اثاريني ياسعود عشت الوهم كله

البارت السادس و الاربعون

فز ابو سعود و اخذ جواله و اتصل على ملاذ و شهق لما وصل له صوتها وهي تقول.
ملاذ:الو؟ سمّ يا عم
ابو سعود:ملاذ !! وينش فيه يا بنتي
شهق ابو ملاذ وهو يركض و ياخذ الجوال من ابو سعود و يقول
ابو ملاذ:ملاذ!! ملاذ وينش يالملاذ وينش
ملاذ:يبااا!! بسم الله الرحمن الرحيم أنا عند روضه زوجه خالد وش السالفة
شهقت بخوف لما سمعت صوت ثابت و هزاع يبكون و زاد بكاهم لما سمعوا صوت امهم
ملاذ:وش صاير !!!
ابو سعود:البيت احترق
ملاذ:كيف!! يمااا عيالي ثابت و هزاع وينهم صار لهم شي
أبو سعود:لا لا مافيهم الا العافيه
ملاذ:سعود !! سعود وينه ليش ما اتصل علي
ابو ملاذ التفت و شاف المسعفين ياخذون سعود و يركبونه الإسعاف
أبو ملاذ:تم نقله الى المستشفى
ملاذ صار تبكي :يما سعوددد وش صار له صار له شي تكفى يبا سعودد
أبو ملاذ:احترق حروق بسيطه في جسمه
ملاذ:في اي مستشفى بياخذونه
أبو سعود:........
قفلت ملاذ و وقفت تركض تلبس عباتها و البنات وراها
حنين:ملاذ وش السالفة
لين:وش صاير
شوق:ايش فيه
جود:مين دق
رهف:ثابت و هزاع فيهم شي
سلمى:وين رايحه!
ملاذ وهي تبكي و تلبس عباتها بسرعه :البيتتت احترقققق بيتتتنا احترقق و سعود نقوووله للمستشفى
شهقو كل البنات مره وحده
لين:سعود صار له شي !!
ملاذ وهي تلبس نقابها:مادري مادرييي
حنين: دقيقه شلون بتروحين
ملاذ التفت على شوق و شافتها تلبس عباتها و اخذت بنتها و عطتها رهف و قالت :انتبهي عليها بودي ملاذ بسيارتي و برجع
رهف:تمام
طلعت ملاذ تركض و طلعت شوق معها بسرعه
وركبو السياره و راحو متوجهين إلى المستشفى بمساعده من الموقع الي ارسله ابو سعود
ملاذ كانت تبكي و تدعي و تقول :يارب يارب لا يصير بسعود شي يارب لا تفجعني بسعود يارببب لا تختبر صبري فيه و تفجعني فيه
شوق وهي تهون عليها :بس يا ملاذ مافي الا كل خير أنشأ الله شي طبيعي ينقولهم للمستشفى بعد الحريق حتى لو مافيهم شي
ملاذ:وانا وش يعرفني انو مافيهم شي
شوق:ملاذ يا عمري مافي شي صدقيني
ملاذ نزل راسها على المرتبة و قعدت تبكي بحرقه و شوق قلبها يتقطع عليها و انكتب هذه اليوم رسميا اسوء يوم على سعود و ملاذه
بعد دقايق وصلو المستشفى الي كانت شبه بعيده و نزلت ملاذ تركض
و شوق بس تسرع خطواتها و دخلت الملاذ و قالت :وين غرفه سعود بن خليل ال رائد
الاستقبال :غرفه رقم 85 الدور الثاني
راحت ملاذ تركض و راحت للمصعد و صعدت الدور الثاني وهي تركض بين الأسياب و انهارت أكثر وهي تبكي و تركض ل عمها و تبكي و تقول
ملاذ:ياعم ياعم وش سعود سعود وينهه
ابو سعود:موجود موجود يسوون له فحوصات داخل يفحصونه
ملاذ :و ثابت و هزاع
أبو سعود:هم بعد في قسم الاطفال يفحصونهم و محمد عندهم
ملاذ التفت و قالت :وين قسم الاطفال
أبو سعود: على اليمين
ملاذ راحت بسرعه و ركضت وهي تبكي لما شاف ثابت و ضمته بقوه وهي تبكي و ثابت صار يبكي وهو يقول :ماما ماما.و قالت :اهخخ ياعيون ماما صار لك شي
ثابت:ماما وين بابا
ملاذ:موجود موجود
ثابت حضن أمه بقوه و قال : بابا طلع منه دم و كان طايح على الأرض و كانت ملابسه تحترق
ملاذ انهارت و قالت :خلاص خلاص يا ثابت بس
ثابت وهو يشاهق بحضن أمه طلع هزاع و راح يركض هو الثاني و يضم أمه بقوهه و يبكي و يقول :اسف اسف والله ما أعيدها اسف
ملاذ ضمته بقوه و باست رأسه و قالت:انت بخير
هزاع هز رأسه بمعنى (اي)
وقف ابو ملاذ وهو يساند ملاذ و يوقفها على رجولها و اخذت معها ثابت و هزاع و راحت لغرفه سعود و دقت الباب و ابو سعود فتحه و شافت سعود على السرير و رجله مكسوره و مروفه ركضت له وهي تضمه و تبكي شهق سعود بألم و ابتسم وهو يحاوطها و يمسح على ظهرها بهدوء يقول :بس يالملاذ بس
ملاذ :صار لك شي في شي يوجعك
سعود:والله مافيني شي هي حروق بسيطه
ملاذ وهي تمرر أناملها على كتفه و صدره المكشوف و الي امتلى حروق و كدمات قالت:متاكد ؟!!
