"عشقتها ي سعود بكل حالاتها ولا زالت تكابر وتقول مابيه"

بارت18

الدكتور:اسف سوينا الي علينا بس..
عبدالله بحده:بببببسسسس ااايييششش بببسسسس اايييششش اانطق
الدكتور:بس الحرمه الحامل ماقدرنا ننقذ طفلها وسقطت
سالم كانه انصفق على وجهه وهو ماكان يدري بحمل حرمته بس كان كل همه حرمته تكون بخير :طيب وهي الحين بخير
الدكتور:فيها جروح وكسور بس وو..
ذيب:كمل ي دكتور كمل
الدكتور:الولد الي معهم احتمال كبير يتوفى
عبدالله بصدمه:وووششش!!ووشش تقول يادكتور وش تقول!
الدكتور:احتمال كبير ويمكن نقدر بعد ربي ننقذه بس يصيبه شي مثل الشلل وغيره
دخل الدكتور الغرفه بدون مايسمع جوابهم وهو يدخل على مطلق الي كان كل عظمه فيه متكسره وكانت حالته يرثى لها لانه كان صغير وماقدر يتحمل وبعد ربع ساعه طلع الدكتور وهو وجهه مايبشر بالخير
عبدالله بخوف:هاه ي دكتور بشرنا تكفى
الدكتور:سوينا الي قدرنا عليها بس الولد دخل في غيبوبه
العيال تصنمو مكانهم مايعرفون وش يقولون عبدالله اغمى عليها وركضو له العيال وماهي شويات وصحى
عبدالله:اهه ياحسرتي عليك ي مطلق تكفى ي مطلق لاتخلينا وتروح تكفى
زياد:ان شاء الله كلها يومين ويقوم ي عبدالله الحين انت لازم تقوي نفسك كيف بنواجه امي ونقول تعرف امي ما بتهدا الا لك تكفى ي عبدالله
عبدالله:اااههه يياا ززياادد انت ماتحس بالي احس فيه ابوي حاطكم امانه عندي وانا ماقدرت احافظ على امانته
زياد:هذا قضى ربي وقدره وحن مانقدر نغير شي وانت سويت الي عليك وزياده ي عبدالله والحين خن نتطمن على البنات الباقين ونروح للبيت ونطمن الاهل
عبدالله بحزن:يالله
طلع عبدالله من الغرفه لانه كان منسدح على السرسر واتجهوا للعيال الي جالسين في الممرات
زياد:طلع الدكتور ولا باقي؟؟
دحوم:لا باقي
ماهي شويات حتى طلع وقال لهم ان حالت البنات مستقره بس عندهم كسور في مناطق متعدده وجروح على اغلب مناطق الجسم وانهم باقي ماصحوا وممنوع احد يدخل عليهم وممنوع الزيارات واتجهوا العيال للبيت
*في البيت*في الحوش الحزن عام في قلوب الجميع الي يبكي والي يدعي وينتظرون العيال
دخلوا العيال الي واضح معالم الضيق عليهم
ابو سالم:هاه بشرو ي عيال ندق ولا تردون اخبار البنات ومطلق
العيال يناظرون في بعض بمعنى انت تكلم بس قاطع صمتهم ام عبدالله
ام عبدالله بحزن:شفيكم احد صار له شي؟؟
عبدالله:البنات ماندري عن اخبارهم لين الحين منومين ومطلق يقولون دخل في غيبوبه
الكل يناظر ومنصدم ماكن عندكم رده فعل يستوعبون كلام عبدالله لين ماوقف صمتهم صراخ ام عبدالله
ام عبدالله وهي تبكي:يالله انك تقومه بخير وصحه وسلامه يالله انك لا تبلانا يالله مطلق ي وليدي تكفى لاتخليني ي مطلق اهههه ااااهههه
عبدالله حاضن امه ويهديها:تكفى يمه البكي ماينفع ادعي ادعي ان ربي يقومهم بالسلامه الحمدلله انهم يخير ماصار لهم شي المهم انتس تدعين يمه ادعي
الحريم يدعون ويبكون والنفس الشي عند الرجال الي يدعون ربهم ومر الوقت والكل اتجه البيته على اساس ينامون بس نقدر نقول ماقدرو ينامون من التفكير في البنات وفي مطلق وفي حالتهم
...........................
