"عشقتها ي سعود بكل حالاتها ولا زالت تكابر وتقول مابيه"

بارت6

اليوم الثاني في المخيم الكل قايم ومروق
بعد الفطور
ذيب:عيال من قال دبابات
الكل:تم
اخذو العيال كل واحد دباب وبدو يتسابقون
البنات كانو برا وشافوهم
دلال:بنات معهم معهم
امل:منتي صاحيه
غلا:الصراحه جوهم يفوز
دلال:خلونا نركب طيب
غلا:مايمدي
دلال:خلوها علي
دلال كلمت ذيب
دلال:الو
ذيب كان واقف:هلا
دلال:اسمع نبغا دبابات عندنا في المخيم
ذيب:لا مايحتاج
دلال:لاوالله يحتاج حن طالعين نستانس
ذيب:خلاص باقي ثلاثه
دلال:عادي عطونا ياها
ذيب:تمام
دخل ذيب وزياد الدبابات عند الحريم
غلا:قسم انتس كفو
وبدو البنات يتسابقون
غلا ودلال وامل
وخلصو وبعدها ركبو البنات الباقين وخلص الوقت ورجعوها
جاء الظهر وراحو يصلون ويسوون الغداء
بعد الغداء والسوالف ع الساعه5
...................................
منال:اسمعو الحين الساعه 5 باقي ع المغرب نص ساعه يمدي نروح ونرجع
مطلق:يالله هيا
طلعو ماجد ومطلق ومنال برا المخيم
وماراحو بعيد مره
ماجد:خلونا نكمل
منال:لا خلاص عشان يمدي نرجع
مطلق:طيب خلاص خلونا نتسلق الجبل ذا
ماجد:يالله امشو
وبدو يتسلقون الجبل
ماجد:مطلق امسك يدي
مطلق:ياخي مايمدي
ماجد:لا يمدي يالله
اول مافك مطلق يده طاح
اغمى عليه صح كانت المسافه مو بعيده مره بس كان تحت حجر وكان ينزف
صرخو منال وماجد ونزلو بسرعه وراحو لمطلق وينادونه وماقام والدنيا بدت تظلم ومنال وماجد خافو وصارو يبكون
ورجع ماجد ركض لين ماوصل وبدا يصارخ
كانو الشباب جالسين لحالهم
ونقزو العيال
بهاج:ابو محمد
سعود:وش العلم
ماجد وهو يشاهق: مطلق مطلق
عبدالله:وش قومه
ماجد:طاح وراسه ينزف
زياد:وينه
وبدو العيال يركضون وراء ماجد وصلو وكانت منال عند مطلق واخذو الماء وبدو يحطونه في وجهه وغسلو مكان الدم ويصحون فيه
...................................
في المخيم
العمه منيره:بنات احد شاف منال ومطلق وماجد مختفين
الكل:لا
العمه منيره بخوف:يالله سترك
...................................
اخذو العيال مطلق وشالوه للمخيم وصحى وكان ع راسه شاش
وكان الجرح مو كبير مره بس خاف واغمى عليه

العمه حصه خافت:نادو مطلق خلونا نشوف راسه
جاء مطلق
العمه حصه:ياويلي تعال تعال
قرب مطلق من امه وفكت الشاش وشافت الجرح وكان متوسط

جاء العشاء وتعشوا وبعد العشاء ك العاده نامو الحريم والشياب
...................................
بهاج:حظكم ان ابوي ماكنسل الطلعه ولا كان صار شي مايعجبكم
سعود:ايوالله
زياد:ليه رحتو اساسا
ماجد:نبغا نغير جو
عبدالله:تغير جو فوق الجبال
مطلق:خلاص ياخي لاتكبرون الموضوع
خالد:ليه الموضوع ماهو كبير
مطلق:لا انتو كبرتوه
ناصر:روحوا روحوا نامو يالله
ماجد:مافينا نوم
نايف:رح بيجيك
راحو ماجد و مطلق ينامون
..............................
عند البنات
دلال:بنات الجو بارد خلونا نقول للعيال يشبون النار ونلتم عليها
ريماس:جبتيها خليني اكلم سعود واقول له
دق جوال سعود
سعود:هلا
ريماس:اسمع وش رايك تشبون النار ونلتم حوله كلنا
سعود:دقيقه بشوف العيال
سعود:ياعيال البنات يقلون يبغون يجون يجلسون معنا ونشب النار الجو بارد
خالد:خلهم يجون
سعيد:ايوه عادي قلهم يجون
سعود:اسمعي خلاص البسو عباياتكم وتعالوا
ريماس:يالله
ريماس:يالله قومو خلونا نروح
.....................................
