الكل يصفق ويعزز ل بهاج ونايف
والبنات كانو يسمعون كل شي وكانو يصفقون معهم بس كان فيه بين الرجال والبنات جدار الي يقسم بين القسمين
غلا:الله اهنيكم ي بنات في اخوانكم الي شاعر والي يدق العود
العنود :دايم مزعجه بهاج في شعره كل خمس دقايق بهاج بهاج
نجد ضحكت : وانا نايف
غلا:بس الصراحه انا احب القصيد مره
غنى:نفسي
وصفقت يدها في يد غلا
بعد سواليف عن القصيد راحت ريماس داخل تاخذ مويه
اما عند الرجال
دحوم:استأذنكم دوره المياه ورجع(الله يكرمكم)
الكل:اذنك معك
دخل دحوم دوره المياه وراح للمطبخ ياخذ عصير وهو داخل صدم في ريماس
ريماس صار وجهه احمر وهي في خاطرها(وش جابه ذا)
دحوم يتأمل جمال ريماس وحس ع نفسه بعدين قال:اسف
صد دحوم وريماس طلعت
راحت للبنات وكان وجهه أحمر مره
غنى:شفيتس
ريماس:هاه لا ولا شي
اما دحوم الي راح عند الشباب وكملو سوالفهم
جات الساعه ١٢ ودخلو الشباب والبنات ينامون
..........................................
وكا العاده صحو الصبح ع ريح القهوه والفطور بس هذي المره كان من يد الامهات
غلا:بنات قومو الساعه ٧
حلا تتثاوب:ريح فطور غريبه من سواه
ريماس:يمكن امي وعماتي
قومو البنات الباقين وغسلو ولبسو وطلعو
البنات:صباح الخير
الكل:صباح النور
منى:الصراحه اني استغربت انكم سويتو الفطور
ام دحوم:وليه تستغربين حسستيني اول مره نسوي فطور
جهزو الفطور بعدين افطرو وخلصو
عند الشياب
ابو سالم:بعد الي صار للبنات ماعاد لنا جلسه ابد العصر وحن ماشين
ابو خالد:ايو الله معاد لنا جلسه يالله ي بهاج خبر الحريم يجهزو الأغراض بنمشي
بهاج:لايبه تكفى قلت اسبوع جلسنا ثلاث ايام بس
ابو سالم بحده:كلامي واضح معاد لنا جلسه
قام بهاج وهو ضايق راح عند باب المطبخ
ورفع صوته:في حد هنا
كان موجود نجد وغلا والعنود
العنود:ايه فيه وش تبغا
بهاج:اسمعي جهزو الأغراض العصر وحن ماشين
العنود:لاتكفى انتو تقولون اسبوع
بهاج:ابوي قال بعد سالفه المسبح ماعاد فيه جلسه
العنود:طيب
زعلو البنات بس مابيدهم شي
راحت العنود وقالت لأمها والباقين الكل زعلان ماعاد ام سالم الي مشتاقه لجمعت خواته وسوالفهم
قامو البنات والحريم يجهزو الأغراض
خلصو تجهيز ومابقي غير يقسمونها في السيارات خلوها برا ودخلو يصلون الظهر بعد صلاه الظهر تغدو ومشو
حملو الأغراض
..........................................
وكانت السيارات سته
ترتيب السيارات
سياره ١
ابو خالد وام خالد وخالد
سياره ٢
ابو سالم وام سالم وسالم
سياره ٣
كانت كبيره قدام بهاج محمد سعود
وراء العنود الجوهره حلا وغلا
اخر شي كادي منار ميلا
سياره ٤
ابو سعيد ام سعيد سعيد ريماس
سياره ٥
ابو دحوم ام دحوم دحوم منى غنى
سياره ٦
العمه حصه وامل وعبدالله وزياد ومطلق
سياره ٧
العمه منيره دلال منال ذيب
..........................................