ابتسم سعود و قال :بعد لمساتش متاكد أتم التأكد اني بخير
ابتسمت ملاذ وهي تحاوطه و طاحت عينها على يده تحديد خاتم زواجهم الي سعود للحين لابسه
ملاذ باستغراب: مو المفروض يشيلون الخاتم عشان الحروق ؟
سعود وهو يعدل الخاتم في اصبعه البنصر :يخسون يحركونه وانا ما شلته من ليله زواجنا
ابتسمت ملاذ وهي تشبك يدها بيد سعود :خطاك الشر يابو ثابت
سعود :الشر ما يجيش يا ام ثابت
مرت لحظه صمت و فز سعود و قال :وين ثابت و هزاع
التفت سعود لما سمع صوت ثابت يقول :احنا هنا
ابتسم سعود وهو يفتح يده لهم ركضو بسرعه وهم يضمون بقوه حاوطها سعود و قال : صار للكم شي في شي يوجعكم ؟؟
ثابت و هزاع بصوت. احد :لا
سعود رفع يده لرب العالمين و قال :احمدك ياربي و اشكرك
التفت سعود على ابوه وقال :بطول هنا؟
ابو سعود:ثلاث ايام و بتطلع
سعود:ليه ثلاث والله كثير !!!
ابو سعود:وش كثير شايف الحروق الي اعتلت كتوفك و صدرك !!!!
سعود:اليوم و خلاص و كلها كريمات حروق و خلاص
ملاذ: سعود عمي يقول ثلاث ايام يعني ثلاثه
سعود اخذ نفس عميق و زفره بغضب و قال :الله يعين
قاطعهم الباب الي يدق فتح ابو ملاذ الباب باستغراب و شاف شوق الي قالت وهي تاخذ أنفاسها بصعوبه من كثر المشي :واخيرا !
مسك ابو ملاذ يد شوق وهو يساندها و يقول :كيف جيتي
شوق :أنا الي جبت ملاذ بس الله يديها تركض و خلتني وراها
ابو سعود وهو يقرب الكرسي : استريحي
جلست شوق و ابتسمت لما شافت ملاذ الي كانت جالسه على طرف السرير و سعود محاوطها من كل اتجاه و ثابت و هزاع بين أحضانه لحظه لطيفه جدا انحفظت في ذاكرتهم و في عدسه جوال شوق الي ما تحملت ما تصورهم و كانو جدا لطيفين مع بعضهم ابتسمت شوق و قالت :خطاك الشر يابو ثابت
سعود وهو يعينه على ملاذ ابتسم و قال :الشر ما يجيش يا ام وجدان
قاطعهم جوال ابو ملاذ الي وصله اتصال من ام ملاذ و رد
ام ملاذ وهي تبكي :محمد!! محمد صار شي ببنتي
ابو ملاذ:بخير بخير ولله ما صار لهم شي كلهم بخير
أم ملاذ:متاكد!!