صباح اليوم الثاني في المدينه المنوره
ماجد يركض ونجد تركض وراه وتصارخ:قسم بالله لو ماتجيب الجوال لا العن والدي والديك تععععااااللللل
ابو ناصر بحده:تلعنين من؟؟!
نجد وقفت ركض تاخذ نفس:الشيطان يبه والدي والدي الشيطان قلت يمكنك سمعت غلط
كملت كلامها ورجعت تركض وراء ماجد
نايف قام وراح يركض مع نجد وراء ماجد ومسكه
نايف:هاه ارتحتي مسكته لتس وانتي ساعه تلاحقينه ماش خيبتي ضني فيتس يا اخت نايف وانا اتعزوى فيتس واخرتها ماتعرفين تمسكين بزر عمره ماوصل 13
ناضرة ماجد بطرف عين:حبيبي متى ودك تستوعب اني داخل الشهر الماضي 13 متى تفهم
نايف:تضل ورع مافيه فرق
ابتسمت نجد وقربت من نايف وهي تحضنه:لا لا ابشر بسعدك بس كان ظهري يوجعني وماقدرت اجري
نايف حاوطها بيده وقال:اكيد انتس صامله ومطنوخه دام اخوتس نايف
بعدت نجد وقالت:ياشين الثقه ي شيخ اقول دز امها ي ورع
نايف ضحك وراح الامه وابوه وناصر
ماجد:ثاني مره اذا قلت لتس رويني رويني
نجد:ويل امها ي ورع ترا والله لو التفت لك لا يصير شي مايعجبك
ماجد:طيب انتي تعرفين اني ملقوف وابي اشوف وش تسوين تكفى علميني
نجد:اجل مت من لقافتك مارح اعلمك يعني مارح اعلمك وكلمت الرجال وحده
ضحك ماجد:دز امها ي الرجال
وراحوا يجلسون مع اهلهم
نجد:احد منكم دق على البنات او العيال من امس ادق وما احد يرد علي لايكون صاير شي
ابو ناصر:ايوالله وانا ادق ومحد يرد الله يستر
نايف:انا امس داق على سعود ومحمد وبهاج وبخير الحمدلله مافيه شي
نجد:بس هم في جده مع غلا بس اقصد الي في الديره مايردون
نايف:بدق على ذيب وبشوف دق ناف على ذيب ووصله صوته التعبان الحزين وهو يقول:لبيه يبو راكان
نايف لاحظ على صوت ذيب وحتى ماسئله عن اخباره على طول قال:ذيب وش فيه صوتك!وش صاير؟
ذيب:مانقدر نقول شي غير الحمدلله على كل حال
نايف بخوف:وولللددد اانطق؟
ذيب:امس صار حادث على البنات ومطلق وو...
(قال له كل شي صار ونايف يستمع ومصدوم ماكان له رده فعل مايدري وش يقول لآهله يناظرون فيه بخوف ينتظرونه ينطق ويقول لهم السالفه)
نايف:الله لا يبلانا والحمدلله على كل حال اليوم ان شاء الله وحن نازلين للديره
ذيب:ان شاء الله
ابو ناصر بخوف قال بحده:ولد وش العلم؟؟
نايف:يبه...
نجد صارت تبكي وام ناصر نفسها والعيال متصنمين من الصدمه وعلى طول اخذو لهم كم شغله مهمه ونزلو للديره
.............................
الظهر في جده عند البنات
لين:غلا وش فيتس من اليوم متوتره؟
غلا:ادق على البنات من امس ولا وحده ردت ما اعرف وش صاير دقيت على خالد برضو مارد ف بديهي بخاف
بيادر:ان شاء الله مافيه الا كل خير لا تتفائل بالشر فتجده
غلا:ان شاء الله مافيه شي المهم سوو الغداء وانا باخذ القهوه وبروح للعيال اكيد صاحين وماني مطوله وبرجع لكم
البنات:تمم
راحت غلا تجهز القهوه والحلا
*عند العيال*
سعود:بهاج اجلس ساعه قايم بتوجعك العمليه
بهاج:يالله يالله بس انتظر سالم يرد
محمد:يعني اذا جلست مابيرد
بهاج جلس وقال:هاه جلسنا ارتحتو
سعود:ايه ارتحنا
رد سالم ووصله صوت بهاج وهو يقول
بهاج:يا مرحبا ي العضيد مابغيت نفداك
سالم بضيق:الله يبقيك
بهاج بخوف:افا يبو محمد وش فيه صوتك
سالم:اه اه ي بهاج لو تدري وش صار في الديره بعد مارحتوا
بهاج:افا وش صار
سعود بخوف:حط سبيكر خن نسمع وش السالفه؟؟
دق الباب وراح محمد يفتح ودخلت غلا وعلى دخولها
قال سالم:اخذو البنات سياره عبدالله وهم مايعرفونها انها خربانه وو..
