم فيكم كلكم
باس بهاج راسها وكمل يسولف معها بينما سالم راح السلمى
غلا ماتكلمت ابداً وسحبت على لطيفه الي كانت تناظر بهاج وتبتسم
بعد فتره وغلا الي ملت من نظرات لطيفه الي كانت تعتبر نظرات حب
غلا:خلاص وقت الزياره انتهاء خن نطلع ونخليهم يرتاحون
لطيفه:وين باقي ماتكلم الدكتور تبين تطلعين اطلعي ما احد مسكتس
غلا بحده:ترا صار لتس ساعه عند اختس وغير ما ناظرتيها احترمي نفستس ليا جيتي تكلميني وغير كذا زوجها موجود وانتي معليتس منها
قاطع كلامهم دخلو الدكتور الي قال:يعطيكم العافيه بس وقت الزياره خلص تفضلوا
لطيفه ناظرت غلا باستحقار وطلعت وراء امها وابوها وطلعوا الباقين بعدهم
*في الغرفه الثانيه*
امل:اخبار البنات ومطلق بشرونا تكفين
عبدالله:الحمدلله بخير كلهم وصحوا وماعندهم خلاف
امل وريماس:الحمدلله
عبدالله ماحب يقول لهم عن مطلق توا صاحين وتعبانين وماحب يخوفهم
طلعوا سعود وعبدالله وخلصت الزياره واتجهوا الكل للبيت وطبعاً اسئلت الحريم والرجال عن حال البنات ومطلق وطمنوهم العيال انهم اليوم احسن عن قبل
........................................
*بعد مرور خمسه اشهر*(طبعاً الي صار في الخمسه الاشهر ان غلا اخذت في الديره اسبوع ولما شافت حالت البنات كويسه رجعت تكمل الجامعه ورجع معها سعود ونجد واهلها نفس الشي والبنات اجلوا الترم الاول بحكم انهم تعبانين مايقدرون يكملون وحلا والجوهره كان اخر ترم لهم وكانوا يطبقون وما اجلوه وكملوا ومطلق الي مرت خمسه اشهر وطابت جروحه وجبرت كسوره بس باقي في الغيبوبه والامهات الي مايمر يوم الاهم يدعون المطلق يقوم باذن الله عاجلاً لا اجلاً والعيال الي كل واحد كمل في شغله ولي يقدم على شغل وغيرها)
__
*في البيت*
دلال:حسيبتس ربي استغفرالله شوفي الجرح هذا صار له خمس اشهر ومب راضي يروح
سلمى:انا وش دخلني انتوا قلتوا نروح في سياره عبدالله وش عرفني انها خربانه
منى:الظاهر انها السواقه الخريانه
سلمى:لا ياشيخه!!
امل:وسلمى صادزه سمعتوا مطلق في السياره وهو يقول سياره عبدالله خربانه
من طاري مطلق وجعتهم قلوبهم من تذكرو انها مرت خمسه اشهر وهو ماقام من الغيبوبه
غنى:الله يقومه بالسلامه
البنات:اللهم امين
____________
بعد صلاه الظهر جالسه ع السرير تهوجس وعيونها على السقف وتفكر فيه الحادثه الي مرت عليه خمسه اشهر ومب راضين ينسونها
دخل عليها الغرفه وابتسم من شاف انها ما انتبهت الوجوده قرب منها وجلس على السرير فزت ونطقت:بسم الله الرحمن الرحيم متى جيت انت
ابتسم سالم:ماعليتس مني انتي وين وصلتي!؟
سلمى:تدري اني لين الحين افكر كيف انا ماعرفت اني حامل
سالم:انا كنت شاك الصراحه عشان الغثيان والدوخه الي تجيتس بس يعوضنا ربي
سلمى بحزن:ان شاء الله
قرب سالم منها وهو يمسكها ويضمها ع صدره
سالم بخبث:يعوضنا ربي وابو محمد مايقصر ماعليتس
فزت من حضنه وقالت:سالم وجع وجع
ضحك سالم وقال:شفيتس انتي تبين ولد ابشري من عيوني
قامت من السرير وقالت:طيب استحي ترا
سالم قام وهو يتجه لها:وانا احب الي يستحون
فزت لما شافته يقرب منها بزياده:بروح اشوف البنات
طلعت من الغرفه وسكرت بعدها ضحك سالم واتجه للحمام ياخذ شور
~عند بطلنا~
طلع من الحمام بعد شور لبس وكشخ جلس على جواله يفرفر في اليرامج ويراسل اصدقاءه وصله اتصال من احد المستشفيات الي هو مقدم عليها البتسامه شقت وجهه متأمل موافقتهم وصله صوت الي قال:السلام عليكم
بهاج:اهلين عليكم السلام
..:انت..
بهاج:بهاج ال مطلق
~:عفواً غلطان
تحطم بهاج بعد ماكان متأمل القبول وقال:عادي مافيه مشكله
~ابتسم وهو يقول:تقصد الدكتور بهاج ال مطلق الف مبروك دكتور القبول
بهاج تصنم مكانه يستوعب الكلام:الل..الله يبارك فيك الله يوفقك ويسعدك ي شيخ
~:ننتظرك بعد اسبوع دكتور يالله مع السلامه
قفل الجوال وبهاج معجبته كلمه<دكتور>تتردد فيه مسامعه اكثر من مره اخذ فتره يستوعب الكلام بعدها ركض يبشر ابوه وعمانه وعيال عمانه الي متجمعين برا سوالف وضحك
وصل لهم بهاج وهو يركض ونطق ابو سالم بحده:وولدد وش حركات الورعان ذي وشو له الركض !!
