قل للباحثين عَن عيُوبي فما البدرُ فِي نقصانهِ إلا هلالُ

البارت 8

_الساعه 2:00 الظهر_
كان الكل مشغول وصوت التجهيزات والصراخ عشان يمشون للديره
_بصالة الرئيسيه_
كانت الستاير مفتوحه والباب مفتوح ونور الشمس منور الصاله
الجدة منيره: بسرعه تأخرنا
لَيال وهي حاطه رجل على رجل وجالسه وبحضنها تينا وكاندي ومخلصه كل شىء من زمان: لا تونا دخلنا الساعه 2 شلون تأخرنا
الجدة منيره: تبين فايزه زوجة غانم تتكلم وتقول تاخرو عن موعدهم
انهارت ضحك لَيال: تيتا مو منجدج توني اصدق جدي يوم يقول جدتك تكره زوجة غانم بس ما توقعت لهدرجه
الجدة منيره: هي تكرهني وتبي تدور زلتي لكن ماني بسمح لها اي وش على بالش اني بخليها لا بوريها منهي منيره زوجة ثنيان
لَيال وهي تحط قططها في الصناديق الي مجهزه لهم خصيصًا: والله ودي اسالج عنها اكثر بس مشغوله سمعو صوت بوري طلعو الجدة ولَيال وهم يشوفون ملَك تأشر لهم وهي قدام باص كبير بالون الاسود
لَيال ضحكت: سويتيها يا مجنونه عبالي تطقطقين
ملَك: لعيونج يبتها شرايج
لَيال: تسألين بعد تينن حدها
طلعو البنات وهم يضحكون على ملَك الي اول ما سمعت ان لَيال ودها يكونون كلهم بباص البنات
راحت تشتري باص
لَيال كانت تبي تاخذ شنطتها بس كانت ثقيله لاحظها
ذياب توجه لها وهو صاد نظره لانها مهي متلثمه: هاتيها عنك انا بوصلها
انحرجت لَيال وهي تتذكر موقف المطبخ وبهمس: تمام بس انتبه في اشياء ممكن تتكسر لا تشيلها بقوه وحطها بشويش
نبض قلبه وهو يسمع همسها الناعم: ابشري
كان بيمشي
لَيال اخذت شنطت يدها وبصوتها الناعم: ذياب
ذياب غمض عيونه وهو يسمع اسمه بصوتها همس: بالهون على قلبي يارب بالهون
ذياب رجع لها وهو صاد: سميّ وآمري
لَيال بهمس خجول يسمعه ذياب: معليش تاخذ شنطتي ذي وتحطها بالباص اذا ما فيها كلافه
ذياب شاف يدها والشنطها كان يسمع همسها الناعم ويشوف يدها المزينه بخاتم ناعم واسواره طقم مع الخاتم ناعمه وريحة عطرها الفايحه وهو يدعي بداخله الصبر كان بياخذ الشنطه ورفع عيونه بالغلط وهو يشوفها خجلانه والشال على راسها صد نظره وهو ياخذ الشنطه: تغطي
رفعة حاجبها لَيال وهي تتجاهل وتمشي
شد على الشنطه وهي راحة وتركت ريحة عطرها الفايحه وراها: يارب الهمني الصبر
_عند لَيال_
اتجهت لفلك الي حضرت الموقف كله وهي تناظرهم من قريب شوي: شرايج اقتله؟
لَيال ضحكت بصدمه: مين!
ضمتها فلك: حقي انتي ناظر بوجهك الحلو وهو مو محرم لج اذبحه صح؟ بعدين انت تغطي اغار عليج
ضحكت عليها لَيال وهي تهمس: شلون اصارحج انها المره الثانيه
فلك بصدمه: نعم! عيدي ما سمعت!
لَيال: بعلمج بعدين كل شىء بتفصيل الممل
دخلو البنات الباص وكانت ملَك هي الي تسوق مشو للديره ووراهم سيارات الرجال 
_سيارة نجم_
كانو ذياب قدام جنب نجم الي يسوق
ونهار وغيث وليث وراء
نهار كان يغني يغلطون العواذل
غيث: محد قد قالك ان صوتك خايس
نهار: والله يا غوغو محد قال بس دامك غيران من صوتي الحلو بدربك معليش
ليث: اص خلوني انام
ضربه نهار على راسه: متى كنت صاحي اصلا صارحني 
ليث: صحيت الحين
نهار بطقطقه: صدق والله عبالي نايم  الصراحه سويت سبرايز
ناظر نهار بـ ليث الي يشخر وضحك: منجده ذا نام!
غيث: اقول وقفو عند البقاله
وقفو الشباب وكل واحد يسال اخته وتوجه نجم للباص الي وقف وهو يبي ياخذ خواته عشان ينزلون يشترون الي يبون
طلعت بتول من الباص وهي تشوف نجم قدامها
بتول بكره: وخر
نجم كان يتأمل ملامحها وانتبه للشامه الجذابه الي تحت ثغرها
دفته بتول وهي تطلع
اما نجم الي طالع فيها وهو يحاول ما يعصب عشان يكره الحركات الي كذا
نزلو البنات واتجهت لَيال مع نهار وتضاربو على كيس الشبس الي بقي واحد بس
نهار: اخوج الكبير اعطيني
لَيال وهي تبقق عيونها: لا والله هات مو شغلي ابيه
نهار: اقولج هاتيه
لَيال: انا مسكته قبلك يا الحسود
نهار شهق: كذابه انا الي مسكته
زعلت لَيال ومشت ونهار يناديها ويضحك: يالدلوعه
اتجهت لاحد رفوف الشبس وهي تشوف التاكيز وهي تحبه مره مدت يدها واندمت يد بنفس اللحضه تلامست ايديهم
لَيال بدون ما تناظر وبصوتها الناعم: نهوري خلاص والله زعلت خذ الشبس ذاك وخلي لي ذا
سحب يده ذياب وهو كان يحسب انها الغيد وحب يحارشها لكن تفاجئ بـ لَيال
ناظرت لَيال وشافت ذياب خجلت: معليش حسبتك نهار بس معليش باخذ التاكيز
ذياب بإحراج حك رقبته: خذيه اصلا كنت بس بشوف
راحت لَيال وناظر يده ذياب وهو يشد عليها ويتذكر ملمس يدها الناعمه

