اثاريني ياسعود عشت الوهم كله

البارت ال عشرين

اخذت ملفها و طلعت من الغرفه بقهررر
___________________________________________________________
عند سعود  رجع على مكتبه و بدا يشتغل و يشوف المرضى الي عليه و لما خلص طلع من مكتبه و قفله بمفتاح و طلع من المستشفى و رجع للبيت و كانت الساعه ٥:٤٠ و دخل و اخذ نفس عميق و قال :ملاذيي
فزت ملاذ و قالت :عيون ملاذك
ابستم سعود و راح الغرفه و شاف ملاذ و كانت بأكمل زينتها كانت لابسه فستان ابيض هادئ و ناعم جدا و مكياج خفيف مرههه و روج احمر و كانت مسويه شعرها فير من فوق مربوط و من تحت مفتوح و كان سعود يتامل كل انش فيها و صحى على نفسه لما ملاذ قربت منه و بأست خده و قالت :كيفف 
قرب سعود منها أكثر. و مسك خصرها و قال بصوت متخدر قال ابياته:
________
قامت وفز القلب من هول ماشاف
واظن  قلبي ياجماعه سبقها
الخصر ضامر والبلا ذيك الارداف
سبحان من ذيك الردايف خلقها
__________
ابتسمت ملاذ و باست شامته الي تحت عينه  و قالت : صح لسانك
ابستم سعود و قال :صح بدنش
و اخذ منشفه و دخل الحمام و اخذ شور و خلص و لبس ثوب كحلي و شماغ  و شخص و تعطر ب العود و لبس ساعته و طلع و قال :ملاذي
ملاذ:يا عيون ملاذك
نزل سعود الدور الاول و شاف ملاذ توها تطلع من المطبخ و بيدها صحن  و اليد الثانيه بخور و راحت عند سعود بسرعه و قالت له :امسك البخور بسرعه
اخذ سعود البخور و هو يسأل :وش ذا ؟؟؟
ملاذ:ولاشي
و راحت و جلست على الكنب و هي تاكل
راح لها سعود و شاف الصحن و كان خيار و بعدها استوعب انو لون الخيار احمر و فز و اخذ الصحن من يدها و قال :يا مجنونه انا وش قلت
ملاذ: تكفى سعود وحده بس
سعود :لا
و اخذ الصحن و راح فيه المطبخ و كان مستغرب ليش ملاذ تبي تأكله ل هل درجه و اكل منه و كان مرههه حار سبايسي و سعود ما قدر يتحمل لانو هو أساس ما يحب الحار ولا يدانيه و صار يكح بقوه و فزت ملاذ و راحت المطبخ و شافت سعود الي يختنق و راحت عنده و صارت تضرب ظهره و جابت له ماي و سعود اخذ نفس و شرب و صار يقدر يتنفس و قال :والعنه كيف قدرتي تاكلين هل عذاب
ملاذ:شفيه .
سعود:مليان شطه
ملاذ جاها فلاش باك و هي تسوي ال خيار و تحط الشطه و حطت الشطه كامله و كان عذرها الوحيد (اتوحم ) قاطعهم جوال سعود الي كان يدق و المتصل كان الجد رائد رد سعود وقال :سم يا جد
الجد رائد:وينك انت و زوجتك المجلس بدا يمتلئ و انت ما جيت
سعود :اوف يلا يلا الحين جاي
وقفل الخط و فز لما شاف الساعه ٧:٣٠ و راح بسرعه ل السياره و شغلها و ملاذ لبست عبايتها و طلعت و ركبت السياره و سعود مد لها يده و ملاذ ابتسمت و مسكتها و سعود بأس يدها و انطلقوا متوجهين إلى بيت الجد رائد و لما وصلو دخلت ملاذ قسم الحريم و راح سعود قسم الرجال
________________________________________
عند ملاذ و دخلت و كانت قمه الجمال و الأناقة و لفتت انتباه كل الحريم مع العلم انو بطنها بدا يكبر و خصرها يختفي بس كانت مميزه و عليها جمال يوجعع و دخلت و سلمت و قعدت بين البنات و بدأت فقره السوالف و الضحك
________________________________________________________
عند سعود دخل قسم الرجال و فزو الرجال من   طوله و عرضه و ريحت العود الي سبقت سعود  دخل و سلم و الرجال ردو السلام و دخل سعود و جلس جنب الجد رائد في صدر المجلس و كانو كل الشباب حوله و لما المجلس امتلئ قامو خالد و مشاري و هاشم بحكم انهم اصغر الرجال ب المجلس و بدو يقلطون الرجال و قهوا رايحه و قهوا جايه و عند الحريم نفس الشي قامت  روضه و لين و شوق لأنهم اصغر البنات و كانو ب المطبخ و كل شوي واحد يجي شوي يجي عشان يجددون القهوا و الشاهي  لما خلصو البنات من الشاهي و القهوة حطوهم في صحن كبير و خلصو و كانو راح يرجعون مجلس الحريم بس راحو شوق و روضه و بقت لين لانها كانت تدور على خاتمها الي طاح و فجاء سمعت صوت رخم و يشبه سعود  يقول :ياولد القهوا
