اثاريني ياسعود عشت الوهم كله

البارت ال ثاني و الثلاثون

روضه انقهرت و سكتت و ما ردت على الجده انيسه و
و قررت الجده انيسه تكرم الكل ب سكوتها ل دقائق معدوده و رجعت
الجده انيسه: سلمى وش صار على بيتس الجديد
سلمى: خلصت من الديكور و بدأت ب للاثاث
الجده انيسه: اي و يعني اذا اكتمل البيت بكامل وش بتسوين
سلمى:بنقل له
الجده انيسه:لوحدس
سلمى:لا طبعا مع امي
الجده انيسه: أيي
و لفت على العمه عبير
الجده انيسه:اقولس يا عبير ما ودس تزوجين بنتس
العمه عبير: كل وحده و ربي يجيب نصيبها زي شوق
الجده انيسه: يعني بس شوق الي متزوجه من بناتس
العمه عبير:اي
قاطعهم الجده وجدان:و عقبال الباقي و تحديدا جود و اشوفها تنزف عروسه ل عريسها الي تفرح فيه و يفرح فيها
جود انخرشت و ناظرت حنين الي ناظرت فيها بنفس نظرات الصدمه و رجعت جود تناظر الجده وجدان و قالت :امين يا جده بوجودش
الجده انيسه:كم عمرس يا جود
جود : تو دخلت ال ٢٠
الجده انيسه: ماشاءالله تو ما دخلتي جامعه
جود :اي بس أنشأ الله اتقبل
الجده انيسه:و وش التخصص حقس
جود : التربيه الرياضيه
الجده انيسه بضحك و استهزاء: وش الفائده الرياضه بس ل الاولاد
جود :لا في اولاد و بنات تخصصي بيكون ل البنات
الجده انيسه:طيب انتي ٢٠ سنه يعني دخلتي العمر القانوني ل الزواج ما ودس تزوجين
جود تذكرت سلطان و جاها فلاش باك ل كلامه و تحديدا لما قال
سلطان:انتظريني كم شهر ابيس عروستي
و ابتسمت و قالت و هي تهمس :قريب بتصير للعمر نصيب
سمعتها الجده وجدان الي كان يفصل بينهم ثابت الي يلعب ب جوال جود ابتسمت الجده وجدان و هي تقول بنفسها :اخس يا سلطان سويت كل هذه ب بنتنا
______
و فجاء قاطع ضحك و السوالف ملاذ الي شهقت و هي ماسكه بطنها
فزو الحريم و ملاذ ماسكه بطنها و هي تتوجع و مو قادره تتحمل و زت و هي تصارخ انها بتولد فزو كل الحريم لين طارت ل الباب الي يفصل بين قسم الحريم و قسم الرجال و كانت لين متوتره و تنادي سعود وسعود فز من صراخ لين و أصوات الحريم الي وصلت ل الرجال و طار سعود ل لين
سعود ؛وش فيش وش صاير
لين :الحق على ملاذك ملاذك بتولد
فز سعود الي فتح الباب و طار داخل و شاف ملاذ على الأرض و حنين و الجده وجدان و ام سعود و ام ملاذ حولها و بعدهم سعود و شالها بسرعه و طار فيها ل المستشفى و دخلت غرفة الولاده و بعد ٤ ساعات عذاب ولدت ملاذ و طلعت الدكتوره و قالت؛سعود بن خليل ال رائد
وقف سعود
الدكتوره ؛الف مبروك ولد و الحمد الله على سلامته ملاذ
ابتسم سعود وهو يحمد ربه و يشكره و بعدها ب ربع ساعه طلعت الممرضه و هي تدف سرير المولود و سعود انخرش لما شاف ملامح ولده ووقديش كانت عصبيه و مخيفه و حاده و كان نسخه سعود لما يعصب و اخذه سعود و باس راسه ز اذن ب اذنه و دقايق و سمع صوت الجده وجدان و ابو سعود و ابو ملاذ و ابتسم ابو سعود لما شاف حفيده الثاني باتم الصحه والعافية و ابتسم ابو سعود و هو يمسح على ظهر سعود و ابتسم سعود وقف و اعطى ولده ل ابو سعود الي ابتسم و باس راسه و اذن باذنه و كانو كلهم مبسوطين فيه و الي يتامل شكله و الي ياذن باذنه
