نترك ابو روضه و نرجع ل بيت الجد رائد الي كانت اصوات الفرح و السعاده الي مافارقت بيت الجد رائد و الضحك و وناسه و الاستهبال و الدلع و السوالف و رقص و اغاني عند البنات كانو جالسين و يشربون قهوا و خلصت القهوا
سلمى:جود تفكين قومي جيبي قهوا و في حلويات في الدرج جيبي الحلويات مره وحده
جود :اوففف طيب
و قامت جود و بيدها دلال قهوا فاضيه و وصلت ل المطبخ و كانت و دخلت و انخرشت لما شافت سلطان طالع من المطبخ و بيده صحن فناجيل و فزت جود لما شافت سلطان و رجعت بخطوات بسيطة و سلطان الي صار صنم في مكانه و كان يناظر جود الي كان بكامل زينتها و جميله لابعد الحدود و كانت حرفيا كشوخي كشخه العيد و جود الي صدت عن سلطان و عطته ظهرها و راحت تركض و وجهه احمررر و سلطان الي حط جود برأسه بس محد أنتبه ل باسم الي كان واقف ورا باب المدخل و شاف كلشي و لما شاف نظرات سلطان ب جود كيف كانت مليانه اعجاب كانها مو اول مره يشوفها ابتسم باسم بخبث و رجع ل مجلس الرجال و قعد و بعدها ب ثواني دخل سلطان و حط صجن الفناجيل و جلس و هو يفكر ب جود و يجي بعيونه فلاش باك ل شكلها و جمالها و نعومتها و ما كان يدري عن باسم الي يناظر فيه بخبث و حقاره و يبتسم
عدت الليله على خير و كل واحد اخذ أهله و رجع البيت
____________________________________________
بيت ابو روضه
دخل خلف غرفته و نزل شماغه على السرير و هو فرحان و وقف قدام المرايا و هو يفكر ب رهف و جمالها و أنوثتها و أنها صارت حلاله و اخذ جواله و راح متوجه ل غرفه روضه و قبل لا يدخل سمع صوت روضه و كانت تضحك و تسولف مع خالد و استهبال و ضحك ابتسم خلف لما سمع صوت روضه تضحك و فرحانه دق الباب
روضة :تفضل
دخل خلف و قال : وش عندس
روضة:ولاشي
خلف :كيف معس رقم رهف
ضحكت روضة و هي تفتح رقم رهف و أعطته و ابتسم خلف و هو يأخذ رقم رهف بكل تركيز عشان ما يغلط ب رقم واحد و لما خلص طلع من الغرفه و هو متحمس و راح غرفته و اخذ نفس عميق و دق على رهف
______________________________________________
عند رهف وصلت البيت و دخلت و حطت اغراضها بتعب و وقفت قدام المرايا و هي تنزل الاكسسوارات حقتها و قالت :جود اليوم وش فيش رجعتي من المطبخ و وجهش احمر
جود تذكرت سلطان و نظراته لها و قالت :ها ءء ولاشي
ابتسمت سلمى و قعدت جنبها و مسكت وجهه و قالت : جود ناظري فيني قوالي مين شفتي
جود توتر و قالت :ء ء م.م.محد
رهف لفت على جود و قالت :اعترفي ترا مرههه واضح تكلمي
جود اخذت نفس عميق و قالت :شفت سلطان
فزت رهف سلطان !!
جود :اي
سلمى:و هو شافش ولا
جود : شافني و شفته و...
