اثاريني ياسعود عشت الوهم كله

البارت ال سابع عشر

ناصر: كليزق اشلغتي امي بسعود
___________________________
ملاذ كانت منهاره و تضرب ناصر و ناصر شالها و طلع فيها ل السياره و كان رابط منطوقها ب قماش و يدها و رجلها ب حبل و كانت ب الشنطه ورا و ناصر ركب السياره و مشى فيها و بعد ساعه و نص وصل للموقع الي قال عنه عبدالرحمن و لما وصل فتح عبدالرحمن الشنطه حقت السياره و ملاذ كانت تبكي و انصدمت لما شافت عبدالرحمن الي مسك شعر ملاذ و سحبها و رمى ملاذ على الارض و نزل ضرب فيها و ملاذ كانت منهاره و تبكي و تحاول تحمي بطنها و كانت منهاره و تدعي و تتحسب على عبدالرحمن و ناصر و فداء الي كانت مثبته رجلها بقوه و تحاول تثبت يدها بس بكل مره تفلت
____________________________
في بيت سعود وصل ابو ملاذ و الدوريات و معهم سعيد و انصدمو لما شافو الباب مفتوح و دخلو الغرفه و انهبل ابو ملاذ لما شاف باب الحمام مكسور و اخذ جواله و اتصل على سعود الي رد بعد دقايق
ابو ملاذ: وينك يلي ما تخاف ربك!
سعود فز و قال: بسم الله الرحمن الرحيم وش صاير يا عم!!!
ابو ملاذ: العنبوك انا عطيتك بنتي امانه وينها الامانه وينهاا شوف اقسم بالله اذا صار ب ملاذ شي ما يصير لك طيب
سعود انهبل: وش فيها ملاذ وينها ايش صار يا عم اشرح لي!!!
ابو ملاذ: تعال البيت و شوف بنفسك
سعود: تمام جاي
قفل سعود و ركب سيارته و طار ل بيته و انصدم لما شاف الدوريات و الشرطه يفتشون كل البيت و ياخذون بصمات
سعود: يا عمم
التفت ابو ملاذ و قال: عاجبك البيت عاجبك حال البيت
سعود: ياعم وين ملاذ وين ملاذي
ابو ملاذ: ملاذك!! والله لو انها ملاذك كنت ما خليتها ببيت لحالها و انت مو مأمن الابواب و الطيق
انفجر ابو ملاذ و قال: رجال غريب داخل عليها و اتصلت عليك اكثر من مره و ما حصلت منك جواب و اتصلت علي بس وش الفايده فات الاوان بنتي الوحيده راحت بسببك من وراك بنتي راحت من حرصك عليها!!!.
سعود: رجال غريب!!
ابو ملاذ: ايه يا...
قاطع ابو ملاذ سعيد الي مسك يد ابو ملاذ وهو يهديه
سعود كان مصدوم و نزل راسه و ناظر يده و كان لابس ساعه رياضيه و ناظر الساعه و جاه فلاش باك قبل شهر
____________________________
قبل شهر
سعود: فتحي عينك
ملاذ شهقت: ساعه ابل رياضيه!
سعود: اي
ملاذ حضنت سعود: شكرا يا احلى زوج بعالم
سعود: تستاهلي اكثر و اكثر
ملاذ باست خد سعود
_______________
نرجع للحاضر
سعود طلع جواله و فتح تطبيق الساعه و الموقع و حط نمط ساعه ملاذ و كانت تبعد عنهم ساعه و نص
سعود فز و قال : ملاذ!
