"عشقتها ي سعود بكل حالاتها ولا زالت تكابر وتقول مابيه"

بارت17

********************************************
خالد وسالم وناصر وعبدالله وذيب وزياد وسعيد والحين سعود كلهم موظفين
وقريب بهاج ومحمد ونايف ودحوم
والبنات حلا والجوهره ودلال يطبقون وغلا والعنود وريماس ومنى وغنى ونجد وامل اخر لهم سنه لانهم بنفس السن بس يفرق سنه او شهور
**<معلومه ممكن البعض ما اتكلم عن شغله كثير عشان ماتكون الروايه كلها دوامات وكذا بس الحين ،،واذا تزوجو ف يمكن ماعاد اتكلم الا عن البعض لان الحين دوامات وكذا ف بيكون فيه جامعه وزي كذا وبتكلم عنهم>**
********************************************
صباح اليوم الثاني في المستشفى
قام وهو يتلفت حوالينه وشاف محمد نايم شال المغذيه من يده وقام هو يحس بدوخه خفيفه بس تجاهلها وراح وغسل وجهه وبعدها طلع هو يروح ويكتب له خروج من المستشفى
النيرس:بس ما نقدر نطلعك لانه مكتوب عندنا بعد ثلاثه ايام واذا صار لك شي فبتكون علينا مسوؤليه لان جرحك عميق
بهاج:عطيني بوقع خروجي على مسؤوليتي ولا رح يصير لكم شي
النيرس:تمام وقع هنا
وقع بهاج وهو يتجه للغرفه دقت رجله في السرير حس بوجع رفع رجله وكان موجود شاش عليها استغرب لانه مايذكر انهم قربو من رجله تجاهلها وقرب من محمد وهو يصحيه
بهاج:كحيلان ماكان الوقت تاخر ماودك تقوم
محمد:وش مقومك من على سريرك انت
بهاج:محمد الحمدلله مافيني شي يالله خنا نتجه للبيت
محمد:صبرك يالله
قام محمد وهو يغسل ويشغل سيارته ويتجه هو وبهاج للبيت
ام سالم:كلمني من شوي بهاج ويقول انهم جايين قوموا سوو لاخوكم فطور ولا شي
الجوهره والعنود:ان شاء الله
وقامت معهم سلمى تساعدهم
وصلوا محمد وبهاج ونزل محمد مع بهاج البيتهم دقوا الباب وفتح لهم سالم
قرب سالم من بهاج وهو يحضه:اخبارك وانا اخوك
بهاج:الحمدلله طيب بشرني عنك
سالم:الحمدلله
اتجه بهاج لابوه وامه وهو يسلم عليه وبعدها محمد باس راس عمه وجلس جنب بهاج
ابو سالم:ليش وانا ابوك تطلع بدري كان ريحت نفسك شوي
بهاج:الحمدلله يبه بخير تطمن
ابو سالم:الحمدلله
جو الجوهره والعنود وهم متغطين عشان محمد وسلموا عليهم وتطمنوا على بهاح وحطوا الفطور وبعدها اتجهو للبيت
بعد الفطور كملوا سوالف وقال بهاج
بهاج:الا نسيت اقول لك يبه بنمشي انا ومحمد بكره الجده
ابو سالم:وش تقول!!انت من وين تفهم لازم ترتاح
بهاج:يبه اقول بخير وما احس بايت حاجه ولازم نروح الجده عندنا اشغال
ابو سالم:وش عندكم؟؟
محمد:نبغا نتطمن على سعود وغلا وبعدها نقدم على وظايف هناك ومالنا مطولين كلها يومين ونرجع
الو سالم:زين الله معكم
بهاج ومحمد:وياك
.......................................
*صباح اليوم الثاني*
بيت ابو سالم
بهاج:العنود ساعه خلصينا
العنود:طيب اصبر بسكرها وعطيك ياها
ام سالم:وشو له شنطه وانا امك وانت مابتجلس غير يومين
بهاج:مافيه ملابس كثير يمه حاط اغراضي شاحني وساعتي وعلاجاتي وغيرها ويمكن نجلس اكثر من يومين بنشوف
ام سالم:زين وانا امك لاتنسا من ادويتك وخذها في وقتها
بهاج:ان شاء الله يالله مع السلامه خدمه شي
الجوهره:سلم لنا على غلا
بهاج:يوصل
العنود:اي شي يعجبك في طريقك جبه عادي ذوقك بيعجبني
يهاج:ومن قال اني بجيب لتس شي!