قاطعتها رهف الي قالت :تمت الشرفه الشرعيه خلاص
جود :لا سلامات يا كوكو أساس مابي اتزوج تو دخلت ال ١٩
سلمى:اي عادي يخطبش سنه كامله و بعدها يتزوجش
رهف : مو كل الرجال نفس عزيز
جود و هي تحاول تغير الموضوع: اي صح وش صار على عزيز
سلمى:مدري بس امي بتكلم ام عزيز و بيجي يتقدم رسمي بس مدري متى
رهف :في النهايه سحب عليها و ما درى عنها
جود :لا حرام عليش لا تقولين كذا
سلمى:وجع رهف
رهف :طيب خلاص اسفين
قاطعهم صوت جوال رهف و كان رقم غريب استغربت رهف
سلمى:ايش في
رهف :رقم غريب
جود :افتحي سبيكر
ردت رهف و فتحت سبيكر و قالت
رهف :الو
فزت خلف لما سمع صوتها و قال : يا هلا بدهر قلبي حي الله عروستي
رهف : خلف ؟
خلف :قلب خلف
رهف توترت و من التوتر سكرت الخط بوجه خلف و هي تناظر البنات الي كانو ماسكين الضحكه و تسدحو ضحك
سلمى:ههههههههههههه يا زينه يقولش عروستي
جود : اي الله يهديه متحمس
رهف الي كانت مستحيه و وجهه احمررر و ضرب جود ضربه خفيفه و قالت :مالكم دخل
و اخذت جوالها و راحت ل غرفه الضيوف و رجعت اتصلت ب خلف الي رد ب ثانيه و كان خلف يتكلم و يتغزل ب رهف الي كانت مستحيه و سوالف و طقطقه و رهف بعد فترة بسيطه ارتاحت ل خلف و كان خلف يسولف لها عن نفسه و عن أشياء عاشها و عن حياته ل رجل بدوي
________________________________
بيت أم بخيته
دخل باسم البيت و توجه ل غرفته مباشره و فتح درج صغير و كان فيه فلوس و طلع الفلوس و صارو يعدهم
باسم :الف.. الفين ..ثلاث.. اربع ..خمس ..ست سبع .....ثمان ....تسعه .........
.ميه و تسعين ألف ريال مهر لعيونس يا جود و على حسك يا سلطان
و اخذ الفلوس و حطهم ب الصندوق نفسه و انسدح على السرير و هو يفكر ب جود و كيف بيسوي خطته بس عشان يخرب على سلطان
_____________________________________________
عند سلطان الي دخل الغرفه و هو يفكر ب جود و نزل ثوبه و انسدح على السرير و يجي بعيونه فلاش باك ل عيونه الي سحرت قلبه و شعرها الحرير و خصرها المنحوت و أناقتها و جمالها و نعومتها و كلشي يتعلق فيها كانت يفكر فيها و طاير فيها و يحس قلبه معها و حبها و انفتن ب جمالها
___________________________________________
نشوف ابطالنا العشاق
___________________
سعود و ملاذ
كانت ملاذ جالسه و ثابت جالس جنبها و هو يلمس بطنها ب بيده الصغيره و هو يقول :ماما متى راح يثي النونو(ماما متى راح يجي النونو )
ملاذ و هي ماسكه بطنها :قريب انشاء الله
ثابت :طيب بنث او ولث (بنت او ولد )
ملاذ :انت وش تبي
ثابت :ولث العب معه ثيارات (ولد العب معه سيارات )
ملاذ :يعني اذا طلع بنت بتزعل
ثابت :لا عاثي بلعب معها ب الدبدوب (لا عادي بلعب معها ب الدبدوب)
سعود : شاطر حبيب ابوه تعال بقولك شي
تقدم ثابت و جلس بين احضان سعود و قال :ايث (ايش)
سعود :بعد كم يوم ماما بتجيب نونو صغير ونت بتصير الاخ الكبير بتصير الرجال كبير و قوي و النونو الي ماما بتجيبه بكون صغير و ضعيف و بيكون يحتاج حنان و اهتمام كثيررر و في الفتره الي بيكون فيها النونو صغير و ضعيف الماما بتكون معه و تهتم فيه و انا بكون معك و بنعلب مع بعض و نقعد مع بعض
ثابت :و ماما
سعود :الماما بتكون معنا بعد و بيكون النونو معنا بس الماما بتكون مشغوله و انا بكون معك و إذا تبي بعد اخذك ل العمه لين
فز ثابت و هو يصفق و قال ؛عمه لين عمه ليننن
ضحك سعود و بأس راسه و قال :اي العمه لين ......بس ابي نتفق انو في الفتره الي الماما تكون مشغوله فيها انك تكون رجال و تساعد الماما ب الاهتمام ب النونو
ثابت : اتفقنا
سعود :كفو
ثابت دق الصدر :كفوث الثيب (كفوك الطيب )
فزت ملاذ :ياويلي تو دخل 4 سنين و هذه كلامه !!!!
