"عشقتها ي سعود بكل حالاتها ولا زالت تكابر وتقول مابيه"

بارت16

التفت له بهاج ومسك السكينه الي كان يبي يطعنه فيها وضربه على وجه وطاح الهندي على الارض وقرب منه بهاج وبدا يضربه ضرب قاسي لانه كان معصب لكن السكينه باقي في يد الهندي ومدها على ساق بهاج وقطعه بهاج من العصبيه والحره ماكان يحس بالالم وكان يضربه والهندي ماقدر يقاوم بهاج
هادي من بعيد:الله ياخذه عطيته مهمه وحده وماقدر يسويها روحوا انت وياها اذلفوا من وجهي ساعدو صديقكم
راحو الثنين ركض البهاج عشان يضربونه ويبعدونه عن صديقهم لكن مايدرون انهم يتعاملون مع الشخص الغلط لان كان بهاج شخصيته قويه وهيبته سابقته ولكل يهابه ويخاف منه ليا عصب صح انه يمزح وشخصيته حلوه ويمزح مع الكل لكن اذا احد ضايقه يبعد عنه احسن له
كان الهندي متوجع وماعاد يقدر يقوم لكن الثنين جو من وراء بهاج واحد سحبه والثاني ضربه بوكس في وجه لكن بهاج مسك يده ورجعها على وراء وبعدها ضربه بوكس في بطنه وبعدها وجهه وطاح على الارض والتفت لثاني وكان بيضربه بس استوقفته السكين ال دخلت في بطنه
(الهندي لما طاح على الارض اخذ السكين الي كانت مع صديقه واستغل فرصه ان بهاج كان معطيه ظهره وتقدم منه ودخل السكين في بطنه)
وقف بهاج في مكانه لما حس بالالم وطاح على الارض بس ما اغمى عليه على طول وكان يقاوم ويمسك جواله عشان يدق على العيال ويفزعون له بس اغمى عليه وطاخ الجوال من يده
الثنين مسكوا صديقهم وهربوا بسرعه قبل احد يشوفهم
المكان الي هم فيه ماكان يجيه الا القيل عشان كذا ما احد شاف الهوشه لكن واحد طلع من الكوفي وشاف بهاج طايح والسكين في بطنه ركض له وهو يدق على الاسعاف
...................................
بعد العشاء عند العيال
محمد:ماكن بهاج تاخر يا عيال
سالم:الا والله تاخر
ذيب:سئلته وقال بجي قرب المغرب بس هذا هو اذن للمغرب وصارت الساعه 9 وهوا بعده ماجاء
سعيد:ان شاء الله مافيه شي دقيتوا عليه انتو الحين
دحوم:دقيت ومارد
محمد:حتى انا
عبدالله:بجرب ادق الحين
اتصل عبدالله على بهاج لكن ماكان فيه رد
(الي دق على الاسعاف اخذ جوال بهاج  وقفله وحطه في جيبه وراح مع بهاج للمستشفى)
خالد:الصراحه الوضع يخوف خلونا نطلع ندور له
محمد:لا تخاف على الذيب بهاج ينخاف منه
زياد:طيب هو ماحدد لكم مكان
محمد:قالي انه بيقابل واحد في كوفي بس ماحدد الكوفي
سالم:خلاص امشوا الديره صغيره ومافيه كافيهات كثير وخلونا نروح لكل مكان
قاموا العيال يفرون الديره ويدورون البهاج
*في المستشفى*
اخذت سياره الاسعاف بهاج وعلى طول للمستشفى وماهي دقايق حتى دخل غرفه العمليات عشان يطلعون السكين ويعالجونه والشخص الي وصل بهاج جالس على احر من الجمر برا وينتظر بهاج يطلع ماكنه شخص مايعرف كانه اقرب الناس له
قرر انه يشغل جوال بهاج لانه متاكد انه اهله بيخافوا عليه
شغل الجوال واستغرب لما شاف اكثر من مكالمه من اكثر من شخص بس ماقدر يدق عليهم لانه الجوال مقفل برمز سري
لكن ماهي دقايق حتى اتصل عليه شخص مسميه بهاج(كحيلان)
رد الشخص
محمد:بهاج وينك ساعه ندق وماترد طمنا انت بخير
الشخص:اهلين
محمد باستغراب:انت من
الشخص:ماعليك مني انت الحين وش تقرب البهاج
محمد:بهاج ولد عمي بس ليه هو مايرد ليه ترد انت لايكون صاير شي
الشخص:مافيه الا كل خير انا الحين في المستشفى
قاطع كلامه محمد الي يقول بصدمه:وش وشتقول انت
الشخص:تطمن ان شاء الله مافيه شي بس انت تعال للمستشفى***** وتعرف كل شي
محمد بخوف:خمس دقايق وانا عندك
سالم:وش صاير
محمد:بهاج في المستشفى
ذيب بصدمه:وششش!!؟؟
محمد:لا تسئلوني لاني ما ادري عن شي حرك ي خالد بسرعه المستشفى*****لان بهاج فيه
حرك خالد للمستشفى واول ماوصلوا العيال ركض محمد للاستقبال وسالئم عن بهاج وقالت له انه توه طلع من الغرفه العمليات وعطته رقم الغرفه وراحو العيال ركض للغرفه بس منعوهم من الدخول
سالم:عفواً بس انت الي كلمتنا
الشخص:ايه نعم
دحوم:وش السالفه علمنا
الشخص:الي صار اني كنت طالع من الكوفي و....
محمد بحده:والله لو اعرفه انه ماعاد يعيش غير الي عاشه
خالد:استهدوا بالله اهم شي الحين صحه بهاج وبعدها يصير خير
طلع الدكتور من عند بهاج
العيال:بشرنا ي دكتور
الدكتور:الحمدلله عدت على خير لكن الفتره هذي لازم يرتاح
سالم:نقدر نشوفه
الدكتور:واحد بس
سالم:خلاص بدخل
محمد:لا ي سالم بدخل انا
سالم قدر خوف محمد على بهاج بحكم انه هو وسعود اقرب ناس له:خلاص تمام ادخل
دخل محمد على بهاج وكان الاكسجين على فمه ومنسدح على السرير ونايم وواضح عليه التعب
محمد:تكفى ي الذيب خوفتنا عليك والله ي بهاج لو اعرفه لاخليه يندم على اليوم الي انولد فيه بس المهم الحين انك تقوم بصحه وعافيه ماتعودت على شكلك كذا ي الذيب تعودت على هيبتك وحضورك وقفتك لكن مب طعنه الي تاخذك منا ي الذيب انت اصحى وارتاح وخلي كل شي علي
جلس محمد عند بهاج والباقين رجعوا للبيت وكان الوقت متاخر والكل نايم وكل واحد رجع البيته ونام
.................................
*في جده*
بيادر:اوهه ي غلا اشتقت الصوتس غني لنا
لين:وهي صادزه كم صار لنا ماسمعنا صوتس
ابتسمت غلا:ابشرو ماطلبتوا شي
تنحنحت غلا وعي تعدل جلستها