أبو ملاذ:اي بكذب عليش أنا
ام ملاذ:الحمد لله لك يارب الحمد لله.....كلهم بخير اكيد سعود و ثابت و هزاع
أبو ملاذ:اي اي كلهم بس سعود الي تضرر
ام ملاذ:بسم الله صار له شي
ابو ملاذ:لا لا بس حروق بسيطه
ام ملاذ:طيب بدق على ام سعود اطمنها
أبو ملاذ:تمام
قفل ابو ملاذ و رفع رأسه و قال :أنا استئذنكم برجع البيت و اذا بغيتو شي او احتاجتو شي اتصلوا
ابو سعود:انتظر بروح معك
أبو ملاذ هز رأسه بمعنى(طيب)
التفت ابو سعود على شوق و قال :ناخذش مره وحده
شوق اكتفت أنها تهز راسها بمعنى (اي )
و التفت على سعود و ملاذ و قالت :اخذ ثابت و هزاع ولا أخليهم
ملاذ:اخاف يزعجونش
شوق وهي تمسك يد هزاع و ثابت بيد الثانيه قالت :بالعكس يلعبون مع وجدان و يغيرون لها جو
ابتسمت ملاذ و قالت :لا خلا ولا عدم منش يعمري
ابتسمت شوق وقالت :مين يبي. يجي معي عند وجدان
ثابت و هزاع بصوت واحد :أناا
شوق :يلا تعالو
راحت شوق و طلعت مع ابو سعود و ابو ملاذ و تركو سعود و ملاذ لوحدهم التفت ملاذ على سعود و قالت :جبت لك هديه
سعود:هديه؟!!
ملاذ:اي
ابتسم سعود:وش هي
ملاذ فتحت شنطتها و طلعت عطر و قالت :شميت ريحته و تذكرتك. و جبته لك
ابتسم سعود و بأس راسها و قال :لا خلا ولا عدم
ابتسمت ملاذ وهي تشوف سعود يفتحه و احتار وين يرشه
وهو ما يقدر يرشه على جسده بحكم الحروق الي عليه التفت سعود
على ملاذ و ابتسم بخبث و استغل فرصه انفراده فيها مرر أنامله الخشنه
على أزرار عبايتها فتحها مره وحده انصدمت ملاذ وهي تناظر بسعود الي
فتح العطر و رش منه على نحرها مسك خصرها و سحبها عليه بقوه
وهو يرفعها و دفن وجهه بنحرها فزت لما حست بقشعريره داهمت جسدها
وهي تحس بانفاسه الحاره و تحس بيده يشد على خصرها و يدفن وجهه
بقوه اكبر يستنشق العطر و ريحه العود و فخامته و ثباته على نحر ملاذ
يندفع نحوها بجنون يحاول يتمالك نفسه بحكم انهم في المستشفى
رغم رغبته المجنونه فيها غمضت عيونها وهي تخلخل أصابعها بشعره
و تشد على خصلات شعره فقد السيطره على نفسه و رفعها بقوه وهو ينزلها على السرير و يعتليها رفع نقابها وهو يهجم على مباسها يبوسها بكل قوته و يمرر أنامله الخشنه على فخذها من تحت عبايتها ابعد عنها بسرعه و نزلت نقابها و لمت عبايتها لما سمعو صوت دق الباب
ملاذ قربت وهي تمسح روحها الي طلع على مباس سعود وقفت ملاذ و جلست على طرف السرير
سعود :تفضل
دخلت الممرضه و طيرت عيونها بنهبار ناظرت بسعود بإعجاب بعضلات جسمه البارزة و عرض أكتافه و جسده الضخم و ملامحه الجذابه حواجبه الكثيفه عيونه البنيه و شماته حادت السواد مستوطنه منطقه عينه اليسار ابتسامته الجذابه و نظراته
الممرضه :السلام عليكم ءءء لو سمحتي يا انسه انك تطلعين عشان بحط شويت كريمات لسعود
ملاذ وهي لاحظت نظرات الممرضه لسعود قالت بغضب : وليش اطلع
الممرضه:عشان احط له الكريمات
ملاذ :اهاا طيب لا ما اسمح حطيها بتواجدي
الممرضه احتدت نبره صوتها:سلامات اقولك اطلعي برا احسن لك
ملاذ:ما بطلع وش بتسوين
الممرضه:تطلعين ولا اخلي الأمن يطلعونك
ملاذ:يعني المفروض اخاف
الممرضه:ترا مو فاضيه لك
ملاذ:طيب دامك مو فاضيه جيبي الكريمات وانا بحطها
الممرضه:و بصفتك مين بتحطيها ؟!!
ملاذ قربت للممرضه و قالت بنبره صوت حاده و مخيفه :بصفتي حّرمته وام عياله
انهز كيان الممرضه من صوت ملاذ و نظراتها تغيرت نبره صوتها و رجعت لطبيعتها :ءءء انتي زوجته !؟
ملاذ:اي !