ضحك سعود وقال:تربيه ابوه
ملاذ قامت بتعب و توجهت ب الغرفه و قبل لا تدخل قالت بصوت عالي :امحق تربيه
و دخلت الغرفه و انسدحت على السرير بتعب و نامت و بعد نص ساعه حست ب سعود دخل و حط ثابت ب السرير حقه و دخل سعود و انسدح ب السرير جنب ملاذ و قرب من ملاذ الي كانت مغمضه عيونها بس صاحيه و كان سعود يتامل ملامح ملاذ و هو يبتسم و بأس راسها و هو يضمها ل صدره و نام
________________________
عند مشاري و لين كانو جالسين ب غرفتهم و لين على جوالها و مشاري يهوجس و قاطع هواجيس مشاري صوت لين الي تقول :مشاري
مشاري :سمي يا عيون مشاري
لين :مشاري احنا قبل يومين صار لنا اربع سنين متزوجين
مشاري :اي و ما نسيت
و وقف و فتح الدولاب و طلع هديه و عليها بالونات احمر و جنبه دبدوب حب و ابتسمت لين و اخذت الهديه و فتحتها و كانت عبارة عن ساعه مرههه غاليه كانت بخاطر لين و عطر لين المفضل
مشاري بصوت هادئ و كله حب و عشق ل لين :كل عام ونتي زوجتي و قلبي و حياتي و عيوني و زينه حياتي و حلالي في الدنيا و في الاخره
ابتسمت لين و نزلت راسها تخفي دموعها و فز مشاري و مسك كتف لين و سحبها لصدره و حضنها و هو يقول :لا لا لا بدون دموع
لين كانت تمسح دموعها و بأس خده و قالت :الله لا يحرمني منك ويخليك لي ذخر و سند بعد الله
ابتسم مشاري
لين :بس مو هذه الموضوع الي ابي أقوله
مشاري :اسلمي
لين :مشاري احنا لنا اربع سنين متزوجين و للحين ربي ما رزقنا ب بيبي أنا بديت اشك انو...
قاطعها مشاري و قال :و انا وش ابي ب البيبي هذه انا ابيش انتي بس زوجه لي ب الآخر قبل الدنيا لين تفكين لنا سنين نسمع هل كلام ما عمره اثر فينا لا تخلين كلام يخرب زواجنا و علاقتنا زي الافلام لين أنا أحبش و ما يهمني اي احد يتكلم عن هذه الموضوع و انا ما افكر فيه ولا ادري عنه و ناسي موضوع الاطفال بكامل
لين :بس مشاري احنا و طلال و حنين زواجنا كان بنفس لليله و حنين الحين حامل بشهر الاخير و ولادتها هذه الاسبوع حنين حملت و انا لا مشاري أنا خايفه يكون فيني بلاه
مشاري :لين والله ثم والله لو اسمع منك هل كلام انو نهارش اسود لين أنسي هذه الموضوع ماعلينا منه أنا ونتي عايشين حياه مرتاحين فيها و ما علينا من أحد خلاص انتهى النقاش و نقطه اخر السطر
لين:تمام
ابتسم مشاري و بأس راسها و انسدح على السرير و هو يحضنها و بعد دقايق معدوده نامو هم الاثنين
____________________
عند طلال و حنين
كانو نايمين و فجاء صحت حنين فزت من نومها و هي تتوجع بطنها و ظهرها وفجاء صارخت بصوت. هز البيت :طططلللللاااااالللل ببببببببووووووولللللللددددد اااالللىححقققنننييي ييياااا ططططللللااااااااللل
فز طلال من نومه و قام و فز لما سمع الولاده و سحب عبايتها بسرعه و شالها و طار فيها ل السياره و برمشه عين حرفيا صارو ب المستشفى و نزل طلال و شال حنين و طار فيها داخل المستشفى و هو يصارخ و بسرعه دخلت غرفه الولاده و كانت اصعب ساعات مرت على حنين و كانت تتنفس بصعوبة و تصارخ و طلال برا منهار و خايف على حنين و يدعي و يضلوعه تتكسر بكل مره حنين تصارخ فيها و كانت ولاده حنين صعبه جدا جدا جدا و خطيره و بعد اربع ساعات سكتت حنين و ما عاد انسمع لها صوت فز طلال من هدوء حنين المفاجأة و ما كان بيده غير انو يستقبل ألقبله و يسجد و قال و دموعه تنزل :اللهم يا مسهِل الشديد ويا مليِن الحديد ويا منجز الوعيد يا من هو كل يوم في أمر جديد أخرج زوجتي من حلق الضيق إلى أوسع الطريق، بك تدفع ما لا تطيق .......اللهم اني استودعتك حنيني و طفلي
