اللهم صل وسلم وبارك على سيدنا محمد وعلى اله وصحبه وسلم تسليما كثيرا
تفاجأ مازن مما سمعه من الممرضه وقال ابن مين
قالت الممرضه ابن تيم بيه
مازن باستغراب:طب فين الغرفه دى
قالت له الممرضه على رقم الغرفه
ذهب مازن الى الغرفه فى نفس الوقت كان يخرج تيم من الغرفه بمساعدة الممرض للذهاب الى غرفته ليستريح
مازن :تيم فى ايه مالك طمنى عليك وايه الكلام الغريب الى سمعته ده
تيم: تعالى بس نرجع الغرفه بتاعتى وبعد كده هفهمك كل حاجه
مازن :تماما
وساعده مازن للوصول الى الغرفه
دخل الغرفه واستلقى على السرير
ثم حكى لمازن كل شئ من اول ظهور عشق وابنه المريض والتبرع وكل شئ
مازن بانفعال:انت ازاى تعمل كده انت انت ازاى تتبرع للولد ده وانت لسه تعبان وخارج من حادثه كبيره وفايق من غيبوبه كل ده عشان الست عشق تعرض حياتك للخطر انت اتجننت
تيم:انت بتقول ايه انت و الله اللى اتجنتت انت مش عايزنى اتبرع لابنى واسيبه يموت
مازن:وايش عرفك انه ابنك اصلا دى واحده مختفيه
بقى لها فتره وياعالم كانت فين ولا بتعمل ايه
تيم اتعصب جدا من كلام مازن وكان لسه هيرد وجد من يرد قبله كانت عشق التى سمعت كل شئ
عشق :فى تحليل DNA يقدر يسبت النسب ويتاكد انه ابنه ومن غير تحليل لو مش ابوه كان هيتبرع له ازاى ونسبة التطابق مطابقه ازاى
وبعدين انا مش زباله زيكم اصل الزباله بيفكر كل الناس زباله زيه انا اشرف منكم ومن امثالكم ولولا مرض ابنى ماكنتش جيب ولا شوفت اشكالكم القذره دى وانا هقول ليه انه ابنه لو هو مش ابنه دا من سوء حظ ابنى انه ابوه قذر كده وانا مش عايزه منك حاجه لتفكر انى جايه لك عشان عايزه فلوسك ولا حاجه انا مش عايزه حاجه منك ولا ابنى عايزه حاجه انا هسد لك فلوسك اللى دفعتها لابنى عشان علاجه وكمان هعمل لك تنازل عن حق ابنى فى املاكك بعد عمر طويل انه مايورثكش و اول ما نخرج من المستشفى تطلقنى ثم خرجه من الغرفه
نظر تيم لمازن بغضب شديد
تيم بعصبيه:انت ازاى تتكلم على مراتى كده انت ازاى جالك الجراه انك تتكلم على شرف مراتى مش عشان انت صاحبى هسمح لك تتعدى حدودك وتتكلم كده انا ممكن ادفن اى حد يجيب سيرة مراتى بكلمه
مازن:انت بتقول ايه انا قلت كده عشان خايف على مصلحتك
تيم:انت ملكش دعوه اعمل اللى انا عايزه وبعدين دى اخر مره هسمح لك انك تدخل فى حياتى
نظر له مازن بحزن:بقى كده يا صاحبى
تيم:ايوه كده
ذهب مازن وتركه وهو حزين من ما قاله تيم
جلس تيم وهو حزين على ما سمعته عشق والتشكيك فى اخلاقها فهى لم تسامح على كل هذا وهذا الكلام سوف يزيذ الفجوه بينهم وسوف يزيد الامور سوء
ذهب مازن حزين من تيم لم يكن يتوقع ان تيم يقول له هذا الكلام بسبب عشق فهو اصبح يكرهها لانها السبب فى خسارته لصديقه
ذهب الى المنزل وجد هنا تلعب مع عشق ابنته
نظرت له هنا ثم ذهبت له
هنا :ايه يا مازن اللى جابك بدرى من الشغل وشكلك مضايق كده ليه فى حاجه حصلت
مازن: عشق رجعت
-هنا لم تصدق ما سمعته وقالت انت بتتكلم بجد
مازن:اه بجد
هنا فرحت جدا وبقت تتنطط من الفرحه وحضنت مازن وقالت :اخيرا انا مش مصدقه انا فرحانه اووى هى فين انا لازم اروح اشوفها
مازن:فى المستشفى
هنا بخضه: مستشفى مستشفى ليه هى مالها حصل لها ايه
مازن :مش هى ابنها
هنا باستغراب وصدمه :ابنها
مازن:اه وحكى لها مازن كل ما حدث منذ ان وصل الى المستشفى وحديثه وكلام عشق وكلام تيم وخناقتهم معا بسبب عشق
مازن:كل دا بسبب الست زفته
نظر لهنا وجدها ساكته لم تتحدث
مازن:مالك ساكته ليه
هنا :عايزنى اقول ايه
مازن:تقولى اى حاجه تهدينى انا مضايق اووى
هنا:اهديك اهديك ليه يعنى تبقى غلطان وبتتكلم على شرف وحده وكمان مضايق وبتقول هى السبب ليه حق تيم فى كل اللى قاله دا اقل حاجه يقولها ويعملها معاك
مازن:انتى بتقولى ايه
هنا:بقول الحق انت عندك ولايه ترضى حد يتكلم على شرفه مراتك ولا بنتك كده
مازن:لا طبعا
هنا:امال قابلتها على غيرك ليه
مازن: بس دى حاجه ودى حاجه
هنا :ازاى
مازن: انتى مراتى من زمان وعرفك وعرف اخلاقك اما دى مانعرفهاش كويس وكانت مختفيه مانعرفش كانت فين ولا بتعمل ايه وفاجاء ظهرت بطفل بتقول ابنه مش لازم نتأكد عشان كده قلت كده
هنا: تانى بتتكلم على شرفها تانى اتقى الله يا مازن الدنيا داين تدان وقامت وسابته وهى مضايقه منه جدا
أنت تقرأ
عاملة النظافه والرئيس
Fiksi Umumتبكى وتبكى دمعها لا تتوقف لا تستطيع اخذ انفاسها بشكل منتظم هذه الفتاة المسكينة اليتيمه من كثرت ما تتعرض له من ضرب من زوج والدتها وزوجته ليس والدتها فوالدتها توفت وتركتها مع زوجها هى عشق المحمدى فتاه صغيره بيلغ ١٩من العمر جميله محجبه طيبه القلب لكنها...
