"عشقتها ي سعود بكل حالاتها ولا زالت تكابر وتقول مابيه"

بارت14

اليوم الثاني الكل صاحي بدري والعيال وام عبدالله ومطلق اخو زياد راحوا للمستشفى
دخلوا الغرفه ومطلق راح الاخوه يضمه ويسلم عليه والكل يتحمدون له بالسلامه
عبدالله:طلع ي مطلق عندك مشاعر ماتوقعت تخاف على زياد
مطلق:ايه ابشرك عندي مهما تناقرنا انا وهو يضل افضل اخ
عبدالله:افا وانا زعلت خلاص
مطلق:انت افضل اب انت مثل ابوي الله يرحمه
الكل:الله يرحمه
عبدالل:دام كذا خلاص رضيت
مطلق يضحك:اسرع رضاوه
الكل يضحك
ام عبدالله:شخبارك وانا امك
زياد:الحمدلله يمه اخباركم انتو
ام عبدالله:الحمدلله الا قلي كيف انصبت
الكل يحك راسه ويدور عذر
ام عبدالله:من امس اسال ومحد يقولي وش صار
زياد:ابد يمه بس كنا نمشي ونسولف الا واحد  يطلق علي ويهرب ويركضون العيال يشوفون وماكان فيه احد
ام عبدالله:يعني ماشفتوه من الاساس
زياد:لا يمه
بهاج:تطمني يعمه اهم شي صحه زياد ومن شوي كلمت الدكتور ويقول حالته الحمدلله كويسه وبيكتبون له خروج بكره
الكل:الحمدلله
.............................
في البيت *عند الحريم*
ام ذيب:هاه ي حصه بشرينا كيف وضع زياد
ام عبدالله:الحمدلله بخير ويقولون بيطلع بكره
ام دحوم:وماقالو لتس وش صار
ام عبدالله:الا والله قالو لي
ام سعيد:وش صار وش قالو لتس
ام عبدالله:قالو ان...........
آم خالد:حسبي الله عليهم قطاع الطرق واجد مانقول الا الله يحفظ عيالنا ويهديهم
الكل:امين
ام سالم:وش معنى زياد لايكون قاصدينه
ام عبدالله:يمه لاتخوفيني
ام ناصر:لا ان شاء الله مافيه الا كل خير
الكل:ان شاء الله
*عند البنات*
دلال:دائماً اذا طلعنا صار شي وخرب علينا
حلا:ايوالله صدق مستحيل نطلع ومايصير شي
غلا:ان شاء الله انها اخر مره
الكل:ان شاء الله
بعد فتره سوالف
نجد:ملل وش نسوي
منى:خن نلعب
امل تتصنع الحزن:انا مارح العب شلون تلعبون واخوي منصاب  في المستشفى
غنى:بس امل حبيبتي عمتي حصه من شوي جايه من المستشفى وتقول انه بخير
دلال:لاتخافين زيادوه بسبع ارواح
غلا تضحك:وانتو مصدقين واضح الخبله تكذب
دلال:والله شكيت في الوضع بس قلت يمكن مشاعرها قررت تطلع
ضحكت امل:يالله وش نلعب
غلا:اونو
الكل:تم
وزعت دلال الاوراق وبدو لعب
منى:يالله القمي اسحبي اربعه بسرعه
دلال:يقلع ذا الوجهه بس المره هذي مارح يحالفتس الحظ
وحطت فوقها اربع
غلا:وجعاه انتي وهي اسحب ثمانيه وش الحظ ذا مابقا  لي الا ثنتين
دلال:اسحبي اسحبي
كملوا البنات لعب وفازت غلا
ريماس:مستحيل كيف تفوزين وانتي ساحبه ثمانيه اورق
العنود:طبيع مايخلي طبعه غاشه صح
غلا:وشو له اصلاً تعرفون سر المهنه تعلموا اللعب مني على اصوله
الجوهره:يالله قيم ثاني
كملوا البنات لعب
غلا:بروح اخذ مويه برجع
قامات غلا ونسيت انها خاشه نص الورق تحتها
دلال تضحك:علينا ذا الحركات
غلا:وش
دلال تشر بعيونها على الورق
غلا تضحك:يوهه تكفين نسيت منه
البنات يضحكون