لين فكرت إنو سعود و اخذت صحن و حطت فيه شاهي و قهوه و فناجيل و بيالات و طلعت قدام مشاري و كانت بكامل زينتها و كانت لابسه فستان احمر غامق نحت خصرها و كانت حاطه مكياج خفيف و أبرز مكياجها الروج الاحمر الي تسبب بمقتل قلب مشاري و لين ما كانت أقل منه لين حست بقلبها انسحر لما شافت عيون مشاري كانت تجذب و ابتسامته و غمازته الي شقت وجهه و كان لابس ثوب و شماغ و مشخص و كان طويل و عريض و كل مواصفات فارس احلام لين شافتها ب مشاري و لما استوعبت أنها طلعت قدام مشاري  رجعت داخل المطبخ و الصحن بيدها و من التوتر حطته على الأرض و رجعت داخل المطبخ و كان وجهها احمر و قلبها يدق بسرعه و مشاري صحى على نفسه لما لين رجعت داخل و صد و تنحنح و كان يحس بقلبه يضرب صدره و يحس كأنه يصرخ باسم لين و قاطعه صوت هاشم الي يقول :مشاري وش بلاك اخلص الدلال خلصو فز مشاري و لف و شاف الصحن و أخذه و هو يقول :هذه الصحن أخذه
اخذ هاشم الصحن و مشاري وقف و هاشم ناظر فيه وقال :تجي أو أهبدك بصحن
مشاري:ها ! لا جاي جاي
مشى هاشم و مشاري ورا و رجعو مجلس الرجال و كان مشاري معهم جسدي بس قلبه و علقه مع لين
عند لين كانت ب المطبخ و وجهها احمرر و قلبها يدق بسرعه و صارت تحاول تهدي نفسها و لما هديت اخذت نفس عميق و طلعت من المطبخ و راحت عند البنات و أشرت ل حنين و حنين استغربت و لما راحت لها
انصدمت من احمرار وجه لين و قالت :وش فيش!!
لين كانت متوتره و قالت بسرعه  :شفته شفته شفته
حنين انفجعت  :مين !!
لين كانت تتنفس بسرعه و قالت  :مشاري مشاري
حنين مو فاهمه و قالت :اهجدي اهجدي يا بنت خذي نفس تنفسي
لين صارت تتنفس بشويش و قالت :شفت مشاري و مشاري شافني
فزت حنين وقالت :اوفف يعني تمت اشوفه الشرعيه
لين :اي و عقبال تصير شوفه شرعيه من جد
حنين:امين ......قولي بسرعه كيف شافك
قاطعهم صوت ملاذ الي تقول :تعالي انتي وياها تكلموا وش السالفة
فزو حنين و لين و قالو بصوت واحد :بسم الله الرحمن الرحيم
ملاذ:منكم تكلمي انتي وياها وش صاير مين شفتو
حنين و لين قالو ل ملاذ الي صاير و ملاذ كانت مصدومه و قالت :انتو تعرفون لو سعود. عرف.وش ممكن يسوي فيكم
لين و حنين ناظرو بعض و قالو:راح عن بالنا
ملاذ:ما عليكم ماراح يسوي شي و انا موجود بس قولي لي وش سوا لما شافك
لين ابتسمت و صارت تحكيهم و بدأت هواجيس الزواج و حنين تقول (اذا صار و تقدم لك بلبس فستان اسود لانو حياتي بتصير سوده بعدك ) و لين تقول :(افتح لك جناح في بيتي عشان اشوفك معي  ولا اشوف الاسود عليك ) و يضحكون و يستهبلون
________________________________________________________
عند مشاري و هاشم و خالد خلصو تضيف الرجال و  قعدو و مشاري كان مو مركز معهم ابد و كان كل تفكيره ب لين و جمالها و نعومتها و أناقتها و كان يفكر فيها و يناظر سعود و سعود انتبه له و  اشر له أنو الحقني و قام سعود و طلع برا
و مشاري لحقه قال سعود :وش فيك يارجال
مشاري توهق و جمع كل قوته و قال :يا سعود أنا ودي بقرب منكم و ودي اجي اتقدم ل بنتكم لين
فرح سعود و قال:و هاذي الساعه المباركه متى ناوي تجي و تتقدم لها رسمي
مشاري:بعد زوج هاشم ب اسبوعين
سعود :تم و جاتك لين
مشاري ابتسم و قال :والله
سعود. : اي انت رجال والنعم فيك و الف من تمناك
مشاري حس بقلبه توقف من الفرحه و بأس خشم سعود. (سلام الرجال) 
و قاطعهم صوت هاشم الي يقول :يا سعود و مشاري الجد رائد يسأل عنكم
سعود : يلا الحين بنجي
رجعو المجلس و جلسو بمكانهم و فجاء وقف الجد رائد و معه ابو سعود الي سحب سعود معه و وقف  و قال أبو سعود.  :يا مشاري انت رجال والنعم فيك و انا ابي ازوجك ل حنين بنتي  و هي  بنت خالك و أنت أولى من. الغريب و ابد ماله داعي تشيل هم المهر احنا نشتري رجال
