"عشقتها ي سعود بكل حالاتها ولا زالت تكابر وتقول مابيه"

بارت9

يوم العيد الكل قايم من بدري عشان يجهزون انفسهم ويصلون ويبدون يضحون وكان العيد هذي المره في بيت ابو سعيد

في بيت ابو سالم
عند بطلنا الي ماخذ الكشخه كلها كان يخقق الرايح والجاي كان يجنن حرفياً لابس ثوب اسود وشماغ ابيض وماسك العوده ويتدخن واخر المسات بخه من عطره المميز المعروف فيه بهاج وكان جماله يشقق القلب خلص بهاج وطلع وعيد على اهله وطلعوا
.....................................
في بيت ابو خالد
عند بطلتنا غلا كانت ماتقل عن بهاج كانت تجنن
لابسه بيج بارز خصرها المنحوت ميد فيه فتحه خفيفه من وراء وشعرها الي فيه من سواد اليل منسدل ع ظهرها لين خصرها ومكياجها الي بارز ملامحها الهاديه وكانت تجنن حرفياً
.....................................
بيت ابو ناصر
نايف:يبه تاخرنا خن نطلع
ابو ناصر:يارجال بدري خل الباقين يخلصون
نايف:عمي محمد مرسل في القروب يقول الساعه 5:30 وانتو موجودين كلكم عشان ما نتاخر على الصلاه ونبدا تضحيات من بدري
ابو ناصر:عمك مستعجل تو الناس
جت نجد:سلام وامن العايدين والفايزين
وبدت تسلم على امها واخوانها وعيدو ع بعض وطلعو يعيدون على الباقين
.......................................
بيت ابو دحوم
منى:من الحين هذاني قلت مارح اقطع ولا لحمه وحده
غنى:وليه ان شاء الله فوق راستس ريشه وماندري
منى:سلامات ماتشوفين الجمال هذا كله تبين اخرب شكلي بين الذبايح دم ولوعه تسبد لا والله
غنى:اول من يدخل المطبخ انتي وعاد ضحيه ابوي عليتس
منى:والله يدتس بيدي
ان دحوم:يالله ي بنات هيا تاخرنا
غنى:يالله يالله
وطبعاً عيدو ع بعض وطلعوا
.....................................
تجمعوا العائله كلها وبدوا يعيدون ع بعض ومن بعدها قومو صلاه العيد وانتهوا منها وبدو تضحيات

عند الحريم في المطبخ
ام سالم:ي الجوهره طلعي وانا امتس السكاكين والشفرات وعطيها اخوتس
الجوهره:ان شاء الله يمه
قامت الجوهره وراحت المطبخ وكانت غلا موجود وتسوي القهوه
دخل بهاج المطبخ وشاف غلا بس هي ماشافته
بهاج في نفسه(ماشالله ي الجمال والكمال هذا كله حقي يازين العيد دام قهوتي من يدها)
طلع بهاج عشان مايحرج غلا صح انها خطيبته بس حتى ولو راح تستحي منه جت الجوهره
الجوهره:غلا ترا بهاج بيدخل الحين اذا ماتبغين تقابلينه اطلعي عشان اعطيه السكاكين والشفرات
غلا:لا تكفى ما ابغا شوي خل اطفي ع القهوه وطلع
بهاج كان يسمع غلا بس حاول يتجاهل الكلام ومايهتم وهو باقي في تأمل ان غلا بتتغير
دخل بهاج واخذ الاغراض وطلع
عند الرجال كل ثنين او ثلاث ع ضحيه وبدو ذبح
طبعاً شكل الرجال مايتغير وهم يذبحون كل واحد مايقل عن الثاني وكانو يجننون صدق
عند البنات كانو عند الشباك ويطالعون فيهم وهم يذبحون
