اثاريني ياسعود عشت الوهم كله

البارت ال سادس عشر

ضحك سعود و مد يده ل ملاذ الي مسكتها و سعود و دق سلف و مشى
_________________________
و بعد نص ساعه وصلو لمكان زي البر و فيه خيول و ملاذ انهبلت لما شافت الخيل و قالت:سعوددد شوف الخيل
سعود:لسا تعالي
و مسك يدها و دخل معها لمكان غريب وصل لاستقبال و قال الاستقبال
ناصر: السلام عليكم ورحمه سعود بن خليل ال رائد
سعود:اي نعم
ناصر:تفضلو الخيل موجود داخل و بتكون معكم حميده لمساعدتكم
سعود: يعطيك العافيه
دخل سعود و كانت حميده موجوده و قالت: السلام عليكم ملاذ تقدري تنزلي عباتك المكان مافيه غيرك انتي و زوجك
ملاذ نزلت عباتها و اخذتها حميده و حطتها على جنب و دخلت ملاذ و شافت خيل بني يجنن و راحت عنده و صارت تمسح على رأسه و جا سعود و قال :عاجبش
ملاذ:اي بس احس كبير
سعود:لا تخافي انا معش اركبي
ملاذ مسكت يد سعود و ركبت و ركب سعود وراها و كان ماسك يدها و يعلمها وش تسوي و كيف تمشي الخيل و نزل  سعود من ظهر الخيل و قال:يلا ملاذي ابدي
ملاذ كانت خايفه و متوتره و ضربت الخيل ضربه قويه و طار الخيل فيها و ركض بسرعه و ملاذ خافت و تسمكت ب الخيل و صارت تبكي. و تصارخ و الخيل كان من اقوى الخيول الي عندهم و كان يركض بسرعه و يركض و كسر الحاجز و دخلت قسم الرجال و كان الخيل سريع سريع و يمشي بسرعه و سعود فز و مسك اقرب خيل و ركب فيه و حاول يلحق ملاذ و يضرب الخيل و الخيل كان مسرع بس مو اسرع من الخيل الي ملاذ فيه و حميده شافت كلشي و راحت ل ناصر الي طار و ركب اسرع خيل عنده و ضربه و ركض ورا ملاذ الي كانت تبكي و خايفه و تحاول تغطي نفسها بس مافي فايده لانها كانت ماسكه الخيل بقوه و اسرع ناصر و قدر يوصل ل ملاذ و كان يحاول يكلمها و يهديها و ملاذ استجابت له و حاول ناصر يقرب لها و قرب و قال لها تحاول تترك الخيل و تمسك يده و هذه الي صار و كانت ملاذ ترجف و تبكي و حالتها حاله و مسك يدها و قرب منها و قدر يحاوط خصرها و مسك ملاذ و حاوطها و نقز من فوق الخيل و طاح على الأرض و كانت ملاذ بحضنه و كل الي صار تحت عيون سعود. الي كان يحترق غيره و عصب و عروق رأسه بانت لما شاف ناصر مسك خصر ملاذ المكان الي يحرم على اي شخص غير سعود و راح ل ناصر و سحب ملاذ و خطاها ب جاكيته و مسك يدها و كانت ملاذ ترجف و خايفه و سعود كان معصب و عيونه حمراا و بنفس اللحظه جات حميده ركض و اخذت ملاذ و راحت فيها لقسم الحريم و كانت تحاول تهديها عند سعود. و ناصر سعود كان مره معصب و مسك ناصر من ملابسه و ضربه بكس على وجهه و ناصر حس بدنيا تدور و لما استوعب فز و مسك سعود و ضربه برجله و سعود ترك ناصر و رجع له بكل قوته و ضربه بكس على خشمه و ناصر طاح و كان ماسك خشمه الي ينزف و سعود كان يتحسس جرح شفايفه و الحرج الي على حاجبه و كان معصب مرهه و عيونه حمرا و عروق رأسه بانت و حاول يهدي نفسه و راح لقسم الي فيه ملاذ و ما. كان طايق يشوفها و هذه صار ل اول مره و دخل سعود و كان في ماي و اخذ منها و غسل وجهه و أيده و برد على نفسه و رجع ل ملاذ و قال لها تلبس و ملاذ لبست و كانت خايفه من سعود و على سعود بنفس الوقت و راح سعود و شغل السياره و جات ملاذ و ركبت و سعود حرك و فجاء ملاذ مسكت بطنها و كان يوجعها و قالت :سعود
