عاملة النظافه والرئيس

الفصل الرابع

كنت بشتغل وماشيه تعبانه من وجع جسمى عماله اجر فى عربة التنظيف  و ادعى على زوج امى بسبب اللى عامله فيه وعماله اقول ربنا يشل ايده عشان معدش يضربنى وانا ماشيه  بدعى ماخذتش بالى وخبط العربه فى الانسه ماهى خطيبه صاحب الشركه قامت زعقت قولتلها اسفه قامت اهنتنى صعبة عليا نفسى عنيا دمعت وماقدرتش ارد عليها خفت اطرد من الشغل  و زوج امى هجيب له فلوس منين لقتها بتقولى امسح لها الجزمه انصدمت وحزنت على نفسى انى بتذل بالطريقه دى حالى وصل لكده ولسه جايه اوطى امسح لها جزمتها وانا بشعر بكم الذل والاهانه اللى بتعرض لها وايدى بتترعش لقيت حد مسك ايدى يمنعنى ورفعنى رفعت عينى اشوف مين الشخص ده لقيته صاحب الشركه بذات نفسه اتنفضت وبعدت عنه بسرعه وخفت جدا جدا انا اصلا بخاف منه هيبته وشكله القاسى و الكلام اللى بسمعه عنه خلانى اخاف منه واتجنب اللقاء به واقعد لمتاخر عشان انظف مكتبه بعد ما يمشى عشان ماقبلوش هيعمل فيا ايه دلوقتي عشان خطيبته اكيد هيطردنى عشان خاطرها
لقيته زعق بس الغريبه انه زعق لها هى

تيم . بصوت عالى ايه اللى بتعمليه دا يا ماهى
ماهى . انا عملت ايه المتخلفه دى خبطتنى ووقعت المسحوق علي جزمتى
عشق . والله يا بيه ماكنت اقصد والله
تيم . قالتلك ماكانتش تقصد و  اعتذرت منك يبقى خلاص الموضوع انتهى
واخذ من عشق ممسحه و عطاها لماهى وقال لها امسحى جزمتك بنفسك
ماهى اضيقت بس سكتت خافت من غضبه 
طلع من جيبه الكريدت كارد واعطا لها و قال لها خذى  بعد ما تمسحى جزمتك روحى هاتى اللى انتى عايزاه عشان انا ورايه شغل وسبها ومشى وعشق راحت تكمل شغلها وهى مش مصدقه انه مطردهاش وكمان وقف ضد خطبته

عند تيم فى المكتب بيفتكر اللى حصل انه كان خرج من مكتبه لقى ماهى جايه استناها وشاف اللى حصل واتعصب واضايق من اللى هى عملته مع عامله النظافه
رغم اعتذار العامله لها وهى مصره انها تهنها وتذلها  ماستحملش اللى بيحصل وراح لحق العامله الغلبانه حتى لا تتهان اكثر من كده
تيم . معقول ماهى سيئه وهى ماتناسبنيش  وانا مخدوع  فيها
لالا اكيد كانت متعصبه او حاجه مضايقاها بس دا اللى خلاها تعمل كده 

عند ماهى
فى افخم المولات بتشترى افخم المجوهرات والملابس
ماهى . الو ايوه يا جو وحشتنى موت
كلم الشله عشان هخرجكم حته خروجه تحفه على حسابى  او حساب تيم و هى بتضحك
تمام هستناكم متتاخروش  السهره النهارده للصبح

عند تيم
تيم قاعد يخلص الصفقات اللى عنده جه فى دماغه العامله  اللى ماهى اتشكلت معاها
تيم . شكلها صغير اووى انها تكون عامله نظافه اللى زيها بيدرس ليه بتشتغل يا ترى بس شكلها جميله وبريئه
تيم . ايه اللى انا بقوله دا انا اتجننت ورجع يكمل شغله

عند عشق
قاعده فى البريك  بتحكى لهنا اللى حصل
- دا انا اترعبت لما شفته قولت هيبهدلنى وهيطردنى من الشغل بس الحمد لله
- هنا . الحمد لله انها جت على قد كده بس ماهى دى واحده مغروره اووى وشايفه نفسها مش عارفه على ايه
عشق. لو مكنتش هى اللى تشوف نفسها مين اللى هيشوف احنا عمال النظافه هى  بنت راجل اعمال وخطيبه تيم الانصارى بجلالة قدرو لازم تشوف نفسها
هنا . دا انا سمعت ان خطوبتهم بعد ايام  فى افخم فنادق مصر
عشق . ربنا يسعدهم
هنا. هايتسعدو اكتر من كده ايه وبعدين بعد اللى عملته معاكى ده وبتدعى لها
عشق. الله اكبر عليكى يا بت انتى هتحسديهم و بعدين خلاص انا سامحتها
هنا. انتى قلبك طيب اووى يا عشق والقلب الطيب معدش ينفع فى الزمن ده
عشق . بس ربنا بيحب القلوب الطيبه و دا الاهم
هنا. انتى جميله اوى يعشق ربنا يصلح حال ويعوضك على اللى انتى فيه خير
عشق . حببتى يا هنا ربنا يخليكى ليا
هنا . ويخليكى صحيح هتروحى معايا ولا لا
عشق. لا لازم اقعد انظف مكتب الرئيس بعد ما يمشى
هنا . يابنتى هو بيسمح ان يتنظف مكتبه وهو موجود عادى تقعدى تستنى ليه لما يمشى
عشق. ما انتى عارفه انا بخاف منه بخاف اغلط ولا اتلبخ واكسر حاجه اما لما يمشى هشتغل على راحتى
هنا . هو فعلا شخصيه قويه وليه هيبه كده تخليك تاخذ حظرك وانت بتتعامل معاه
عشق .  يلا بقى نروح نكمل شغل البريك خلص
هنا . يلا
وفعلا هنا خلصت شغل و روحت وعشق فضلت لحد ما مشى الرئيس ونظفت  مكتبة وراحت غرفة التبديل عشان تغير هدمها
عشق قلعت هدومها لقيت الباب بيتفتح عليها وهى عاريه

                                   يتبع

احب اعرف رايكم فى روايتى