و كانت دموعه تنزل و ساجد على الأرض و يدعي و بعدها ب ساعتين طلعت الدكتوره :طلال بن حسين ال رائد
فز طلال و وقف على رجوله الي بموت تشيله
ابتسمت الدكتوره:الف مبروك توأم بنات زي القمر طالعه على امهم ماشاءالله
فز طلال و صار يصارخ زي المجنون :تتتتتؤام!!!!تتتتتوأمممم!!!!!
و مو مصدق و سجد و هو يقول :سجد وجهي للذي خلقه وشق سمعه وبصره بحواله وقوته
و كانت دموع تنزل و مو مصدق أنو ربي عوضهم بتوأم بدال الجنين الي توفى
بنسوي سكب سكب سكب
_______________________
وقع طلال على شهاده ميلاد البنات و شافهم و كانو مرهههه يشبهون حنين و فيهم ملامح الخجل من العمه عبير و مرههه يجنون و نايمين جنب بعض و شكلهم مرهههه كيوت
___________________
ثاني يوم كل ال رائد و ال حمد عرفو ب ولاده حنين و أنها جابت توأم بنات و كانت أسمائهم :(سمر و قمر ) و كانت قمر اكبر من سمر ب ست دقائق
و كان لازم يضلو ب المستشفى اسبوع و حنين تقدر تطلع بعد اربع ايام و هذه الي صار بحكم أنو حنين ما تطيق المستشفى و بعد اربع ايام طلعت من المستشفى بس بناتها بعدهم ب المستشفى و بعد ثلاث ايام تحديدا اليوم الي بيطلعو سمر و قمر من المستشفى كان وقتها في عزيمه في بيت الجد رائد عشان سلامته حنين و صحه البنات و بيوم الي طلال بيروح يجيب فيه البنات كان طلال جالس مع الرجال و استئذن و طلع و ركب سيارته و راح متوجه ل المستشفى و بنفس الوقت كان سعود جالس بين الرجال و يقهوي هذه و يقلط هذه و شغل من يمين و يسار و نسى التهديد الي قبل ثمانيه شهور
____________________________________________________
نترك آل رائد و ال حمد خلونا نشوف وش يصير ب المستشفى
كان كلشي طبيعي و يمشي طبيعي في المستشفى و فجاء دخلت واحده لابسه عبايه و نقاب و معها واحد لابس ثوب و شماغ و مشخص و تقدمو ل الاستقبال
عبد الرحمن الي كان يمشي بثقه ولا كانو راح يرتكب جريمه كان يضحك بداخله وهو فرحان لانه يكمل مسيره امه حتى بعد وفاتها عكس رنا الي هربت من عبد الرحمن و من جها ثانيه عبدالرحمن ما كان مهتم ل رنا دخل المستشفىو كعه فداء وصلو ل الاستقبال و قال بصوت رخيم :للسلام عليكم ممكن اسال عن التوأم البنات الجداد
الاستقبال :اي طبعا بس الاسم
عبد الرحمن ابتسم بخبث و قال :طلال بن حسين ال رائد
الاستقبال:اسم الزوجه
فداء بصوت حقير و خبيث :حنين بنت خليل ال رائد
الاستقبال: الاثبات
التفتو عبد الرحمن و فداء وهم ينتظرون ببعضهم بخبث و طلعو جوالتهم و دخلو على الاستديو و التوأم البنات سمر و قمر
عبد الرحمن:أي نعم
الاستقبال: الدور الرابع روح يسار بتكون الحضانه على يمينك
عبد الرحمن ابتسم ب شر :شكرا