حلا:والله كلنا كنا شاكين فيتس
غلا:تكفين معطيني ثمنيه اوراق
راحت غلا تشرب ماء بعدها رجعت
ريماس:خلاص خن نغير اللعبه
نجد:نلعب واصل(تلعب اربعه وكل ثنين اصدقاء)
الكل:تم
نجد وغلا صديقات وغنى وريماس صديقات
نجد تاشر الغلا بمعنى عندتس اكه(A)غلا اشرت لها بمعنى ايه
نجد:يالله المره هذي لتس خذي اكه معا اني اعرف انتس تجمعينها
غنى:ماشالله عليتس ذكيه كيف عرفتي
نجد:وراثه من جدي
غلا اشرت النجد بمعنى وصلي
نجد:واصل عند صديقي
غلا:القموا يالله غيرهم
نجد:نبي نجلدكم اليوم كلكم عاد
غنى:متاكده انكم غاشين
ريماس:غلا ونجد مع بعض ومايغشون
غلا تضحك:لا المره هذي ابشركم ماغشينا
قاموا البنات وصارو يتبادلون بالادوار الين ما اذن المغرب وقاموا البنات يصلون ويسوون العشاء
.............................
دلال:مارح اشاركم في العشاء اليوم لاني تعبانه
منى:حتى انا
دلال:ماتتعبين انتي الا اذ تعبت
منى:لازم من كثر حبي لتس
امل:اقول مافيه طلعه من المطبخ تعرفون اليوم جمعتنا في بيت خالي محمد يعني وش؟؟
غلا:النوم الساعه 9
دلال:ياليل يلعن ام الطفش
الجوهره:خلصونا خلونا نسوي العشاء قبل نصير عشاء
ام سالم:بنات استعجلو بالعشاء 
العنود:ان شاء الله يمه
توزعوا البنات الاشغال وصارت كل وحده تسوي شي وخلصوا بسرعه وراحوا يحطون العشاء وبدو اكل ومن بعدها اعلان ابو سالم انه وقت النوم والكل أتجه لفراشه
كانوا البنات كلهم في غرفته الجوهره والعنود والغرفه كانت كبيره وتوسعهم كلهم والعيال كانوا في غرفته بهاج وسالم ونفس الشي تكفيهم كلهم
*عند البنات*
منى:مافيني نوم طيب
امل:خالي محمد الله يهديه بس
دلال:نظامه نظام شيبان ههههههههههههه
البنات يضحكون
الجوهره تنحنح:احم احم بناته موجودين
دلال:ماقلنا الا الصدق
العنود:يالله بنتفق المره هذي معتس
غنى:وش نسوي طيب
دلال ابتسمت يخبث وهي تاخذ المخده وترميها على نجد الي كانت تبي تنام
نجد:وجعاه وجعاه من قليله الحيا الي رمتني بسرعه
غلا بخبث اشرت على امل راحت نجد واخذت المخده ورمت امل
امل:وانا وش دخلني دلال الي رمت
اخذت امل مخده ورمت نجد ونجد ترمي دلال وقاموا البنات يرمون على بعض ويضحكون
*عند العيال*
ذيب:تسمعون الصوت؟؟
سعود:البنات عندهم فعاليات مب زيكم كلى واحد على جواله
بهاج:بتشوف نهايه الفعاليات بعد خمس ثواني
سعود:وش؟؟
بهاج:ابوي
كان ابو سالم رايح ياخذ له كوب ماء وسمع الصوت وفتح الباب على البنات الا وكل وحده تطيح مسويه نايمه الي عند الباب والي شوي وتدخل الحمام وال عند الدولاب وكانت اشكالهم تضحك
ابو سالم:مسوين نايمين اجل قوموا قامت قيامتكم استغفر الله قوموا كل وحده على فراشها
العيال كانوا يسمعون وميتين ضحك على تمثيل البنات
ذيب:بهاج وش دراك
بهاج:ابوي اعرفه لازم يتاكد ان الكل نايم
العنود مسويه نايمه:هلا يبه وشفيك
ابو سالم:وشفيني؟اصواتكم الي ماخلتني انام ليه ماقد نمتوا
العنود بخبث:مب حن يبه العيال حتى ماخلونا ننام
