و نام سعود و ملاذ بحضنه بعد ثلاث ايام تحسنت حال ملاذ و طلعت من المستشفى و كانت مرهه زعلانه و مكتئاب على الجنين و بيوم من الايام ملاذ جهزت الغدا و حطته على الطاوله و جلست و نادت سعود نزل سعود و زفر بعصبيه و جلس
ملاذ: سعود شفيك؟!
سعود وهو مو طايق ملاذ: ولاشي
ملاذ: سعود!!
سعود بانفعال غريب : خيرر!!
فزت ملاذ و قالت: سعودد فيك شي؟!!
سعود بعصبيه ضرب الصحن و طيح الاكل على الارض و وقف و صرخ بوجه ملاذ: قلت مافيني شي شفيش انتي ما تفهمين
و راح و ترك ملاذ وراه بصدمتها وهي تناظر الاكل على الارض و قفى ظهر سعود الي مشى و تركها سكتت ملاذ و دموعها على طرف عينها نظفت الارض و شالت الغدا و ودته المطبخ و نظفت المطبخ وهي تبي تخلص عشان تروح الغرفه و تبكي و لما خلصت دخل سعود وهو صاد عن ملاذ دخل المطبخ و فتح الثلاجه طلع ماء و جلس على الكرسي وهو يشرب و ملاذ ناظرت فيه تنتظر منه يتاسف و يراضيها بس شافته دخل و شرب الماء و طلع من المطبخ انفجرت ملاذ و راحت غرفتها وهي تبكي و رمت نفسها على السرير و جلست تبكي
و دخل سعود و عصب و صرخ وهو يقول: هيي انتي!
فزت ملاذ و ناظرت فيه بصدمه و عيونها دموع و خشمها احمر و ملامحها الباكيه
سعود بقرف: الله يسد نفسش زي ما سديتي نفسي بس و تقدم بعصبيه و اخذ مفتاح السياره و طلع من البيت تارك ملاذ وراه تبكي و زعلانه و مستغربه وش قاعد يصير مع سعود
_________________
ثاني يوم صحت ملاذ و ماشافت سعود جنبها استغربت و لما نزلت تحت شافت سعود نايم على الكنب ميلت منطوقها باستغراب و قالت: سعود؟!
سعود ما رد
ملاذ: يا سعودد
صحى سعود و قال بهدوء: نعمم
ملاذ: وش منومك هنا
سعود جلس و صد عن ملاذ و قال: مالش دخل
و وقف و ترك ملاذ وراه و راح الحمام اخذ شور و راحت ملاذ المطبخ وهي زعلانه و ما سخنت غدا امس ل سعود و حطته على الطاوله و راحت قعدت على الكنب نزل سعود و شاف الغدا و راح له و قعد ببرود و صار ياكل لتفت ملاذ بحزن وهي تفكره بيسال عنها و بيقول لها تتغدا معه بس بكل هدوء تام كان قاعد ياكل على الطاوله و طبيعي عنده و هدوء غريب عكس عصبيته امس تماما
____________________________________________________
و هاذي كانت حال سعود بيوم عصبي و يوم هادء و ملاذ مو عارفه وش تسوي معه و كان طول الوقت يصد عنها و مو طايقها و بيوم من الايام راحو سعود و ملاذ لعزيمه في بيت ابو سعود عزيمه عصريه بين سعود و ملاذ و ابو سعود و ام سعود
كانو قاعدين كلهم مع بعض و بين سوالف و ضحك و خلصت القهوا و راحت ملاذ تجددها و عند سعود الي التفت على ابوه و هو يقول
سعود:يبا أنا احس اني مو طبيعي
ابو سعود:وش بلاك فيك شي !!
سعود:يبا أنا من رحت بيت عبد الرحمن و تغديت عندهم وانا مو طبيعي
ام سعود فزت و قالت: عبد الرحمن!!!!
سعود:بسم الله .... اي عبد الرحمن
ابو سعود :قوم قدامي بسرعه قوم !
سعود فز و قام و راح ابو سعود المطبخ و كانت ملاذ تسوي قهوه و شاهي
و قال:ملاذ البسي بسرعه و اطلعي سيارتي ال جمس!!
ملاذ فزت و قالت:عسى ما شر شصاير!
ابو سعود :البسي عبايتش و اطلعي!!
