"عشقتها ي سعود بكل حالاتها ولا زالت تكابر وتقول مابيه"

بارت5

دلال:بنات خلونا نتمشى باسواق الديره
امل:الله قدام
غنى:والله ان يذبحونا العيال
غلا:اتفق مع غنو
دلال:وش دراهم
ريماس:كم مره خططنا نروح وفشلت
دلال:ماتفشل وانا بنت سيف
اختلف الرد مابين:كفو...ونعم
دلال:كفوكم ك الطيب وماعليكم زود
العنود:طيب كانوا في الاسواق قبل الغداء
الجوهره:انا شفت عماني في المجلس بس الشباب مدري
منى:خلاص توكلنا على الله هيا
الكل:قدام
تجمعوا البنات كلهم (حلا غلا الجوهره العنود غنى منى ريماس دلال امل نجد)
الكل بدون استثناء والبسوا عباياتهم ونقاباتهم وكانوا 10 كانهم عصابه شله كبيره
وطلعوا مع الباب الخلفي وجلسوا يتمشون في الاسواق وكان معهم فلوس ويشترون
قدام حدا الاسواق قابلو الشباب بحكم ان الديره صغيره والاسواق قريبه من بعض بس الشباب ماعرفوهم بحكم انهم لابسين نقابات بس البنات عرفوهم
غلا شهقت:ءءءءء بنات بنات هيا هذولا العيال
نجد:ي ويل حالي
نزلوا روسهم ومشوا ولاكنهم يعرفونهم
بهاج ضحك:بسم الله اللهم سكنهم مساكنهم وش ذولا كانهم جن سبعين وحده وسود
خالد ضحك:اشهد
وكملوا طريقهم يتمشون دخلوا سوق وكانوا الشباب فيه داخل ومامعهم مجال
الجوهره:حشى هذول في كل مكان ريماس:يارب مايعرفونا
امل:بنات اخواني معهم
دلال صرخت:وذيب

