"عشقتها ي سعود بكل حالاتها ولا زالت تكابر وتقول مابيه"

بارت15

بعد مرور شهر بدون اي احداث مهمه في بيت
*ابو خالد*
عند غلا الي كان كل تفكيرها وهما دراستها ووين تكملها او وش رح تسوي ونسيت بهاج وغيره وخلت تركيزها كله على مستقبلها
غلا:يييبببهههه ييييببببببهههه
ابو خالد:لبيه
غلا:لبيت حاج اسمع يبه تكفى ابغا اكمل اخر سنه لي في الجامعه في جده
ابو خالد:وليه ما تكملين هنا مع البنات والجامعه هنا زينه
غلا:يبه تعرف اخر سنه وتعرف انه حلم الطفوله واتمنى ادرس في جامعات افضل وفي نفس الوقت صديقاتي هناك
ابو خالد:ايه اعرف ي بنيتي لكن اخاف عليتس
غلا:يبه لاتخاف علي وانا بنت ال مطلق ومستحيل اوطي راسك
ابتسم ابو خالد:ونعم ي محاميه ال مطلق كلهم لكن لازم يكون معتس محرم ماتروحين لحالتس
غلا:تمام بشوف محمد يروح معي
ابو خالد:تمام
..................................
في بيت ابو سعيد
فتح عيونه وهو يسمع اصوات فوق راسه انزعج منها وصار يناظر وكانوا سعيد وريماس يناقزون على سريره 
ريماس:اصحى اصحى الساعه شوي وتصير 10 وانت باقي نايم
سعود:كم عمرك انت على الحركات ذي
سعيد:حبيت اعطي ريماس على جوها
ريماس:لا ي شيخ!!يعني مب انت الي قلت خن نزعج سعود
سعود:كبرناهم يعقلون فخبلو
قام سعود من على سريره ودخل الحمام وتسبح وطلع وكشخ واخذ العوده ومن بعدها العطر وبعدها اتجه الجواله واستغرب من شاف 3 مكالمات من رقم غريب اتصل سعود على الرقم
سعود:سلام عليكم
الشخص:اهلين وعليكم السلام
سئله سعود عن اخباره بعدها
الشخص:انت سعود بن سعد بن هذال ال مطلق
سعود:ايه نعم
الشخص:الف مبروك تم قبولك ك محامي عندنا في جده
سعود بصدمه:اسئلك بالله
الشخص:ايه نعم وبعد بكره مقابلتك ننتظرك
سعود بفرحه:الله يسعدك ي شيخ مثل ما اسعدتني الله يوفقك يالله مع السلامه
قفل سعود جواله وبدا يصارخ بحماس ويركض يبشر امه وابوه
سعود:ييييبببهههه يييبببههه ييييبمممممهههه
ابو سعيد:خير وشذا الصراخ كله
سعود:يبه ابشرك صرت محامي يبه
ابو سعيد بفرحه:الف مبروك ي وليدي الله يبشرك
ام سعيد:الحمدلله ي رب الحمدلله والشكر
الو سعيد:وين وانا ابوك
سعود:في جده يبه
ابو سعيد:الله يوفقك وانا ابوك الله يوفقك
ام سعيد:اللهم امين الله يسمع منك
تقدم سعود وهو يبوس راس امه وامه ويسلم على اخوانه وهم يباركون له
منار:الله سعود صرت محامي
سعود:ايه يروح سعود
..................................
في بيت ابو خالد
جالس على جواله بعد ما تسبح وكشخ دخلت عليه غلا
غلا:حمودي
محمد:من بدايتها حمودي هاه وش عندتس
غلا:حمود تكفى قلت لابوي ابي ادرس في جامعه جده ويقول لازم يكون معتس محرم تكفى رح معي
محمد:اسف والله بس مقدر
غلا:تكفى حمود ليه!!