العنود:اعرفه قلبك طيب بتجيب
ضحك بهاج وقرب من ابوه و امه وهو يبوس راسهم وسلم على خواته وسالم وطلع
محمد:كانك تاخرت شوي يعني
بهاج:خلاص لاتذلنا كلها خمس دقايق
محمد:لا بذلك ثاني مره استعجل
حركوا محمد وبهاج الجده وكان محمد يسوق وبهاج جنبه
وصلوا بعد اذان المغرب وقفوا قبال الفند ق ونزلوا وهم متجهين الشقه سعود لانه ارسل لهم اللوكيشن ودقوا باب الشقه
سعود:هلا هلا ارحبوا توها تغدر الشقه
محمد:بوجودك ي عمري
قرب سعود وهو يسلم على محمد وبهاج ويدخلهم ويجيب القهوه ويجلسون يسولفون
محمد:والله ماضنتي انه انت الي مسوي القهوه
سعود:افا!!تبيني انا اسويلكم قهوه والله ماهقيتها منك
ناظره بهاج بطرف عين:اجل من مسويها
سعود:كلمت غلا وقلت انه بيجيني ضيوف وسوي لي قهوه وسوت
بهاج:وانا اقول وشفيه طعم القهوه حلو
سعود:اثقل اثقل حتى القهوه ماخليتها
سمعوا باب الشقه يدق
سعود:اكيد ذي غلا تبي تشوف انا بتعشى برا ولا يسوون لي
بهاج:وانت حتى العشاء يسونه لك
سعود:وش اسوي اخوكم فالله مايعرف يطبخ
محمد:انت قلت لها اننا بنجي
سعود:لا ماقلت لها عشان لما قلت لي لاتقول لها شي
محمد وهو يقوم:اخبرك ماتمسك شي في السانك يالله بروح افتح لها انا
سعود اخذ المخده ورماها على محمد:اذلف اذلف
ضحك محمد واتجه للباب وهو يفتح الغلا الي كانت تتغطى اذا جات سعود بحكم انه ولد عمها يعني يسولفون وميانه بس يتغطون عن بعض فتح الباب محمد وهو يبتسم
طالعت غلا فيه بصدمه وبعدها فزت لاخوها وهي تحضنه بشوق غلا:اهه يحمودي اشتقت لك
محمد:انا اكثر يروحي
غلا:ليه ماتقول انك رح تجي
ابتسم محمد:تعرفينا عائله نحب السبرايز
(يقصد لما غلا فاجئت صديقاتها بجيتها)
ابتسمت غلا وقالت:اخبارك يروحي واخبار امي وابوي والباقين
محمد:بخير يبعدي انتي اخبارتس
غلا:بخير الحمدلله
سعود بصوت عالي:بتجلسون تتكلمون عند الباب يعني
محمد:ايه وش عندك باقي ماشبعت من اختي
جاء سعود وهو يهمس في اذن محمد:وش رايك نترك طيور الحب لحالهم
محمد:زين
محمد:سمعي وانا اخوتس انا وسعود بنزل نجيب لنا عشى وانتي ادخلي وتكلمي مع بهاج لين نجي لاتتركينه وحده تعبان مسيكين
غلا:تمام يالله
مشوا سعود ومحمد نازلين من الفندق
سعود:والله لو يسمعك بهاج تقول مسكين تعبان ينتفك
ضحك محمد وركبوا السياره
استغرب بهاج من شافهم طولو وقام بس استغرب من شاف غلا الي قفلت الباب والتفت وشافت بهاج قدامها تحركت مشاعرها وبدون ماتحس على نفسها فزت بسرعه البهاج وهي تحضنه بشوق ولهفه وخوف وكل شي حضنت بهاج بقوه حس بوجع في مكان الطعنه لكن ما اهتم و استغرب من حركت غلا بس استوقف تفكيره دموع غلا الي بدت تنزل بعدها بهاج عنه وهو يمسح دموعها
بهاج:وشو له يروحي الدموع ليه تبكين
غلا بدموع:بهاج خوفتني عليك وش صار لك يقولون انطعنت طمني عليك تكفى
انقهر بهاج وحس بغيض لنه شاف دموع غلا وليه تبكي عشانه وليه يقلون لها وماكان له داعي يخبرونها:انا بخير يروحي ومافيني حاجه انتي ليه تبكين هذاني قدامتس بكل عافيتي
غلا:تكفى ي بهاج لاعاد تخوفني عليك ثاني مره
جلس بهاج وجلست جنبه غلا ومسح بهاج دموع غلا بيده وهو يهديها هدت غلا وهي تسترجع انفاسها
بهاج:غلا ما ابيتس ثاني مره تنزلين دموعتس لاي سبب كان واي شخص يضايقتس او يذيتس بدون تردد تعالي لي وانا الي بعرف اتفاهم معه ولا تخافين علي ثاني مره طيب انا بخير ومافيني شي ولاعاش من يضايقتس ويزعلتس يا عمري حتى لو كان انا