سعود ما رد
ملاذ :سعوددد
سعود:خير
ملاذ:سعود بطني
سعود:شفيه
ملاذ فجاء صارخت :سعود ودني المستشفى بسرعههههه سعوددد بطنييي مو قادره
سعود فز و طار للمستشفى و دخل و كانت ملاذ مو قادره تتحمل الم بطنها و تصارخ و سعود متوتر و خايف عليها و يحاول يهديها و ملاذ كانت مرهه منهاره و تبكي و سعود شالها و دخل فيها للمستشفى و دخلوها لغرفه و سعود كان خايف عليها و يدعي ما يصير شي ل ثابت او ل ملاذ و بعد ربع ساعه طلعت الدكتوره و قالت:البيبي و الام بخير بس ارتفع مستوى التوتر عند الأم و سبب وجع ببطن تقدر تدخل تتطمن عليها
سعود: يعطيك العافيه
راحت الدكتوره و سعود اخذ نفس عميق و دخل و شاف ملاذ منسدحه على السرير و ماسكه بطنها و تنتظر سعود و لما دخل سعود ملاذ فزت لما شافت الجروح الي على وجه سعود و قالت :سعود وش ذا الي بوجهك !!
سعود :ولاشي
ملاذ رفعت نفسها و مسكت راس سعود و تحسست الحرج الي على مبتسم سعود. و ملاذ اخذت شنطتها و طلعت معقم جروح مع لزقه و مرهم
سعود كان جالس على الكنب الي جنب السرير و قامت ملاذ بتعب و قربت لسعود الي فز لما شاف ملاذ قامت من السرير و قال: لا لا لا اجلسي لا تتحركين
ملاذ:شفيك ترا عادي
سعود:لا مو عادي .....ايش تبين و انا اعطيش
ملاذ:تعال قرب
سعود قرب ل ملاذ الي فتحت معقم الجروح و مسكت راس سعود و صارت تمسح على الجرح و تحاول تداويه و لما خلصت دخلت عليهم الممرضه و قالت : معليش على الازعاج بس جيت اسال اذا ملاذ تبي نكتب لها خروج
ملاذ:اي
الممرضه: نحتاج أحد يوقع الاوراق
سعود وقف
و الممرضه انصدمت من طول و عرض سعود
و مشت و سعود وراها و عطته الاوراق الي لازم يوقع عليها و وقع و طلعت ملاذ و رجعو البيت و دخلت ملاذ الغرفه و نزلت عباتها و انسدح على السرير بتعب و نادت سعود و محد رد عليها استغربت ملاذ و طلعت و شافت سعود بيطلع من البيت
ملاذ:سعود على وين
سعود :عندي كم شغله بخلص و جاي
ملاذ:طيب ما نسيت شي
سعود :ايش
ملاذ نزلت من الدرج و راحت لسعود و كانت بتبوسه بس سعود صد و قال:مابي اتاخر أكثر من كذا و طلع و ترك ملاذ الي انصدمت. و حست بسكن بقلبها لما سعود صد عنها و راحت وقفت قدام مرايا الي بصاله و رفعت بطنها الي بدا يكبر و قالت :يماا بدا يكبر ..........بس اتخيل يطلع يشبه ابوه اوففف يا ثابت متى اشوفك بس يارب تجي بسلامه و اكحل عيني فيك
