نوال صار وجهه احمر وحضنته وقالت:نطفيه بالاحضان بس
ضحك خالد وابتسمت نوال وبعدها ناموا
______
مشت الايام ومشى الوقت وخلصت غلا الترم الاول وبدت تطبيق بين ناسها واهلها في ديارها وبين حبايبها في نجد العذيه وسعود الي ماخذ اجازه فتره وراجع بعد للديره وابو ناصر اخذ اهله بما انهم خلصوا اشغال ورجعو للديره ومطلق طلع من المستشفى وسوو له كرامه بمناسبة سلامته ورجعوا ال مطلق مكتملين مثل مانحبهم ونحب جمعاتهم
كانوا الكل مجتمعين على الفطور وسوالف وضحك الا دكتورنا الي كان في المستشفى في المكان الي كان حلمه يكون فيه من عمر السبع سنوات وهو يتمنا يكون دكتور كان ماسك حاله بنت صار لها موقف وخلها طريحة فراشه ماتتحرك ابداً شلل بكامل جسمها وصار له فتره ماسكها ويعالجها مايخلي احد يجيها طفله بعمر 12 سنه
جالس معها ويسولف لها رغم انها ماترد عليه بس تبتسم لكنه سرعان ما ابتسم بوسع ثغرة من شافها تحرك اصبعها السبابه بيدها اليمين يحس بفرحه مايقدر يوصفها ابتسم لها ونطق:اذا حابه ترتاحين حركي اصبعتس مره واذا حابه اكمل سوالف معتس حركيها مرتين
حركتها مرتين وسرعان ما احتضنها بهاج وباس جبينها ونطق بصوت هامس:اذا ابوك الي سو فيتس كذا حركيها مره واذا كان مثل مايقول حادث حركيها مرتين ولا تخافين مارح اقول لاحد وترا والله مايقرب منتس وانا موجود
سوعان مانزلت دموعها تحرق وجنتيها الناعمه تتذكر الموقف مره ثانيه ونطق بهاج:حبيبتي ليه الدموع لاتخافين ي عمري انا معتس بس انتي عطيني اشاره
حركت اصبعها مره وحدها وسرعان ما انصدم بهاج كيف ابو يسوي في بنته كذا كيف يكون سبب في تدمير حياتها بس الي كان يخليه يشك انه دائما
اذا زارها تبكي ماتبيه يقرب منها تخاف منه بشكل مب طبيعي ولما سئله بهاج حس بتوتر لاحظه عليه بهاج وحاول يغير الموضوع وحب بهاج يتاكد وجاه الورد من البنت يحس ان جسمه صار نار عصب وبقوه نفسه يطلع ويلعنه لكنه وعدها انه مايقول لاحد انه عرف منها يخاف ان ابوها يقتلها حاول يتمالك اعصابه وابتسم ابتسامه زائفه ونطق:نامي ي عمري ولاتخافين مارح اقول لاحد
ابتسمت له وفعلن نامت وبهاج طلع من عندها ورجع للبيت
دخل البيت وكانت غلا طالعه برا تكلم لين وتضحك واول مادخل بهاج سكرت قرب منها يسئلها عن حالها غلا ماتنكر انها ذابت من شكله بالبالطو واللبس الخاص في الدكاتره
ابتسم بهاح ونطق:شخبارتس ي عمري علومتس
غلا:الحمدلله وانت؟
بهاج الحمدلله،وش تسوين هنا؟
غلا:ولا شي اكلم!