و راح و هو فداء و وصلو ل الحضانه و شافو التوأم و ابتسمو بخبث و ناظرو بعض
عبد الرحمن:لو سمحتي
المساعده :تفضل اخوي
عبد الرحمن:طلعي بناتي الاثنين التوأم
المساعد:اكيد بس الاسم و اسم الزوجه و اسم البنات
عبد الرحمن بداخله :تحقيق هو
و قال بصوت مسموع :اسمي طلال بن حسين ال رائد و اسم زوجتي حنين بنت خليل ال رائد و اسم البنات سمر و قمر
ابتسمت المساعده و تقدمت ل التوأم و طلعتهم ل عبد الرحمن و فداء و قالت و هي تبتسم :الف مبروك بتربون بعزك
ابستم عبد الرحمن و اخذ سمر و فداء اخذت قمر و كانو بيطلعون بس فزو لما شافو طلال يدخل من مدخل المستشفى و فزو و و رجعو بداخل المستشفى و كانو يتلفتون يمين و يسار و مو عارفين وش يسون و لفت انتبه عبد الرحمن مخرج الطوارئ و ركض طار ل المخرج و فتح الباب و بسرعه فداء طلعت و بيدها قمر و نزلو من الدرج بسرعه و طلعو و شافو طلال و هو يدخل داخل و بسرعه طلعو و ركبو السياره و شافو ناصر الي كان ينتظرهم و قال
ناصر :سلامات يا ابوي سنه على ما ترجعون
عبد الرحمن:كلزق و اخذ الزفت ذي
و أعطه سمر و بسرعه شغل السياره و طار برا المستشفى و لما بعدو عن المستشفى عبد الرحمن و فداء و ناصر صارو يضحكون ب شر و خبث
______________
في المستشفى
دخل طلال و هو يبتسم و قال :السلام عليكم
الاستقبال:وعليكم السلام كيف اقدر اخدمك
طلال : جاي اخذ بنات اثنين توأم
الاستقبال:توأم ؟!!
طلال استغربت :اي
الاستقبال:رزان و روان ؟
طلال: لا قمر و سمر
الاستقبال:كيف سمر و قمر
طلال :وش الي كيف بناتي توأم سمر و قمر جاي أخذهم
الاستقبال :طيب ممكن الاسم
طلال :طلال حسين ال رائد
الاستقبال:متاكد ؟!
طلال : اسمي بعد تبيني أنسى اسمي
الاستقبال:اسم الزوجه
طلال:حنين خليل ال رائد
الاستقبال فهم انو الوضع غلط و قال :تمام شوي بس
و صد و اخذ التلفون و اتصل على الحضانه :اسمعي التوأم البنات سمر و قمر بعدهم موجودين ولا
المساعده :لا الام و الابو أخذهم
فز الاستقبال: في واحد واقف عندي و واضح انو ما يمزح و يقول انو سمر و قمر بناته
المساعده :كيف !!
الاستقبال: قفلي الابواب و الشبابيك ممنوع الدخول أو الخروج لغايه ما نعرف اذا اذا البنات موجودين ب المستشفى ولا لا
المساعده :تمام
_________________________________
تم كلشي و كل الابواب تسكرت و الشبابيك و كان طلال واقف و مو فاهم شي و مستغربت وش السالفه و بعد ساعتين وصله اتصال من سعود و رد طلال و هو على اعصابه
سعود :يارجال وينك لك ساعتين من رحت تجيب بناتك ولا عاد جيت
طلال:والله مدري وش اقول بس الوضع مو طبيعي في المستشفى
سعود :كيف يعني
طلال:يقولون انهم قفلو الابواب و الشبابيك ممنوع الدخول و الخروج و لي ساعتين اسال عن بناتي و يقولون دقايق بس و سمعت الاستقبال يكلم الامن يحرسون كل الابواب عشان محد يطلع شكله صاير شي بس مدري وشو
سعود :طيب بناتك
طلال:اسالهم يقولون بس دقائق و يحطون حجج كثيره و انا على اعصابي تكفى يا سعود تعال انت و خالي ابو ملاذ باسرع وقت قبل لا افجر فيهم
سعود. :طيب طيب الحين جاي
و قفل سعود و طار ل ابو ملاذ
سعود :يا عم تعال معي بسرعه
فز ابو ملاذ :وش فيه !!