هزت راسها غلا بالايجاب
سمعوا صوت باب الشقه يدق خذت غلا شيلتها وهي تتغطى وفتحت الباب لمحمد وسعود وبعدها راحت الشقتهم
محمد:ما بتتعشين معنا
غلا:لا عليكم بالعافيه
سعود:يعافيتس
دخلوا سعود ومحمد لشقه
محمد:لايكون ضايقت وخيتي يا ورع
التفت لهم بهاج وهو معصب وقال بحده:من الي قال الغلا اني انطعنت ماكان له داعي مب لازم تعرف
يعود:كانت عندي لما قال لي محمد وعرفت
بهاج بحده:وانت ماقدرت تصرفها
سعود:وش يعرفني انكم بتتصلون وهي عندي
محمد:خلاص حصل خير تعشوا انتو الحين
هدا بهاج وبدوا العيال يتعشون وبعدها محمد وبهاج كانوا تعبانين عشان مسافه الطريق وناموا ونام معهم سعود ولما تاخر الوقت الكل نام
.......................................
صباح اليوم الثاني *عند البنات*بعد الفطور تجمعوا في بيت ابو دحوم سوالف وضحك
دلال:طفح الكيل خلاص ماعاد اقدر اتحمل انا بمشي الي بتجي معي حياها
منى:ابشري بي
الجوهره:لا أله الا الله كل ما زانت الجلسه تذكروا الطلعات
سلمى:بطلعكم انا بس نبغا سياره
طالعوها البنات بصدمه ونطقت امل
امل:تعرفين تسوقين
سلمى:ابه بحكم ان ابوي ماعليه اولاد علمنا انا ولطيفه السواقه عشان اذا احتاجنا في شي
دلال:ارحب ي المحزم المليان مشينا
سلمى:بس في اي سياره بنروح؟؟
غنى:سياره دحوم
منى:سياره دحوم صغيره ومارح تكفينا كلنا
امل:عبدالله كبيره وتوسعنا كلنا تقريبن
منى:عشان يذبحنا
امل:وش يدريه السياره عند الباب والمفتاح مع امي وهو طلع مع ذيب في سيارته
دلال:اجل قدام بس وش عرفتس ان المفتاح مع خالتي حصه اتوقع انه بشيله معه مستحيل يخليه
امل:لا سمعته يقول خلي مفتاحي عنتس حتى انا استغربت الصراحه
غنى:طيب كيف ناخذه
دلال:منال وخيتي الفزعه تروح وتشيله من عندهم
العنود:خلاص خن نناديها ونقول لها
راحت دلال ونادت منال الي كانت تلعب مع مطلق وميلا وكادي ومنار
دلال:منال حبيبتي
منال:هلا
دلال:اسمعي ابيتس تروحين لخالتي حصه وتقولين لها عبدالله يبي مفتاح سيارته عطيني ياه
منال:وانتي وش تبين فيه!!؟
دلال:منال حبيبتي رحي بلا كثره هرج طيب
منال:تمام بس ترا فيه مقابل ولا بعلم
دلال:ياليل ام الورعنه خلاص ابشري الي تبينه بعطيتس ياه
راحت منال للحريم واتجهت لخالتها حصه
منال:ي خاله
ام عبدالله:لبيه
منال:يقول عبدالله وين مفتاح سيارته يبيه
استغربت ام عبدالله لانه قال لها خليه عنتس فتره لان سيارته فيها خراب بس طلعته ام عبدالله من جيبها وعطته منال:هذا هو وانا خالتس
خذت منال المفتاح وركضت الدلال وعطتها ياه
منال:لاتنسين اتفاقنا
دلال:ماعليه يالله كملي لعب
دخلت دلال وهي تلوح بالمفتاح في يدها:تراااا
امل:كفو يالله مشينا
قاموا البنات وهم يطلعون مع الباب الخلفي والجوهره وحلا رفضوا يروحون معهم بحكم ان حلا مصدعه والجوهره جلست معها
لبسوا البنات عباياتهم برا واتجهوا للسياره بدون ما احد يشوفهم بحكم ان العيال ماهم موجودين والشياب في المجلس الي داخل
العنود وهي تلبس:بنات خلاص تحسفت احس لو يعرفون العيال بيهبدونا يعني احس انحن ماتربينا على شي زي كذا
دلال:ترا مانا شاردين من بيت اهلنا كلها لاسواق الديره وناخذ كم شغله وبنرجع
غنى:انا اتفق مع العنود وش رايكم ننادي مطلق يروح معنا
منى:يعني على اساس ان مطلق الكبير
ريماس:بس يكون معنا رجال اهون
امل:صدق اتفق معكم