نجد :ماشالله ي غلا وانا مثلتس بسجد الربي كل يوم شكرا وش ذا الجمال في بهاج ماشالله
العنود بغرور:طالع على اخته
منى بقرف:افوههه الا وانا مثله بسجد الربي شكرا اني ماطلعت عليتس
غلا:ترا بهاج زيه زي عيال عمي ما اشوف الي انتو تشوفون
(طبعاً غلا ماتقل عنهم كانت تشوف بهاج يخقق بس كبرياءها تهزمها دائماً)
ريماس:اكيد سعود اخوي احلى شوفو بس الله يطعني
حلا:اكيد ي عمري
البنات كلهم اعطو حلا النظره القاتله
حلا:خير ان شاء الله انا احس سعود احلى من بهاج لاتناظرون كذا
غنى بخبث:بس احلى؟؟
حلا:ايه ترا ماني ميته عليه بس الفيس حقه حلو
ريماس:بنسبه لي دحوم احلى
البنات عطوها نفس النظره
ريماس:على اساس ماقلت لكم قبل خير
منى:انسينا اجل عرفت نقطه ضعفتس بكره ان شاء الله جلست حش فيتس مني انا ودحوم ياويلتس بسبتس عنده
ريماس:غنى لا اوصيتس امدحيني هاه ذي مامنها فايده
الجوهره:اوف ياريماس البجاحه عندتس فل
ريماس:ماقلنا شي انا اعترف ماني مثلكم كذابه
ام سعيد:يالله ي بنات تعالو نسوي الفطور اللحم جاء
منى:انا استاذن
غنى:والله رجلي برجلتس
مسكتهم حلا من وراء كل وحده بيد:امشو قدامي
راحو المطبخ وبدو تقطيع
ام خالد:خن نخلص بسرعه عماتكم بيجون
ام دحوم:ايوالله مانبي يجون وعاد كل شي
حلا:قومً تعاونوا ماذلوا حن ماشالله كثير وبنخلص بسرعه
وبدو توزيع اللحم وطبخه
..................................
عند العيال يغسلون في مغسله خارجيه بعد اللحم
بهاج:يالله انك اديم النعمه ريحه اللحم يا عيال اف ماراح من يدي ماخليت شي ماحطيته
سعود بقرف:حتى انا
سعيد:الحمدلله انا راح ذلحين بدخل ابدل ملابسي
محمد:الملابس حقتنا كلها في بيت عمي سعد صح
سعود:ايوه في بيتنا بتلقونها فوق في غرفتنا
نايف:البنات الي حطوها لاني عطيت حقي انا وناصر نجد
سعيد:ايوه البنات عطوها ريماس وهي دخلتها غرفتنا
خالد:سالم ماخذ وضعيت العريس من اليوم ماسوى شي
سالم:لازم ي اخي اروح لها بكره وريحتي نظيفة
ناصر:يا والعذر السامج كان تسبحت بتروح الريح غير ماخلاك العجز
سالم:انا لين الحين مصدوم ان ابوي وافق اخبره يبيني اول واحد اقطع
بهاج:عطاك وجه عشانك عريس عقبالنا ي عيال
الكل:امين..ان شاء الله
طلعوا العيال فوق وبدو تبديل ملابس
محمد:ي رجال ذا ثوبي
سعود:انا متاكد انه حقي شف
بهاج:هذي اخره الي يفصلون سوا
محمد:انت اطول مني بشوي وذا قصير مارح يزين عليك
سعود:ي رجال متاكد انه لي دور غيره
بهاج:يمكن حقك ي سعود في الدولاب تاكد
راح سعود وشاف ولقاه في الدولاب
سعود:انا قلت لك ي محمد انه لك بس ماتسمع
محمد يضحك:اي صدقنا شفت اني صادق
سعود:والله مب انا الي حطيت يمكن البنات
خالد:يالله ي عيال جيبو العوده
جاء سعيد بالعوده وبدت تدور على الجميع والكل تبخر والكل حط له من عطره المميز وطلعوا
...................................
