الصباح الكل قايم منهم الفرحان ومنهم الحزين
بهاج الي بيطير من الفرح ورايح يبشر امه واخواته
وغلا الي مالها نفس في شي خصوصًا ان اليوم الجمعه يوم التجمع وبيكون في بيت ابو خالد
بهاج:يممممه يمممه
ام سالم:هلا
بهاج:يمه ابشرتس
ام خالد:وش
بهاج:خطبتي قربت
ام خالد:بشر من
بهاج:غلا بنت عمي سلطان
هنا كانت الصدمه عند ام سالم الي كانت تبي تزوجه من بنات خواتها:وش؟
بهاج:مثل ماسمعتي
ام سالم:اعنبوك فيه الي احسن منها وش تبي فيها
بهاج:يمه شفيتس انا احبها
ام سالم:طيب مال امك راي
جو العنود والجوهره
العنود:وش السالفه
بهاج:كنت اقول لامي ان خطبتي قريب
الجوهره:من سعيدة الحظ
بهاج:والله انا سعيد الحظ غلا بنت عمي
الجوهره والعنود صرخوا بحماس:اااللللللههههه
العنود:والله عرفت تختار
بهاج:ادري والله
ام سالم:وين عرف يختار والله فيه احسن منها وش تبي فيها باقي صغيره
بهاج:ومن قال الزواج قريب بس الخطبه حتى انا شوي شوي لين اسس نفسي
الجوهره:متى الزواج تقريبًا
بهاج:بعد سنه
ام سالم:على اساس الحين صارت كبيره
العنود:عمرها بيكون عشرين وبهاج اربع وعشرين احلى شي
الجوهره:طيب كيف اقنعت غلا اخبرها ماتحبك
بهاج:بتحبني ان شاء الله بتحبني
(بهاج ماكان يعرف ان غلا ماتحبه وماتبيه ابداً
كان يحسبه عناد من غلا لا غير)
جاء ابو سالم:يالله مشينا نلحق الفطور
بهاج:يالله يالله
الكل قام يتجهز وراحوا البيت عمهم سلطان
.................................
في بيت ابو خالد
جت ام خالد تصحي البنات ومحمد الي كان نايم معهم
ام خالد:يالله قوموا شوي ويجون عمانكم للفطور
ام خالد:قوموا خلصوني بسرعه
حلا:خلاص شوي ونقوم
ام خالد:مافيه شوي الوقت تاخر قوموا
قاموا البنات ومحمد
ام خالد:ميلا قومي يالله كادي ومنار ينتظرونتس برا قومي
ميلا:يالله يالله
..............................
خالد:نوال
نوال:لبيه
خالد:لاتتعبي نفستس ي عمري انتبهي
نوال:لا معليك والله وعمتي ماتقصر ماتخليني اسوي شي
خالد:زين يالله خلينا نطلع
نوال:يالله
........................
ام خالد بصوت عالي:بنات بسرعه
حلا:جينا جينا
ام خالد:يالله كل وحده تخلص شي بسرعه
غلا:يمه تكفين مالي نفس خلصي انتي وحلا
ام خالد:لا بيجون ماخلصنا شي قوم تعاونوا ماذلو
دخلت نوال
نوال:عطوني اساعدكم في شي
ام خالد:لا خلاص خلصنا روحي اجلسي
نوال:لا سلامات ي عمه لازم
ام خالد:لا لا مايحتاج
خلصوا البنات وامهم الفطور والباقين جو
وفتحت لهم ام خالد الباب
الكل:سلام عليكم
ام خالد:اهلين وعليكم السلام
ودخلو وجلسوا سواليف لين ماجاء الفطور
.................................