الممرضه:اعتذر ءءءء ه.ه.هاذي الكريمات كلها
ملاذ سحبت الكريمات و قالت :انصرفي
طلعت الممرضه بسرعه من الغرفه
و التفت لما سمعت صوت ضحكات سعود و هو يقول : هدي يا ام عيالي هدي
ملاذ :اكرمني بسكوتك
سعود:طيب
ملاذ تقدمت و سعود ابعد بين رجلينه وهو يفتح لها حضنه قربت وهي تجلس على الكرسي القريب من السرير و تأخذ من الكريمات و تحطها على الحروق و الجروح الي ملت جسم سعود و كانت معصبه و تحط الكريم
ابتسم سعود وهو يتأمل ملاذ عاشق لغيرتها و دليل حبها له ضحك وهو يبي يزيد من غيرتهاا ابتسم وقال :حرام عليش ترا ما سوت شي
ملاذ بغضب ضغطت على جرحه و قالت :يعني تبيني انتظرها تسوي هشي
سعود فز بالم
ملاذ:راح تتعاقب على كلمتك
سعود :وش بتسوين
ملاذ :حاب تعرف؟
سعود اكتفى أنه يهز رأسه بمعنى (اي)
ابتسمت ملاذ وهي تمرر أناملها الناعمه على كتفه و تحط من الكريم و قربت من رقبته وهي تبوس رقبته بوسه قويهههه تاركه علامه حمراا و القليل من روجها الاحمر على رقبته تخدر سعود من بوستها و من القشعريرة الي داهمت جسده و قالت :الحين اذا جاتك الممرضه أو غير الممرضه تعرف انك متزوج
سعود وهو متخدر مسك خصرها و شد عليه وقال :اتوقع اني بخير ينفع اكتب خروج الحين
ضحكت ملاذ وقالت : يالخفيف
انحنى برأسه لرقبه ملاذ وهو يدفن وجهه فيها و يستنشق عطرها الفواح خلخلت أصابعها بشعره و على قفى رقبته بنسوي سكب قصير
انتهاء يومهم وهم نايمين بتعب
بعد الثلاث ايام تحديد اليوم الثالث صحت ملاذ بتعب من نومه المستشفى قوت نفسها و قامت على صوت دق الباب و وقفت و لبست عبايتها وهي تقول : تفضل
دخلت المساعده و قالت:صباح الخير مدام أنا جيب فطور حق مريض
ملاذ:شكرا
المساعده ابتسمت و حطت الفطور
المساعدة:اليوم هادا اخر يوم للمريض هنا نحتاج احد يوقع على ورق
تنهدت ملاذ و قالت:أنا بوقع
ابتسمت المساعدة وهي تناظر ملاذ و نزلت بنظراتها لسعود الي كان نايم على السرير
المساعدة:أنتي حرمه مال مريض
ابتسمت ملاذ:أي
المساعدة:واااو أنتو كثير حلووو
ضحكت ملاذ و قالت:شكراا
ابتسمت المساعدة بخفه لما شافت سمعت ابتسامه ملاذ
الي طلعت مع المساعدة عشان توقع على الاوراق الخروج
رجعت ملاذ لغرفه سعود و وهي بطريق شافها أحدا عمال النضافة في المستشفى
و لحقها و ملاذ ما انتبهت له و دخلت المصعد و دخل وراها و وقفت ملاذ حالها حال نفسها في أحدا زوايا المصعد و فزت برعب لما نط العمال و ضغط على كل ازرار المصعد و كل الادوار و حاصر ملاذ على جدار المصعد و قرب منها وهو يقول
العامل:اوههه واضح انك فريسه تستاهل الصيد
فزت ملاذ لما عرفت انو سعودي الجنسية
قرب العامل منها بصدره وهو يلصقه بمفاتن جسدها فزت ملاذ وهي تضرب صدره و و تبعده عنها و تصارخ و تضغط على فتح الباب و فجاء اهتز المصعده بقوه و طفت الكهرباء دليل توقف المصعد في منتصف الطريق ملاذ وهي تصارخ و تضرب الباب و تبكي :افتحح افتتحوو الباب انا هناااا تكفونن يا ناس
صارخت ملاذ لما مسك يدها و سحبها بقوه طاحت ملاذ على الأرض و وهي تبكي و ترجع الزاويا المصعد و تحتضن رجلها بصدرها وهي تبكي لا حول لها ولا قوه ما تقدر تسوي شي وهم محبوسين في المصعد قرب منها وهو يقول :هدي يا حلو ترا ما بسوي شي
ملاذ وهي تبكي :لا تقرب بعد عني بعددد لا تقرب
العامل:وليش ما اقرب خايفه مني ؟!