جهز الفطور وتجمعوا والكل افطر الا غلا ماكانت تبي وجالسه على جوالها في غرفت ريماس
بعد الفطور
ام سالم:وين غلا
ام سعيد:شفتها قبل الفطور في غرفه ريماس
ام سالم:لا يكون باقي زعلانه
ام خالد:لا خلاص البنت مقتنعه
ام سالم:زين
قامت ام سالم من بينهم واحت الغرفه ريماس
دقت الباب
غلا:من؟؟
دخلت ام سالم
غلا:اهلين ي عمه خوفتيني حسبت واحد من عيال عمي سعد يبون ريماس
ام سالم:خليتس خليتس ابي اكلمتس
غلا:هلا
ام سالم:سمعيني ترا انا حدي عصبيه حركات الزعل ماني صوبها مب معنها اذا طلبتس بهاج ان كلنا راضين انا اول وحده ارفض مو اني رافضتس شخصين لا بس فيه في بالي وحده ثانيه لكن بهاج رافض يفهم هذا الشي ويبيتس انتي يا انتس تعقلين يا والله ان يصير شي مايرضيتس خلاص الصبي يبيتس وابوتس غاصبتس غلا حبيه اما انتس تجلسين مع بهاج وما تعطينه وجه واشوف ولدي متضايق والله ان يصير شي مايرضيتس
غلا وهي مصدومه:طيب انا جالسه هنا مب معناها اني زعلانه ابد بس ماكان لي نفس للفطور ودخلت
ام سالم:انا ما اتكلم عن اليوم انا اتكلم عن الايام الي راحت
غلا بنظرة بريئه:بهاج الي قال لتس صح
ام سالم:بهاج ماقال اي شي لكن انا احذرتس من نفسي حركات المبزره خليها عنتس
غلا:بما انتس داريه اني رفضت ليه خليتيه يجبرني وعن نفسي انا ما رح اجبر نفسي على شي ما ابيه اوكي انجبرت على الزواج لكن في الاشياء الثانيه لا ومن الحين ترا ما رح اعطيه اي اهتمام
ام سالم:انا رفضت مثل ما رفضتي بس هو يبيتس انتي وعن الاهتمام ترا بهاج اطيب منه مافيه وقلبه نظيف فا انتبهي احسن لتس
غلا:يصير خير
ام سالم:ان شاء الله
طلعت ام سالم وغلا كانت حدها وانفجرت تبكي وكانت تحسب ان بهاج هو الي قال الامه
..................................
كانت غلا تبكي بقهر على حالتها الي ماكانت تتخيل انها بتنحط فيها
.............................
ام سعيد:هلا هلا ارحبوا
العمه منيره والعمه حصه:الله يبقيتس
ام سعيد:اقلطوا اقلطوا
بدوا سلام على بعض من حريم وبنات وجلسوا يسولفون
.............................
تقدم سيف الي يعتبرونه عيال حصه اب لهم ايضاً وقال بصوت عالي
سيف(ابو ذيب):سلاااااامممم عليكم
قاموا الرجال وبصوت واحد:عليييككككمممم السلااااممم وارحبوااااا
الكل رد:الله يبقيييكممم
ابو سالم:اقلطوا اقلطوا
قلطوا عيال حصه ومنيره وزوج منيره
ومابين سوالف وحديث عند الرجال
.............................