ابو ملاذ التفت و قال: وش؟
سعود: حددت موقع ملاذ
ابو ملاذ: كيف!! يلا بسرعه قوم
قام سعود و ركب السياره و كل رجال الشرطه و تحركو و لما قربو من موقع ملاذ فجاء موقع ملاذ بدا يتحرك
_______________________
عند ملاذ
كان عبدالرحمن يضربها بقوه و بدون رحمه و ملاذ منهاره و مو قادره تدافع عن نفسها و فجاء اغمى على ملاذ و عبدالرحمن شالها و ركبها السياره و حرك فيها و ناصر و فداء بسياره ثانيه و وراهم
___________________
عند سعود و ابو ملاذ كان ابو ملاذ يسوق بسرعه و كان ماسك خط سفر و كان يشوف سيارات كثيره و كلهم مسافرين و مشى ابو ملاذ و تخطى سياره عبدالرحمن و فز سعود و قال: هاذي ملاذ و اشر على السياره الي وراهم الي هي سياره عبدالرحمن
و ابو ملاذ لحق عبدالرحمن و بحركه سريعه خمس و جا قدام سياره عبدالرحمن و كل الدوريات حاوطو السياره و نزل سعود ركض و فتح باب السياره و شاف ملاذ و سحبها لحضنه و صار يبكي كانه بيبي صغير يبكي بحرقه و يقول: كنت بخسرك يا الملاذ كنت بخسرك يا ملاذ
و كان يفحص نبضات ملاذ و كانت عاديه و احس بدنيا رجعت له لما ملاذ حاوطت رقبه سعود و قالت بصوت مبحوح و تعبان و باكي: ليه يا سعود ليه تفرط ب ملاذك ليه
سعود اخذ نفس عميق و قال: مستحيل افرط فيش مستحيل افرط فيش ونتي ملاذي
ملاذ كانت دموعها تنزل و منهاره و جسمها يوجعها و مو قادره تتحرك و كان سعود يحضنها و يبوس راسها و يبكي و يحمد. ربه
و قاطعه ابو ملاذ الي مسك ملاذ و بعد سعود عنها و قال: الحين صارت ملاذك و حبيبتك اسمع الحين تطلق ملاذ الحين
سعود فز و قال: وش طلاق الله يهديك يا عم!!
ابو ملاذ: انت مو كفو و مو قد الامانه ولا صنتها طلق ملاذ الحين
ملاذ فز لما سمعت ابوها يقول طلاق و كانت تناظر سعود و سعود كان منزل راسه و مقهور من كلام ابو ملاذ الي سند ملاذ و اخذها السياره و ركبها و ملاذ كانت تعبانه و منهاره و جسمها يوجعها و كل اثار الضرب آلي على جسمها
عند ابو ملاذ رجع عند سعود و قال :بكرا اشوفك بيتي و ما تطلع غير ونت رامي يمين الطلاق
سعود وقف و باس راس ابو ملاذ و قال :يصير خير يا عم يصير خير
و راح سيارته و ركب و شاف ابو ملاذ ركب السياره و حرك و هو يحس قلبه يبعد عنه و هو يشوف السياره الي فيها ملاذ تبعد عنه
ولما سيارة ابو ملاذ اختفت عن الانظار  انهار سعود و نزل على ركبته وهو منزل راسه فز سعيد وهو يسند سعود و يوقفه على رجله
سعود: انا يشكك برجولتي و يهيني قدام حرميّ
سعيد: لا لا ياسعود انت فاهم غلط اكيد خالي خاف على ملاذ لا تنسى انها بنته و وحيدته
سعود اشغلت نيران بقلبه و مسك رقبه سعيد وهو يشد عليها و يصارخ بوجهه: ولد! اقسم بالله لو جبت اسم حرميّ على لسانك مره ثانيه مايصير خاطرك طيب
سعيد مسك يد سعود و ابعدها بقوه و قال:طيب حقكك علي الحين انت روح بيتك و ارتاح و بكرا يصير خير
سعود سكت بضيق و هو يشوف سعيد يتوجه ل سيارته و التفت سعيد وهو يقول:يلا؟
سعود مسح على وجهه و شنبه و قال:مابي ادخل البيت وهي مو فيه
سعيد ارتخت ملامحه و قال:طيب تعال وين تبي تروح
سعود: البيت الي يحتويني دايم
سعيد ابتسم بخفه و ركب السياره و سعود ركب سيارته و حرك سعود و راح متوجه الى منزل طفولته و صادف وجود اهله (امه و ابوه و خواته) دخل سعود بيت الجد رائد و استقبلته الجده وجدان
الجده وجدان:حي الله سعود 
سعود باس راس جدته و قال : حي نباش ياجده
الجده وجدان وهي تناظر حول سعود اشرت لسعود بيدها نزل سعود ظهره و تساوى بطول جدته وقال: سمي؟
الجده وجدان همست باذن حفيدها : وين ملاذك؟!