راحت ملاذ للمطبخ و طلعت شوكولاته و راحت الغرفه و قعدت على السرير و بدأت تاكل و تكلم ثابت و تتمنى لو يرد عليها
__________________
في نفس الوقت الي ملاذ كانت تكلم فيه مع ثابت نروح ل ناصر و نشوف وش يسوي
ناصر اخذ جواله و اتصل و قال :الو عبد الرحمن ابشرك كلشي نبيه صار و زياده
عبد الرحمن:كفو لسا باقي مرحلة الخطف و انا و فداء متواجدين بمكان الي قلت لك عنه
ناصر:يلا
عبد الرحمن:تمام
قفل ناصر الخط و ركب سيارته متوجه الى بيت سعود و وصل و حاول يفتح الباب و ما قدر و أخذه لفه على البيت و شاف النخل الي حول البيت و تسلق النخل و تمسك ب الجدار و نط داخل البيت و لما جاء بيدخل الباب الرئيسي كان مفقول و تنرفز ناصر و ضرب الباب و استوعب انو جاب العيد و ركض بسرعه و راح ورا البيت و شاف المدخل حق المطبخ و دخل منه و دخل البيت و تنحنح و ضخم صوته و صار صوته يشبه صوت سعود و قال :ملاذ
ملاذ فزت و قالت: عيون ملاذك!!
ناصر ابستم ب شر و طلع الدور الثاني و قال مره ثانيه:ملاذي
ملاذ قالت :هناا
ناصر راح للغرفه الي منها الصوت و فتح الباب و ملاذ فزت لما شافت ناصر  و صارخت و ناصر طار عليها و ملاذ صارخت و هربت و سحبت جوالها
و دخلت الحمام و هي ترجف و خايفه و ناصر يدق الباب و ملاذ كانت تصارخ :سعوددد وينكككك يا سعودد الحقني
ناصر:سعود وين سعود مو مو داري عنس افتحي الباب
ملاذ كانت ترجف و بموت مو قادره تتصل اتصلت على سعود. و سعود. قفل بوجهها و تدقت مره و مرتين و ثلاث و كلهم كان سعود يعطيها مشغول و ملاذ كانت منهارة و صارخت :سعودد رد رددد
ناصر:شوف يا حلو انت  ترا أنا مابي اوجعك أو ازعلاك احسن شي تفتحين الباب ترا مستعد اكسره بس خايف على سلامتك و على البيبي
ملاذ:وش تبي طيب وش تبي مني
ناصر:باخذس ل رحله حلوه و يمكن ما ترجعين منها
ملاذ:مابي مابي تكفى اتركني
ناصر عصب و ضرب الباب ضربه قويه و كان راح ينكسر و ملاذ صارخت و صارت تبكي أكثر و أكثر و كانت ترجف و دقت على ابوها و هي منهاره و تبكي
و رد و ملاذ انفجرت :يباا الحقني يبا في واحد دخل علي البيت تكفى يبا
ابو ملاذ انفجع و قال :الو ملاذ  وش فيش وش صار!!!
ملاذ كانت تشهق و قالت :يبا تكفى الحقني تعال البيت بسرعه يباااا
ابو ملاذ قفل و اتصل على البرج الي يشتغل فيه و طلب منهم يرسلون ثلاث دوريات ل الموقع الي بيرسله و ارسل موقع بيت سعود. و طلع و ركب سيارته و توجهه الى بيت سعود
_________________
بنفس الوقت عند ملاذ كانت تبكي و ناصر سمع ملاذ و هي تكلم ابوها و دق الباب دقه قويه و انكسر و ملاذ انهارت و ناصر كان يقرب منها و ملاذ تصارخ : سعودددد تكفى يا سعودددد
ناصر مسك ملاذ و شالها و هو يصارخ :كليزق انتي و سعود ذا اشغلتي امي فيه
__________________
(انتهى البارت ال سادس عشر)
(كل عام وانتم بخير يا احلى متابعين بحياته عيدكم مبارك وكل عام وانتم بخير و ينعاد عليكم بالصحه والعافيه 🤍)