ملاذ:بعددد بعددد عني
العامل:أنا ونتي و ابليس ثالثنا خلنا نستمع شوي
ملاذ:مابي ماااابي
العامل :يخي ليش أنتي عنيده !!
ملاذ نزلت رأسها وهي تبكي و فجاء اهتزم المصعد بقوهه و اشغلت الكهرباء و فتح الباب فزت ملاذ و ضربت العامل على وجهه ضربه قويهه و راحت تركضض و راحت الحمام وهي تنزل نقابها و تاخذ نفس عميق بصعوبه نزلت رأسها على المغسله وهي تغسل وجهها و تاخذ نفس و بعد عده محاولات هديت أخذت نفس اخر و عادات حجابها و لبست نقابها و راحت متوجه الى غرفه سعود و دخلت بسسرعه و شافت سعود قاعد يفطر بهدوء ابتسم لما شاف ملاذ و قال :صباح الخير وين كنتي؟!
ملاذ:اليوم اخر يوم حت اوقع لك على خروج عشان تطلع بعد شوي
سعود:وأخيرا ثلاث ايام كانها سنين في المستشفى
وقدمت ملاذ وهي تجلس مقابل سعود و كانت تفكر بموقف الي صار لها قبل شوي
سعود:فيش شي ؟!
ملاذ:ها ! لا ولاشي
سعود:أكيد
ملاذ:ااي ما عليك
سعود سكت وهو ما اقتنع بكلام ملاذ
سعود ؛اذا في شي قولي
ملاذ:الا مافيني شي
سعود:تمام
ما اقتنع بكلام ملاذ بس يعرف انها بتقول له من نفسها بعيد
___________________________
بنسوي سكب بعد خروج سعود من المستشفى في بيت ابو سعود دخلو البيت وهم بيقعدون فيه لفتره من الزمن حتى يرممون بيتهم و يرجعون للعيش فيه
دخل سعود غرفته و ابتسم و قال :والله من زمان عن غرفه العزوبيه
ملاذ:شقصدك ؟!
سعود:ولاشي
ملاذ:اي كويس
و صدت وهي ترتب اغراضها بدولاب
سعود :مسوي لش مفاجاه
ملاذ :ايش هي
سعود تقدم و فتح أحدا الدروج و طلع منها تذاكر سفر للندن
فزت ملاذ و قالت :بنسافر !!!!
سعود هز رأسه بمعنى (اي)
فزت ملاذ وهي تضمه بقوههه و تاخد تذاكر السفر من يده و كانو تذكرتين
ملاذ:ثنتين بس ؟!!
سعود:اي
ملاذ:و ثابت و هزاع
سعود:بيت جدهم يعزهم و يرزهم و ما بنطول أسبوعين و راجعين
ملاذ ابتسمت وهي تتأمل تذاكر السفر بفرح وهي من زمان ما سافرت
باست خد سعود بقوه وهي تقول :من زمانن عن السفر
سعود تخدر من بوستها و قال :لاسافرنا بقدر انفرد فيش بعيد عن خلق الله
ملاذ:ءء اسمع وش رائد نكنسل السفره
ضحك سعود و ضم ملاذ لصدره و باس رأسها
ملاذ حاوطته وهي تقول :احبك
ابتسم سعود وهو يقول :
______
لو استخدمت كل الحروف الأبجدية
و قلت فيش كل الابيات و القصائد
و الشعر ما وفيتش حقش يا الفاتنه
و لو في في كلام يوصف المشاعر كان
قلته لللعيون السود و الابتسامه و
للغمازه الوسيعه و الخضر الفاتن
____________
ابتسمت ملاذ بوسع ثخرها و قالت :الله لا يحرمني حسك
سعود: ولا حسش
____________
بنسوي سكب بيوم الموعود اليوم سفره سعود و ملاذ للندن تحديدا ميدان بيكاديللي الذي يعد من أجمل الامكان في للندن و اكثرهم رومنسيه و جمال
كانو في الطياره قعدت جنبه بحماس وهي متسحمه حق للندن
ضحك سعود من حماسها و قال :يا بنت هدي شوي
ملاذ:متحمسه !!