الجده وجدان: الاه وش بتسميه
سعود ناظر في ولده و قال: هزاع... بن سعود بن خليل ال رائد
ابتسمت الجده وجدان و باست راس هزاع و قالت: ونعم
سعود: بحالش
_____________
نترك المستشفى و نشوف وش يصير في بيت الجد رائد كانو كل الحريم جالسين و متوترين و خصوص جود الي قلبها كان يدق بسرعه و حست انها مكتومه و طلعت ورا الحوش حق بيت الجد رائد تشم هوا و كانت جالسه على الكرسي الي دايم تجلس عليه الجده وجدان و كانت جالسه و تفكر ب سلطان وقاطع تفكيرها صوت سلمى الي انكتم فجاء استغربت جود و راحت ل مكان صوت سلمى و انخرشت لما شافت سلمى و عزيز الي ماسك خصر سلمى و يده الثانيه على شفايفها و مرههه قراب من بعض
___________________________
نرجع عشر دقايق ورا
في الوقت الي كانت جود جالسه في على كرسي الجده وجدان كانت سلمى طالعه عشان تنادي سلمى و انخرشت لما صدمت ب جسم كبير و طويل و رفعت راسها شافت عزيز و فزت و كانت بتصراخ بس على اخر ثواني عزيز مسك منطوقها و ما قدرت تصارخ و كانت سلمى مطيره عيونها ب عزيز الي تمنى الموت ل قلبه لما شاف ملامح سلمى الملائكيه و عيونها العسليه و بشرتها البيضه و ملامحه الناعمه الانثويه و سلمى الي كانت مخروشه من عزيز بس بعدها ب ثواني انتبهت ل نظرات عزيز الي كانت مليانه حب و اعجاب و كان عزيز يتامل كل كبيره و صغير في سلمى الي وجهها صار احمرر و قلبها يدق بسرعه و كانت تناظر عزيز الي يتاملها بكل تفاصليها و طاقعهم صوت رهف الي تنادي سلمى و فزت سلمى عزيز ترك خصرها و طارت سلمى و دخلت داخل و كل هذه صار تحت عيون جود الي رجعت و هي تضحك و جلست على الكرسي حق الجده وجدان و هي تضحك و قاطع ضحكها صوت باسم الرخيم الي يهمس باذنها: عسى الضحكه الحلوه دوم
فزت جود و التفت و شافت باسم واقف و يبتسم
جود حط الحجاب الي كان على كتفها على راسها و لمت عباتها و هي تقول: من انت
باسم: باسم .....( و سكت شوي و ابتسمت بخبث و قال) الي راح تكونين من نصيبه قريبا
و جود طيرت عيونها ب باسم و تذكرت كلام سلطان و قالت: و مين قال لك اني بقبل فيك
ابتسم باسم ب شر و طلع جواله و فتحه و لفه على جود الي انصدمت لما شافت صورها مع سلطان بكل مكان عند الباب الي يفصل بين قسم الحريم و الرجال و عند باب المطبخ يوم العيد و عند باب الحريم و اغلب الصور كانو مرههه قراب من بعض و ضحك باسم لما شاف ملامح الصدمه الي انرسمت على ملامح جود
باسم: و الحين بتقبلين فيني ولا حابه الصور توصل ل اخوانك و الله العلم وش ممكن يصير بعدها
جود و هي تتصنع القوه قالت: يعني انت بتخوفني الحين ترا اذا الود ودك انا الي اوصلها ل اخواني يعني عشان ما تتعب نفسك و ترا حركتك هاذي تدل على انك انسان وقح و واطي و معتوه
باسم: اعصابس حبيبت سلطان لا يطق فيس عرق ولا شي.