التفتو العيال كلهم والبنات لقوهم بظهورهم
وحطت امل يدها ع فم دلال وهمست لها : نكبتينا ي تبن كانو بيطلعوا بس استوقفهم صوت ذيب وهو يقول
ذيب: من نادتني هلا وش تبغين
غیرت دلال صوت وقالت بدلع وصوت يضحك : سلامتك ولا شي
هنا البنات انفجر ضحك وفضحو أنفسهم
بهاج : ابو محمد هذول بناتنا
محمد : اسئلك بالله
البنات طلعو من السوق وهجو للبيت والعيال طلعو وراهم وقال
محمد بهاج وش دراك لا ما اضن
بهاج : مدري ياخي بس كثير ماشالله مثلهم
دخلو البنات يركضون وفسخو عباياتهم وخبو الأغراض الي اشتروها وراحو يجلسو بصاله ويسولفون مع الحريم
ام خالد : وین کنتو
غلا: كنا يمه في الغرفه
ام خالد : ايه زين طيب وحد تقوم تصب قهوه
قامت دلال تصب
دق جوال ام سالم
ردت
ام سالم هلا بهاج
بهاج : هلا فيتس يمه بس البنات عندكم
ام سالم : ايه ليه
بهاج : ولا شي بس من متى
ام سالم من شوي كانو في الغرفه وجو
بهاج : تمام مع السلامه
وسكر وقال للعيال السالفه
سالم: ي رجال ما اضن إنهم طلعو يعرفو وش بنسوي فيهم معاد الا هي
ما كانو العيال يخلون خواتهم يطلعون لحالهم في الأسواق يغارون عليهم لازم حد يطلع معهم وبحكم إنهم كثير ويلفتون
الانتباه)
جلسو جلسه عصريه وسوالف وجاء المغرب وصلو ورجعو والبنات سوو العشاء وجهز وحطوه وتعشو ومعروف اذا كان التجمع في بيت ابو سالم النوم يكون بدري نامو الشيبان بعد ماطفو جميع المبات والحريم نفس الشي نامو الا البنات والشباب وكان الحريم بغرفه والشيبان بغرفه والبنات غرفه والشباب
غرفه العنود بهمس: بنات
الكل: هلا
العنود : رتبت انا والجوهره المخزن الي برا وحطينا فيه تلفزيون واكل وسوني بس خلونا الحين نروح نشاهد فلم وبعد جبت ابجورة عشان يكون النور خفيف سوينا جلسه ارضيه ب
المخاد والمكان يجنن
الكل: كفو
العنود والجوهره: كفوكم ك الطيب
وقامو يتسرقون وفتحو الباب بشويش وراحو ركض للمخزن شغلو فلم وكان فيه شبسات وشوكليت وعصير وكل شي موجود
الجوهره: وش تبغون نوع الفلم
غلا: رعب
دلال: جوي
امل: طفو الابجوره وحطو فلم رعب وربي حماس
شغلو فلم رعب وجلسو يشاهدون والمكان كان مظلم وكانو
جايبين عباياتهم وشيلاتهم ونقاباتهم لإن العيال دايم يداهمون
البنات بس كانو حاطينا ع جنب ما لبسوها وشغلو الفلم وكل وحده منسدح ع الثانيه والي منسدح ع المخاد ومتجمعين قريب من بعض وجايبين بطانيتين كبيره
وحاطينها عليهم كلهم والعيال تسرقو وجلسو في الحوش وجالسين يسولفون وفجئه صار لقطه مو حلوه والبنات كل وحده تناظر في الثانية
وميتين ضحك
دلال: هذا فلم رعب ولا فلم رومانسي
ريماس : بنات موقت السحى خلونا نكمل وكملو يشاهدون وفجئه صارت لقطه مرعبه وبدو يصيحون بصوت عالي ويحطون البطانيه ع وجيهم اما عند العيال الي سمعو صوت في المخزن والي أخذ عصا ولي راح بيده ودخلو وكان ظلام والبنات بدو يصيحون والعيال يضربون ب العصا ع المخاد وفي كل مكان والبنات يصرخون والعيال نفس الشي العيال يحسبون في حراميه داخل وبعد نوبه صياح
وخبط تعرفو ع بعض وانفجرو ضحك
سعود : وجع أن شاء الله انتي وياها
غلا: صدو لو سمحتو نبغا نتغطى
لبسو البنات بعدين رجعو وشاف دحوم السوني
دحوم عندي فكره
الكل بحماس: وش
دحوم نلعب سوني البنات ضد العيال كوره ونشوف من يفوز
الكل: تم
دحوم طلع وقال من معي تقدمت ريماس وهي ما تعرف تلعب بس تبغا تلعب معه
ريماس: انا
هنا البنات ماتو ضحك وهم يعرفون ليه ريماس قالت انا
ريماس: خير
منى لا استغربنا بس
وبدأ الحماس وتصفيق والتشجيع وكانو البنات في جهه
والعيال جهه
والصراخ وسجل دحوم قول وصرخو العيال
دلال: اكيد بيسجل حن ما نعرف كوره
غلا: افا وانا موجوده وتخسرون
محمد : كفو يخت محمد
غلا: كفوك ك الطيب ي قلبي
كان بهاج يتمنى انه مكان محمد بس اول ما قالت غلا من يلعب
معي فز بهاج وقال: انا
غلا: كنسل ما ابغا
ضحك بهاج : منتي قدها
رجعت غلا لاقدها
ضحك بهاج : كفو
بدو يلعبون غلا كانت محترفه صدق في الكوره عشان لما كانو صغار كانت تلعب كثير معا محمد وبهاج كان يعرف يلعب
أكثر من غلا بحكم إن الكوره عندهم إدمان
وبدو والتصفيق والحماس والبنات يتصايحون وفازو البنات 3
والعيال2
بهاج حب ان غلا تفوز عشان هقوة البنات فيها ماتخيب
اخر قول صاحو البنات وطلع ابو سالم ب العصا سكرو الباب
من عيال وبنات وتخبو في البطانية ولي وراء الشاشه وكل
واحد متخبي في مكان بحكم ان المخزن كبير مره
ودخل عليهم وهو ماسك عصاته وشاف البطانيه تتحرك ولع
الميه وضرب ب العصا وصرخ زياد بأعلى صوت
وهنا البنات والعيال انفجر والكل طلع من مكان وكان عددهم
هائل كأنهم جن
( محمد غلا. حلا بهاج العنود الجوهره. دحوم. منى غنى. ريماس. نايف . نجد. زیاد . دلال امل)
اما خالد سالم سعيد . ناصر . ذيب. سعود. عبد الله راقدين معا
الشيبان)
ابو سالم: اللهم سكنهم مساكنهم وش تسوون ليه باقي مانمتو وجلس يلاحقهم بالعصا وهم فيي المخزن والي طلع ونجا والي جاته كم ضربه رجعو البيت وكانو دايخين وكل واحد راح لفراشه ونام
الكل صحى وافطرو وخلصو وكل واحد راح البيته
بعد الغداء عند الرجال متجمعين ب المجلس الكبير
بهاج : اسمعوني بكلمكم في موضوع
الكل: اسلم
بهاج :فكرت انحن نطلع مخيم ونغير جو بحكم ان الأجواء بارده وش قلتو
ابو سالم: ما سدكم الي صار في المنتجع
بهاج : يبه المنتجع رحنا له بعد العيد في شهر عشره وحنا
خلاص يومين ونخلص شهر ۱۱
ابو خالد : انا شوري من شور بهاج
ابو دحوم: أتصدق انحن نحتاج راحه
ابو ناصر : اي والله انا لحقت ع اخر يوم في المنتجع وما
استانسنا
ابو سعيد : اي والله
الكل اتفق وكملو الحريم يجهزون الأغراض وقالو راح يجلسون
هناك اربع ايام والكل متحمس