اثاريني ياسعود عشت الوهم كله

البارت الثالث

و قاطعهم اتصال حنين و هيا تسال عن سعود
سعود ترك ملاذ و ملاذ كانت مو مستوعبه شي و سعود نفس الشي رد سعود على الجوال
حنين:الو سعود وينك احنا برا
سعود:ها !! ءء رحت اجيب اغراض الحين برجع دقايق بس
حنين:طيب و ملاذ وينها
سعود: ملاذ! معي معي الحين راجعين
سعود قفل الخط و كانت ملاذ بحضنه و مو مستوعبه شي و كان سعود يتأملها و كيف هيا ولاشي مقارنه بحجم سعود الي كان جداا ضخم و ملاذ نقطة في بحر سعود ابعدت ملاذ عن سعود الي رجع يركب مكان السائق و كانت عينه على ملاذ و رجع لسوق و اخذ لين و حنين
و كانو بنفس الترتيب لين قدام و حنين وراها و ملاذ ورا سعود و ركبت لين و كانت تبي تركب الحزام بس علق عليها و سعود كان بيساعدها و قرب و كان يحاول يشوف وش سالفه الحزام و فجاء لين شهقت
سعود:وجعع!!
لين:ريحت مين هاذي الي عليك
سعود جاته لحظه ادراك باختلاط عطره بعطر ملاذ
سعود بغضب : والله الشره مو عليش علي انا الي مطيش وجهه ونتي و اختش و دلعكم الي ما يخلص
لين: لا لا خلاص اسفه والله طيب خلاص يلا خلنا نرجع البيت
سعود شغل السياره و حرك متوجه الى البيت و طول الطريق و عينه على ملاذ الي وجها صار احمرررر و استحت و تفشلت
كان الصمت سيد المكان و كسر الصمت لين وهي تقول
لين:ملاذ وش رايش تجين عندنا نجرب الفساتين و نشوف مين احلى فستان
حنين:اكيد ملاذ في أحد يقدر يتحداها بجمال
ملاذ:فديتك حنين ..... تمام خلاص
__________________________
في بيت ابو سعود كانو البنات يشوفون الفساتين و يضحكون و يعلقون على بعض و ضحك و استهبال و مسوين الغرفه معرض ازياء
__________________________
مر شهر بدون احداث مهمه في ال رائد و قبل الخطوبه باسبوع
كل ال رائد سافرو الإمارت و منهم سياره و منهم طياره و منهم قطار
و وصلو و كلهم راحوا بيت ابو ناديه (ام ملاذ)
و كان البيت كبير من ثلاث ادوار و فيه حوش كبير و بيت
شعر و مقلط رجال و قسم حريم
ترتيبهم في الأدوار
________________________
الدور الاول يسكن فيه ابو خليل و ام خليل لوحدهم
________________________
الدور الثاني يسكنه ابو سعود و عيله
_________________________
الدورالثلاث يسكنه ابو ملاذ و زوجته و بنته
__________________________
الدور الرابع اكبر دور من حيث المساحه تسكنه العمه عبير وبناتها وعيالها
________________________________________________________
بيوم الخطوبه راحو البنات المشغل الي حجزوه كاملل لهم و بعد 8ساعات خلصو و اخيرا و كانت الجده وجدان و ام سعود وام ملاذ قاعدين يقسمون و بكم سياره بيروحون و صار التقسيم على سيارتين
سياره ابو سعود للحريم سياره سعود للبنات
________________________
وصل سعود و ام سعود قالت للبنات و ملاذ طلعت لانها لابسه عبايتها من قبل و البنات كانو يلبسون العبايات و ملاذ طلعت و ركبت السياره
ملاذ:سلام عليكم
سعود ابتسم و قال :حي الله ملاذ
ملاذ ابتسمت بخجل :حب نباك
ابتسم سعود الي كان يتامل عيون ملاذ من المرايا عيونها الي تزينت بلون الكحلي مطابق ل فستانها و سحبت عيونها الحاد و جمالها و فخامتها قاطع تامله البنات الي يركبو السياره و بمجرد اكتمال عددهم حرك سعود متوجه ل القاعه
_______________________________________________________
في القاعه وصلت ملاذ و نزلت و راحت لغرفه العروس و دخلت و زغرطت لما شافت جنى و كانت تجنن و جميله لابعد الحدود كانت مسويه مكياج بسيط و تسريحه ناعمه و فستانها ذهبي فاتح و منفوش و دخلت ملاذ عليها و قالت
ملاذ:الف مبروك يا عروسه
جنى:الله يبارك فيش يا قلبي
ملاذ:ياربي قديش طالعه تجنني
جنى:والله انتي فزتي علي بجمال
ملاذ:شدعوه ترا مكياجي ناعم كثيرر
جنى:و هذه الحلو فيج مكياجج ناعم و يطلع حلوو
ملاذ:انتي الحلوه والله
راحت ملاذ و وقفت تسلم و ترحب بضيوف مع الجده وجدان و امها و البنات
و لما خلصو دخلت ملاذ و اشتغلت الغنيه الي تحبها لابعد الحدود و دخلت ملاذ على المسرح و بدأت ترقص و تتمايل و خطفت كل الأنظار بجمالها و دلعها و كانت ترقص و تتمايل و تغني ؛
_______________________
الفاتنه الي على قلبي تمون
هي صباح الخير ولا الخير هي
ناظرتني و سلهمت بذيك العيون
الغزل و الشوق و اسرار الحكي
الفاتنه الي على الدنيا مشت
كأنه ما مثلها أحدا مشى
_________________________
و فجاء ندتها خاله كبيره بعمر و صارت تسال عنها
ام عبد الرحمن:كيفك يابنتي ايش اخبارك
ملاذ:تمام يا جده الحمدلله
ام عبد الرحمن: ماشاءالله تبارك الرحمن تجنني كم عمرك
ملاذ:عمري 24يا خاله
ام عبد الرحمن :ماشاءالله العمر كله ......انتي متزوجه ؟
ملاذ فهمت إنو ام عبد الرحمن تبي تخطبها و قالت :ءء اي يا خاله متزوجه
إم عبد الرحمن:ماشاءالله.و مين زوجك ؟؟
ملاذ:ءءءء سعود ال رائد
ام عبد الرحمن:سعود ما غيره ولد خليل
ملاذ :اي يا خاله
ام عبد الرحمن: تمام يابنتي يعطيك العافيه و الله يديمك لزوجك
ملاذ راحت بسرعه و هيا متوتره و راحت عند سلمى و شوق و قعدت
سلمى:الوضع فيه سعود صح
ملاذ:لا فيه ام عبد الرحمن و سعود
سلمى شهقت :ام عبد الرحمن!!!!