وقامو بهاج ومحمد يولعون الحطب وخلصوا والبنات جو
الكل:سلام عليكم
الكل:عليكم السلام
بهاج:قبل ماتجلسون وحده تسوي براد شاهي وعطوني احطه ع الجمر
دلال:خلاص بروح انا
خالد:اخباركم
البنات:الحمدلله
خالد:وين نوال
حلا:نايمه
جت دلال
دلال:وهذا البراد جاهز امسك
اخذ بهاج البراد وحطه ع الجمر
دلال:رحت وجيت وعادكم ساكتين ترا جايينكم من هناك عشان السماجه وشكل هنا اسمج عطونا فعاليات وش الجو البيض ذا
ذيب:عطينا فعاليات
دلال:تبون كرسي الاعتراف
زياد:يالله بس من يجلس ع كرسي الاعتراف
دلال:خلونا نلف علبه المويه والي توقف عليه يقوم
ولفو المويه وقفت ع غلا
قامت غلا وجلست ع طرف والباقين كلهم ع طرف
ذيب:اقرب شخص لتس؟
غلا:نجد
محمد:اكثر شخص ماتزعلين منه مهما سوا؟
غلا:انت
محمد:يالبى روحتس
دلال:اكثر شي ينرفزتس ؟
غلا:الانسان المتشدد على عياله وزوجته هذا ينرفزني
بهاج:من اغلى شخص في حياتس؟
غلا:ابوي
الكل:الله يخليه لتس
وتغير الدور لين ماتاخر الوقت وراحو ينامون
.....................................
جاء الصبح وكان ك العاده الكل قايم ونشيط ماعاد الشباب والبنات الي نايمين في وقت متاخر وقايمين بدري
حلا:قومو خلصوني
غلا:يختي خليني انام روحي قومي دلال خلاص
حلا:كلكم يالله دلال غلا نجد غنى يالله خلصونا
جت العنود
العنود:لين الحين ماقاموا
حلا:مافاد فيهم شي
العنود:ادري وش بيفيد فيهم
ونادت الجوهره ومنى وامل الي جايبين ماء بارد
حلا:يالله واحد ثنين ثلاثه
وكبوة كله كل وحده في وحده
البنات صرخو بصوت عالي
وجاهم نشاط وقاموا ع البنات يضربونهم وكانت اشكالهم تضحك شعرهم مبعثر ع وجههم والبجامة غرقانه ماء
العنود تركض:الحقوني بنات اطلعو برا الغرفه
وركضوا والحقوهم وهب دقت نجد في عمها ابو خالد
نجد:والله اسفين ي عم بس عشان البنات
ابو خالد:معليه عادي يالله ارجعو الغرفه وبدلو ملابسكم وساعدوا امهاتكم في الفطور يالله يالله
البنات رجعو يبدلون والباقين راحو للمطبخ
.....................................
جهز الفطور واجتمعو العايلة وبدو يفطرون وبعدها طلعو الشياب والحريم مع
(خالد ونوال وناصر وعبدالله وكادي وميلا ومنار ومنال)
والباقين كانو في المخيم
نايف:يالله خلونا نطلع نتمشى
ذيب:ايوالله
بهاج:عماني مخلين البنات معنا ماحنا طالعين ومخلينهم في المخيم الحالهم
سعود:وهو صادز
محمد:خلاص بناديهم
كلم محمد حلا وجو البنات وهم لابسين عباياتهم
زياد:بشروني مطلق وماجد نايمين
الجوهره:ايوه
ومشوا
وبدو يناظرون في الاماكن الي تفتح النفس
دحوم:خلونا نركب ذيك الدبابات كثير يمدي يجي الكل واحد واحد
غلا:الله وناسه خلونا نركب
محمد:خلاص يالله مشينا
وراحو وسئل بهاج عن السعر واخذوها عشر دقايق
سعيد:وقفو كلكم خلونا نتسابق
الكل:يالله
سعيد:واحد ثنين ثلاثههههه
وبدا السباق والحماس والصراخ
دلال وهي مسرعة:وخريييي
صرخت غنى وبعدين وخرت
وصلو عند نقطه البدايه الاول ذيب والثاني بهاج والثالثه دلال والرابعه غلا
والباقين من بعدهم
ذيب:البنات كأنهم بات مان مع العبايات هذي
ضحكو البنات
دلال:اتفق الصراحه العباية عقدتنا
زياد:لو عقدتس ماكان جيتي الثالثة
دلال:لا يحبيبي هذي مهارات
منى:بس الصراحه السباق يجنن حرفيًا
سعود:اتفق
فرو بعد اماكن وخلصو ورجعو المخيم والشياب والحريم بعد رجعوا
جاء الظهر وك العاده الرجال في المسجد والحريم في المخيم
وبعدها جهز الغداء واجتمعوا يتغدون ومن بعدها الشياب اخذو غفوه قبل المغرب والبعض من الشباب والحريم والبنات جالسين مع بعض ويسولفون
جاء اليل وجهز العشاء وتعشوا وخلصو وبعدين الكل نام
..........................................