بهاج:من؟
غلا بصدمه:سلامات بهاج وش الي من
بهاج:اقصد من تكلمين
غلا ضحكت بسخريه وكانت بتشمي بس استوقفتها يد بهاج الي نطق:غلا والله ما اقصد شي قسم بالله بس كان سؤال متعود عليها مع العيال يعني نسئل بعض وكذا واذا ازعجتس فا اسف والله
غلا:تمام خلاص
مسكها بهاح ونطق:غلا ترا بنتزوج وانتي لين الحين ماتغيرتي ترا والله العظيم اني جايتس على وجهي واني احبتس ومستحيل احد يمتلك قلبي غيرتس انتي غير عن الكل افهميني انتي غلا حياتي وكل مافيها انا شاريتس على سنه الله ورسوله ليه الاسلوب البارد ذا ليه دائماً تقلبين يوم احس انتس بديتي تتقبلين ويوم احس انتس نادمه في خاطرتس شي تكلمي وقلي سامعه عني شي؟علميني خن ابرر،احد تكلم عني في شي انا ما اعرفه،خليني اقول لتس كل شي ونتفاهم ولا؟
غلا ترددت تتكلم وبدت تناظر فيه ونطق بهاج:غلا خايفه تكلمي
غلا:ب..بهاج
بهاج:عيونه وقلبه وحياته كلها سمي
غلا:بهاج ترا والله العظيم اني صرت احبك ومن زمان بعد بس امانه وتكفى ما ابي اتعلق فيك وبعدها يصير مثل مايقولون تكفين علمني بالصدق انت تحب لطيفه انت بتتزوج لطيفه الثانيه
بهاج انصدم ليه تفكر كذا هو من متى قال انه يحب لطيفه:غلا من قال لتس الكلام ذا؟
غلا:انا سمعت امك ولطيفه وام لطيفه يتكلمون ويقلون انك تحبها وبتزوجها وانك ماخذني بس لان بينك وبين هادي مشاكل ولما طلبني حبيت انك تقهره
بهاح:ترا لطيفه اكبر مني بسنتين مستوعبين ومستحيل افكر اتزوح وحده عليتس واكبر مني بعد مهما سمعتي عني كلام عمرتس ماتصدقين ابداً مهما كان الشخص قال بهاح سوا وسوا لاتصدقين لاني مستحيل اصدق فيتس مهما قالوا ومهما كان الشخص فا ابيتس تسوين نفسي
حضنته غلا على طول ابتسم بهاح واخيراً حلو مشاكلهم واجتمعوا الاحباب حضنته بكل قوتها نزلت دموعها على طول كيف هي ظلمته عشان كلام كيف خلته يحبها وتحاول ماتهتم له عشان كلام سمعته وما تأكدت منه ومازاد وجعها الا لما قال لها مستحيل اصدق فيتس هي كيف صدقت فيه
مسح دموعها وباس خدها ونطق:وش كان اتفاقنا بدون دموع صح
ضحكت غلا وابتسم بهاج وبعدها دخلت داخل وهو اتجه للبيت يغير ملابسه
__________
اجتمعوا بعد الغداء سوالف وضحك ودخلوا عليهم عماتهم وبناتهم ابتسموا البنات وقاموا يسلمون عليهم وبعدها جلسوا البنات يسولفون ويلعبون مثل عادتهم
نجد بهمس:غلا تكفى خن اقول تحمست
غلا:نجد مب لازم
نجد:لا والله بقول
دلال:وش فيكم انتي وياها؟؟
نجد بحماس:بنات تخيلوا
الكل:وش؟
نجد:غلا طاحت البهاج واليوم اعترفت له وااهه يكثر الحُب
صرخوا البنات كلهم بصوت واحد
ونطقت غلا:اص اص بلا وش فيكم
غنى:عششنناا
الجوهره:اشرحي لي تكفين
العنود:اهه يابهيح الحين تلقينه ذايب ولدنا مايتحمل قلبه رهيف
ضحكوا البنات كلهم ونطق غلا:كان فيه سو تفاهم وتفاهمنا واخوكم اهه يجنن وياخذ العقل والقلب واهه يبنات انا الي بذوب
ضحكوا البنات ونطقت حلا:قلنا حبيه بس ماقلنا صيري خفيفه
منى:ما الومها صراحه بهاج يخلي المب خفيف خفيف
اخذت غلا المناديل ورمتها على منى الي طاحت تضحك
ريماس:وصار فيه غيره بعد والله تطورت ذي في خمس ثواني
دلال:المناسبه ذي يبي لها رقص قوموا قوموا خلصونا مابغت الخفيفه تخف يالله
امل:اغاني تكفين
دلال:وخري مني بحط لتس شيله على كيف كيفتس
واشتغلت شيلة ال مطلق وبدوا البنات يصارخون ويلعبون على الشيله دخلوا غلا وغنى وبدو يلعبون بكل احترافيه لعب يجنن ويقطع القلب من جماله تحت كلمات الشيله
حنا المطلق عزوت مسميه نارد على الناموس وردحيام
حن حربة على النهار الهيه اهل الفعايل والركاب قيام
اهل الفعايل والركاب قيام
حنا المطلق عزوت مسميه نارد على الناموس وردحيام
حن حربة على النهار الهيه اهل الفعايل والركاب قيام