جود: كلزق
باسم: اقول احترمي نفسس و الزمي حدودس لا والله اوصل الصور ل الي فوق اخوانس
جود: و المطلوب
باسم: اقبلي فيني
جود: لاطبعا
باسم: طيب
و فتح على الواتس و كتب رقم ابو سعيد ( زوج العمه عبير و ابو جود )
و حدد الصور و قال: تبقت ضغطت زر و راح تنفضحين عند ابوس و كل العيله
جود عصبت و اذا عصبت دور الي يفكك منها
عصبت جود و وجهها صار احمرر من العصبيه و سحبت الجوال من يد باسم و دفته بقوه ل درجه انو باسم رجع على ورا و جود دخلت و نزلت تحت ل مقلط الحريم و كسرت الجوال تكسير لدرجه انو طاحت شاشه الجوال و جود اخذت الجوال و رمته في الزباله الي برا البيت و راحت جود ل الحمام و غسلت يدها و وجهها و ضبطت شعرها و مكياجها و دخلت على الحريم
و سمعت العمه عبير و هي تقول: الف الف مبروك يا عيون عمتك
سعود: الله يبارك فيش يا عمه
انتهت المكالمه و قفت العمه عبير و قالت: ابشركم يا حريم ملاذ ولدت و جابت ولد و اسمه هزاع
كل الحريم فزو و هم يباركون ل ام ملاذ و ام سعود و ام و حنين و لين
نترك الحريم
___________
نشوف وش صار مع باسم بعد ما راحت جود ب الجوال
ابتسم باسم و طلع من بيت الجد. رائد و ركب سيارته و فتح الدرج الي جنبه و طلع جوال ثاني و ضحك و هو يقول: مو بسهوله هاذي يا جود
و حط الجوال بجيبه و نزل من السياره و قفلها و راح متوجه الى مجلس الرجال و دخل و سلم على الرجال و ردو السلام و جلس باسم جنب سلطان و كان باسم على يساره و عزيز على يمينه و بعد دقايق باسم همس ب اذن سلطان: تعال لي برا
و خلص كلامه و وقف و استئذن الرجال و طلع و دقايق و جا سلطان
سلطان و هو مو طايق وجه باسم : وش عندك
باسم: تعال بوريك شي
و فتح جواله و طلع نفس الصور
باسم: وش تتوقع رده فعل خالي لما توصل له الصور
سلطان كان مصدوم و معصب و مسك باسم مع و هو يصارخ بوجهه: يخي انت وش تبي مني وش سويت لك عشان تسوي فيني كذا وش سويتت تكلمم
باسم: راجع نفسك و شوف وش سويت
سلطان: باسم لا تنرفزني تكلمم
باسم فجاء و بدون سابق انذار غمض عيونه و طاح على الارض فز سلطان: باسم!! باسم هييي ولددد
و باسم كان مرمي على الارض و طلع عزيز يركض و شاف باسم على الارض و كان ينادي صقر بصوت عالي و طلع صقر و هو مخروش
و فز و طار ل باسم الي كان مرمي على الارض و فحص نفسه و كان طبيعي و طلع مفتاح سيارته و رمى على عزيز
صقر: بسرعه روح جيب المسحات الطبيه من سيارتي
طار عزيز متوجه ل سياره صقر و فتحها و طلع المسحات الطبيه و رجع ل صقر الي الي شال باسم ب مساعده سلطان و نزله على الكنب الي في الحوش و رفع راسه و جا عزيز و معه المساحات و صقر اخذ وحده و فتحها و مسح على خشم باسم و فجاء فز باسم و فتح عيونه و هو دايخ و صقر اخذ نفس عميق براحه و سلطان رمى نفسه على الكنب و هو ينتفس بسرعه و عزيز الي مسح على وجهه و نشبه و بعد ما هدو
عزيز: سلطان تعال معي
سلطان: طيب
و راح سلطان مع عزيز ل خارج منزل الجد رائد و وقفو عند سياره سلطان و طلع عزيز سيجاره من جيبه و اعطى سلطان الي طلع الولاعه من جيبه و شغل السيجاره و دخن و زفر براحه
عزيز: تكلم وش السالفه
سلطان:... (قال له السالفه)
_______________________
نترك سلطان يقول السالفه ل عزيز و نشوف باسم و صقر
صقر: و بعدين معك يا باسم الى متى هل حركات
باسم بصوت تعبان: والله لحرق قلبه زي ما حرق قلبي والله ما اخليه والله!