محمد:تعرفين اشغال وكذا ما اقدر
غلا:محمد تكفى تعرف انه حلم الطفوله وابي ادرس في جامعات افضل عشان مستقبلي تكفى
محمد:مقدر شفي غيري
غلا:تكفى فكر
طلعت غلا من عند محمد الي اتصل عليه سعود واتصلوا على بهاح مكالمه جماعيه
سعود:وش تتوقعون خبر اليوم
محمد:وش؟؟
سعود:توظفت
بهاج بصدمه:اسئلك بالله
سعود:والله ي عيال صرت محامي
بهاج بفرحه:الله يبشرك الف مبروك
محمد بفرحه:الف مبروك ياروح اخوك
سعود:الله يبارك فيكم وعقبالكم
بهاج محمد:اللهم امين
محمد:متى تبدا؟؟
سعود:يقولون المقابله بعد يومين
بهاج:وين؟؟
سعود:في جده
محمد بتفكير:لقيتهااا
بهاج:وش؟؟
محمد:غلا اليوم طلبت ابوي تكمل جامعتها في جده وابوي يقول لازم محرم وانا رفضت خلاص تروح معك ي سعود
سعود:ماعندي مشكله
بهاج:احلف!!
محمد:وش؟؟
بهاج:وش الي محرم تراه ولد عمها
سعود:يوهه الغيورين منت واثق في ولد عمك انت
بهاج:افا واثق بس يعني
محمد:بهاج ترا غلا هي وصديقاتها في شقه وسعود في شقه جنبهم
بهاج بفهاوه:اها صح
محمد:فيك شي انت؟؟
سعود ضحك:شكل
خلصوا العيال مكالمتهم واتجه محمد الغلا يقولها وهي شوي وتطير من الفرحه
.........................................
صباح اليوم الثاني بعد الفطور
دلال:خاينات العشره بتروحون وتخلونا
غلا:نبغا نفتك منكم
منى:الا حنا الي بنفتك والله
غلا:اشوفتس بكره تدقين تكفين غلا ارجعي اشتقت لتس
منى:وع اخر وحده افكر اشتاق لها انتي
غلا ضحكت:بنشوف
دلال:ياويلتس ادق وماتردين
غلا:اذا كنت مشغوله
دلال بغرور:الشغل يتاجل لاجل عيوني
ضحكت غلا ودخلت نجد
نجد:يالله بنات خن اودعكم بنمشي
غلا:اما الحين مابتمشون بعد المغرب
نجد:لاوالله ابوي يقول لازم نمشي بدري
قربوا البنات من نجد يودعونها ومن بعدها غلا
امل:افا تروحون وتخلوني
قربوا البنات من امل يحضنونها بعدها اتجهت نجد لابوها وحركو وغلا اتجهت تسلم على الباقين
غلا حضنت خالد وقرب محمد يبي يحضنها
غلا:لا تقرب ترا زعلانه منك
محمد:افا ليه!؟؟ ترا مايهون علي زعلتس تعرفين
غلا بزعل:ليش ماتروح معاي انت تدري اني ابيك
محمد:تعرفين اشغال وكذا ما اقدر
غلا ضحكت:خف علينا ي رجل الاعمال لكن يالله بسامحك المره هذي اهم شي اني اروح الحين
ضحك محمد وقرب من غلا الي تضمه بحب كان اقرب شخص لها بعدها نزلت المستوى ميلا تودها
غلا:بشتاق لتس ي نتفه
ميلا:حتى انا بس لاتنسين وانتي جايه الهديه
غلا:حيوانه على الأقل قلي انتبهي على نفستس على طول جيبي لي هديه خلاص زعلت ماعاد رح اجيب
ميلا:خلاص انتبهي لنفستس
غلا ضحكت وقربت من ميلا وحضنتها وبعدها اتجهت لنوال زوجه خالد وبعدها سلطان الصغير
غلا:فدوه انا لصغار مع السلامه يروح عمه (عمر سلطان شهر ونص)باسته غلا بعدها رجعت ثاني مره تودع امها وابوها بعدها طلعت اخذ محمد شناط غلا وطلع بعدها
ركبت غلا السياره
غلا:سلام
سعود:اهلين
غلا:اخبارك سعود
سعود:تمام وانتي
غلا:الحمدلله تمام
ركب محمد الشناط بعدها فتح الباب
محمد:هاه لا اوصيك انتبه لاخت محمد
سعود ابتسم:لا توصي
غلا:حمود ترا يمكن ادق عليك ميت مره في اليوم يوليك ماترد
حمود:واذا مادقيتي دقيت
محمد:يالله مع السلامه يروحي
ابتسمت غلا:مع السلامه
اتجه سعود وغلا الجده
..................................