سعود: طيب بشويش خذي نفس
فزت ملاذ و وهي تفرك يدينها ببعض لما تحركت الطياره و حلّقت بالجو
ابتسمت ملاذ بنبهار من جمال المنظر وهي تشوف شبه الجزيرة العربيه يصغر حجمها حتى اختفت تماما و صارت الدنيا كلها غيوم و كلشي يجنن و ملاذ متحسمهه صحيح قدامهم 6 ساعات و 50 دقيقه بس كانو قاعدين بفارغ الصبر
_________________________
نرجع السعودية تحديدا شبه الجزيرة العربيه ✨ الرياض ✨و نشوف ايش يصير فيها في بيت الجد رائد تجمعو كلهم وهم مبسوطين و مسوين حفله كبيره حفلت حمد الله على سلامته عسكرنا اي انتهت مهمه عسكرنا و رجعو لبيوتهم و لحريهم و اطفالهم
في بيت الجد رائد تحديد قسم الرجال وقف سعيد و معه اخوانه و ابو سعود التفتو كل الرجال لهم و تقدم ابو سعود و يمينه سعيد و يسار طلال
ابو سعود:والله يا عمر مالك في الطويله جيتك اليوم و معي ولد اختي سعيد بحسبه ولدي و جيبت أخطب بنتك مريم لولدي سعيد
ابتسم ابو مريم. و ناظر بسعيد
الي قال :أي والله يا عم و احنا طمعانين بنسبكم و وودنا بالقرب منكم
وقف ابو مريم و يمينه الجد حمد و يسار اخوه الكبير ابو هاشم
ابو مريم :الساعه المباركه الي تجون فيها و سعيد رجال و النعم فيه و الكل يشهد على هالشي و بالعكس احنا نتشري الرجال شراء حنا بنسال البنت و البنت بتستخير و راي بنتي هو الاول و الأخير بنسال البنت و بنرد لكم خبر و الله يكتب الي فيه للخير
بنسوي سكب جلسو كلهم و كملت العزيمه على ماهي
__________________
عند الحريم كانو قاعدين و ماعندهم شي يسوونه مشغلين اغاني بس الفاتنه مو موجوده
شوي:والله يا اني فقدت أم ثابت
روضه:اي والله الجمعه بدونها ولاشي
مريم: على سيره ام ثابت ....شوق وش صار عليهم يقولون بيتهم احترق و نقلو سعود المستشفى
شوق:اي حروق بسيطه ومافي اله العافيه
بخيته:اي ماعليك و ابشركم طاق تذاكر سفر للندن
مريم:كيف عرفتي
بحياه:سنابات ملاذ
فزو كل البنات وهم يفتحون سناب ملاذ و يشوفون ملاذ مصوره صوره للشناط و صوره لسعود لأبش شورت ابيض و تيشرت اسود و نظراه شمسيه و في الطريق إلى للندن
رهف:يا حظهاا
جود: اووههه رايحه بيكاديللي
شوق:كشوخي موديها اكثر مكان رومنسي
لين:خلاص أنتي وياها لا يجيهم عين
حنين :اي والله بسم الله على اخوي و حرمته
ضحكت جود:حلوه ذي اخوي و حرمته
ضحكو كلهم بصوت موحد و قاطعهم صوت ثابت الي جاء يركض و يبكي
ام سعود:بسم الله الرحمن الرحيم وش فيك!!
ثابت بوسط دموعه و بكائها الهستيري:كحيلتي كحيلتي يا جده الكحيله !!
ام سعود:شفيها!!
ثابت رفع كتوفه و ميل منطوقة بمعنى (مادري)
وقفت احلام وهي تاخذ الشال الاحمر و تحطه على رأسها بعشوائية بدون اهتمام أنها تغطي شعرها مسكت يد ثابت و قالت:وينها ؟
ثابت سحب يد احلام و صار يركض و احلام تسرع خطواتها وراه
طلعت الحوش و شافت الكحيله على الأرض تقدمت احلام و مسحت على رأس الكحيله فتحت عيونها و سكرتها بتعب التفت احلام و قالت :نادي عم عزيز بسرعه
راح ثابت يركض و دخل قسم الرجال و دموعه للحين تحرق وجنتيه
ثابت:عم عزيز
فز عزيز:سمّ يا بو سعود !
