قل للباحثين عَن عيُوبي فما البدرُ فِي نقصانهِ إلا هلالُ

البارت 21

غَدي بارتياح: كذا اقدر ارتاح دامك بتجين احس متوتره اول معرض افتتحه اتمنى رامي ما يجي ويخرب فرحتي
لَيال: النشبه رامي! تكفين غثيث بتكون الصحافه موجوده صح؟
غَدي: اي بتكون موجودة عشان كذا متوتره
لَيال ابتسمت وهي تشد على يد غَدي: معاج في شر ولا خير يا عيوني
ابتسمت غَدي لها قالو بيخرجون للديره وبيروحون من نفس المكان الي صار في الغبار والعجوز توترو لَيال وغدي وهم يتذكرون الموقف
لَيال لذياب: ذياب قفل البيبان والشبابيك
ذياب قفلها وهو مستغرب
لَيال بجديه مريبه: تحصنتو وقريتو اذكاركم؟
الكل: اي
نهار بمزح: شفيج حسستيني ان بيطلع لنا ساحره مثلًا
غَدي بنرفزة من نهار: لن ذا الي بصير يا غبي
نهار شهق: انا الغبي لا يكون على بالج انج ذكيه!
غَدي: دام اني إذكاء منك بعتبر نفسي اينشتاين بعد
نهار: من قالج انج ذكيه معليش يعني بس الصراحه غبيه حيل
لَيال بنرفزه: مو وقت تناقرون بعض!
شافو عاصفة ترابيه من بعيد
نهار باستغراب: الاجواء حلوه اليوم غريب عاصفة!
ذياب بجديه: لانها مو عاصفة طبيعيه
نهار ضحك: يا الله منكم تكبير المواضيع عندكم عالي يا ما امداه يكمل من حس ان في احد يحاول يفتح بابه
ضحكت غَدي لا إراديا من فزته
نهار: عساهم يفزعونج
ما كمل دعوته بعدها بدقيقتين اندق الشباك الي جنب غَدي الي فزت وهي تنط على لَيال
لَيال بعصبيه: نهار تستهبل! مو وقت دعاوي الحين ادعي بس نطلع بسلام وبخير
بدا الغبار يلف حول السياره بس لحسن الحظ ان ذياب كان عارف يتحكم بالسياره
نهار: انا في حلم صح وش السالفه!
ذياب الي بدا يزيد السرعه
_عند لينا_
كانت مصدومه من كلام سياف شلون حُب طفولتها يطلع بالـ تفكير هاذا وكيف قالها بكل ثقه انه بيخليها تترك جامعتها بعد ما يتزوجون مستحيل تقبل بالفكره هاذي حتى لو على حساب حبها بدت تفكر واخذت ببالها انها بتنفصل عنها دراستها اهم حتى لو كان على مصير حُبها له بتدعس على قلبه عشان دراستها ومستقبله وهي مستحيل تترك الطب الي كان حلمها من يوم ما هي صغيره وكانت تقول جمله وحيده للكل " الطب انا وانا الطب دربنا واحد مستحيل ادخل تخصص غيره" وتدرست وجابت اعلى الدرجة عشان تحقق حلمها وتصير دكتوره مستحيل تتخلى عن حلمها عشان شخص وهي متأكده انها بتلقى الرجال الي يقدرها ويقدر حلمها قامت وهي تتوجه لغرفة ابوها خالد دقت الباب سمعت صوت ابوها وهي يسمح لها بدخول
دخلت وهي تشوف ابوها جالس على الكنبه ويناظر بالتلفزيون وقف الحلقه الي كان يتابعها وهو يشوف لينا مرتبكه
الاب خالد: تعالي يا بابا
تقدمت لينا له وهي تجلس جنبه
بدت تفاتحه بالموضوع وتفهمه كل شىء بتفصيل
خلصت وباس راسها خالد
الاب خالد: تأكدي انك اخذتي قرارك الصحيح الي يحبك بيتقبلك بكل حالاتك يا بابا
فرحة لينا لان ابوها تقبل الموضوع بسهوله
طلعت وهي تبي تطلع للحديقه خرجت وهي تشوف الخادمه تلعب مع القطط قربت وهي تنحني وتشيل كاندي
لينا بابتسامة: يا حلوه أشتقتي لي!
الخادمه الي شافت أصيل الي مصدوم ورا لينا الي ما انتبهت كانت تبي تقولها الخادمه ان في رجال وراها بس لينا الي كانت تلعب مع تينا وكاندي بانسجام ومو مهتمه لشىء حولها وهي مبسوطه
ان ابوها ماهو زعلان
لينا وهي تشيل تينا: قولي لينا قولي اسمي
لينا ضحكت على غبائها لانها بسه وما تقدر تنطق اسمها
الخادمه بتوتر e: انسه هناك رجل خلفك
لينا تجمدت من قالت لها الخادمه ان في رجال وراها تمنت انه اخوها بس اخوها بالرياض وابوها بغرفته وسياف متأكده انه خرج من البيت!
ما تجرت تلف ابدا
تنحنح أصيل وهو يروح
لينا بهمس e: هالذهب؟
الخادمه e: نعم لقد ذهب
باست لينا تينا وكاندي وهي تدخل بتوتر وهي تتمنى ما يكون احد غريب كان بالها مشغول بالتفكير
_سيارة ذياب_
بدا يخف الغبار والكل كان صامت من الربكه
اختفى الغبار والاصوات تدريجيا اول ما طلعو من الصحراء
ذياب بجديه: وش سويتو لهم!