ابو سالم:خير ان شاء الله اجل قوميهم خلي كل وحده تروح فراشها
العنود:ان شاء الله يبه
العيال ماسمعوا العنود بحكم ان صوتها كان واطي
دخل عليهم ابو سالم وكان كل واحد على جواله
ابو سالم:خير ان شاء الله ليه ماقد نمتوا اصواتكم ماخلتنا ننام وما نمتوا وش الصراخ ذا كله
تقدم ابو سالم بالعصا وبدا يضرب العيال وهم يركضون
ذيب:ي خال صلى على النبي حن ماتكلمنا اصلاً
ابو سالم:يعني انا اكذب
ناصر:ي عم مب حن اصوات البنات حتى ماخلتنا ننام
ابو سالم:شين وقوي عين كيف تكذب على عمك عيب استح على وجهك
البنات يسمعون صراخ العيال وميتين ضحك عليهم
ابو سالم:يالله كل واحد على فراشه وناموا
ناموا العيال وهم يتوعدون في البنات اما البنات كل وحده رجعت مكانها ونامت 
....................................
اليوم الثاني الكل صاحي بدري وك العاده البنات في المطبخ والرجال والحريم جالسين برا ويسولفون والعيال في الغرفه
ابو سالم:الله يستر كل ماطلعنا صار للحد من عيالنا شي
ام عبدالله:انذر وانا اختك النذر زين ويبعد عيون الحساد مع ربي
ابو خالد:ايوالله شورتس طيب
ابو دحوم:اجل يبي لنا ذبيحتين نذر علينا وعلى عيالنا
ام ذيب:تسوون خير والله
ابو سعيد:اجل بعد الفطور يروحون العيال ويذبحون ذبيحتين
ابو ناصر:ان شاء الله معا ربي انها تبعد عنا البلاوي
الكل:ان شاء الله
ماهي الا دقايق وجابوا البنات الفطور والكل قام وبدو يفطرون
شلوا البنات الاغراض وغلا كانت اخر وحده تشيل السفره
ابو سالم:سمعي ي بنيتي قولي لواحد من العيال يجيني ابيه
غلا:ان شاء الله يعم
بعد ماقاموا العيال من الفطور كانوا مقررين يطلعون لعيال الديره يسولفون معهم
كانت غلا رايحه وفي طريقها شافت بهاج يغسل
غلا:بهاج
بهاج لا ايرادي:عيونه
غلا ما اهتمت:يقول عمي محمد تجونه يبيكم
بهاج:ان شاء الله
راح بهاج لابوه وعمانه
بهاج:سم يبه
ابو سالم:روح وانا ابوك لسوق واشترو ذبيحتين عشاء اليله ان شاء الله
بهاج:وش المناسبه؟؟
ابو دحوم:نذر وانا عمك
بهاج:ان شاء الله بقول للعيال الحين ونروح
راح بهاج وقال للعيال واتجهو لسوق وبدو يدورون على ذبيحه زينه
خالد:ضبطنا ي عم ولا تهمون في ذبيحتين كفو
العم:ابشر
خالد:تبشر بالجنه نفداك
فارس:سلام وانا قول وشفيه السوق منور
الكل:اهلين
سلموا العيال على فارس
بهاج:اخبارك فروس
فارس:تمام وانتو
المل:الحمدلله
فارس:هاه معنا اليله سمره ولا؟؟
محمد:الليله مايمدي والله خلوها بعدين
فارس:وش عندكم
قالو له العيال
خالد:تراك معزوم
فارس:الله يعطيكم العافيه لكن ماقدر والله
بهاج:وش الي ماتقدر غصبا حتى ابوي عزم شيبان الديره وابوك منهم تعال معه
فارس:الله يعطيكم العافيه ماتقصرون خلاص اجل اشوفكم بعد المغرب
الكل:ان شاء الله
فارس:يالله الله يعينكم مع السلامه
الكل:مع السلامه
اخذو العيال الذبايح واتجهو ينحرونها وبعدها اتجهوا للبيت 
.............................