صقر: ليش!
باسم بصوت مقهور: صقر قلبي يحترق على منار يا صقر والله مو قار انساها قلبي يحترق عليها هي تبيني و انا ابيها بس سلطان هو السبب ب فراقنا
والله احبها و ابيها ب حلال و جيتها من الباب الوسيع و طلبت يدها من ابوها و ابوها موافق بس سلطان الله لا يوفقه هو السبب هو السبب بفراقي من مناري هو السبب الله لا يوفقه
صقر: باسم انت ما تقصد منار بنت خالي ابو سلطان صح مستحيل تكون هي
باسم ناظر ب صقر
صقر: باسم انت صاحي سالفتك عدى عليها سنين ونت للحين ما نسيتها
باسم: شلون انساها شلون بس قول لي شلون انسى البنت الي اخذت قلبي موطن لها احبها من هي طفله حبيتها بقلب صبي و حبها كبر مع السنين والله ما نيستها ولا بقدر انساها انا عارف يا صقر والله مقهرو عليها قلبي يحترق على منار
صقر: يعني ما عندك طريقه الانتقام غير هاذي
باسم: بحرق قلبه على جود زي ما حرق قلبي على منار
صقر تنهد بضيق و قال : الله يسامحك.....قوم خلنا نرجع ل الرجال
باسم: طيب
و قام باسم و معه صقر و دخلو على الرجال و جلسو
نترك باسم و صقر
نشوف عزيز و سلطان
_________________
عزيز كان مو مستوعب السالفه الي قالها سلطان و يناظر في الارض و هو يحاول يستوعب و بعد دقايق رد عزيز و هو يقول: احس مستحيل بس تتوقع انو كل هذه الي يسويه باسم بسبب انك فرقت بينه و بين منار
سلطان: وينن السالفه عدى عليها سنين و الكل نساها
عزيز: انت ليش رفضت باسم و سويت المستحيل عشان تفرق بينه و بين اختك
سلطان: مايشرفني انو يكون نسيب لي و زوج لختي
عزيز: ليه
سلطان: عزيز لا تسوي نفسك مجنون ماضي باسم كله حريم تبيني ازوجه اختي بعد هذه الي ناقص
عزيز: قبل 7 سنين هذه الكلام و اكثر من مره قال انو تاب و انو ترك سوالف الترقيم و المكالمات
سلطان: بس يبقى راعي بنات و مكالمات
عزيز: سلطان ترا احتمال ٩٥٪ انو باسم يسوي كل هذه لانك رفضته لما جا يتقدم ل منار
سلطان: و ال ٥٪ الباقي
عزيز: اله اذا كان يبي يكمل نص دينه منجد.
سلطان: بس الاحتمال الاكثر انتقام
عزيز: اي
فز سلطان: بس لا يكون بيعيشها ب عذاب!!