عند سالم وسلمى
سالم وهو يلبس:يالله بطلع للعيال توصين بشي
سلمى:سلامتك ي روح..
ما امدا سلمى تخلص كلامها الا وهي تحس بغثيان وتركض للحمام
سالم بخوف:بسم الله عليتس ي روحي فيتس شي
سلمى:مدري احس بدوران وغثيان من يومين
سالم:ليه ماتقولين لي نروح للمستشفى 
سلمى:ماله داعي ان شاء الله مافيه شي
سالم:لا لازم مادام يومين
سلمى:سالم ي روحي رح الحين للعيال واطلعوا واستانسو وانا ماعندي شي
سالم:متاكد
سلمى:ايه نعم رح وانا الحين بلبس وبطلع للبنات
سالم:تمام ي قلبي
باسها سالم في خدها وبعدها اتجه للعيال
وسلمى لبست وكشخت وطلعت برا تسولف مع البنات
................................
في مكان بعيد
بيادر:الله يهدي عمي سلطان كنت اتمنا غلا تجي وتدرس عندنا
لين:الصراحه ماتوقعت انه بيرفض
بيادر:حتى انا والله
كملوا سوالف ويسمعون باب الشقه يدق
بيادر بتافف:لين قومي افتحي الباب
لين:لاوالله قومي انتي
بيادر:مافيني
لين:مب على كيفتس من شوي انا الي فتحت عشان القهوه
دق الباب مره ثانيه
قامت بيادر وهي تتحلطم:طيب طيب
وقفت بيادر عند الباب:مين
مافيه رد
بيادر:ميييننن
كانت بيادر بتمشي بس دق الباب مره
فتحت بيادر الباب:خيير ان شاء ال..
جمدت بيادر مكانها لما شافت غلا واقفه عند الباب وتبتسم
لين وهي متجهه للباب:بيادر ساعه من الي عند البا...غغغغغغغغغلللللللللللاااااا
نطت لين بقوه وهي تحضن غلا وتحضنها بيادر معها
بيادر:ي حيوانه ليه ماتقولين انتس بتجين
غلا:ياحيوانه!!!تستقبليني كذا افا
لين:افف ياكثر الشوق تعالي تعالي خن ناخذ منتس علوم
ابتسمت غلا وفصخت عبايتها وجلسوا البنات يسولفون
لين:ماتكمل الجلسه طبعاً الا بشاهي وفصفص عشان يكمل الحش
غلا:ماتكون لين اذا ماشربت شاهي مليون مره باليوم
لين:لازم عشق
قامت لين تسوي الشاهي وبعدها رجعت وكملوا سوالف
بيادر:كيف عرفتي الفندق والشقة
غلا:نسيتي لين فاتحه الموقع في السناب
لين:اه صح مافكرنا الصدق
بيادر:الا من جيتي معه
غلا:مع ولد عمي سعود
لين:وهو وين
غلا:في الشفه الي جنبنا
لين:المهم لازم تعلمينا علومتس في الديره كلها
غلا:اكيد وانتوا بعد وتقولون كيف الجامعه معكم هنا
لين:يععع تعب وارهاق ما اصدق تجي اجازه
بيادر:عاد فيه بنات بويات(نفس العيال)مانطيقهم ومايطقونا مستحيل يمر يوم مانتهاوش وطبعاً تعرفين لين جوها وانا لازم افزع
لين بطرف عين:مسويه طالعه منها
غلا:عاد جيتكم وبفزع  لكم مثل ايام الابتدائي كل يوم وحنا مكفخين وحده
لين:الله اشتقنا عاد الهوشات معتس غيررر
ضحكت غلا وكلمت محمد وقالت له انهم وصلوا وانها بتنام وكملوا البنات سوالف لين تاخر الوقت بعدها ناموا
*عند سعود*وصل غلا الشقة صديقاتها وابتسم لما سمع استقبالهم لها وضحكهم وتطمن ودخل شقته وغير ملابسه وانسدح على سريره بتعب ونام
........................................
عند بهاج الي كان يتواصل مع سعود الين تاكد انهم وصلوا وبعدها جلس على سريره ويفكر في مستقبله الشخصي والعملي يفكر في غلا ومتى زواجهم وهل لازالت ماتبي ويفكر في شغله وش المستشفى الي رح يقبله كان جالس وحده وبعدها نام