دخل الشقه بعد صلاه الظهر وهو يشم ريحه الغداء الي تفتح النفس تقدم وشاف حبيبته في المطبخ وتسوي الغداء قرب منها ومسكها مع خصرها وباسها في نحرها
سالم:تسلم اليدين الصغيره
سلمى تضحك:سالم!!
سالم يضحك:وش اسوي انتي صغيره مره
سلمى:يالله بدل ملابسك وتعال للغداء
سالم:احد يفوت الريحه ذي اخخخ
راح سالم يبدل ملابسه ورجع وجلس معا سلمى على الطاوله وبدو يتغدون
سالم:حياتي انا بروح انام الحين لان اضطريت اروح الصبح اخلص كم شغله بس وعد باليل اطلعتس
سلمى:عادي مايهم اهم حاجه ترتاح
سالم:اخخ سلومتي ي كثر الحب
تقدم سالم وباس سلمى في خدها وبعدها اتجه للسرير وماهي الا دقايق ونام نومه عميقه
....................................
في المستشفى طلع عبدالله وزياد متجهين للبيت
في الغرفه الكل مجتمع عند زياد ويتحمدون له بالسلامه وبعد دقايق طلعوا الحريم وبقول العيال والبنات
دلال:قط بسبع ارواح ماشالله
زياد:قولي ماشالله
دلال:وش قلت طيب!!؟
خالد:تعالي انتي وياها امس ليه تقولون لعمي محمد انه حنا الي نلعب نكبتون الله ينكبكم
البنات تذكرو وانفجروا يضحكون
بهاج:وجع ويضحكون بعد دخل علينا وخذلك ضرب بالعصا واذا تكلمنا عصب
العنود تضحك:ناصر خير انا اقول لابوي العيال ماخلونا ننام تجي انت تقول البنات ماخلونا ننام ليه
ناصر:اثاريه انتي ي ملعونه
ذيب:حسبي عليكم بس صار جسمي علامات
البنات يضحكون
زياد:وش السالفه
منى:فاتك نص عمرك
تكلم ذيب وهو يقول السالفه لزياد وعبدالله
عبدالله يضحك:معليه تستاهلون دامني مب موجود
بهاج:لا ي شيخ!!
زياد:لو اني موجود ماكان ضربكم خالي محمد
نايف:وليه ان شاء الله فوق راسك ريشه وماندري
زياد:لا بس كان حطيتكم في وجهي وماكان ضربكم
عبدالله:الا كان ضربك معهم
كملوا البنات والعيال سوالف الين ما اذن المغرب واتجهوا لصلاه
...................................
بعد المغرب عند البنات الي في المطبخ يسوون العشاء والرجال الي جالسين في المجلس
ابو خالد:شحالك يبو عايض
ابو عايض:الحمدلله شحالكم انتو
الكل:الحمدلله
ابو دحوم:شحالك يا عايض وانت يا فارس(عايض اخو فارس اكبر منه)
عايض وفارس:الحمدلله شحالك ي عم
ايو دحوم:الحمدلله بخير
بهاج:اخبارك يا عايض كم صار لنا ماشفناك
عايض:تعرف انشغالات وكذا
بهاج:خف علينا ي مدير الاعمال ماخلتك الهستره
عايض:هيه لا تسب ترا قريب ان شاء الله مدير اعمال
نايف:اخرتك عامل بقاله
عايض يضحك:لا تستغرب
الكلل انفجر يضحك وماهي الا دقايق وجاء العشاء وقاموا الكل يتعشون
بعد العشاء الشياب سرو بيوتهم والرجال دخلوا ينامون ومابقي غير البنات والعيال
البنات في البيت والعيال جالسين برا
فارس:ماسكينا وتحلفون اخرتها سوالفكم بيض
دحوم:عاجبك ولا الباب يوسع جمال
فارس:يوسع جمل بس مايوسعني هههههههههههههه
بهاج ناظره بطرف عين:عدها!