عزيز: لا! حتى لو يبي نتقم جود وش دخلها عشان يعذبها مثلاً
سلطان: جود للحين ما ردت ل باسم خبر اذا موافقه على باسم ولا
عزيز: لسا
سلطان: تم اجل بتقدم لها
عزيز: متى و بعد كم يوم عرس خالد اخوها
سلطان: بيعرس على روضة بنت عمتي زينب
عزيز: اي
سلطان: آلله يحفظم و يخليهم لبعض
عزيز: امين
سلطان: اجل تصدق شكلي بتقدم لها بعد عرس خالد ب شهرين
عزيز: بيكون عرس خلف
سلطان: ليش عرس خلف على مين
عزيز: رهف بنت عمه عبير
سلطان: ماشاءالله.. ونت؟
عزيز: انا؟
سلطان: اي متى ناوي تعرس على سلمى
ابتسم عزيز: الله كريم
ضحك سلطان و هو يمسك كتف عزيز
_______________________________
عند الحريم
كانت الجده وجدان جالسه على الكرسي حقها الي في الحوش
و كل حفيداتها حولها و معهم حفيدات انيسه و كانت الجده وجدان جالسه على الكرسي و تسولف مع حفيداتها و ضحك و الجده وجدان تكلمهم عن زمان و عند حياتها لما كانت كبر حفيداتها و ضحك و سوالف و طاقع ضحك سلمى صوت جوالها الي وصل له اتصال استئذنت سلمى و قامت و راح ل مقلط الحريم و سكرت الباب و ردت
سلمى: الو مين؟
المتصل: السلام عليكم المهندسه سلمى ال رائد
سلمى: اي نعم
المتصل: انتي المسؤوله عن البيت........(عنوان البيت حق سلمى)
سلمى: اي انا وش صاير
المتصل: الاسف صار التماس كهربائيّ و تسبب بحريق البيت
سلمى: كيف!!! مستحيل!!
المتصل: الاسف هذه الي صار و البيت احترق بكامله
سلمى: ب. ب. بكا. بكامل
المتصل: مع الاسف
سلمى عيونها مليانين دموع و مو مستوعبه و الخط تقفل و سلمى نزلت الجوال من اذنها و هي مو مستوعبه انو تعب سنتين ونص راح كله بسبب التماس كهربائيّ
و من الصدمه جلست على الارض و هي تستغفر و دموعها تنزل
_________________________________________________
نرجع ل الجده وجدان و البنات الي كانو جالسين حولها و معها و نفس جو الضحك و الاستهبال و كانت جود تضحك و وصل ل جوالها اشعار و لفت انتباه جود انو من رقم غريب و فتحت جوالها و دخلت على المحادثه و طيرت عيونها لما شافت رقم غريب مرسل نفس الصور الي شافتها من باسم جود طيرت عيونها ب الجوال و ارسلت ل الرقم الغريب رسايل كثيره تسال مين الي يرسل و من وين له الصور و تسال كثير و كان راعي الرقم يشوف و ما يرد و جود كانت منخرشه و تبي تعرف و راعي الرقم كمل نص ساعه من شاف الرسايل و ما رد و جود بدون تردد اتصلت على الرقم و رد عليها بعد ثواني معدوده و سمعت صوت غريب و خشن و مخيف
الرقم: حي الله جود
جود: مين انت !!
الرقم المجهول: مو مهم مين انا المهم ترا الصور حلوه ليش ما تبين ابوس و اخوانس يحكلون عيونهم فيها
جود: يخي ايش تبي مني انت
الرقم المجهول: شوفي انت عندك خيارين الاول انس تقبلين ب الي متقدم لس او انس ترفضين و الصور توصل ل كل ال رائد و ال حمد و صح معلومه يمكن ما تعرفيها عن ال حمد انو اذا احد من عيالهم شاف بنت من خلق الله و هي ما تحل عليه يكونون مستعيدن اتم الاستعداد انهم يرتكبون جريمه فيهم هم الاثنين
جود انصدمت و صنمت في مكانها و هي ما ترد و بس ماسكه الجوال و سكت الرقم المجهول ل دقايق و ضحك و قال: القطو اكل لسانس؟
و رجع يضحك وقال: وصلس العلم و انتي على راحتس حابه تحافظين على دم رقبتس او تودعين الملاعب