غلا طيحت الصحن الي كان بيده والتفتوا لها العيال وهم مصدومين ومايدرون وش يقولون بس وقف صمتهم غلا الي طاحت واغمى عليها من الصدمه ركضوا لها العسال وسعود راح يجيب مويه وبهاج شالها وحطها على الكنب رجع سعود وراء بحكم ان غلا تتغطى منه شال بهاج نقابها وشيلها وهو يصحيها ويكب عليها مويه صحت غلا واول ماصحت تذكرت كلام سالم وانهارت تبكي في حضن بهاج وهو يحاول يواسيها:تكفى ي بهاجج تكفىى رجعني الحين لديره تكفى طمنوني على البنات وش حال عمتي حصه الحين بعد الي صار لودها تتككففىى الحين خلونا نرجع تكفىى
وبدت تشاهق وبهاج يهديها:خلاص ي روحي مافيه الا كل خيرر ان شا ءالله والحين نرجع للدير يالله تغطي وانا بشغل السياره ونمشي يالله ي عيال مشينا
اتجهوا العيال للسيارت سعود في سيارته وفي سياره محمد بهاج يسوق ووراء غلا الي مب راضيه تسكت وتشاهق في حضن محمد
محمد:خلاص ي عين اخوتس خلاص ان شاء الله مافيه الا كل خير
غلا وهي تبكي:اخخ ي حمود اخخ لو تدري وش احس فيه
محمد:والله ادري وش تحسين فيه بس البكي ماعمره كان حل يا عمري
اتجهوا كل من عائله ابو ناصر وبهاج والي معه للديره باسرع مايمكن
.....................................
في الديره لما جاء العصر اتجهوا العيال للمستشفى وكانوا بيجون معهم الحريم بس رفضوا لانهم يعرفونهم بيبكون لما يشفون البنات وماراح يسكتون وماراح يقدرون يهدونهم
دخلوا للمستشفى وراحوا للدكتور يسئلونه عنهم وعن اخبارهم
الدكتور:الولد الين الحين ما ندري متى رح يصحى بس البنات النبض عندهم تمام وكل شي بس مكسرين ونقدر نقول الجروح مغطيه جسمهم بالكامل وحده منهم امس صحت والباقين لين الحين ماقد صحوا
ذيب:طيب الي صحت نقدر نشوفها
الدكتور:واحد بس وغير كذا الحين ما ادري هل هي صاحيه لانها امس صحت وتنطق باسم سالم كثير وهي نفسها الي سقطت لان كانت حالتها نقدر نقول اقلهم تضرر بس مب معناته انه ماتضررت لا ضررها كبير بس واحد يقدر يدخل عليها وما يطول اكثر شي خمس دقايق ويطلع
تاكدو العيال انها سلمى لان هي الوحيده المتزوجه فيهم واتجه سالم مع الدكتور ودخل سالم وانصدم من حالتها كيف كان الشاش في كل مكان وكيف كانت الجروح مغطيه جسمها ويدها مكسوره يناظرها بحزن يقرب منها بشويش جلس على الكرسي ومن المنظر دموعه خانته يناظر فيها بحزن بضيق مايدري وشي يقول بس المنظر الي شافه مسك يدها الي ماكانت مكسوره وقربها من شفايفه وحبها وهي كانت تحس فيه بس ماهي قادر تتحرك او تتكلم
تكلم سالم بعد هدو:ااخخخ ي سلومتي وش سويتي فيني ليه ليه تروحون وبدون ماتستاذنون ماتدرون كيف اهلنا الحين في البيت ميتين خوف عليكم وحنا يروح وقتنا كله ندعي لكم ونراقبكم من بعيد وننتظر اخباركم تكفى ي سلمى اقلها كان قلتو لنا انكم بتروحون كان حنا الي وديناكم ومشيناكم تكفى ي سلمى ما تدرين انتس حامل وسقطتي باول ولد لنا تدرين ولا لا!؟
