ابتسمت ام ذيب لولد اخوها سعد وبعدها بفتره جوهم البنات وسوالف وضحك وعم الصمت من دق جوال عبدالله الي فز ونطق:انت صادز!!
الموظف ابتسم وقال:ايه نعم طال عمرك ننتظركم
عبدالله:يالله يالله
ابو سعيد:وش العلم ي عبدالله؟!
عبدالله وهو مبتسم:مطلق مطلق صحى من الغيبوبه
الكل فز من مكانه بدموع الفرح واتجهوا عبدالله وام عبدالله وزياد وامل للمستشفى لولدهم مطلق دخلوا المستشفى والفرحه واضحه على ملامحهم اتجهو للاستقبال وسئلوا عن غرفة مطلق واتجهوا له بخطوات شبه سريعه ودخلوا عليه وهو كان صاحي ويناظر السقف ويهوجس فز اول ماشاف اهله الي متجهين له بكل حب
ام عبدالله بدموعها:الحمدلله على سلامتك ي روح امك
اتجهت لولدها تحضنه ومن بعدها عيالها الي اتجهوا لاخوهم وحضنوه ويتحمدون له بالسلامه
ابعد منهم مطلق ونطق بحده:انتو مين شو عم تعملو هون؟؟
زياد:اخو االعيال!!وولد ارفع علومك وش الي وش تعملو هنيا
عبدالله:مطلق ورع الظاهر البنج لعب في عقلك
مطلق:انتو مين بعدو عني بترجاكم
ام عبدالله بكت علطول وقالت:مطلق يمه انا امك وهذول اخوانك زياد وعبدالله وهذي اختك امل
مطلق غطى نفسه بمفرش المستشفى وتكلم بصوت باكي:طلعو برا بترجاكم انا ما اعرفكم بعدو عني بدي امي بدي امي
اتجه له عبدالله الي ارتفع ضعطه واخذ الغطا عن وجهه ولقاه ميت ضحك ضربه على راسه ونطق بحده وبغضب:وجع وجع ان شاء الله مسوي تنكت انت او وجهك
زياد:ابو صالح!اثاريك تمقلبنا ي ورع
مطلق:تكفين اشكالكم تضحك
امل وهي تضحك معه:ورع كيف عرفت تتكلم سوري
مطلق:وحده امس مناوبه عندي عشان العلاجات وليتها ماجات ماخلتني انام تشاهد مسلسلات سوريه بس حلفت ما اخلي تعلمي يروح على الفاضي
ضحك الكل على مطلق وبعدها دخل عليهم الدكتور وقال انهم بيكتبون له خروج بكره وكلهم رجعوا البيت وام عبدالله جلست مع ولدها
________
~بعد المغرب في ديوانية العيال~
فارس:ي رجال ابوك صادز كم عمرك انت ولين الحين ماتزوجت
سعيد:ولاني بمعرس
فارس:حسافه بس انا لو لاقي اميرتي كان قد تزوجت من زمااان
عايض وهي يقلد فارس:امييرتي،اقول استريح محد بقابل بذا الوجه الي يقطع الرزق
بهاج وهو جالس جنب فارس نطق:بالعكس كل البنات يتمنونه بس هو ثقيل ومب اي وحده تجيب راسه الفارس
فاري:ويلموني في حبك ياخي انت ملاك منزل علينا(كمل كلامه بعد ماباس بهاج في خده)احبك ي شيخ
دحوم يمثل الغثيان:وعع وعع الله يقرف اقرفتنا
بهاج:وش حارقك انت انا معجبني
عبدالله:ياكثر ماتهرجون بهيج عطنا قصيده وبعدها ركز معي زين وبعدها ي شيخنا ي ابو سلطان ترا بتغني سامع كم صار لك ما اطربتنا
محمد وهو يتثاوب:معد فيني
عايض:مب على كيفك
بهاج:انا ماعندي مشكله
الكل:اسلم
تنحنح بهاج وهو يقول
ان شفتني ضايق واهوجس واسبه
اخاف غدر الوقت والوقت دورات
أنت تقرأ
"عشقتها ي سعود بكل حالاتها ولا زالت تكابر وتقول مابيه"
Разное~روايتي الاولى كُتبت بواسطه✍🏻:بهجه اليامي~ ابطال الروايه:غلا&بهاج