خلصو ونهار باقي يراضي لَيال وهو يعرف دلالها
نهار: ليلي عيوني انتِ شنو تبين طيب عشان ترضين؟
اشرت على العصير الي بيده: ابيه
اعطها نهار وهو يقول: يفداج العصير وصاحبه
ابتسمت وبانت غمازتها باسها نهار على خدها: يزين الغمازه يا ناس
ذياب شد على يده بغيره
ودخل السياره
ركب نهار وهو مروق وذياب يناظر فيه من المرايه
ويهمس لنفسه: اكيد مروق الاخ باسها وراضها
_باص البنات_
ما بين سوالف وضحك واغاني ورقص
قربو يوصلون الديره
_الساعه 4:00 العصر_
الجدة منيره: بندخل الديره الحين انزلو بادب وادخلو البيت اكيد الحريم طالعين يشوفونا وحنا ننزل ابيهم يقولون بسم الله على حفيدات منيره
أسماء بضحك: قصدك بسم الله منهم مب عليهم على هالاشكال ناظرت الجدة منيره الي تتاب مسلسلها والي تحط منكير والي تاكل والي نايمه والي تهوجس
وصلو ونزلو البنات وكانو حريم الديره كل وحده عند بابها تناظر
لَيال بتفاجئ: يمامي شفيهم يناظرون جذي
الجدة منيره بفخر: خليهم خليهم امشو نرتب وننام ورانا قومه الصباح
رتبو خلصو واتجهو ينامون
_يوم الجمعة الساعه 10:8صباحا_
بدو يتجهزون ويرتبون لان غانم مسوي عزيمه كبيره عشان ثنيان والاكيد ان اهل الديره كلهم بيكونون هناك وهم معزومين
جمان الي لبست فستان سماوي مناسب مع لون التان اكمامه طويله ومفتوح من قدام على شكل مربع
والعنود تبادلت هي ولَيال الفساتين لبست العنود فستان ناعم باللون وردي فاتح
اما الغيد الي لبست بدله رسميه بالون التفاني
اما فلك وملَك كانت إطلالتهم إماراتيه لبسو المخور
ولينا لبست بلوزه بيضاء وتونره بالون البرتقالي
ولورين لبست فستان ليموني طويل يد بكم طويل واليد الثانيه بدون اكمام
اسماء لبست بدله رسميه بالون الابيض
وميرال لبست تنوره بيضاء وبلوزه بيج
كانو البنات بالغرفه يسولفون ويحطون ميكب
_في غرفة لَيال_
طلعت من الشور وبدت تحط كريماتها ولبست فستان علاقي باللون الاسود يبين رسمة جسدها الممشوق الي على شكل الساعه الرمليه يبرز بياضها ويكشف عن عنقها الغزالي الطويل الي صافي لدرجة ان لون عروقها بارزه جدا من جلدها الصافي ويزينه عقد اللؤلؤ  لبست الحلق الي من اللؤلؤ ونفس الشىء الاسواره والخاتم من اللؤلؤ كانت مشغله اغنية كاظم الساهر الله من دلع النساء دقو الباب البنات ودخلو وهم يشوفون ليال وهي تلبس وبدت تصورها الغيد بدون ما تدري لَيال وهي متعوده على التصوير فكت لَيال شعرها الويفي الطويل وهي تفرده بغنج وتحط الروج والميكب كانت الغيد تبي ترسل الفيديو على قروب بنات آل رائد ارسلته لهم وارسلت لذياب بالغلط ما انتبهت وسكرت الجوال