سلمى من كلامه بدت دموعها تنزل بس من الوجع ماتقدر تنطق شاف دموعها مايقدر يمسحها لان وجهها كان فيها جروح ومايبيها تتجرثم وتوجعها ويبي يهديها بس مابيده شي
سالم:خلاص ي عمري الدموع ماتنفع ابدا صار الي ربي كان كاتبه وان شاء الله انه حصل خير وباذن الله تمر الايام هذي وتقومون وانتوا احسن من قبل
دق الدكتور الباب وطلع سالم وعيونه كانت حمرا من قهره وحزنه على شكل مرته اجل خواته والباقين كيف وهم لسا ماصحوا
ذيب:بشر كيف طمنا؟؟
سالم بحزن:لا تسئل تكفى
دحوم بخوف:ليه وش فيها؟؟
سالم:اااهه ي عيال لو شفتوا كيف كانت متجرحه وكيف كانت متكسر حتى ماعرفت تنطق بحرف وهي اول وحده صحت اجل الي ماصحوا كيف بيكون حالهم
حزنوا العيال على حال سلمى وخواتهم الي باقي ماصحوا صار لهم يوم ونص وهم ماصحوا
طلعت النيرس وهي تركض:ي دكتور ي دكتور النبض ينخفض ي ددككتتتتوورررر
جاء الدكتور وهي يركض دخل على غرفه ريماس العيال كانهم انصفقوا على وجيهم مطلق دخل غيبوبه وسلمى خسرت طفلها والحين ريماس نبضها ينقص يخافون يفقدونها على انهم مايعرفون منهي بس كلهم بناتهم ويخافون عليهم
الدكتور:عطيني جهاااززز الانعاش اللاننن ببسسررععهه
علطول عطته الجهاز وبدا كل واحد في مهمته الي يناظر نبضات القلب والي يساعد الدكتور في الادوات الين مانطقت:الحمدلله رجع النبض رجع
الدكتور:الحمدلله
طلع الدكتور من الغرفه وهو يشيل القفاز من يده
خالد:هاه بشر ي دكتور وش صار؟؟
الدكتور:النبض انخفض بس الحمدلله قدرنا نتخطى
الكل:الحمدلله
الدكتور:اطلب منكم كلكم الان ترجعون اهلكم واذا جاء الليل او بكره وصحوا بدق عليكم وتعالوا لان وجودكم الان بلا معنى بس عطوني رقم واحد منكم
عبدالله:خلاص سجل عندك********05
الدكتور سجل رقم عبدالله عنده وبعدها توجهوا للبيت
على اذان المغرب واتجهوا للمسجد وبعدها رجعوا للبيت
*الساعه 9 الليل*
وصلوا ابو ناصر وعياله وماهي شويات وصلوا العيال بعدهم
اتجهوا البيت ابو سالم وكان الكل مجتمع في الحوش
نجد اول ماشافتهم ركضت وهي تبكي تحضن غلا الي كانت نفس الشي تبكي
نجد بدموع:الخخ يياا غلا تكفين
غلا:تكفين ي نجد لا تزيديني وانا شوي واموت
دخلوا العيال يسلمون على هلهم امهم وابوهم وعمانهم وعماتهم وبعدها جلسوا يسولفون عن الحادثه وكيف صار او وش صار وبعدها اتجه كل واحد البيته ينام
الا البنات الي ناموا مع بعض غلا ونجد وحلا والجوهره في غرفه العنود والجوهره وكل وحده تبكي وتدعي وكل وحده اتجهت لفراشه تنام بس نقدر نقول ماقدرو ينامون من التفكير في البنات
.........................
هاي يحياني جيتكم ببارت ان شاء الله انه يرضيكم صح انه شوي قصير وطولت عليكم بس كنت افكر اموت مطلق بعدين كتبت البارت بعدين مدري وش صار وحذفته وقررت ادخله غيبوبه المهم اني احتاج افكاركم حبايبي تسون بعد فتره اخلي مطلق يصحى او يموت وش تحسون افضل لاني لين الحين محتاره اكتبولي في الكومنتات وغير كذا النجمه حبايبي لا تنسوني من دعمكم❤️.

كاتبة الروايه✍️:بهجه اليامي