سعود : تعال معي و افهمك
و بسرعه طارو ل السياره و هم بسياره سعود فهم ابو ملاذ كلشي و ابو ملاذ اتصل على البرج الي يشتغل فيه و طلب منهم يرسلون خمس دوريات ل المستشفى و قال اسم المستشفى الي طلال فيها و هذه الي صار ب خمس دقائق الدوريات حاصرت المستشفى و نزلو و صارو يفتشون المستشفى شبر شبر و خلصو و ما كان في أثر ل البنات و ل عبد الرحمن و فداء ابدا مافي احد و طلال انفجر و صار يصارخ ب المستشفى و يسأل عن بناته و قوم الحرب العالمية في المستشفى
__________
عند سمر و قمر كانو نايمين و مو حاسين ب شي و فجاء صحت سمر و كانت تبكي و صحت قمر معها و صارو يبكون و ناصر يحاول يسكتهم بس كانو يبكون و مو راضين يسكتون و ناصر تنرفز منهم و صارخ بوجه قمر :يابنت اسكتييي اشغلتي امييي و قمر صارت تصارخ أكثر و تبكي
عبد الرحمن و هو يسوق:يا كلب لا تصارخ على البنات
ناصر : طيب سكتهم انت
فداء: جيب البنت
ناصر أعطاها قمر الي كانت تبكي و خايفه و فداء تحاول تسكت قمر الي كانت تبكي و تصارخ
عبد الرحمن:سكتيها لا ارميها مع الشباك
فداء: يا هوو. ايش في امها ذي مو راضيه تسكت
عبد الرحمن:دبري نفسك سكيتها
قمر كانت تبكي كانت بيبي تو عمرها اربع ايام و خايفه من الصراخ لانهم كانو يصارخون و سمر برضو كانت تبكي و ناصر يحاول يسكتها و بعد ساعتين وصلو ل المخيم حقهم و جلسو فيه و كانت البنات يبكون و ناصر و فداء تعبو منهم
ناصر :يا ابوي رجعهم ل امهم اشغلو امي ب الصياح
عبد الرحمن:تستهبل انت اقول سكتهم و لا يكثر
ناصر عصب و رمى سمر على عبد الرحمن و قال :أخذها و سكتها انت انا رايح
عبد الرحمن:هي انت على وين
ناصر :برجع بيتي
عبد الرحمن:تستهبل مافي غير سياره وحده
ناصر :اي و السياره سيارتي ضف وجهك
فداء:هي تستهبل انت اذا اخذت السياره احنا وش نسوي
ناصر :مدري عنكم
و سحب مفتاح السياره و طلع و طنش عبد الرحمن الي يصارخ :يا ناصر رجع السياره يا كلب
ناصر ما اهتم ل كلامهم و ركب السياره و حرك السياره
و عبد الرحمن الي رمى سمر على فداء و راح يركض ورا سياره ناصر و يصارخ و ناصر ما اهتم له و راح و السياره اختفت من الانظار و عبد الرحمن رجع ل فداء و هو معصب و كان يصارخ بوجهها و فداء تصارخ و كانو يصارخون على بعض و البنات يبكون
(انتهى البارت الثلاثون)
أنت تقرأ
اثاريني ياسعود عشت الوهم كله
Romansaروٌآيَتٌيَ آلَآوٌلَﮯ سِعٌوٌدٍ & مًلَآذِ کْتٌبًتٌ بًوٌآسِطِهّ : ~ فُضةّ آلَسِلَمًآنِ ✍️