فز قلب طلال الي كان يحب حنين من كانت صغيره و كان ناوي عليها بعد عرس هاشم و شوق و وقف و هو يقول :حنين ما يأخذها غيري
انصدم ابو سعود. و فهم السالفه غلط و قال :أنا قلت مشاري و بعدين وش مصلحتك أنت تأخذ حنين
تقدم سعود و قال  :يا تاج راسي  الفرق بين مشاري و حنين ٧ سنين و تفكير مشاري يختلف تماما عن تفكر حنين مشاري رجال ونعم فيه بس حنين ما تصلح له و طلال مقارب ل تفكير حنين و هم الاثنين طموحين و عندهم مواهب كثيره
حنين تصلح ل طلال أكثر من مشاري و انا قلت لك و الشور شورك وهدايه الله
ابو سعود : نخير البنت و حنين كبيره و عقلها برأسها و انا بناتي مخيرين ليسُ مسيرين و البنت بتسخير و نشوف الي فيه الخير
انتهى النقاش و جلسو الرجال و سعود استئذان وطلع و راح عند قسم الحريم و قال بصوت مسموع :ملاذي
فزت ملاذ و راحت له و قالت : عيون ملاذك
ابتسم سعود و بأس عيونها و قال : نادي لي حنين شويات
ملاذ:حاضر
و راحت عند البنات و قالت : حنين سعود يبيك عند الباب شوي
حنين:تمام
لين:تعالي يا ملاذسعود
ملاذ استحت وقالت :يا زين اسمي مع اسمه زينه
ضحكو البنات و جلست ملاذ بينهم و رجعو ل جو السوالف و الضحك
_______________________________________________________
عند سعود و حنين
سعود :حي الله حنين
حنين:حي نباك يا سعودالملاذ
سعود. مسك قلبه و قال :اهخخ يا ملاذ
ضحكت حنين و سعود معها و قال:المهم مو موضوعنا ترا جاك خطاب
فزت حنين و قالت :طلا... ءء قصدي مين
سعود : ركزي مشاري اليوم طلب يد لين مني مني انا و ابوي يبي مشاري لك انتي و طلال يبيك بنفس الوقت و مشاري يبي لين و ابوي يبي مشاري ل حنين الي هي انتي و ابوي يقول لك استخيري و ردي لنا خبر عندك لبعد زواج هاشم و شوق ب اسبوعين
(بطتنا بطت بطن بطتكم تقدر بطتكم تبط بطن بطنتا زي ما بطنتا بطت بطن بطتكم😂😂)
(المهم نرجع ل الروايه )
حنين فزت لما سمعت اسم  طلال و قالت :ءء طلال و مشاري تمام بستخير و بشوف
سعود : تمام و الله يكتب الي فيه الخير
حنين:بغيت شي أنا لازم اروح
سعود : سلامتك
رجعت حنين. و سعود رجع للمجلس و جلس جنب مشاري و طلال مشاري يمين و طلال يسار و قال :اسمع أنت وياها أنا قلت ل حنين تستخير و وقفت و هي يومين ثلاث و بنشوف وش يصير معنا
مشاري:طلال انت آخذ حنين أنا ما ابيها صح انها الف عريس يتمناها بس مع الاسف اني مو من ضمن آلاف تقدم لما انت رسمي و انا بدبر نفسي
طلال :خلاص يا شيخ انت خذ لين و انا اخذ حنين
سعود :اسكت أنت وياه أجل الحوار ل بعدين الرجال يناظرون فينا
____________________________________________________
خلينا نسوي سكب ل عرس شوق و هاشم و في الوقت الي مضى كانو البنات يشترون فساتين و اكسسوارات و حركات بركات و الرجال الي يفصل ثوب الي يشتري شماغ و من جها حنين استخارت و ارتاحت ل طلال و حمدت ربها لانها هي أساس تبي طلال و هذه الي صار وافقت حنين على طلال و قالو انهم راح خطبون و يكتبون كتاب مع بعض يعني يصير زواج حنين و لين و طلال و مشاري بنفس الوقت و كلهم كانو موافقن و فرحانين فرحه كبيره
__________________________________________________
بيوم الزواج كانت شوق لابسه فستانها الأبيض الي نحت خصرها و مكياجها كان حلو و فخم جدا و كانت بكامل زينتها و باخر اناقه و جمال و بيوم الزواج راح سعود عند باب الحريم و قال : ولد
طلعت له حنين الي كانت لابسه فستانها البني الفاتح و منفوش شويي و طويل و مرهه يجنن و راحت ل سعود و لما شافته قالت:موافقه على طلال
ابتسم سعود و بأس راسها و قال: الف مبروك يا عيون اخوش
و راح ل طلال و مشاري الي كانو ينتظرون على احر من الجمر
و جاهم سعود. و قال .........
(انتهى البارت ال العشرون )