ملاذ خافت و راحت لبست بسرعه و طلعت و ركبت السياره و قالت
ملاذ:ايش صاير
ابو سعود :لما رحتي بيت عبد الرحمن ايش اكلتي
ملاذ:ما اكلت شي
ابو سعود.:قصدي غدا
ملاذ:اي ما تغديت
ابو سعود:متاكده
ملاذ:اي
سعود كان يسوق و قال:يبا وين اورح
ابو سعود :كمل قدام و شوي و اقولك وين نروح
______________
و بعد نص ساعه
ابو سعود :وقف هنا
وقف سعود و كان مسجد قديم و دخل ابو سعود و سلم و رد السلام شيخ كبير بعمر و جلس سعود و معه ملاذ و كانت خايفه
قعد ابو سعود و قال ل الشيخ كلشي قاله سعود و الشيخ قال لسعود يقعد قدامه و الشيخ مسك راس سعود و بدا يقرأ سوره البقره و سعود كان يرجف و عيونه صارت حمرا و انقلبت و صار يتنفس بصعوبه و الشيخ مسك راس سعود و ثبته بقوة و كان يقرأ عليه و ملاذ كانت خايفه و انفجرت تبكي و سعود انهار و صار يصارخ و و صراخ مرعب و غريب و عجيب و كانت ملاذ منهاره و خايفه على سعود و فجاء سعود أغمى عليه و طاح على رجل ابو سعود و قال الشيخ :الرجال مسحور بسحر اسود و السحر مأكول يعني سعود يحتاج فتره طويله عشان يتعالج
ملاذ كانت منهاره
ابو سعود ضاق صدره على ملاذ بنت اخوه و سعود ولده البكر و كيف صار فيهم كذا و قال :أن لله و انا اليه راجعون حسبي الله ونعم الوكيل
_______________________
بعد شهرين كانو اصعب شهرين مرت على سعود و ملاذ كل يوم كانو عند الشيخ و كل مره الشيخ يقرأ على سعود و يسعود يغمى عليه لما سعود يرجع لوعيه كانو يرجعون البيت و بدون سبب فجاء سعود يعصب و يقلب على ملاذ و يصارخ و يكسر و كان طول الوقت يصد عن ملاذ و هذه الشي الي يحزن ملاذ وهي تشوف حب حياتها صاد عنها و بيوم كان سعود طالع يتمشى و يغير جو و صادف عبد الرحمن و سعود انقهر و عصب لما شاف عبد الرحمن لانو هو السبب بلي سعود فيه من سحر و غيره و راح سعود ل عبد الرحمن و قال : عبد الرحمن
عبد الرحمن فز و قال:هلا والله !!سعود اخبار علوم
سعود تمام ونت اخبار
عبد الرحمن:كويس ........ ما قلت لي وش صار مع زوجتك
سعود:ما حملت
عبد الرحمن:ترا صار لك ثلاث شهور متزوج شدعوه
سعود:يعني وش تبيني اسوي
عبد الرحمن:الثانيه
سعود: مين راح تقبل فيني و انا متزوج
عبد الرحمن:أنا اظبط كلشي بس انت قول تم
سعود:تم
________________
نسوي سكب بعد اسبوع اتصل عبد الرحمن على سعود و قال
عبد الرحمن:ابشرك حصلت الثانيه !
سعود فز و قال :مين !!
عبد الرحمن:رنا أختي!
سعود:رنا !!
عبد الرحمن:اي!
سعود:يعني هي موافقه
عبد الرحمن:اكيد موافقه بس انت تعال بكرا الساعه 6 المغرب تعال و تقدم ل رنا رسمي
سعود:تمام
عبدالرحمن:يلا على خير
سعود: مع السلامه
________________
قفل عبد الرحمن و صارخ يقول
عبد الرحمن:تقبلين غصب عنش
رنا:مابي مابي
عبد الرحمن:و مين قال انو رايش مهم كليزق و راح تتزوجين يعني راح تتزوجين
رنا: ماراح اتزوج انسى مستحيل
عبد الرحمن:شكلش ما تفهمين
عبد الرحمن سحب حزامه و نزل ضرب ب رنا و كان يسب و يشتم و كل الي صار تحت عيون ام عبد الرحمن و كانت ساكته و ما عندها مشكله و عبد الرحمن كان يضرب رنا و يشتم و يصارخ و رنا كانت تبكي و مقهوره و كانت تترجى عبد الرحمن يوقف ضرب و عبد الرحمن و رنا كانت منهاره و تبكي و كل جسمها يوجعها من الضرب و طلعت كلمه الموافقه من رنا بس عشان عبدالرحمن يوقف ضرب عبد الرحمن وقف ضرب و فرح و ضربها ضربه قويه و طلع من الغرفه و رنا انهارت و صارت تبكي و تشهق و كانت تدعي على امها و عبد الرحمن و فجاء دخلت ام عبد الرحمن و كان معها اكل و قالت لها تأكله كامل و رنا فزت و اكلت كل الصحن بحكم انهم كانو مجوعينها
____________________
عند سعود سعود كان قاعد بمطبخ و مع كوب قهوه و حاط يده على رأسه و يقول برأسه
سعود: كيف راح اتزوج اخت الي سحرني كيف ....... كيف راح اتزوج على ملاذ كيف راح اكسر ثقتها فيني اهخخخ ليش كل هذه يصير فيني ليشش
و قاطعه دخول ملاذ الي كانت تقول : سعود اليوم الشيخ ماراح يقدر يقرأ عليك و قال لي أنا اقرا عليك و ارسل لي السور الي لازم اقراها و الاشياء الي لازم أسويها
سعود ابتسم و قال:تمام يلا و نزل سعود و قعد على الأرض و ملاذ على الكرسي و بدأت ملاذ تقرا على سعود و سعود كان يحس بنفس الاشياء الي يحس فيها و كان يحاول يمسك نفسه عشان ما ينفعل و ملاذ تخاف و ملاذ كانت تقرأ عليه من قلبها و تدعي أنو سعود يرجع بصحته و عافيه و فجاء سعود طار على المغسله الي جنبه و مسك بطنه و نزل رأسه و صار يستغرق و ملاذ خافت على سعود و كانت تبكي و تقرأ عليه و سعود كان يستفرغ ماده غريبه لونها اسود و غريبه جداا و ملاذ انهارت تبكي وقفت على رجلها بعصوبه
و فجاء.......
(انتهى البارت ال تاسع )
أنت تقرأ
اثاريني ياسعود عشت الوهم كله
Romansaروٌآيَتٌيَ آلَآوٌلَﮯ سِعٌوٌدٍ & مًلَآذِ کْتٌبًتٌ بًوٌآسِطِهّ : ~ فُضةّ آلَسِلَمًآنِ ✍️