في الطريق سياره ٣
الكل هادي حتى الثلاثي الي مالهم نفس اساساً
كملو طريقهم للبيت وصلت السيارات كلها وبد ينزلون الاغراض
في بيت ابو خالد نزلو الأغراض في البيت باقي الترتيب
غلا:يمه تكفون والله تعبانه ابي انام مافيني اسوي شي
حلا:حتى انا
ام خالد: الحين الساعه ٣ خلصو ترتيب وبعد صلاه المغرب نامو كلكم
حلا:لايمه تكفون نومم
ام خالد :كلامي واضح يالله خلصو كلكم حتى انت ي محمد ساعدهم
راحو البنات ومحمد اما خالد الي راح حق نوال الي تعبت عليهم في المنتجع ورجعها وراح يجيبها من عند اهلها
خلصو ترتيب العزبه بس باقي الأغراض الثقيله
غلا:محمد حلا تعالو نشيل الرز ونرفعه
حلا:لاوين ثقيل
محمد:لانقدر اذا شلنا سوا
وبدو يرفعون الرز الي كان مفتوح وكان فيه مسافه شوي طويله وبعض الاغراض كانت ع الارض طايحه
وتعثرت غلا وطاحت وانكب نص كيس الرز عليها وهنا كانت الصدمه كلهم يطالعون في بعض باحباط مابقا لهم الا القليل ويرتاحون
غلا:اخخخخ تعب مافيه نوم شكل
حلا:عقاب لتس يالله نظفي انا وش دخلني
محمد:والله انا استاذنكم كملو
غلا:لا يشيخ
دخلت ميلا وشهقت:وشذا كله
وطلعت وبدت تصارخ:يممممممممهههههههه
وطلعو حلا ومحمد لصاله وتلحقهم غلا
ام خالد:لاحول بنااااتتتت
وتجي بالخيزران وهم يركضون وهي وراهم
..........................................
اما في بيت ابو ناصر
الي كان التظيف أصعب كان البيت كلها غبار وعفشهم معاهم وكانو تعبانين لاكن ابو ناصر جاب خادمه تساعدهم
..........................................
اما في بيت ابو سالم
كان بهاج و سالم ينزلون الاغراض والعنود و الجوهره وأم سالم اما ابو سالم الي راح يرتاح قبل المغرب وكذا كذا خلصو بسرعه
..........................................
اما في بيت ابو دحوم
الي ماكان فيه اشياء كثير وكانو يرتبون غنى ومنى وام دحوم وابو دحوم ودحوم جالسين برا ع القهوه
..........................................
اما في بيت ابو سعيد
ماكان فيه تعب لان ابو سعيد يجيب خادمه من فتره لفتره تساعد ريماس لأنها وحيده ومنار باقي صغيره وابو سعيد وسعود وسعيد نايمين وأم سعيد وريماس يساعدون الخادمه
..........................................
بعد المغرب كان العشاء جماعي تعشو كلهم وغير عن دايم كان سمرات ولعب وفعاليات بس على طول تعشو دخلو البنات ينظفون وخلصو تنظيف وراحو البيوتهم ينامون
..........................................
الصبح في بيت ابو سالم
العنود والجوهره يسوون الفطور وابو سالم والعيال برا
وأم سالم كانت تكلم اختها ام لطيفه
ام سالم:متى تجون الديره
ام لطيفه:قريب ان شاء الله بس مابنطول بجي اسلم على امي وابوي وناخذ يومين عليها ونرجع
ام سالم :الله يحييكم
ام لطيفه:يالله معا السلامة
ام سالم:الله يسترعليتس
قفلت ام سالم وهي تفكر تزوج سالم بنت اختها
راحت برا وجلست وسالم وبهاج طلعو البقاله ياخذون أغراض
ام سالم:عندي لك شور يبو سالم
ابو سالم:اسلمي
ام سالم:اقول سالم رجال كبير وودي انه يتزوج
ابو سالم:والله فكرت وفتحت له الموضوع وقلت لو نزوجك بنت عمك ورفض
كان سالم يشوف بنات عمه مثل خواته العنود والجوهره وماكان يبغا يتزوجهم بس ماهو رافض فكره الزواج
ام سالم:لا انا ودي ازوجه بنت اختي شاطره ونظيفه وفاهمه وجمال وش عاده يبغا
ابو سالم:اي وحده منهم
ام سالم:سلمى بسم لله عليها
قطع كلامهم دخول العيال ودخول البنات الي جايبين الفطور
ابو سالم:ماكن الفطور تأخر
ام سالم:ماعليك اليوم قايمين تعبانين من امس
وبدو يفطرون
..........................................