فارس يضحك:شفيكم نفسيات امزح
عايض:من قال بيلوت
فارس:بعدين نجي انا وبهاج ونهزمكم ملينا ترا
بهاج بغرور:تشوف
عايض:من قال انكم بتلعبون انت وبهاج
بهاج:وليه!؟؟
عايض:انا وخالد اصدقاء وسعيد وناصر اصدقاء
نايف:اه لعب شيبان يعني
ناصر:اجل العبو ي الشباب لحالكم
سعود:من زين جوكم ي شيخ
بهاج:من قال بقاله
سعود محمد نايف فارس دحوم ذيب:انا
سعيد:يبي لكم دينه تشيلكم كلكم
انفجرو العيال يضحكون
نايف:بدون سنون ان شاء الله
عايض:حتى على اسنانا حاسدنا
نايف:من زينها والله
سعود:سياره بهاج تكفينا كلنا
بهاج:يالله امشوا
ركبو العيال سياره بهاج واتجهو للبقاله
*عند البنات*
دلال مع الشباك:بنات بنات
غلا:هلا
دلال:العيال رايحين في السياره خن نكلمهم يجيبون لنا معهم اكل من البقاله
امل:اي والله ماتعشيت زين
غنى:من بيدق
دلال:انا بدق على ذيب
حلا:يالله
دقت دلال على ذيب اكثر من مره ومايرد
دلال:دقيت عليه مليون مره ومارد
ريماس:جربي تدقين على احد ثاني
دلال:بدق على بهاج
بهاج:هلاا
دلال:وينكم هستره على اخر اليالي عيال اخر زمن
بهاج:اخلصي وش تبين
دلال:ادق على ذيب ومايرد ليه
بهاج سئل ذيب وقال ان جواله مافيه شاحن
بهاج:جواله مافيه شاحن
دلال:اوكيه طيب بهيج
بهاج:نعم يا المصلحجيه
دلال:تعرف المهم وانتو جايين جيبو لنا معكم اغراض من البقاله
بهاج:معليه بشوف
دلال:وش الي بشوف بنموت من الجوع
بهاج:خلاص بنشتري يالله
دلال:يازينك
بهاج:ياشينتس
قفل بهاج الجوال وراحو البقاله واخذو لهم وللبنات اغراض وبعدها رجعوا للبيت
دحوم:هاه من فاز
عايض:انا وسعيد
فارس:اكبر كذبه اسمعها في حياتي اساساً انتي كنت صديق خالد
عايض:ايه صح نسيت
محمد:شكلكم انجلتوا انت والشيخ خالد
بهاج:واضح والله
سعيد:يعني بالله عليكم تبيهم يفزون علينا وناصر صديقي
ناصر:ابشر بسعدك
راح محمد وعطى البنات اغراضهم
بعد نص ساعه رجعوا عايض وفارس بيتهم والعيال دخلوا ينامون والبنات نفس الشي
....................................
هاي يحباني المهم عندي لكم خبر قررت ادمج البارتات الاوله يعني احط بارت ثنين في واحد ويصير بارت واحد عشان يكون طويل عشان اذا احد قرا احد جديد الروايه تكون البارتات طويله ف اذا دمجتها بيكون في النهايه يمكن 12 بارت ف اذا قريتو كملوا عادي لان مارح اغير الاحداث لاني قررت تكون بارتاتي طويله ان شاء الله حتى اطول من البارت هذا اشوفكم...... بكره اختبار فيزياء ادعولي🥺❤️

كاتبه الروايه✍️:بهجه اليامي