قل للباحثين عَن عيُوبي فما البدرُ فِي نقصانهِ إلا هلالُ

البارت 18

حست كارولينا بسكين بقلبها بنتها تسالها مين هي وش ترد تقول انا امك بس انجبرت اتركك وانها كانت مغصوبه انفتح المصعد وطلعو واتجهو للشقة المطلع على برج ايفل
طلال: ليلي ابي انام
لَيال لكارولينا f: طلال يريد النوم اين غرفتنا
اشرت كارولينا على وحده من الغرف ودت لَيال طلال وتاكدت انه نام وطلعت لصاله وشافت كاورلينا جالسه جت وجلست قدامها
لَيال: تعرفين تتكلمين عربي؟
كارولينا: اي اعرف اتكلم عربي كويس
لَيال: منو انتِ؟ وشنو اسمج
كارولينا ناظرت بعيون لَيال: انا كارولينا انا امك يا ليال
لَيال نزلت كلمة امك على مسمعها وقلبها زي السكين بدا راسها يوجعها وهي تتذكر الماضي
لَيال بهدوء مريب: انتِ مو امي
كارولينا: لَيال خليني اشرح لك كل شىء لا تحكمين قبل لا تسمعيني
قامت لَيال بغضب: كيف ما احكم تركتيني وجايه بعزاء امي تقولين انا امك! مالك حق تقولين انك امي ابدا ابدا وينك يوم كنت تعبانه وينك يوم كنت مكسوره ومنهاره وينك بأصعب أوقاتي وينك صرخت بقوه وينك وينك ما فيه اي مبرر عشان تتركيني مالي ذنب كنت طفله حالي حال اي طفل بس محتاج امه الحقيقه 
كارولينا بصدمة: كادِي ماتت! كيف ومتى وليه
لَيال بكت بقوه وهي تصرخ فيها: اي ماتت ماتت ودفنوها وصلو عليها ماتت وانا ما بقى لي احد ليه تركتيني ليه اعطيني سبب مقنع مستحيل انتِ مو ام مو ام وش عذرك قولي وقولي وش عذرك تتركين طفله بأعز حاجتها لك!
كارولينا: لَيال انا كنت مجبوره والله مجبوره مو بيدي هددني انه يقتلك انا مو مستعده اخسرك زي ما خسرت نسرين والله مو مستعده خسرت نسرين وخسرت ابوها ما بقى لي الا انتِ ما كنت مستعده اخسرك قتل نسرين وخبأ فعلته انها ماتت بمضاعفات وخسرت زوجي الي يوقف بوجه روبورت ما كنت ابي اخسرك والله ما كنت ابي اخسرك هددني بقتلك وما عطيتك لكادي الا وانا واثقه انها بتهتم فيك وبتعوضك عن حناني اعرف كادِي وكيف هي حنونه وانا اللي طلبت من فهد لا يفرط فيها كنت اراقبك من بعيد بس والله لو قربت كنتي بتكونين بخطر بس اوعدك من هالحظة ما افرط فيك واكون معاك بكل صغيره وكبيره اوعدك بس صدقيني روبورت الي دمر كل حياتي وعيشني بظلام كنتي نور حياتي الوحيد كنتي زي القمر بين عتمة الليل في حياتي كنت اراعيك من بعيد واشوف اوضاعك بدون ما يدري روبورت عشان ما يسوي فيك شىء مو مستعده اخسرك حضنت كارولينا لَيال
الي بدت تبكي اكثر: كنت خايففه كنت خايفه مره اكرهه اكرهه كنت كل يوم اتحلم فيه وهو يقرب مني مو قادره كل ما احول اتخطى يجي ويدمر كل شىء دمر كل قوتي الي جمعتها بسنين دمرها بثواني معدوده احس بنار وسط ضلوعي
كارولينا: بتنطفي هالنار وبتزول
لَيال بحرقه: ما عاد لي قوة ولا حيل اقاوم هالدنيا اكثر والله ما عاد بي حيل تعبت حيل تعبت
ضمتها كارولينا بقوه: اوعدك اني بكون عكازك وسندك وما رح اخليك بس سامحيني واعذريني وانتِ تدرين بظروفي بس الليله سامحيني ونامي معي بس الليله وبكره سويي الي ودك بس اليله خليني اعوض ليالي البعد 