سعود رفع ظهره و قال: الحمل متعبها شوي
اكتفت الجده وجدان بانها تهز راسها بتفهم  و ابتسمت بمجرد انها سمعت الجدرائد سعيد يرحب بحفيده و دخل سعود القسم الثالث و شاف اهله وقعد معهم قرب سعود من ابوه وهو يبوس راسه و يسلم عليه ابو سعود رفع نظره لولده و استغرب ملامح الحزن الي كانت مرسومه على وجهه رسم و ابدا مو لايقه عليه
قعد سعود و بعد دقايق
ابو سعود: سعود يا ولدي تعال ابيك شوي
سعود هز راسه بنعم و وقف. و راح مع ابوه ل الحوش
ابو سعود باستغراب من ملامح سعود الي بان عليها الحزن: ياولد وش بلاك
شهق ابو سعود بقوه لما طاح ولده  بحضنه دليل هبوط في ضغطه و دمه سنده ابو سعود بصعوبه و جلسه على الكنب وهو منفجع اول مره يشوف سعود منهار! انهار سعود بين يدين ابوه طلعت لهم حنين و انفجعت و طارت عيونها لما شاف سعود اخوها و عضيدها منهار راحت له بسرعه و وهي اول مره تشوف سعود بهاذي الحاله؛ ضمته و سعود حاوطها  وهو يدفن وجهه بكتف اخته و بكى! بشكل مرعب يشاهق كانه طفل كانت تطبطب على ظهره و تحاول يهديه ابو سعود عض شفته بقهر وهو ما تحمل يشوف ولده البكر الي دايم ينضرب فيه المثل برجوله و الشهامه ماتحمل ابدا يشوفه منهاره كذا؛ و حنين كانت مصدومه سعود شلون ضعف كذا و سكتت لثواني و تذكرت احدا الخواطر الي قراتها الي كانت عن الحب و قديش هو متعب و مهلك و  كانت تسال نفسها معقوله الحب مهلك و مضعف هذه الي يصير مع سعود 
ابو سعود : وش مبكيك ياولدي تكلم قول
سعود وهو يضرب على صدره بقوهه: اتعبني حبها يبا تعبت من حبها و في النهايه يجي ابوها و ياخذها مني يبا ليش
ابو سعود طير عيونه منفجع و مو فاهم ولاشي من الي قاله سعود
حنين ابتسمت بخفه و ضمت سعود و قالت: واخيرا ياسعود طحت و ذقت الحب
سعود: ذقته و طلع مر ياحنين
يا عسى ما تذوقينه الا مع الي
يصونش و يحفظش
بعد نص ساعه هدا سعود و رجع ضغطه لطبيته و وقف على رجله و رجعو داخل و قعد سعود مع جدته و جده ل ساعه بين سوالف و اخبار و بعدها طلع سعود وراح متوجه ل البيت و دخل و قال بصوت عالي هز البيت  :ملاذي
و حس بدنيا ضاقت فيه لما ما سمع الجواب (ياعيون ملاذك )
دخل الغرفه و هو مقهور و شاف باب الحمام مكسور و دخل و شاف جوال ملاذ و اخذه و فتحه و شاف صوره هو و ملاذ مع بعض و انقهر اكثر و اكثر و جلس على الارض و قال: انا السبب انا السبب انا اسف يا الملاذ بس مو انا الرجال الي يستاهل وحده زيش. ياملاذ و ثابت راح يبقى لش و متاكد انش راح تربيه احسن تربيه و انهار و مدامعه تنزل زي البركان ترق خده و رفع نفسه بصعوبه و راح لسرير و انسدح و هو مقهور و مو قادر ينام و يفكر ب ملاذ
______________________________________________
عند ملاذ وصلت مع ابوها ل البيت و دخلت و ام ملاذ شهقت لما شافت ملاذ و قالت
ام ملاذ: وش صاير فيش يا بنتي!!