اخر يوم في المخيم الكل قايم وزعلان وبعد الفطور جهزو الاغراض
وراجعين للبيت وكا العاده مشوا بعد الظهر وقبل مايمشون قال لهم ابو خالد ان فيه ضيوف بيجون عنده
رجعو البيت
وفي بيت ابو خالد
البنات مستنفرين ينظفون ويخلصون لان الضيوف في بيتهم
..............................
في بيت ابو دحوم
منى:يمه من بيجي عند عمي سلطان
ام دحوم:اخو زوجته وعياله
منى:اهاه
ام دحوم:يالله رتبوا وخلصوا عشان نروح نساعدهم
غنى:يالله يالله
..............................
في بيت ابو خالد الي كانت المجالس الخارجيه جاهزه وريح العوده والعطورات وكل شي يفتح النفس وفي مجالس الحريم نفس الشي ريحة البخور والعطورات والترتيب
جت الساعه اربع العصر والضيوف جو
ابو خالد:ارحبو ارحبو
ابو هادي:البقى سلام عليكم
الكل:عليكم السلام
ابو سالم:اخباركم علومكم
ابو هادي:مابه علم ونحمد الله كلشي زين اخباركم انتو
ابو سالم:بخير نفداك يخير
ابو دحوم:اخبارك ي هادي علومك
هادي:نحمد الله اخباركم انتو
ابو دحوم:نحمد الله
..............................
عند الحريم
ام خالد:حياكم الله و ارحبوا
ام هادي:الله يبقيتس
ام خالد:اخبارتس ي ام هادي وعلومتس
ام هادي:الحمدلله اخباركم انتو
الكل الحمدلله
..............................
تعريف بسيط
ابو هادي اخو ام خالد عمره 63 هادي وحاله حال نفسه
ام هادي عمرها 54 مستحيل ترفض لولدها الوحيد طلب حتى لو ماكانت تبي
هادي:عمره25 يحب التملك يبي كل شي ملكه يحسب ان اي شي يبيه بيجيه غصب
..............................
عند الرجال والسواليف ماخذه الجو
هادي:ي محمد
محمد:هلا
هادي:وين دوره المياه
محمد اشر له ع المكان وكان يقول وراء الجدار هذا وكان بعيد شوي
قام هادي متجه الدوره المياه وغلا كانت براء تغسل
المغسلة او(الصينيه)( الي تجي عند الحمام) هادي شافها وقف وكان يتامل غلا الي ماكانت منتبهه الهادي وكانت تفن بمعنى الكلمه لابسه ازرق يجنن وكانت حاطه ميكب خفيف مره وكان بارز ملامحها الهاديه وغير عن شعرها المنسدل ع ظهرها وكانت تجنن وهادي كان يتامل كل شي فيها ونسخها نسخ
هادي:اعنبو غيرتس ما احلاتس ي غلا
هادي كان يعرف بنات عماته بحكم انه ماعاد شافهم الا بعد ماصارو كبار واشكالهم ماتغيرت وكان يعرف انها غلا
انتظر يتأمل
الين ماخلصت غلا وبعدها دخل وخلص ورجع عند الشباب
محمد:طولت ي هادي لا تكون ضيعت
هادي:هاه لا لا ماضيعت بس كنت ع الجوال
محمد:زين
جاء العشاء قاموا الكل يتعشون وبعد العشاء كملوا سوالف
ابو هادي:اسمع انك شاعر ي بهاج عطنا
بهاج:ابشر
ابو هادي:تبشر بالجنه