راحت امل تنادي مطلق وافق لانها قالت له انهم استاذنوا من العيال عشان مايقول لهم شي بعدين وكان الترتيب ك التالي
سلمى تسوق وجنبها دلال ومطلق
وراء العنود وجنبها منى وغنى وريماس وامل وكانوا محشورين
لانه كلهم رفضو يركبون اخر شي
سلمى:بنات السياره مانها طبيعيه فيها شي اذا مسكت الجلنط ماتوقف
امل:غريبه!!
دلال:اعترفي وقلي انا ما اعرف اسوق عادي
سلمى:لا يا تبن بس صدق السياره شكلها خربانه
غنى:والله ممكن ولا ماكان خلا مفتاح سيارته عند عمتي حصه
مطلق:ايوه سيارت عبدالله خربانه الجلنط فيها مايوقف وبعد وحده من الكفرات مبنشره
التفتوا له البنات بذهول منصدمين من كلامه
امل بعصبيه:ليش ماتكلمت من اول حسبي الله
مطلق:وش يعرفني قلتوا طلبنا عبدالله فحسبته زينها
سلمى بخوف:بنات السياره رافضه بنات تكفون
دلال بخوف:الطريق مب ملينا سيارات بتقدرين تتحكمين فيها تكفى سلمى حاولي انتس توقفينها
البنات بدو يبكون من المنظر الي يشفونه السياره رافضه توقف وسلمى تحاول تصيطر على الوضع لكن الي وقف بكاهم وخفهم صيحه سلمى
سلمى:ببببببببنننننننناااااااتتتتتت
صرخوا البنات وبعدها عم الهدو في المكان والسياره تقلبت وكان منظرها يخوف
صار الحادث قريب من اسواق الديره وسمعوا الاصوات وبدو يركضون وكل واحد يطلع من مكانه ويركض لسياره
1:لا اله الا الله الله يسترنا يالله سترك
2:الله يقومهم بالسلامه الله لا يجعل هلهم يذقون حزنهم
3:دققققوووواااا ععلللىى الاسعععاااافففف بببسسسرررععههه
4:البنات تقريبن سته او سبعه يبيلنا سيارات اسعاف بسرعه كلموا
دقوا على الاسعاف وجت سيارات الاسعاف وهي تفزعهم للمستشفى
وكانت سيارات الاسعاف كثير ووراء بعض
العيال كانوا يتمشون برا ولما شافوا كثير الاسعافات استغربوا
خالد:الله لا يبلانا
ذيب:الله يقومهم بالسلامه ويصبر اهلهم
دحوم:امشوا امشوا خلونا نروح للبيت
مشوا العيال للبيت وهم يتجهون للمجلس ويجلسون عند الرجال وجو الحريم يجلسون معهم
ابو خالد:حلا وانا ابوتس وين البنات الباقين ليه مافيه احد غيرتس انتي والجوهره
ناظرت حلا الجوهره وهي متوهقه وقالت الجوهره
الجوهره:جالسين في البيت ي عم
ابو دحوم:ناديهم يجلسون معنا
حلا:قالو مايبون ي عم
سالم:الا نسيت اقول لكم وحن جايين شفنا سيارات اسعاف كثيره مسرعين للمستشفى الظاهره صار حادث على عائله كبيره
خالد:والواضح من الناس ان الحادث قوي
بدا الكل يدعي ربه انهم يقمون بالسلامه وان ربي مايبلاهم في حد يحبونه
حلا دقت الجوهره ودخلوا داخل
حلا بخوف:بنت البنات تاخروا وهم يقلون مارح نطول والله اني خفت
الجوهره بخوف:خلاص تكفى لاتخوفيني زياده ان شاء الله مافيه شي
حلا:خلينا ندق عليهم ونشوف
الجوهره:تمام
بدو البنات يدقون كل وحده تدق على وحده والكل مارد
حلا بخوف:لازم نقول للعيال مايردون واسعاف ومتاخرين والله اني خفت
الجوهره:خلينا ندق ثاني مره لا ننكبهم
دخلت نوال عليهم وبيدها سلطان
نوال بخوف:بنات وش السالفه
حلا:البنات راحوا يتمشون في سياره عبدالله وماقد جو والحين خايفين عشان سالفه الحادث
نوال بخوف:الله يستر
*عند الرجال*
يسولفون ودق جوال عبدالله
عبدالله:اهلين من معي
الشخص:انت صاحب السياره***** مسجله باسم عبدالله بن صالح وطالع لي رقمك
عبدالله باستغراب:ايه نعم سيارتي
الشخص:سيارتك كان فيها سبعه بنات وولد وصار عليهم حادث وسيارتك معدوم..