العمه حصه:وين غلا ماسلمنا عليها
حلا:في الغرفه بروح اشوفها
العمه حصه:خليها تجي تسلم قولي لها عماتس يبونتس
حلا:ان شاء الله
عند غلا في الغرفه جالسه وتهوجس في كلام عمتها ام سالم
حلا تدق الباب:غلا ادخل
غلا:ادخلي ادخلي
حلا:وش تسوين
غلا:ولا شي كنت على جوالي
حلا:تعالي عماتي يبونتس
غلا:اما جاو
حلا:ايه
غلا:كان علمتوني من بدري
حلا:ما قدلهم ترا منشوي جاو
غلا:خلاص يالله بنزل
غلا:سلام و ارحبوا
منيره وحصه وبناتهم:الله يبقيتس
وبدت تسلم عليهم
غلا:اخباركم عساكم بخير
الكل:الحمدلله
العمه منيره:شخبارتس انتي
غلا:الحمدلله
العمه حصه:اخبار نفسياتس ان شاء الله انها حلوه
غلا:الحمدلله كل شي زين
بعد جلسه سوالف
العمه منيره:كم الساعه ي بنات
امل:10
العمه منيره:اجل عاد بدري قوموا شغلوا الاغاني خلونا نستانس
البنات:قدام
قامت ريماس وشغلت الاغاني اعلى شي والكل قام من حريم وبنات يرقصون
العمه منيره مع العمه حصه والبنات يعززون ويصفقون
دخلت غلا مع عماتها واعتلى صوت التصفيق
ومن بعدها دخلو البنات كلهم مع عماتهم
قرب الظهر وطفت الاغاني والكل اتجه للصلاه الحريم في البيت والرجال للمساجد
.................................
جاء العصر والحريم يجهزون الزواج سالم اليوم الثاني والشياب والشباب رايحين يعيدون على الباقين الي ماقدرو يجونهم ب الصبح
عند الحريم
الجوهره:احس شعور غريب كذا اخوي بيتزوج
العنود:عقبال بهاج
الكل:ان شاء الله
نجد تناظر في غلا وغلا ابتسمت لانها تعرف انه بيكون زواجها
نجد استغربت رده فعلها بس ما اهتمت وكانت متامله انها تغيرت
دلال:الحين انتو تجهزون لشي مابقي عليه يوم خلونا الحين نطلع نتمشى باسواق الديره
نجد:يوه جد صارلنا ايام كثير ماطلعنا نتمشى
حلا:خلاص شوفو العيال عشان نطلع معهم
غلا:طلعوا يسلمون يمكن باقي ماخلصوا
ريماس:لا كم صارلهم اكيد الحين راجعين
غلا:خلاص كلموهم شوفوا
العنود خلاص بشوف بهاج
..................................
عن الرجال وهم راجعين للبيت
دق جوال بهاج.
العنود:الوو
بهاج:هلا
العنود:وينكم؟؟
بهاج:جايين ليه وش في خاطرتس!
العنود:سلامتك بس نبي نطلع انا والبنات نتمشى ب الاسواق ونبغا نطلع معكم
بهاج:يالله خمس دقايق وحن عند الباب
العنود:يالله
طفت العنود من المكالمة
العنود:خلاص يقول بهاج شوي وهم هنا
دلال:الحمدلله كتمه تبغا نغير جو
العنود:يالله البسوا عباياتكم يقول بهاج انهم عند الباب
...............................
البنات:سلام
الكل:عليكم السلام..اهلين
سعود وهو يسوق:وين تبونا نروح
ريماس:نبغا نتمشى باسوق الديره شوي وناقصنا شغلات بسيطه
سعود:تمام
وصلو السوق والكل راح للمكان الي يبيه وبدو يشترون الاشياء الي يبونها قرب بهاج من غلا
بهاج:اخبارتس
غلا:تمام وانت
بهاج:الحمدلله تمام
بعد فتره هدو
غلا:بهاج
بهاج:سمي
غلا :بسالك بس تكفى تقول الصدق
بهاج:ابشري 
غلا:انت قلت لامك تقولي شي
بهاج باستغراب:لا ليه
غلا:امانه
بهاج:والله العظيم ماقلت شي لا يكون قالت شي يضايقتس
غلا:واجد
بهاج احترق من داخل بس مايبي يبين:وش قالت لتس
غلا:كلام واجد ناسيته
محمد من بعيد:يالله ي بهاج غلا يالله هيا 
غلا:يالله يالله
مشت غلا ولحقها بهاج الي كان بينفجر خايف ان امه خربت كل شي
في السياره
محمد:وش رايكم نروح للبر ونكلم الاهل يجهزون الاغراض ويلحقونا
سالم:لا ي شيخ
محمد:وش
سالم:بكره زواجي ترا وانت تبينا ننام ب البر
محمد:اف نسينا منك انت وزواجك اجل بعد زواجك بيومين بنروح
سالم:لا انا بكون ماني بموجود بعد مانرجع من شهر العسل
محمد:مب لازن تروح معنا ناشب اجلس مع زوجتك
سعيد:وهو صادز وين مارحنا لينك معنا
سالم:بشوف الي ازين من البر
الكل يناضر فيه بصدمه وانفجروا ضحك
بهاج بصدمه:ابو محمد صدز
سالم:خير انت وهو اقصد الاماكن بروح للامارات ازين من البر حقتكم
سعود:الاماكن ولا غيرها
سالم:انت بتمسي ي محروم ولا انا اقوم
الكل انفجر يضحك على رياكشن سالم
سعود وهو يضحك:لا لا بمسي
سالم:انه السنع
كملوا طريقهم الي كان عباره عن ضحك وطقطقه وصلوا البيت ع المغرب وبدو صلاه
...............................