لَيال: اخاف انام واصحى واعرف ان كل هاذا حلم معد صرت أثق بالليل ابي بس ارجع الرياض ابي ارجع واحضر جنازة امي ما ابي اتركها بجنازتها على الاقل بس اكون معاها بجنازتها تدرين؟ انا الي غسلتها بيدي الثنتين ناظرت بيدينها الي ترجف وبكت وهي تقول انا الي غسلتها بست راسها قبل لا يدفنونها انا الي غسلتها بست راسها الي  كان بارد وبست يدها كانت بارده كانت يدها دائما دافئه بس كانت بارده لانها رجفت نبرة صوتها لانه ماتت اي امي كادِي ماتت بس انا احس انها حيه مو ميته قلبي يقول حيه وعقلي يقولي لَيال استوعبي ماتت خلاص بس ما اقدر تعبت تعبت وهي توها ماتت وشلون بكمل سنين الباقيه بدونها؟
كارولينا: ادري انه صعب عليك بس وعدتك اكون معك واعوضك
صرخت فيها لَيال وهي تدفها: وشلون بتعوضيني شلون انتِ الي خليتني مع كابوسي انتِ انتِ وبابا انتو الي خليتوني معاهم كنت كل يوم انحرق بابشع الطرق كانو يضربوني لدرجة احس بروحي تطلع كانو يجبروني ألبي طلباتهم المقرفه والقذره كانو يسوون اشياء تخالف القانون واشياء ما يتخيلها عقل بشري كنت اشوف ريملي مع الساحرة واشوف طقوسهم غصب عني مو برضاي وانتِ وبابا كنتو بشهر عسلكم وش كان بيضر لو اخذتوني؟ كنت هاديه واسمع الكلام كان أسوا شهر مر علي تدرين اني كنت أتعالج عند دكتوره نفسيه عشان بس اتخطى الي صار كنت اشوف اشياء تشيب الراس للكبير شفتها وانا طفله
تعبت والله تعبت معد ابي شىء بس ابي اعيش وانا مرتاحه والله ما بطلب شىء اكثر بس ابي اعيش مرتاحه جلست لَيال بتعب على الارض
انحنت كارولينا وهي تضمها بقوه وبكت لَيال وهي تحضنها
كارولينا بجديه: رح نرجع الرياض الحين بنوصل الساعه 12 الليل ممكن
لَيال ناظرت فيها بصدمه: صدق الحين؟ نوصل يعني انتِ بتجين معانا؟
كارولينا: اي بجي مو انا وعدتك اكون معاك بكل كبيره وصغيره من الحين ببدا بوعدي وما رح اتركك
لَيال: طيب ابي جوالك شوي ابي اكلم نهار
اعطتها كارولينا الجوال اتصلت على نهار
نهار الي كان توه منسدح بتعب من الوقفه مع العزيين: مين؟
لَيال بغصة: نهوري
نهار ابتسم: ليلي توني مخلص من السلم قسم يدي تكسرت من كثر ما سلمت انتِ بغرفتج؟
لَيال بجديه: نهار انا في باريس
نهار الي كان يشرب مويه وغص فيها: تستهبلين؟
لَيال بفس الجديه: نهار ماني قاعده امزح بشرح لك كل شىء بس اسمع سوي الي بقول لك عليه بالحرف الواحد بدت تقوله وش يسوي
نهار: تمام بس متى بتجين 
لَيال بهدوء: الحين بنتجه للمطار
نهار: انتبهي على نفسج 
قفلو من بعض بعد ما توادعو
شالت كارولينا طلال النايم
ونزلو من المصعد وطلعو من الباب الخلفي للفندق
ركبو بسياره سوداء مضلله بمشو وهم يتجهون للمطار وصلو وكانت ليال بتنزل بس مسكتها كارولينا وهي تعطيها كمامه سوداء وكاب عشانمحد يعرفهم من أتباع روبورت
نزلو بهدوء ومشو  وهم يتجهون لمطار وطلعو الدرج وناظرت لَيال بالسماء واخذت نفس وهي تهمس: حاسه اني برجع لها قريب بس لسبب غريب
دخلو الطيارة وجلسو مكانهم وبدت رحلتهم
_بعد مدة_
وصلت الطائره نزلو في مطار الرياض وكلنت الساعه 8 الصباح والاكيد انه هاذا اليوم الاخير بالعزاء
كارولينا وقفت وهي تقول: لَيال نهار بيجي ياخذج صح؟
لَيال: اي
كارولينا: روحي انتي وطلال انا عندي كم شغله برياض وبلحقكم للديره ورقم جوالي معاك اذا خلصت بجي بسيارتي
لَيال: طيب بس لا تتأخرين
كارولينا: طيب يا ماما مع السلامة
توادعو وراحت برا ولقت نهار  الي اشر لها راحت له وركبو السياره بعد ما سلم عليها
نهار بابتسامة: طلول مين احلى انا ولا لَيال
طلال ناظر بيد نهار الي تأشر على نفسه بدون ما تنتبه: نهار
شهقت لَيال وهي تلف عليه: نهار احلى مني؟
طلال ضحك: اي
نهار بغرور: يا حبيب لا شك اكيد بعدين شفيج انتِ حسوده عشاني احلى منج