كان بيكمل كلامه بس قاطع كلامه عبدالله الي قال بصدمه:انت متاكد انها سياراتي
الشخص:طالع لنا السياره باسمك
فز عبدالله وهو يرمي بجوالها وفزوا كلهم معه على طلعه الجوهره وحلا ونوال
ابو سالم:وش السالفه يا عبدالله
عبدالله كان تحت الصدمه ومايدري وش يقول وباقي ما استوعب ويدعي ربه ان الي سمعه مب صحيح
ام عبدالله بخوف:عبدالله وان امك وش صاير
عبدالله بخوف:ما ادري ما ادري يمه يقلون سيارتي معدومه ومفزعين منها سبعه بنات وولد وعقلي باقي ما استوعب يمه تكفين مفتاح سيارتي كان معتس وش صار وش السالفه
الحريم بدون يصحون ويصارخون ويحاولون العيال يهدون امهاتهم والرجال يذكرون الله ويدعون طلعو العيال مسرعين ومتجهين للمستشفى وكل واحد يدعي ربه انهم بخير ومايصير لهم شي
وصلوا المستشفى وصارو يركضون زي المجانين ويسئلون عنهم الرايح والجاي الخوف في قلوبهم كلهم يحسون الدنيا ماهي قادره تشيلهم من الخوف قلوبهم بتقطع على خواتهم ومطلق لانهم عرفوا من الحريم ان مطلق ماهو موجود وتاكدو انه هو
عند عبدالله الي بيموت من قهره اخته واخوه داخل وبين الحياه والموت وهو الي بعد موت ابوه واخته اشواق صاير يخاف من الشكوه ليا صابت احد من اهله
اما دحوم الي شوي ويموت خواته الثنتين داخل ولا بيده شي يسويه ويساعدهم يحس صدره ضايق ومب قادر يتنفس مقهور مقهور بقوه وندمان على كل شي سواه لاخواته ومزحه معهم بشي يضايقهم
اما ذيب كان يطالع فيهم بذهول وهو يحاول يهديهم وهو يبي له من يهديه يحس شوي ويموت من الصدمه كيف اخته وبنات خوالهم كلهم داخل وبين الحياه والموت ومايدرون عن اي خبر وحده فيهم
اما سالم الي مب قادر يتحمل اخته داخل وحبيبته قلبه داخل ويحس ضغطه مرتفع واغماء عليه من المنظر الي يشوفه دخول الدكاتره وخروجهم ومعالم الخوف في وجيهم
اسرعوا العيال السالم وهم يدعون الدكتور وياخذونه الغرفه الحاله ويرجعون العيال ينتظرون خبر من الدكاتره عشان يطمنونهم بعد فتره انتظار وحزن طويله طلع الدكتور واسرعوا العيال له
الدكتور:اسف ما اقدر اعطيكم خبر بس الي اقدر اقوله تدعولهم لان اغلبهم حالته سيئه ومانقدر نعطيكم امل
هنا كانت الصدمه على العيال الي كل واحد طاح في مكانه بخوف وهم مب قادرين يشيلون انفسم وفي الوقت ذا دخلوا عليهم فارس وعايض وهم يركضون للعيال ويسندونهم ويحاولون يهدونهم
*عند الحريم*
يبكون بحرقه على حالتهم الي وصلوا لها ويدعون ربهم والرجال يحاولون يهدونهم بس مافيه فايده
ام ذيب وهي تبكي:يالله ي رب انك تقومهم بالسلامه يالله ي ربي نفداك انحن مانذوق حزنهم
ام عبدالله وهي تبكي:يالله يربي نفداك انك لا تبلانا يالله ي ربي
ام خالد وهي تبكي:يالله ي ربي انك تسترتا بسترك يالله ي رب
ابو خالد:صلوا على النبي ان شاء الله مايصير الا كل خير والله مايكتب لنا الا كل خير ان شاء الله