وبعد الفطور عند الرجال
ابو خالد:هاه يبو سالم متى تبون الخطبه
ابو سالم:خلوها بعد يومين
ابو خالد:ماكنه بدري
ابو سالم:لا يارجال ازين وقت
ابو خالد:شورك وهداية الله
ابو خالد:وعن الزواج فتراه مطول عادهم كلهم صغار
بهاج:عادي ماعندنا مشكله
سعود همس لبهاج:ماعندك مشكله اهم شي انها لك
بهاج ضحك:اشهد
...........................
عند البنات السواليف والضحك وغلا الي تهوجس وماهي
معهم ابد
العنود:غلا تعالي ابيتس
غلا:يالله
العنود:غلا بكل امانه انتي تبين بهاج
غلا بكت:تكفين ي العنود انا مابيه بس لاتزعلين لانه اخوتس
العنود:ومن قال اني بزعل بس ليه انتي ماتبينه
غلا:يختي القبول من الله
العنود:انتي تقولينه بس اذا صرتي قريب من بهاج بيتغير تفكيرتس مليون ب الميه
غلا:تفكيري مارح يتغير وقلي له اني مستحيل اتزوجه
العنود:غلا تدرين ان الخطوبه بعد يومين صح؟
غلا نظرت بصدمه للعنود الي تناظرها:وشووو
العنود:ماحد قالتس؟
غلا:وش وشتقولين لا ماحد قالي
العنود:ابوي كان يكلم امي وقال انهم اتفقو الخطبه بعد يومين والزواج بعد سنه وعاد بيشوفون
غلا من الصدمه راحت من عند العنود وطلعت الغرفتها ركض وحطت راسها في الوسادة وبدت تصارخ وتبكي
غلا:مستقبلي رح يروح مع شخص مايستاهل وش ذا الحظ انا ليه حظي دائماً كذا ي رب ساعدني وفكني منه يالله ي رب
....................................
عند العنود الي كانت ضايقه من غلا وضايقه من بهاج
بهاج الي فرحان انه بياخذ اكثر وحده يحبها ويبيها بس هي ماتبيه
وغلا الي حزينه انها بتاخذ اكثر شخص ماتطيقه وهو يبيها
راحت العنود وجلست عند البنات صح كانت تتمنى ان غلا تكون زوجه اخوها لاكنها كانت حاسه بشعورغلا وتدري ان بهاج يعشقها الى انها تبي تكلم بهاج مايتزوجها
نجد:العنود غلا وين؟؟
العنود:طلعت للغرفة
نجد:تمام
طلعت نجد للغرفه الغلا
دقت نجد الباب اكثر من مره وماكان في صوت
نجد:غلا حبيبتي افتحي الباب
غلا بصوت باكي:تكفين نجد ابي اكون الحالي روحي
نجد تفاهمت الوضع وماحبت تضايقها وراحت
....................................
جاء وقت العصر وطلعوا العيال يتمشون في الديره ويسولفون
محمد:والله ي بهاج لو كان غيرك وغلا رافضه ماكان خذاها حتى لو كان ابوي موافق ماخليته يغصبها لكن انت ولد عمي ونعرفك زين
بهاج:معليك والله انها في ايدي امينه لكن اهم حاجه تقنعها
محمد:ان شاء الله ان شاء الله
....................................
جاء وقت السمره والسواليف
ريماس:الصراحه الجلسه بدون غلا ماهي حلوه
غنى:اتفق الجلسه ماتحلى الى اذا كنا مكتملين
حلا:بطلع اشوفها
طلعت حلا فوق وفتحت الباب وكانت غلا نايمه وكان واضح ع وجهه البكي جلست حلا بجانب اختها بحزن بس الموضوع ماهو بيدها رجعت شعرها ع وراء ونزلت لرأسه وحبت جبينها ما حست فيها غلا وطلعت حلا من الغرفه وقفلت النور معها
أنت تقرأ
"عشقتها ي سعود بكل حالاتها ولا زالت تكابر وتقول مابيه"
Random~روايتي الاولى كُتبت بواسطه✍🏻:بهجه اليامي~ ابطال الروايه:غلا&بهاج