و ضحك ضحكه شريره و سكر الخط
جود كانت مصدومه و نزلت الجوال من اذنها و هي مو مستوعبه و رجعت جود  الجده وجدان و ما شافتها و عرفت انهم دخلو داخل و دخلت بس توجهت ل القسم الثالث و دخلت وحده من الغرفه و وقفت قدام المرايا و هي مو مستوعبه و ناظرت نفسها ب المرايا و جاها فلاش باك
_________________________________
سلطان: ابيس عروستي......... تكفين يا جود لا تقبلين ب باسم ترا ما يستاهلس....... ابيس... عروستي
______________
و رجع لها فلاش باك ل باسم
باسم: تقبلين فيني ولا حابه الصور توصل
ل اخوانس
___________
و رجع لها فلاش باك ل الرقم المجهول
الرقم المجهول: مستعدين اتم الاستعداد انهم يرتكبون جريمه فيهم.............. تحافظين على دم رقبتس او تودعين الملاعب
____________________________________
نرجع ل جود الي كانت واقفه قدام المرايا و ترجف و دموعها تنزل و انهارت على السرير و هي تبكي و تشهق و هي مقهوره و ترجف و
تحضن المخده بقوه
_________________
عند سلمى الي كانت جالسه على ارض ملقط الحريم و ضمت رجلها ل حضنها و دموعها تنزل و تشاقه و فجاء انفتح الباب حق المقلط و سلمى مو قادره تشوف مين الي فتح الباب بسبب الدموع الي في عيونها و بس شافت شخص طويل و عريض و لابس ثوب و سلمى نزلت راسها وهي تبكي و تتنفس بسرعه
و فز عزيز لما شاف سلمى الي تبكي و حالتها تقطع القلب فز عزيز لما شافها و راح بسرعه ل سلمى و هو يحضنها لصدره و هاذي اول مره يشوف فيها سلمى تبكي و مقدر يتحمل يشوفها تبكي و ما يسوي شي و كان يضمها بين احضانه و يحاول يهديها و سلمى الي حضنت عزيز و حاوطت رقبه عزيز و هي تبكي و بعد نص ساعه و سلمى تبكي بين احضان عزيز و منهاره و تشاهق و عزيز الي يحس بضلوعه تتكسر بكل مره سلمى تشهق فيها و فجاء عزيز ما عاد سمع ل سلمى حس و رفع راسها و شافها نايمه بين احضانه و كانت ماسكه كتف عزيز العريض و متعلقه فيه و نايمه بعمق ابتسم عزيز لما شافها و باس راسها و هو يقول ابياته:
_________________________________
اهخ يا سلمى
نمتي فديَت عيَونس
يَا حظس ... بالليَل تخضنيَن نفسس...
وتنثرين غرفتس عطر ... انفاسس...!!
وتحلَميَن ونتيَ ترقصيَن علَى لَيَلَه زفاف ...!!
آلَقمر خطبها الشمس ...!!
" وانا علَى حد السهر مغيَر اتمم بآسمس"
ونتيَ تناميَن ...!
_______________
و قال ابياته و هو يبعد عن سلمى و وقف و طلع من المقلط و ابتسمت سلمى و همست بصوت نعسان: صح لسانك
و غرقت بنوم عميق
_________________
نترك سلمى نشوف جود الي كانت تبكي و داخت من كثر البكي و نامت
و هي نايمه و ما كانت تحس بالخطوات الي ترقب ل باب الغرفه و دخل الغرفه و سكر الباب و وقف يتاملها و عيونه دموع و فجاء صحت جود و انصدمت لما شافت سلطان
جود: س. س. سلطان
سلطان: تدللي يا قلب سلطان
جود عيونها صارو مليانين دموع: سلطان تكفى يا سلطان باسم مهددني بصور يقول لو ما قبلت فيه راح يذبحني و يذبحك
و انفجرت تبكي
(ارحبووو يا حبايبي💕 والله مشتاقه لكم بشكل مو طبيعي 😭احس من زمان ما كتبت و من زمان ما نزلت و شفت تفعالكم يلا الحين ابي اشوف حماسس🔥 على هذه البارت او ماراح ينزل البارت ال ثالث و الثلاثون 🌚🫶🏻❗😭✨🔥
(انتهى البارت ال ثاني وثلاثون)