عاملة النظافه والرئيس

الفصل الخامس والعشرين

اللهم صل وسلم وبارك على سيدنا محمد وعلى اله وصحبه وسلم تسليما كثيرا

وصلت عشق مكان عملها وذهبت لتغير ملابسها لملابس العمل ثم اخذت ادوات التنظيف للبدء بعملها
فى الخارج يقف تيم ينظر لهذه المستشفى التى دخلت اليها عشق باستغراب  وهو يسال نفسه ماذا تفعل هنا
هل هى مريضه او ربما جاءت لتزور احد وقف لا يعلم هل يدخل ام يرجع قصره حتى لا تراه وتتضايق انه وتظن انه  يراقبها ثم تذكر تيام انه فى القصر ممكن ان يستيقظ قرر الرجوع الى القصر حتى لا يترك تيام مع ناهد وشاهى وبالفعل ذهب الى قصره ودخل القصر سمع صوت بكاء طفله ذهب سريعا الى غرفه طفله وجده جالس ارضا فى احد زوايا الغرفه وهو يبكى  بشده وشاهى تصرخ فى وجهه
تيم بانفعال :ايه اللى بيحصل هنا
نظرت شاهى اليه بصدمه فهى لم تتوقع عودته سريعا وخافت منه: مفيش كان بيعيط فسالته مالك
تيم : انتى ازاى تصرخى فيه كده
شاهى :انا لم
تيم وهو لا يعطيها مجال للكلام قال مش عايز اسمع مبررات واتفضلى اخرجى و بعد كده مالكيش دعوه بيه 
خرجت شاهى سريعا
نظر تيم الى تيام وهو يبكى ثم اقترب منه وجلس ارضا امامه وقال مالك يا بطل بتعيط ليه
تيام:انا صحيت ملقتش حد معايا فخفت
تيم : عشان كده بتعيط
تيام : وطنط الوحشه دى زعقت لى جامد
تيم :ليه انت عملت ايه
تيام:تيام شاطر مابيعملش حاجه هى اللى وحشه وبتزعق
تيم : خلاص يا حبيبى ما تعيطش ماعنتش هسيبك لوحدك وبعدين انت راجل الراجل ما بيخافش
تيام:انا شجاع
ضحك تيم :وقال اكيد انت بطلى القوى الشجاع
تيام وهو يمسح دموعه بيده قال:مامتى فين
تيم:هى راحت تجيب حاجه وجايه على طول
ثم حمله ونزل به الى الاسفل ثم طلب من الخادمه ان تحضر الطعام لتيام بعد قليل كانت الخادمه احضرت الطعام اجلس تيم تيام فى حضنه ثم قام باطعامه
ويعلب ومعه ليشجعه على تناول الطعام ويضحك تيام بصوت عالى ويضحك تيم على ضحكات طفله وهو سعيد جدا به
كل هذا تحت انظار ناهد وشاهى الذين ينظرون بغيظ

عند هنا ومازن
جاء مازن من الشركه وجلسو يتناولون الطعام
مازن :تيم طلع من المستشفى انهارده
هنا :بجد وعشق معاه صح
مازن:اكيد
هنا:انا عايزه اروح ازورهم واطمن عليهم
مازن :تمام بعد الاكل اجهزى عشان نروح
هنا:تمام

عند عشق
انهت عملها وخرجت وركبت سياره اجره وذهبت الى القصر فهى قلقه على تيام لانها تركته كل هذه المده ولكنها وسط الداده عليه قبل ان تخرج