ثابت:ياعم خاله احلام تبيك
رفع حاجبه باستغراب و مسك يد ثابت و راح معه للباب الي يفصل بين قسم الرجال و الحريم و ما انتبه لعوض و الابتسامه الي شقت وجهه و نظرات خالد الي كان يضحك و يناظر بعوض عند احلام كانت تخلخل أظافرها الطوال بخصلات شعر الكحيله و رفعت راسها لما جاها عزيز وهو يقول :سمّي ياوخيتي
ابتسمت احلام:سم الله عدوك ابيك تشوف الحكليه عجزت اعرف وش بلاها
ثابت وهو يمسح دموعه بعنف قال :ودوها الدكتور اليوم تطعيمها 
التفت عزيز على ثابت وهو يمسح على راسه قال : ابشر يا بو سعود 
اشتعلت نيران الغيره تحرق قلبه لما فرع نظراته و شاف عوض  يناظر من ورا الباب و يبتسم التفت على احلام و شافها تناظر الكحيله و تمسح على راسها بهدوء  عزيز بصراخ : احلامم !!! ادخلي داخل و لاعاد اشوفتس تطلعين بدون عباتس 
احلام بصدمه من صراخ عزيز:وجع عزيز!!! سلامات  تصارخ 
عزيز وهو يسحب الشال يغطي شعرها همس : والله ما اعديها لك يا عوض 
احلام بصدمه ناظرت البا ب و طارت عيونها لما شافت عوض الي ابعد نظراته لما انتبهت له احلام 
ناظرت بعزيز الي كان يحترق غيره  و قال : ادخلي داخل !!
احلام: ابشر 
 دخلت احلام بسرعه مسح على وجهه و شنبه استغفر و التفت على ثابت وقال : تعال معي 
 وتقدم للكحيله وهو يفحصها اخذ جواله وهو يتصل على (البيطري بدر ) و ابتسم لما وصل له صوته وه يقول 
بدر: يا هلا والله و مسهلا يا حي الله عزيز 
ابتسم عزيز: الله يحيك يالبدر ......بغيت منك خدمه 
بدر:سمّ يابو فيصل
عزيز: سم الله عدوك عندي فرس المفروض تطعيمها اليوم و ماعندي القدره على نقلها 
بدر: بسيطه يا بو فيصل وينك فيه 
عزيز: في بيت الجد.....برسلك الموقع
بدر: تمام
نقطع الخط بينهم و التفت عزيز على ثابت و قال : شوي و يجي الدكتور 
ثابت جلس جنب الكحيله و قال  وهو يمسح على راسها: ماراح اتركك ياكحيلتي  ماراح اتركك
ابتسم عزيز وهو يشوف كميه حب و تعلق ثابت بالكحيله وهي مجرد فرس التفت عزيز وهو يحط جواله في جيب ثوبه توجه الى مجلس الرجال و دخل و قال ك عوض تعال لي برا
وقف عوض و هو يلحق عزيز الي طلع و بعد دقايق لحقهم خالد و وقف عند الباب وهو يشوف عزيز ال يقول : قبل شوي مين كنت تناظر
عوض: محد 
عزيز:متاكد ؟!
عوض: اي 
عزيز: يعني ما شفت احلام ؟!!
عوض ابتسم و قال : والله يا ولد خالي تبي الصدق و ودي اخطب اختك احلام على سنه الله و رسوله
ابتسم عزيز و قال : ونت رجال و النعم فيك ياولد عمتي بس مامن كلمه بعد كله الولد انت اقدم و اطلب يدها من الوالد و الله يكتب الي فيه الخير 
ابتسم عوض و باس خشمه *سلام الرجال* عوض: ابشر يا ابو فصول ابشر 
عزيز : فصول!! اجل والله ما اسميه فيصل 
عوض: ولدد!! ليش تحلف 
عزيز: ودي اسميه سلطان 
عوض ابتسم : ماشاءالله يستاهل السماوه ولد الخال 
عزيز : يستاهل يستاهل عريسنا 
عوض: على سيره عريسنا متى بتستلم ثوبك من الخياط
عزيز: بكرا
عوض : تستهبل يا رجال انا مودي ثوبي قبلك يقولي بعد ثلاث ايام 
عزيز: احسن  
عوض: اقول بس لا يكثر و خلنا نرجع عند الرجال 
_________________________________
تسريعع الاحداث انتهت العزيمه على خير كانت عزيمه خفيفه و لطيفه بس ما كانت بنفس الحلواه بسبب نقصان الثنائي المعروف (سعود و ملاذه) عند سعود و ملاذ 
دخلو الفندق بارهاق شديد راحو متوجهين الى الشقه الي حجزها سعود لهم نزلت عباتها و رمت نفسها على السرير و هو نفس الشي و حاوطها وهو يضمها لصدره حاوطت راسه و بعد دقايق معدوده نامو هم الاثنين ثاني يوم  صحى سعود و بنفس اللحظه صحت ملاذ و ابتسمت و باست خده و قالت : صباح الخير 
شد على خصرها وهو يعتليها و يعدم المسافه بينهم بتلامس اجسامهم صدت بوجهها بخوف 
سعود:ملاذ!!