ضحك محمد وقال:بريكات بهاج بريكات
ابتسم بهاج وهو يقول:بهاج مين يروحي؟انا الدكتور بهاج بن محمد بن هذال ال مطلق
فزو الرجال كلهم يباركون البهاج وفز محمد يحضنه على طول:مبروك ي عين اخوك مبروح ي روحي
بهاج وهو محاوطه:الله يبارك فيك حمودي وعقبالك
سلمو عليه وباركوله وجلسوا الرجال كلهم ونطق ابو سالم:عشان المناسبه هذي معزومين كلكم على كرامه لبهاج
بهاج:مايحتاج جعلني فداك لا تتعب نفسك
ابو سالم:مابه تعب وكلكم بعد الغرب تتجهون للعزبه وبنتجمع كلنا هناك ونمسي ونرجع اليوم الثاني
الكل اتفق مع ابو سالم وحبو فكره العزبه وقالو للحريم وهم جهزو كل حاجه يحتاجونها عشان الطبخ والجلسه وكل حاجه
~عند بطلتنا~
جالسه مع صديقات عمرها يسولفون بعد مارجعوا من الجامعه ويطقطقون ويضحكون
غلا وهي ميته ضحك:الله يقطع بليستس يالين اااههه بموتت
وطاحت على بيادر وماتوا الثنتين ضحك
لين وهي تضحك:والله اني صادقه
كانت لين تقلد بنت عندهم بالجامعه ولافه الستاره عليها وتمشي نفسها وتقلد رقصها لان كان عندهم حفل في الجامعه وكانت تقلد رقصها بمنظر مضحك والبنات ماتوا ضحك
بيادر وهي تضحك:بس والله عرفتي تقلدين
كملوا سوالف وجهز الغداء وتغدو وبعدها ناموا يريحون بعد تعب الجامعه
________
~بعد المغرب في العزبه~
مجتمعين حوالين الضوء وسوالف وضحك والشباب والبنات راحوا للحلال يشوفونه
عبدالله:خلو عنكم الدلع الزايد وادخلوا معنا
صرخت ريماس لما قرب منها البعير وطلعت تركض
سعيد:وجع والصراخ
ريماس:يقلعكم ويقلعني معكم مثل مادخلت
دلال وهي داخله مع العيال وماهمها شي وتمسك الحلال وماتاخف ابداً قالت:بنات اخر زمن صدز شفوني وانا بنت سيف ماطقيت لها خبر
غنى بقرف:يعع ي دلال يع مقرفه كيف تمسكينها
عبدالله وهو يقلد نبره صوتها قال:ييعع مقرفه يعع
الكل ماتوا ضحك على نبره صوت عبدالله
عبدالله:الا وين اختس الدبشه
منى وهي جايه لهم:هنا ي الخنزير هنا وش تبغا
ماتوا ضحك وطقطقه على عبدالله الي قال:لا بس مستغرب ما اشوفتس مع دلال ولا خايفه تبين تصرين دلوعه ترا مايصلح لتس كنسلي من الحين
منى بغنج:اذا مايصلح لي يصلح المين؟
عبدالله ذاب من حركات منى وهي تتغنج وهمس:ابو صالح!
دحوم بقرف:يععع الله يقرفتس والدلع جاتني حموضه
منى:وعع منك والله المهم خن ندخل ونشوف الحلال زمان عنه
دخلت منى مع دلال والبنات الباقين كانوا خايفين ومادخلوا معهم
بعد فتره قصيره رجعوا الشباب والبنات للفرشه مع اهلهم وجهزو العشاء وبدوا ياكلون وبعدها ك العاده الشياب والحريم ناموا والبنات والشباب كملوا سمره
بهاج:نبي براد شاهي بنعناع من الشقرديه الي بتسويه
قامت حلا:انا بسوي الشاهي وبجيكم
بهاج:كفو والله
ابتسمت حلا وراحت تسوي الشاهي والعيال زودو الحطب وقربوا الكل منه ونطقت ريماس:وش رايكم نلعب
دحوم:وش اللعبه
ريماس:تكون اسمائنا كلنا موجوده في اللعبه والي يطلع اسمه يختار صراحه او امر واذا اختار صراحه اللعبه نفسها تعطيه السوال مب احن والامر نفس الشي
ذيب:وش اسمها اللعبه
ريماس:طقطقه يالله نبدا
الكل:يالله
اخذت ريماس جوالها وضافت اسماء الموجودين كلهم ولفت العجله وطلع اسم منى
ريماس:امر او صراحه؟؟
منى:صراحه
ريماس:طيب وش الشي الي دائماً اذا شفيه تخافين
منى:ما اخاف من شي الصراحه
عبدالله:مستحيل ما عندتس فوبيا من شي؟؟ خل منتس الهياط وتكلمي
منى:مافيه شي مستحيل
غنى:يختي قلي عندي فوبيا من الاماكن الضيقه وخلصنا
انفجر عبدالله يضحك على منى ونطقت:هي قالت الشي الي دائماً تشوفينه ماقالت فوبيا من شي
عبدالله:مافيه فرق
خزته منى وكملوا لعب
ريماس:بهاج
بهاج:سمي!
ريماس:سم الله عدوينك صراحه ولا امر
بهاج:صراحه
ريماس:اوكيه من الشخص الي دائماً اذا شفته يدق قلبك وتبتسم لا شعورياً؟؟
بهاج دكا على المركا وقال:مايبي لها
ريماس:من؟؟
بهاج:
مبسمٍ مابين غمازتين ودقّ خاااال
اذبحتني الغلا لعنبوها على ابو جدهاا!!
أنت تقرأ
"عشقتها ي سعود بكل حالاتها ولا زالت تكابر وتقول مابيه"
De Todo~روايتي الاولى كُتبت بواسطه✍🏻:بهجه اليامي~ ابطال الروايه:غلا&بهاج