ابو سالم:الله ليا حيب عبد ابتلاه وان شاء الله انه مايصير لهم
ابو سعيد:البكي ماينفع ي حريم قوموا وادعولهم وان شاء الله ربي يسمع دعوتكم
ابو دحوم:ان شاء الله مافيه الا كل خير انتوا ادعوا وان شاء الله انهم بيقومون بالسلامه
كان الحريم والبنات يبكون بحرقه على بناتهم وعلى الحاله الي وصلوا لها ماتوقعو بيوم يصير لهم كذا يصارخون ويبكون وجوهم حريم الديره لما عرفو الخبر وهم يهدونه ويدعون ربهم انهم يقومون بالسلامه
...............................
في جده عند العيال الي ماكنوا يعرفون عن شي وكانوا طالعين برا ويتمشون
محمد لاحظ ان بهاج بدت توجعه الطعنه لانهم كانوا يمشون ف طبيعي انها تنشد و بتوجعه ويدري انهم اذا قالوا البهاج انهم بيرجعون عشانه بيرفض
محمد:وش رايكم نرجع للشقه احس اني تعبان
سعود:وش التعب المفاجئ ذا مب وقته
غمز محمد لسعود بدون ماينتبه له بهاج بمعنى خل بهاج يرتاح
سعود:خلاص يالله خلونا نروح لاني حتى انا بديت املل
اتجهوا العيال للشقه وهم يجلسون يسولفون ويضحكون
*عند البنات*
كانت غلا جالسه وحدها وتفكر:وش وضعي انا ي اني اكابر ي اني اكون خفيفه ليتني ماتقدمت منه وحضنته احس اني بجيحه صح خطيبي ويحق لي بس ليش انا ماعندي حل وسط ي اني اكون خفيفه ي اني اكابر واسوي نفسي ماني مهتمه
دخلت بيادر وهي تبتسم:وش تفكر فيه بنتنا الخفيفه
(لما رجعت غلا من عند بهاج حكتلهم كل شي صار معها وهم كانوا مستانسين)
لين:اكيد تفكر في الحب
غلا:وجع بنات مب بس بهاج ترا الي افكر فيه واشغل عقلي افكر في البنات اشتقتلهم الصراحه
بيادر:يعني منتظره نصدق يالخفيفه
غلا:ترا ماني خفيفه شفيكم
لين:وش تسمينه اجل
غلا:مدري؟؟
بيادر:خفيفه خفيفه حتى بغير اسمتس في الجوال وبسميتس الخفيفه
غلا:لا تكفين غيريه اي شي الا الخفيفه
لين:دام ماحبيتيه خلاص حتى انا بسميتس الخفيفه
ناظرت فيها غلا بطرف وضحكت لين وضحكوا البنات معها وكملوا سوالف
............................
في المستشفى عند العيال اخذو فتره وجاء الليل وهم على نفس الحال شوي يكلمون الاهل وشوي ينتظرون وكانوا كانهم جثه بلا روح طلع الدكتور وفزو له العيال وقال بحزن
الدكتور:اسف سوينا الي علينا بس..
.................................
انتهاء البارت حبايبي لازم شوي حماس وكومنتات تفتح النفس عشان اكملكم وماننسى النجمه وغير كذا جلنط ما ادري وش تسمونه🙃 بس أغلبية الناس يسمونه كذا فا اتوقع كل الناس يسمونه كذا المهم انكم عرفتوا وش اقصد ان شاء الله وغير كذا سالفه السياره ان شاء الله انكم فهمتو قصدي لان اذا صار حادث الاشخاص يطلعون اسم الشخص الي السياره مسجله باسمه فحبيت تكون الفكره زي كذا
واتمنا انكم حبيتوها❤️

كاتبه الروايه✍️:بهجه اليامي