العيال سمعوا الصوت وهم جايين ودخلوا والبنات تغطوا والعيال بدو يلعبون بكل احترافيه لعبهم كان يجنن بهاج مع سعود ونايف مع محمد والكل يصور ويعزز ويصارخ ودخلت العمه منيره والعمه حصه وزاد الصراخ وبدو يساعبون وبعدها دخلت غلا ودخل معها بهاج وبدو الحبايب يساعبون وسالم سحب سلمى ودخل معها
(صح كانوا اهل نجد معروفين بالعرضة واللعب يكون لاهل الجنوب القحطانيين وصبيان يام لكن كانوا ال مطلق ساكنين فتره طويله في الجنوب ومتعودين عليهم وعلى عاداتهم وتقاليدهم عشان كذا كان لهم في اللعب(السعب) ويعرفون له)
خلصوا كلهم وبعدها طلعوا برا يجلسون مع الشياب سوالف وضحك
سعيد:صرت اكره الجلسه معكم ياخي انا اقول لكم الحين ما ابي الزواج شفيكم خلاص فكونا
سعود:خلوكم منه الورع ذا انا الي بتزوج
ابو دحوم:ومن تعيسه الحظ
الكل مات ضحك على سعود الي نطق:لابالله الا ياحظها فيني
خالد:من؟؟
سعود:مدري؟
سعيد:والله ماعندك سالفه
سعود:بالعكس ياخي متوظف وجميل وانيق وش ناقصني ابي حرمه وخلاص
ابو سالم:ايوالله صادز شفلك وحده من بنات عمك ولا عماتك وتزوجها
سعود:لا افوه
دلال:من زين الوجه المربع يعع
سعود:قولي انتس ميته علي عادي
دلال:يعع والثقه الي مب محلها
سعود:بتزوج ان شاء الله قريب والبنت ابشركم موجوده بعد
الكل بصوت واحد:من؟؟
سعود:كل شي في وقته حلو
محمد:والله معاد الا انا اجل حتى انا البنت موجوده
دحوم:وانا بعد
ضحك عبدالله وقال:حتى انا
ماتوا الكل ضحك ونطق ابو خالد:كل واحد يقول من يبي يالله
محمد:والله يبه مثل مايقول سعود كل شي بوقته حلو انا بتوظف ان شاء الله وبتزوج
سعود:وانا فتره وخطب
دحوم:انا مطول
عبدالله:انا مدري والله
ابو ناصر:والله كدينا خير
اذن المغرب والرجال اتجهو للمساجد والحريم والبنات في البيت وصلوا وخلصوا ومن بعدها العشاء وبعدها اتجهوا الشباب للاستراحه..
فارس:امانه سعود منهي؟؟
سعود:خلوها مفاجئه
عايض:شفت اخوك الصغير بيتزوج وانت باقي
سعيد:ياليل اليل رجعنا في ياطير يلي
عايض:فارس بيتزوج وسعود ومحمد وعبدالله ودحوم ومن بيبقا انا وانت
سعيد:العزوبيه جميله جداً
زياد:اثاريك حتى انت ي عايض ماتبي الزواج
عايض:باقي بشوف لي وحده تناسبني وتناسب جمالي ثمن بتزوج
ذيب:ياشينك امها داعيه عليها دامها بتتزوج واحد مثلك
عايض:لابله غير ياحضها فيني وسيم وشهم وعن ميت رجال وش تبغا بغيري
خالد:ياحبكم لذا الزواج ماعندكم موضوع غيره
سالم:ازعجونا ي ولد
ناصر:لا ياشيخ!!عشانك متزوج انت وياه
خالد:الزواج صعب ومسئوليه وانتو منتو قدها عشان كذا لاتشغلون بالكم في شي منتو قده
بهاج:ي رجال انت متزوج من سنتين وماشفنا غير سلطان من سنه والسلقه الي جنبك متزوج من سنه ولين الحين ماشفنا شي
فارس:صادق والله مايعرفون للمواضيع ذي
ماتوا فارس وبهاج ضحك على خبثهم وكلامهم ونطق سالم:هيه ورع باقي صغير على ذا الكلام
بهاح:ي رجال لو اتزوج انا بجيب ثلاثه في شهر
فارس وهو ميت ضحك:صل على النبي
ضحكوا العيال عليهم وكملوا سوالف لين الساعه 10 وبعدها اتجهوا لبيوتهم..
جاء وقت السمره الي نبيها كلنا شباب وبنات سوالف وضحك جلسه بدون نفس ثقيلة مع شاهي نعناع وقهوه وحلا وحب دوار الشمس
منى:عطونا لعبه وش الجلسه البيض ذي
عبدالله:ترا فيه شي اسمه سوالف
منى:نبغا فعاليات
خذت تفكر ونطقت:عندي
الكل:وش؟؟
منى:مب لعبه يعني بس نبغا من بهاج قصيده ومن محمد اغنيه ونبغا نايف يدق العود ونبغا بعد غلا تغني
بهاج:اب اب اب غلا صوتها حلو
غلا ناظرت منى نظرت استحقار ونطقت:منى ماقلت ما احد يعرف غيرنا يالبنات بس
دحوم:اطربينا يبنت سلطان خن نشوف صوتس ولا صوت اخوتس
محمد:غلا احلا
بهاج:وانت بعد تعرف
غلا:اكيد لازم بس ترا تختلف الاصوات من رجل الا انثا يعني صوتي حلو ك ناعم وصوته حلو ك ثقيل يعني
امل:يالله نبدا من عند بهاج
تنحنح بهاج وناظر في غلا ونطق:
أنت تقرأ
"عشقتها ي سعود بكل حالاتها ولا زالت تكابر وتقول مابيه"
عشوائي~روايتي الاولى كُتبت بواسطه✍🏻:بهجه اليامي~ ابطال الروايه:غلا&بهاج