لَيال بتوتر: ما سوينا شىء حتى ما جيني لذي الصحراء
ذياب بحده: لَيال قولي الصدق
نهار ناظره: لا تكلم اختي كذا!
بدا يستغفر ذياب ولَيال حز بخاطرها انه كلمها بهاذي الحده المخيفه!
لفت وجهها للشباك وهي زعلانه ذياب تنهد بخاطره
وصلو الرياض وتحديدًا قدام بيت فهد الي كان جنب بيت الجد ثنيان كان بيمشى ذياب لبيت الجد بس فتحت لَيال باب السياره وهي تنزل وتقول لغدي تنزل معاها شد ذياب على يده وهو متأكد انها زعلت وهاذا باين من تصرفاتها
نهار وهو يطبطب على كتف ذياب: زعلها شين ترا
ذياب وهو يضبط شماغه عشان يروح الشركه: اختك دلوعه بس تآمر وتتدلل من لنا غيرها؟
نهار ضحك: الحين اذا هي دلوعه اجل بنتكم شلون بتجي بتطلع مدللـه درجة اولى
ابتسم ذياب: اذا جت لها عيوني دامها بنت الذيب يرخص لها الغالي والدنيا من لنا غير الام وبنتها
نهار وهو ينزل: مالك غيرهم طبعا ولا بفقع عيونك كل شىء الا اختي وبنتها الي معرف كيف شخصيتها الصراحه بس اتمنى مو زيكم يارب تطلع زيي ونفس شخصيتي يارب
رماه ذياب بالكوب الورق: استغفر ما لقيت الا انت تشبهك بشخصيه بعد
نهار بغرور: نعم! يحصل لها اساسا ان عندها خال مثلي ضحك ذياب بعد ما قفل نهار الباب وتوجه ذياب ياخذ له قهوة وقف بالكوفي وهو يستنى واخيرا بعد فتره اخذ فطيره من الكوفي وقهوة توجه للشركه وصل وهو ينزل دخل الشركه وكلهم بدو يوقفون ويسلمون عليه وهو يرد عليهم دخل المكتب ورفع عيونه بصدمه وهو يشوف لَيال جالسه بالمكتب
عقد حواجبه وهو مركز وفعلًا الي قدامه لَيال
ذياب بصدمه: كيف جيتي هنا! دوبني منزلك بالبيت
ناظرت لَيال بساعتها وهي تقول: نزلتني من ساعه و25 دقيقه و43 ثانيه ومتاخر عند الدوام بالشركه 4 دقايق هاذا استهتار والاجتماع بيبدا بعد 7 دقايق
ذياب الي راح عن باله الاجتماع: يالله نسيت من الاجتماع ما جهزت له
لَيال وهي تقوم وتجمع الاوراق الي جهزتها وتدخلها بملف وهي تمر من جنبه بثقه
لَيال: جهزت كل شىء انا  انت بس احضر الاجتماع
ناظر فيها وهي تضبط نقابها عند المرايه وعبايتها
وبيدها الملف الي حاطه فيه كل شىء وبيدها الثانيه الجوال طلعو مع بعض وكان شكلهم متناسق جنب بعض وكيف كانو يمشون بنفس الثقه والغرور وواضح عليهم دم آل رائد عليهم نفس الغرور الي مشي بعروقهم يمشي بعروق آل رائد جميعًا
وصلو عند غرفة الاجتماعات فتحو الباب وهم يشوفون الكل موجود ناظرت لَيال بالبنت الي تكون الوريثه للشركات الي بيتعاقدون معاهم دخلو وجلس ذياب في بداية الطاوله الطويله وجلست لَيال عن يمينه في طرف الطاوله من الجنب اليمين
والوريثه الي اسمها اريج جالسه عن يساره بطرف الطاوله بدت اريج تشرح عن شركتهم وتأريخها لَيال الي كانت شوي وبتطق من نظرات اريج لذياب شدت على يدها وهي تحاول تمسك نفسها لاحظها ذياب وهو يدخل يده من تحت الطاوله ويفك يدها الي ضاغطه عليها مسكاها وحط يده عشان تشد على يده وما تعور نفسها اما اريج الي تشرح وهي تناظر بـ
_عند نهار_
كان مع جواد ورعد بالبيت الخاص بعائلة جواد الي بالديره كلهم بستثناء غَدي الي بالمعرض
كانو جالسين رعد ونهار وهم يستنون جواد يوريهم ملابسه الي بياخذها على قطر طلع جواد بشورت وردي وبلوزه خضراء اوفر سايز ونظاره شمسيه وقبع باللون الابيض
جواد وهو ياخذ لفه قدام نهار ورعد: كيف خقيتو صح؟
نهار وهو يصفق: واو حرفيًا واو وش هالكشخه يا شيخه انتبه لا يشوفونك الي بالمطار بيغمى عليهم
جواد نزل النظاره شوي وهو يغمز: واذا غمزت؟
رعد وهو يمثل ان اغمى عليه وحاط يده على قلبه: لقد جعلتني اخق عليك يا ايها الجميل سهم حبك اخترق قلبي
نهار وهو يضرب رعد بخفيف ويضحك: لقد جعلتني اخق؟ ومكس الفصحى والعاميه الغريب ذا 
رعد: سمعت دكتور يقول التحدق بالعاميه مع الفصحى يسبب فرحه
جواد وهو مبسوط بطقمه الغريب: قصدك اكتئاب مب فرحه
-
ادري تأخرت عليكم بس مو بيدي عشان الاختبارات والعوض بالاجازة بالبارتات الي ترضيكم وشكرا على تفهمكم🤍