في بيت ابو خالد بعد الفطور
غلا:يييمممههه يمممههه
ام خالد:هلا وشذا الصراخ كله
غلا:ماعلينا يمه بس ترا بطلع عند نجد وبسولف معها
ام خالد:لا
غلا:ليه يمه تكفين
ام خالد:ماتروحين الحالتس
غلا :ومن قال انا الحالي حلا معي
ام خالد:خلاص خلو محمد يوصلكم
كانت رافضه ام خالد غلا تروح لان بيت ابو ناصر شوي بعيد ابعد من بيوت عمانها الباقين
راحت غلا وحلا وسوو حلا وقهوه وطلعو متجهين البيت ابو ناصر
وصلو وفتحت نجد الباب
نجد:هلا هلا جيتو في وقتكم
غلا:ي هلا فيتس
دخلو وكان يسولفون وقالت
نجد:شرايكم انادي بنات عمي الباقين ونجلس الين ظهر
حلا:ماعندنا مشكله
كلمت نجد البنات يتجمعون عندها وا وافقو
وصلو البنات وكانو يسولفون
ريماس:بنات
البنات:هلا
ريماس :ابغا اكلمكم في موضوع
منى:وش
ريماس:قبل مانطلع من المنتجع قابلت ولد عمي دحوم
غنى :طيب عادي
ريماس:وش عادي بدون شيله وبدون نقاب وكل شي واضح
نجد:بذمتس
ريماس:والله
الجوهره:كملي
ريماس:المهم بنات بكل امانه صدق اكتشفت انه حلو
العنود شهقت:ماعاد فيه سحى بنت استحي
نجد:ايو الله استحي
غنى:ي السحى الي ماجاء الا الحين
ريماس:وهي صادقه بعدين ماقلت شي قلت بس حلو
غلا ضحكت:ماقلتي شي هههههههههههههههه
حلا:طيب يعني توك تلاحظين
ريماس:شوفي هو كان احساس بس صار حقيقه
وبعد طقطقه ع ريماس انتهاء الموضوع وجاء وقت صلاه الظهر وكل وحده راحت البيتها تصلي وتسوي الغداء
اما عند الرجال الي طلعو يصلون في المسجد
بعد ماخلص الرجال من الصلاه الي جلس يتمشى في الأسواق الشعبيه والي رجع للبيت
..........................................
بعد الغداء في بيت ابو سالم
كان جالس ابو سالم وعياله جنبه
ابو سالم:الا اقول ي سالم ماودك تعرس
سالم:الله يكتب الي فيه خير متى ماجاء النصيب
ابو سالم:ماودك تعرس ابنت خالتك
سالم: اي وحده؟
ابو سالم:سلمى
سالم:والله ماعندي مشكله
ابو سالم:اجل امك تقول بيوصلون بكره وبعد المغرب نروح نخطب وش قلت
سالم:تم
بهاج يمزح:وانا يبه ماودك
ابو سالم:وانت ماودك بذا الخيزران اول شي اخوك بعدين انت باقي صغير رتب نفسك والله يحلها
بهاج:لا امزح معك يبه حتى انا ماابي الزواج الحين
ابو سالم:خير ان شاء الله
..........................................
نتعرف ع عائله ام لطيفه
ابو لطيفه مارح يكون له دور مهم
ام لطيفة:احياناً شايفه نفسها وما احد يطيقها واحياناً تنعكس وتتغير عمرها٤٧
لطيفه:اسم غير مسما مااحد يطيقها لسانها طويل وكريهه عمرها٢٥
سلمى:عكس العائله طيبه وحبوب وحلوه عمرها٢٣
..........................................
اليوم الي بعده جات ام لطيفه وبناتها وراحت عند اهلها تسلم عليهم
......................................
اما في بيت ال مطلق وهذا هو اسم العائله
خصوصا بيت ابو سالم كانو يتجهزون يروحون يسلمون ع خالتهم ويخطبون وابو سالم علم إخوانه وكانو كلهم بيرحون معه تجهزو الرجال وجاء المغرب وطلعو يصلون في المسجد وعلى طول راحو البيت ام لطيفه
ام سالم عطت ام لطيفه خبر انهم بيجون بس ماعلمت إنهم يبغون يملكون ع بنتها
وصلو الرجال
ابو لطيفه:ارحبو ارحبوا يالله حيهم
ابو سالم:الله يبقيك
وبعد السلام والسوال عن الحال
ابو سالم:وحن يبو لطيفه جايين طامعين في نسبكم ونبغا نخطب بنتك سلمى لولدي سالم وش تقول
ابو لطيفه:والله الي يشرفنا وعني انا تم بس نسمع شور البنت واعطيكم خبر
راح ابو لطيفه القسم الحريم
ابو لطيفه:ي ام لطيفه تعالي انتي وسلمى
لطيفه :وانا؟
ابو لطيفه:موضوع خاص
راح ابو لطيفه معا سلمى وامها الغرفه
ابو لطيفه:اسمعيني وانا أبوتس ولد خالتس سالم تقدم لتس وانا عن رأيي والله رجال وكفو بس ودي اسمع رايتس
سلمى استحت بس قالت:الشور شورك يبه الي تشوفه
ابو لطيفه :وش رايتس ي ام لطيفه
ام لطيفه بفرح:والله والنسب الطيب
راح ابو لطيفه عند الرجال
ابو لطيفه:ابشركم البنت موافقه
ابو سالم:اجل الف مبروك
ابو لطيفه:الله يبارك فيك
وبدو يباركون البعظ
ابو سالم:اجل الملكه بعد بكره والزواج بعد العيد وش قلتو
ابو لطيفه:تم
تعشو وبعد العشاء الكل رجع البيته ونام
...............................