بعد المغرب الكل في بيته
في بيت ابو سالم
بهاج بعصبيه:يمهههه يممممههه
ام سالم:نعم نعم
بهاج:وينتس
ام سالم:هذاني في المطبخ
بهاج:يمه انتي وش قلتي لغلا
ام سالم في نفسها مسرع وصلك الخبر:لا من قال
بهاج:يمه انتي وش قلتي للبنت عشان تجي زعلانه
ام سالم:ماقلت الى الصدق
بهاج:هذي هي المصيبه الصدق الصدق وش وش قلتي يمه
بهاج وهو مايبي يرفع صوته على امه وصار على اسنانه:يمهه خلصينا وش قلتي
ام سالم:بس قلت لها سمعيني ترا حركات الزعل ماني احبها مب معنها اذا طلبتس بهاج ان كلنا راضين انا اول وحده ارفض مو اني رافضتس شخصين لا بس فيه في بالي وحده ثانيه لكن بهاج رافض يفهم هذا الشي ويبيتس انتي يا انتس تعقلين يا والله ان يصير شي مايرضيتس خلاص الصبي يبيتس وابوتس غاصبتس حبيه اما انتس تجلسين مع بهاج وما تعطينه وجه واشوف ولدي متضايق والله ان يصير شي مايرضيتس
بهاج:بعدين يمه بعدين انا راضي بلي تسويه غلا تكفين يمه طيب وش قالت
ام سالم:تقول من قال اني زعلانه وعن اني اعطيه وجه او لا ف يصير خير ان شاء الله بنشوف
بهاج:تكفين يمه هذاني طلبتس لا عاد تكلمينها البنت خلاص صارت تتقبل الوضع لا تخربين شي تكفين
ام سالم:خلاص يصير خير
بهاج:ان شاء الله يصير خير
بهاج :وعن لطيفه بنت خالتي مارح اتزوجها يمه استوعبي البنت اكبر مني بسنتين
ام سالم: وخير ان شاء الله ابيك تستر على بنت خالتك وغير ذا كله البنت مافيها عيب ابد
بهاح:وانا وش دخلني يسترون عليها عيال عمها ولا بكيفهم مارح اخرب مستقبلي عشان استر عليها واذا مافيها عيب بيجيها نصيبها ان شاء الله
ام سالم :عيال عمها مافيهم خير ولا انت معهم
بهاح:انا نعم مافيني خير عشان اتزوج وحده اكبر مني منتي من جدتس يمه
طلع بهاج من عند امه وهو معصب عشان سالفه لطيفه وشوي مقتنع ب الكلام الي قالته لغلا بس ماكان يبي امه تكلم غلا كان يبي غلا تغير نفسها بنفسها
..............................
انتهاء البارت صح طولت بس ضغوطات المدرسه بس ان شاء الله احاول ما اتاخر عليكم نجمه وكومنت تحفزني اكمل🤍..

كاتبه الروايه✍️:بهجه اليامي