وصلت عشق الى القصر

دخلت وجدت ناهد وشاهى جالسون
ناهد :كنتى فين
عشق نظرت لها باستغراب وقالت نعم
ناهد :كلامى واضح كنتى فين
عشق : وحضرتك بتسالى ليه
ناهد:البيت ده فى نظام ممنوع الدخول والخروج الا باذنى
عشق:لا والله
ناهد:زى ماسمعتى وردى على سوالى كنتى فين
عشق:وانتى مالك
ناهد :انتى ازاى تكلمينى كده يا بت انتى انتى نسيتى نفسك ولا ايه انتى حتة ممرضه فقيره جايبينها من الشارع
عشق: احترامى نفسك يا ست انتى
شاهى :انتى ازاى تكلمى مامى بالطريقه دى انتى نسيتى نفسك يا جربوعه انتى
سمعوا صوت جاى من الخلف
انتى اللى تحترمى نفسك يا شاهى
نظروا الى صاحب الصوت وكان تيم الذى جاء على صوت الصريخ
ناهد:شفت مراتك بتكلمنى ازاى يا تيم ازاى بتهين عمتك
احست عشق بالاختناق  وشعرت بالظلم انه اول يوم لها وهم لم يتركونها بحالها
تيم :انا  شوفت وسمعت كل اللى حصل يا عمتى
اولا دا بيت عشق يعنى ملكيش تساليها رايحه فين وجايه منين
ثانيا انتى مجرد ضيفه ولازم تحترمى صاحبه البيت
دى اخر مره هحذركم المره الجايه هتصرف تصرف مش هيعجبكم
اتعلموا ازاى تحترموا صاحبة البيت اللى انتم فيه
ثم مسك يد عشق وصعدوا الى غرفه تيام
تفاجأ عشق من كل كلامه وكيف دافع عنها
دخلت غرفة تيام وجدته جالس يلعب ويوجد العاب كثير فى الغرفه
تيام اول ما راى والدته :مامتى حببتى انتى جيتى
عشق:اه جيت يا قلب ماما وحضنته وقبلت راسه
تيام :بابا قال لى انك رحتى تجيبى حاجه جبتيلى ايه
نظرت عشق لتيم وباستغربه انه دافع عنها فى الاسفل وقال لابنها انها بتجيب حاجه وهو لا يعلم اين كانت من الاصل ولم يسالها ولا انفعل عليها مثل المره الماضيه عندما كانت فى المستشفى وذهبت الى العمل و عندما لم يجدها انفعل وقال يجب ان تاخذى اذنى عند خروجك
ثم نظرت الى تيام وقالت جبت لك حاجه حلوه واخرجت له الحلويات التى اشتريتها له
اخذ تيام الحلويات بسعاده وقام بتقبيل والدته وشكرها ثم نظر الى والده وقال ابى تريد شوكولاته
نظر تيم له بابتسامه وقال له سوف تعطى والدك
تيام:هعطيك لو هتجيب لى بدلها
نظر له تيم بصدمه من رده ثم ضحك بصوت عالى
وقال انت مالكش حل هجيب لك عيونى و كل اللى انت عايزه هجيبه لك انت ووالدتك وهو ينظر لعشق التى ادارة وجهها للجهه الاخرى
احتضن تيام والده وقال احبك ابى
بادله تيم الحضن ثم قال وانا احبكم انت ووالدتك انتم اغلى ما املك
نظرت له عشق بغيظ وقالت فى داخلها ممثل بارع
ثم  نظر لعشق وقال  اكيد جعانه هبلغهم يحضروا الاكل انا مارضتش اكل الا لما تيجى
جاءت لتعترض خرج من الغرفه سريعا قبل ان  تعترض
نظرت فى اثره  بعصبيه وغيظ وقالت ماذا يظن نفسه هل يعتقد اننا مثل اى ازواج وسوف نعيش حياة طبيعيه بعد ما فعله بهذه البساطه
ثم ذهبت وابدلت ملابسها ولبست اسدال ووضعت الحجاب على راسها
ثم جاءت الخادمه لتبلغها ان الطعام جاهز
طلبت عشق ان تاتى لها بطعامها الى الغرفه
نزلت الخادمه  الى الاسفل ثم قامت بحمل الطعام من على السفره كل هذا تحت انظار تيم
الذى سال الخادمه لماذا  تحملين  الطعام
قالت الخادمه:عشق تريد ان تاكل فى الغرفه مثل سابقا
تيم: باستغراب سابقا
الخادمه:ايوه سابقا كانت تاكل فى الغرفه او تاكل معنا فى المطبخ هذه اوامر شاهى هانم
تيم بانفعال:شاهى مين دى اللى تامر البيت دا بيت عشق ومافيش هانم هنا غير عشق وبعد كده تقولى عشق هانم مش عشق فهمه
كل هذا كان تحت انظار عشق التى كانت تقف اعلى  السلم وترى وتسمع كل ما يقال
الخادمه:لكن الان هى التى تريد ليس شاهى هانم
تيم:يعنى عشق هانم هى اللى طلبه الطعام فى الغرفه
الخادمه :ايوه
تيم:تمام هاتى الاكل فوق

فى الغرفه كانت عشق مستغربه كلامه ودفاعه عنها والتقليل من زوجته الثانيه شاهى كما تعتقد
ثوانى ودخلت الخادمه وهى تحمل الطعام نظرت عشق الى الطعام وكان كثير جدا سالت الخادمه لما كل هذا ولكن قبل ان تجيب عليها الخادمه وجدت من يدخل الغرفه وقال للخادمه شكرا
ثم جلس امام الطعام ثم نظر الى عشق وقال يلا بسرعه  قبل ما يبرد الاكل
نظرت له عشق باستغراب وقالت له ماذا تفعل
نظر لها وقال مثل ما ترين سوف اتناول الغذاء
نظرت له عشق باستغراب من بروده وقالت اذهب وتناول فى غرفتك
نظر لها وقال سوف اتناول معك لكى افتح نفسك
نظرت له وقالت تقصد تسد نفسى
طنش كلامها وقال يلا بس قبل ما الاكل يبرد
عشق قالت: كل انت بقى انا مش اكله
تيم : خلاص برحتك خلينى قاعد معاكى لحد ما تجوعى و تاكلى مش هخرج من الغرفه الا لما تاكلى
نظرت له بغيظ وقالت بانفعال:انت عايزه منى  ايه يا جدع  انت  انت عايز تشلنى مالك ومالى ما تسبنى فى حالى
-تيم: بعد الشر عليكى ان شاء الله عدوينك واللى يكرهك انا  بس عايزك تاكلى
-عشق نظرت له وقالت بارد
-تيم:مقبوله منك يا قمر
-عشق ياباى على برودك يا شيخ ماشفتش زى برودك
-تيام:مامتى ماتقوليش على بابتى بارد
-نظرت له عشق باستغراب من مدافعت على ابوه الذى
لا يعرفه الا من ايام قليله
-تيم: شاطر يا حبيب بابا قول لامك يا تمتومى ان بابا حلوه
-تيام:مامتى بابتى حلو
-نظرت لهم بغيظ ثم سمعوا ترك على الباب
-قال تيم :ادخل
دخلت الخادمه وقالت ان مازن وهنا تحت ينتظرونهم
تيم :تمام شوفيهم يشربوا ايه واحنا نازلين اه
ثم قام تيم وقال لعشق يلا ننزل
عشق :انزل انت انا عايزه انام
نظر تيم باستغراب  لانه ظن انها سوف تفرح بقدوم هنا صديقتها ولكنها لا تريد مقابلتها

                                يتبع
                     عاملة النظافه والرئيس

   ايه رايكم فى الروايه