ضحكت لَيال: ماخذ بنفسك مقلب استاذ نهار
مبين سوالف ونكت نهار وازعاج طلال وصلو للديره
نزلت لَيال واخذت طلال وهي تدخل من الباب الخلفي طلعو لفوق بدون محد ينتبه كانت تبغى تدخل غرفتها بس سحبها طلال وهو يقول
طلال: ليلي
لَيال بهدوء ابتسمت له: لبيه
طلال: ابي اروح اشوف ماما بالغرفه تعالي معي
ليال انحنت وهي تكتم غصتها: طلولي مو قلت لك ماما مسافره مكان بعيد خلاص انت تصير تنام معي
طلال بزعل: ابي اروح عند ماما
لَيال: طلال انت كبير الحين وعاقل لا تسوي هاذي الحركات تعال خلينا نرتاح عشان ننزل بعد شوي تحت وانت تلعب مع الأطفال تمام؟
طلال بزعل: طيب
دخلت جواء وهي تعطي طلال ملابس عشان يغير ملابسه وراحت تتروش وتغير ملابسها خلصو نزلت تحت وما لقت احد مستغرب وهي عارفه ان نهار هو السبب انهم ما يشكون بحاجه طلع طلال يلعب مع الاطفال قرب منهم وهو مبتسم وجاء طفل من وراه ومعاه مجموعه من الاطفال ودف طلال وهو يضحك
الطفل الي دف طلال قل وهو يضحك: جاء الطفل الي ما عنده ام
طلال عصب وقام وهو يدفه: الا امي موجوده بس مسافره
دفه الطفل الثاني: امك ماتت يا غبي امي موجوده جوا واليوم بنام معاها وانت مسكين ما تقدر تشوف امك مره ثانيه
حس الطفل بأحد يمسكه من اذنه بقوه: اذني اذني
ركض طلال وهو يحضن صقر بشوق: صقر
ضمه صقر بيد ويده الثانيه باقي ماسكه اذن الولد
الولد ببكي: فك اذني
الوليد لصقر: فك اذنه وش فيك
صقر بحده مخيفه سحب الولد من اذنه: كلهم ما بيحطون راسهم براس طفل الا انا احطه واكسر راسك اذا قربت على واحد من اخواني واختي ولا بخليك تبكي على امك الحين تفهم
الولد ببكاء: طيب وخر وخر
فكه صقر وهو يشيل طلال: طلول البطل كيفك وحشتك؟
طلال: ايي كثير
ابتسم الوليد وهو يمد يده وحضن صقر: هلا باخوي تو ما نورت الديره
صقر بشبه ابتسمه: هلا بالشاهين النور نورك
دخل
_بالدخل_
كانت ليال جالسه بهدوء ودخل ولد يبكي
ام الولد: بسم الله عليك وش فيك
الولد ببكاء: في رجال مسكني مع اذني بقوه وخوفني
كانت لَيال ساكته وهي تناظر بصمت
ام الولد بعصبيه: منهو!
الولد بكاء بصوت عالي: معرف بس كبير ويخوف وكان صوته يخوف وبدا يبكي اكثر
الولد ناظر بالحريم واشر على لَيال: اخو هاذي كان يخوف ووجعني
ام الولد بعصبيه ناظرت باليال: اخوك بزر عشان يحارش ولدي بإي حق يمد يده عليه
لَيال بحده مشابه لاخوانها: احترمي نفسج يا ام مسفر واسالي ولدج شنو مسوي بعدين نتفاهم ما ينفع تحكمين من طرف واحد
ام مسفر بقهر شالت شنطتها وسحبت ولدها وهي تطلع برا
أسماء بانزعاج:روحه بلا رده ان شاء الله
غَدي: بنات ودكم تطلعون شوي؟
لَيال: انا اي
اعتذرو البنات الا نجد وغدي ولَيال وجمان لبسو عباياتهم وهم يطلعون كانو يمشون ووقفو وهم يشوفون خمسه كلاب تحاوطهم ناظرو بالمكان الخالي من البشر
نجد بهمس: بنات احنا فين
جمان: بنات ببكي ذول محاوطينا احنا؟
غَدي بسخريه: لا يروح امك محاوطين التراب الي قدامك وش متوقعه انتِ؟
نجد: بسبس تعال بسبس ما بسوي لك شىء
غَدي ناظرت فيها بصدمه: تستهبلين الحين ولا منجدك؟
جمان وهي تضرب رجلها بالتراب: هش هش
لَيال ضحكت: تهشين ذبان انتِ؟
بكت جمان: ما فيه شىء يضحك ترا
ضحكت لَيال على شكل جمان: تكفين بطني شوفي شكلك وانتِ خايفه امانه غَدي شوفي
غَدي لفت وشافت شكل جمان الي ماسكه ضهر نجد من نبح الكلب بدت تضحك: شوفي كيف متمسكين ببعض!