ملاذ وهي تحاول تبعد سعود قالت: بعدد 
سعود بمسك فك ملاذ وهو ي لف وجهها و يقرب منها و يعدمم المسافه بين وجيهم بتلامس ارانب انفهم 
ملاذ بدت تدمع و قالت:سعود 
فز سعود وهو يمسك كتوفها و ي يجلس على السرير قال وهو يبوس راسها و:ملاذ !!! تكلمي  وش فيش 
بعدت ملاذ وهي تقول : تعبانه شوي 
و قامت و راحت الحمام اخذ نفس عميق و زفرته براحه و نزلت ملابسها شغلت الشور و وقفت تحته تاخذ شور ؛ رفع حاجبه باستغراب و اخذ جواله وهو يشوف الساعه و كانت 8:02 وقف وهو ياخذ منشفه و راح الحمام الثاني اخذ شور و غسل و فرش اسنانه و طلع ملابسه و لبس و تعطر و جلس ينتظر ملاذ ؛ اخذت شور غسلت وجهها فرشت اسنانها و سوت روتينها المعتاد لبست و طلعت و شافت سعود ينتظر ابتسم لما شافها و تقدم وهو يبوس راسها و قال : مسوي لش مفاجاء  البسي و اطلعي 
ابتسمت ملاذ و قالت: تمام 
ابتسم سعود و طلع ينتظرها في الصاله لبست عباتها و رتبت حجابها و طلعت  رفع حاجبه باستغراب
سعود: بتطلعين كذا !!؟؟
ملاذ هزت راسها بمعنى (اي) 
سعود : وين نقابتش
ملاذ: ترانا في لندن و هم عنصرين 
سعود :يعني بتطلعين كذا؟؟
ملاذ رفعت حاجب و هزت راسها بمعنى (اي)
سعود اخذت نفس عميق و زفره و قال:الشكوى لله 
ملاذ باست خده و قالت: مشيها يابو ثابت 
ابتسم و مسك يدها و قال: امشيها بس لا تبعدين عني مفهوم 
ملاذ: حاضر سيدي 
ابتسم سعود و طلعو مع بعضهم الى المفاجاء الي مسويها سعود لملاذه 
____________________________________________
في الرياض تحديدا بيت هاشم و شوقه
نزلت شوق وهي رافعه وجدان على كتفها قالت : ابو وجداني 
ابتسم هاشم :سمي يا عيونه 
ابتسمت شوق وقالت :مسويه لك مفاجاء 
رفع حاجبه و قال:ايش 
ابتسمت شوق وهي تنزل وجدان على الارض ضحكت وجدان تتقدم لابوها و عطته هديه مغلفه بشكل جدا جميل و مربت ضحكت و قالت :هذه لك
ابتسم هاشم وهو يرفع وجدان و يبوس راسها و يقول : وش هذه
وجدان:هديه لك من ماما 
ابتسم هاشم وهو يرفع نظراته لشوق الي كانت تبتسم ابتسامه عريضه و فتح الهديه و شهق لما شاف الزينه الزرقه و صورتين سونار للبيبي و الزينه الزرقه دليل جنسيه البيبي الي كان ولد ابتسم هاشم ابتسامه عريضه وهو يضم شوق بقوه و يردد:الحمد الله احمدك ياربي الحمد الله 
ابتسمت شوق وهي تحاوطه بقوه  ة تضحك 
(انتهى البارت السادس و الاربعون)
(ارحبووووو ياحبيني 🔥🔥رجعت لكم ببارت جديد خفيف لطيف👍🏻🌚 البارت الجاي بننهار من جمال سعود و ملاذه و جود و سلطانها +ادري طولت عليكم بس احاول اتدرب على الكتابه في الاب توب بحكم انو جوالي مسكور😭💔 و سلكو للاخطاء الاملائيه👍🏻💔 ألقاكم في بارت جديد
✨ أن كتب الله لنا العمر ✨)