الصباح في بيت ابو ناصر
ام ناصر :على وين ي نايف الفطور
نايف:بالعافيه يمه عندي طلعه معا العيال
ام ناصر:الله يحفظك
ماجد:نايف بطلع معكم
نايف:لا ي حبيبي طلعه شباب
ماجد:اوففف
نايف بصوت عالي:يالله ي ناصر خلصنا
...............................
في بيت ابو خالد
محمد:اكوي ثوبي اخلصي
غلا:ماني فاضيه اخلص الفطور و اكويه
محمد:اوف اخلصي علينا العيال بيجون
غلا:روح حق حلا ماني فاضيه ماتشوف
راح محمد وهو معصب
محمد:حلا قمي اكوي ثوبي
حلا:على وين
محمد:وانتي وش دخلش
حلا:ماني كاويته
محمد بعصبيه :حللاا قمي وجع
حلا خافت:تمام امزح
...............................
تجمعو العيال طالعين طلعه للبر فطور وقهوه
(محمد وخالد وبهاج وسالم ونايف وناصر ودحوم وسعيد وسعود ) عيال ال مطلق كلهم
خالد:اوف خلاص ياخي هذا المكان زين
سالم:شورك وهداية الله
نزلو العيال أغراضهم ورتبو الجلسه وكانت جلسه تفتح النفس
كانو يجهزون الحطب يشبون الضو بحكم ان الجو بارد جاء شرطي
الشرطي:السلام عليكم
الكل:عليكم السلام
الشرطي:مانبي نتعبكم بس المكان ماهو عام وهو مكان حكومي
بهاج:مابه تعب ابشر بس نجمع أغراضنا ونمشي
الشرطي:تبشر ب الجنه
الشرطي:واحد منكم يجي يوقع ع اوراق معي
بهاج:بجيك
راح بهاج معا الشرطي عند سيارته
الشرطي:اسمك
بهاج:بهاج بن محمد بن هذال ال مطلق
الشرطي:ونعم
بهاج:ماعليك زود
وقع بهاج وقامو العيال ولفو الأغراض ومشو
خالد:اخخخخ ماصدقنا نلقا مكان
بهاج:ماعليكم عندي مكان فخم
دلهم بهاج ع المكان وصلو نزلو الأغراض ورتبو كل شي
دحوم:عيال
الكل:سم
دحوم:سم الله عدوكم بس عندي كلمه في خاطري ابي اقولها
محمد:اسلم
دحوم:لو طلبت ابوي اتزوج بيوافق
الكل انفجر يضحك
دحوم:خير قلت نكته
بهاج ضحك:بقره انت رتب نفسك بالاول
سعيد:مستعجل
سعود:شكلكم بتزوجون كلكم ومايبقى الا انا
نايف:صادق سالم والحين دحوم
سالم:من تعيست الحظ الي في بالك
دحوم:والله مابه تعيس حض غير سلمى الي بتاخذك
سالم:ولد لاتقول اسم محارمنا تو الرجال
خالد:عساس محد يدري وش اسمها غيرك
بهاج:خلوكم من السوالف ذي من الي تلت القلب من مكانه
دحوم:اخخخخ ي عيال مقدر جمال
سعود:انت يتقول
دحوم :لا والله ماني قايل
(دحوم ماقال اسمها عشان اخوانها سعود وسعيد)
نايف:وجع حماس ع الفاضي
ناصر:اشهد
كملو سواليف لين ماجهز الفطور بعدين افطرو
بهاج:بما ان ماعندكم سوالف عطونا فعاليات
سعود:من قال سباق
خالد:انا عن نفسي تم بس نبغا حكم حق اخر واحد
بهاج:عندي
سالم:اسلم
بهاج:يغسل المواعين حقت الفطور
ناصر:خلها ع الحريم
نايف:لا الحكم زين يالله هيا
قامو كلهم ورسم سالم ع الرمل خط وقفو عليه كلهم
وبدو السباق
اول واحد وصل محمد بعدين بهاج بعدين نايف بعدين دحوم بعدين سعود بعدين سالم بعدين سعيد بعدين خالد بعدين ناصر
محمد:اخخخخ تعب
بهاج:يالله يالله قدامي غسل
ناصر:قلت الكم خلوها ع الحريم انا اعرف نفسي اخر واحد
راح ناصر وغسل المواعين ساعدوه العيال بس في اشياء خفيفه
رجعو للبيت ع الساعه ١٠:٣٠ ظهر بعد السواليف والقصيد
..........................................
انتهى البارت يحباني انتظرونا في افكار احلى واحلى ان شاء الله
كاتبه الروايه✍:بهجه اليامي
أنت تقرأ
"عشقتها ي سعود بكل حالاتها ولا زالت تكابر وتقول مابيه"
Random~روايتي الاولى كُتبت بواسطه✍🏻:بهجه اليامي~ ابطال الروايه:غلا&بهاج