ابو ملاذ: مو وقته خلي ملاذ ترتاح و انا بقولش الي صار
ملاذ دخلت غرفتها القديمه و انسدحت على السرير و كانت تفكر ب سعود و تقول: معقول سعود بيطلقني!! بس هو قال مستحيل يفرط فيني! اوفف اللهم اني استودعتك سعود اولا و ابني ثانيا
وحاولت تنام و يمين و يسار و قدرت تنام
___________________________________
ثاني يوم
صحى سعود من النوم و شاف يمين و يسار و ما شاف ملاذ
و ضاق لما تذكر الي صار امس و قام و راح الحمام و كان الباب مكسور و جوال ملاذ بمكانه و اخذه سعود و حطه على الطاوله الي جنب الحمام و اخذ عده الحلاقه و منشفه و راح الحمام الثاني و اخذ شور و حلق دقنه و رجع الشنب زي قبل و رجع سعود قبل الزواج و قبل يحب ملاذ و لما خلص طلع من الحمام و راح غرفته و لبس ثوب و شماغ و ركب السياره و حرك لبيت ابو ملاذ و هو بطريق اخذ جواله و دق على ابو ملاذ و رد و قال سعود بصوته الرخم: انا بطريق
ابو ملاذ فز من صوت سعود و قال بصوت ثابت : كويس لاني كنت بتصرف تصرف ثاني لو ما جيت
سعود: ماله داعي انا بطريق
ابو ملاذ كان بيتكلم بس سعود قفل بوجهه و بعد عشر دقايق وصل سعود بيت ابو ملاذ و دق الباب و فتح ابو ملاذ و قال: حي الله سعود تعال ادخل
دخل سعود و كان وجهه بارد و مافي اي تعابير و قال ابو ملاذ: دقايق بس انادي لك ملاذ و راح عند الدرج و قال: يا ملاذ....... ملاذذذ
ملاذ كانت بغرفتها و فزت و طلع ل ابوها و قالت: سم يبا
ابو ملاذ: تعالي سعود هنا
ملاذ فزت لما سمعت اسم سعود و طارت و نزلت بسرعه و لما شافت سعود طارت عليه تبي تحضنه و ضاقت لما سعود صد و ابوها مسك كتفها و قال: خلصني بسرعه
سعود كان مقهور من داخله بس مو مبين شي و واقف بثبات و قال: ملاذ
ملاذ: ياعيون ملاذك
سعود ضاق لما سمعها. و قال بداخله: احبك يا الملاذ بس والله مجبور
و قال بصوت عالي : ياملاذ انتي طالق
فزت ملاذ لما سمعت الطلاق انهارت و صارت تبكي و تقول: لاااا يا سعودد لاااا انت قلت مستحيل تفرط ب ملاذككك ليه يا سعوددد ليه ميننن يداوي جرحيييي ليشش يا سعوددد ليششش تفرططط ب ملاذكككك ليهههه
ابو ملاذ ابستم و مسك ملاذ وهو يمثل الحزن و قال: بس يا ملاذ بس انتي تستاهلين احد احسن منه
ملاذ كانت تبكي و تقول: تكفى يا سعود انا ملاذكك ملاذكك و ام ثابت ولدكك ولدككك يا سعوددد كيفففف يعيشششش بدوننننن اب كيفففف يا سعوددد كيفففف
قاطقعها ابوها الي دخلها الغرفه و سكر الباب وملاذ كانت تبكي و تضرب الباب و مقهوره و تقول: الله حسيب الي حسدني و حسدك يا سعوددد الله حسيبه
______________________
كان مقهور و حس بنار تحرقه لما سمع بكي ملاذ و كان يحس انو خيب ظنونها و ضاقت عليه الدنيا و تلطم بشماغه و طلع و دموعه كانها بركان  تحرق  عيونه و ركب سيارته و ضرب الدركسون و هو  و مقهور و يصارخ و نزل راسه على الدكسون ودموعه تنزل و راح متوجه الى بيت ابو سعود
دق الباب و فتحت له لين و فزت لما شافت عيون سعود حمراا
لين: يمااا!  سعود وش فيك
سعود باس راس اخته و قال: انا بسافر و ماني غير بعد ثلاث شهور سلمي لي على امي و ابوي و حنين
لين: على وين! و ليش مسافر
سعود: عندي شغل مهم و برجع
لين: و ملاذك؟!
سعود: في بيت عمي محمد
لين: باس خذ اخوها و قالت: استودعتك الله ياخوي
سعود ابتسم و باس راس اخته و طلع و ركب سيارته
و دق سلف و حرك و رجع البيت و دخل غرفته و اخذ كل اغراضه و حطها بشناط و حطها بسياره و ركب السياره متوجه الى شرقه المملكة و كان يطلع حرته ب السوقه كان ماسك خط سفر و يمشي 190 و 200
(انتهى البارت ال سابع عشر)
كل عام وانتم بخير وصحة و سلامه 💕