"عشقتها ي سعود بكل حالاتها ولا زالت تكابر وتقول مابيه"

بارت8

خلصوا البنات وصاروا بكامل كشختهم وكانوا يجننون
كشخت العروس
غلا:كانت تجنن لابسه سماوي بارز خصرها المنحوت طويل فيه فتحه خفيفه من قدام وشعرها الي فيه من سواد اليل منسدل ع ظهرها لين خصرها ومكياجها الي بارز ملامحها الهاديه وكانت تجنن حرفياً
والباقين كانو يجننون كلهم من بنات عمها وعماتها
جاء العصر وكان البيت مليان معازيم
.................................
بعد المغرب عند غلا ونجد في الغرفه
نجد:غلا انتي بعد كلام محمد مقتنعه وراضيه كامل الرضى
غلا:لا طبعاً بس محمد طمني شوي وريحني وانا ماحبيت اكسر بخاطره
نجد:يعني ماتبينه؟!!
غلا:هو غصب غصب عشان كذا ارتحت كنت محرقه نفسي اما اني متقطعه عليه لا
جت حلا:يالله تعالو المعازيم كثروا وفي الوقت نفسه الاغاني بدت وطبعاً لازم رقص العروس
غلا:لا لاتحاولين
حلا:اقول امشي امشي اعرفتس زين اول ما تسمعين الاغاني بتحمسين الرقص لعبتس ولا؟
غلا:احب الرقص بس مو وقته
نجد:اجل متى وقته اذا ماكان في خطبتس
غلا:في خطبتس انتي
حلا:امشوا امشوا انتو الثنتين اول من بيدخل
طلعوا البنات وبدو يسلمون ع المعازيم وقاموا البنات يرقصون وطبعاً ماننسى العمه منيره الي دايم ع جو البنات وشافت غلا جالسه وراحت تسحبها
غلا:تكفى ي عمه ما ابي
العمه منيره:اقول قومي قومي
وقومتها غصب واول مادخلت غلا الملعب الكل بدا يزغرط واعتلى صوتهم مبروك ي العروس تتهنين ان شاء الله مبروك مبروك
وكان رقص غلا كالعاده يجنن
حلا تهمس لنجد:شفتي
ضحكت نجد:ايوالله صادقه
تعبت العمه منيره وكانت غلا ناويه تجلست وتقوم نجد ترقص معها وطبعاً الثنتين رقصهم يجنن وكان الكل يطالع فيهم ويسمي
.................................
عند ريماس وحلا في المطبخ
ريماس:حلا لا كذا بتنكب القهوه
حلا:اقول دزي انا اعرف خبرت سنين
ريماس:اذا صار شي لاسمع منتس حرف
كان سعود جاي مع باب المطبخ ودله القهوه بيده
حلا صرخت:ااااايييييي الله يقلع ابليستس ي ريماسوه ارفعيها ارفعيها
مالت الدله وانكب منها ع يد حلا وماعاد عرفت تتصرف وترفعها شالت يدها وبعدت
سعود:سلامت وش صار
ريماس:لف لف حلا موجوده
لف سعود بسرعه:وش صاير من الي صرخت
حلا شهقت:اما لاتقول صوتي وصل لين عندكم
سعود:لا انا كنت جاي وسمعت
ريماس:هاه وش كنت تبي
سعود:تعالي امسكي وسوو قهوه خمس دقايق و اجيكم
ريماس:طيب
طلع سعود من عند البنات بعد ماخذا عقل حلا وحلا خذت عقله كان سعود كشخه بمعنى الكلمه كان يجنن وحلا ماكانت بكثر من سعود كانت بكامل كشختها وطالعه ب الاسود شي ثاني
ماكان الحرق كبير كان بس على اصبعها الوسطى والسبابه وحطت مرهم حروق وطلعت
.................................
جاء وقت العشاء والكل تعشى والأغلب راح البيته
ابو خالد:بهاج ماودك تدخل على حرمتك؟!الشوفه الشرعيه
بهاج بصدمه:هاه!ابوي يقول عيب
ابو خالد بضحكه:وش الي عيب الله يهداك بنت عمك وتشوفها دايم اللهم انها متغطيه
ابو سالم:بنت عمك عادي قم قم
سالم صدمته ماهي اقل من بهاج:وشششش!!
ابو سالم:عما وش الي وش
سالم:وانا ماخليتني اشوف حرمتي وش الفرق؟؟
ابو سالم:بنت عمه
سالم:سلمى بنت خالتي
ابو سالم:امس ي ولد لا يصير شي مايعجبك
ابو دحوم ضحك:ابوك الله يهداه على الدقه القديمه من اول نشوفه عيب وحرم بس الجيل تغير
ابو ناصر:تكلمنا مع ابوك وغير رايه
ابو سعيد بضحكه:الله يعوضك ي سالم
هنا الكل انفجر ضحك
سالم:اللهم امين
ابو سالم يضيع الموضوع:بهاج قم قم وانا ابوك شف حرمتك قم معه ي محمد
بهاج بفهاوه:وش يسوي محمد مب لازم
الكل انفجر يضحك
سعود غمز:اصبر ي بهاج وراك مستعجل
وماكمل كلامه الى ولطمه عقال بهاج في كتفه
سعود بضحكه:ابو سعد ابوه
ابو سالم:ومن الي بيدعي غلا عشان تدخل عليك
بهاج:اهاه يالله هيا هيا سعود جب عقالي
سعود:الزم ورجم بعقال بهاج عليه مسكه بهاج وضبط شكله ودخل المجلس ينتظر غلا
.................................
محمد من الباب:غلا غلا
جت غلا:هلا
محمد:جاهزه
غلا:وش؟؟
محمد:الشوفه الشرعيه
غلا بصدمه:هاه!!منت من جدك
محمد:لا امزح اكيد من جدي بهاج في المجلس ينتظر خلصي وادخلي عليه انا بروح
غلا:سلامات لا مب لازم
محمد:غلا ادخلي لا تكبرين الموضوع كلها خمس دقايق
غلا:ما ابي
محمد:عمي وأبوي بيعصبون ادخلي احسن لتس يالله بروح
مشى محمد قبل تتكلم غلا
دخلت غلا المجلس وكان بهاج معطيها ظهره ع جواله وكان حتى من وراء يخقق
غلا دقت الباب التفت بهاج
وكان بهاج جريئ
بهاج:هلا هلا ب غلا حياتي كلها
غلا تناظر فيه وساكته
بهاج مد يده عشان تسلم
غلا:مب لازم
بهاج نزلها:بكيفتس اخبارتس علومتس بشريني عنتس
غلا:الحمدلله
بهاج:غلا شفيتس
غلا بسخريه:شفيني
بهاج:ايهه!!
غلا:شفيني اجل تخيل معي انت الحين تتزوج انسان ماتحبه وما تطيقه وغصب عنك وانت عمرك باقي صغير مب السن المثالي للزواج وخطبتك يكون بينها وبين زواجك سنتين والشخص الي ماخذك ماهمته مشاعرك ابد اهم شي نفسه وبس
بهاج:طي..
غلا:خل اكمل وفي الوقت نفسه يعرف انك ماتبيه ويجيك بكل برود وكل ثقه بهاج وش شفيك
غلا بدت تشاهق ودموعها نزلت
غلا:ولا شخص واحد بس واحد راعى مشاعري ولا شخص يقول لي مارح تتزوجينه تدري وش يقولون تزوجيه مارح تندمين هو فيه وفيه وفيه فيك او مافيك انا رافضتك ب ايجابياتك وسلبياتك بهاج جرب تتزوجني كمل عش الي تبي بس تذكر اني مارح اعطيك الي تبي وانك رح تعيش معي كانك عايش مع شخص اول مره تشوفه في حياتك لا سلام ولا كلام ولا حتى نوم معك بنام تبي شخص يحبك ويعطيك الي تبي خذ غيري وبتلقى الدلع والعيشه الزينه اما انا ف احلم ب اي شي بس مارح يتحقق هذي انا قلت لك اللهم وصلت اللهم فشهد لا تجيني وتقول غلا وش فيك الجواب وصلك قبل السوال  كلامي انتهى مايحتاج تتكلم اعرف ردك
بهاج:لا ماتعرفينه
غلا:بلا اعرفه غلا والله انا احبك من زمان غلا ترا والله مارح تندمين غلا ترا انتي فاهمه كل شي غلط غلا غلا غلا انا عارفته لو ماكان كذا كان تكلمت بس الحقيقه تسكت الواحد
بهاج:طيب وش تبين مني
غلا:شي واحد خلني ارتاح منك ومن اشكالك
بهاج:خلاص لا تبكين
غلا بسخريه:وقفت على اليوم انا من عرفت انك بتخطبني كل يوم ابكي و اشاهق لا تسوي مهتم وانت تعرف كل شي يصير
طلعت غلا من عند بهاج وهي تبكي بهاج تمنى ان الارض تنشق وتبلعه قبل يسمع اي كلمه من الي قالتها غلا له يستقبلها من الكل الى غلا
.................................
الكل في الخارج راح البيته والشياب راحوا ينامون
طلع بهاج من المجلس وكان وجهه احمر وراح فوق الجبل المكان الي اذا اي احد زعل من محمد وبهاج وسعود يروح له كان بهاج وده يصيح باقوى ماعنده لكن الي كان يهدي بهاج دايم القصيد فتح جواله على الملاحظات وبداء يكتب