ملاذ:اي
سلمى:وش قالت لش
ملاذ:كانت تبي تخطبني
سلمى:ونتي وش قلتي لها
ملاذ: كل عاده قلت لها اني متزوجه
سلمى: طيب هذه معروف
ملاذ:والله قلتها بلغط
سلمى:وش قلتي
ملاذ:والله بلغلط قلت سعود والله
شوق:قلتي انك زوجه سعودد!!!!
ملاذ:بلغطط
شوق:يا غبيه ام عبد الرحمن ذي بخور ما بتبقي ولا بتخلي احد غير و تقوله
ملاذ مسكت راسها وهي متورطه :ياربي
___________________________
عند ام عبد الرحمن قالتها شوق وهي صادقه ما بقى أحد غير و. قالت له ملاذ بنت محمد متزوجه سعود ولد خليل و وصل الخبر ل عبد الرحمن و راح عند سعود و قال
عبدالرحمن:ليش ما قلت لنا أنك تزوجت
سعود:أنا !!
عبدالرحمن:اي زوجتك بنت العم محمد
سعود فهمها على الطاير :قصدك ملاذ صح
عبدالرحمن:ليش متزوج غيرها
سعود:لا ما عليك للحين ما تزوجت بس خطبت و ماراح اتزوج اذا ما كنت موجود بعرسي
عبدالرحمن:كويس نبي نشوفك ونت عريس
_________________________
عدت الخطوبه على خير بس ملاذ لما ترقص و يجيها خطاب تقول انها زوجه سعود ال رائد و يوصل الخبر للرجال و يسألون سعود و يقول انو خاطبها و لسا ما تزوج و لما انتهت الخطبه ترتبو بسيارات بنفس الترتيب
______________________________
بسياره سعود كانو الموجودين لين و حنين و سلمى و شوق و رهف و جود
سعود لتفت لحنين الي كانت بجنبه: تصدقين يختي طلعت متزوج بدون علمي
حنين استغربت: كيف؟؟
ملاذ انصدمت و ناظرت سلمى و شوق بورطه
سعود:اي والله
حنين: والله مادري وش اقولك يا اخوي حرك و ببيت يصير خير
سعود صد بقوه وهو يشغل السياره
و يسوقها وهو بكل. مره يتذكر الاحراج الي تسببت فيه ملاذ يعصب اكثر و يسد على الدركسون اكثر
في قروب تحت مسمى (✨حفيدات رائد و وجدان✨)
لين:ملاذ منجد قلتي انش زوجه سعود
ملاذ ردت :اسكتي الله يخليش
حنين: اكيد كانت متوتره و ترا كلنا نعرف انها من زمان تقول انها متزوجه
لين:اي بس ما كانت تقول انها متزوجه سعود
ملاذ:بنات تكفون سكرو على الموضوع
نسوي سكب وصلو البيت و كل واحد راح الدور الي يسكن فيه مع اهله
و كلهم توجهو الى النوم بس صارت الساعه 1 اليل وهي منسدحه على سريرها و تنتظر النوم يجيها عشان تستلم له بس ما فاد و زهقت ملاذ من المحاوله و قامت و تحت البلكونه و شافت الحوش الكبير وقعدت تتامل المنظر و البدر الي اكتمل في المساء والغيوم الي حوله رجعت ملاذ داخل الغرفه و اخذت احدا الكتب حقت امها الي كانت عن النجوم و القمر و اخذت شمعتها المفضله و راحت متوجه ل المطبخ و سوت لها كوب شاهي و طلعت و قعدت في الحوش وهي تحتسي كوب الشاي و تفتح الكتاب و تقراه و تستمع باستنشاق ريحه الشمعه المعطره قعدت ملاذ تقرا كتابها؛ مشى وهو يتوجه ل سيارته ناسي شي من اغراضه فيها اخذ اغراضه و لما رجع استغرب وجود حنين واقفه تتمشى جنب الاشجارا تقدم سعود بخطوات سريعه و حاوط خصرها وهو يقول
سعود: وش عندش هنا
شهقت ملاذ وهي تدف سعود
فز وهو كان يفكرها حنين اخته صد بقوه و ضحك لما من شهقتها و قال: وش مطلعش
ملاذ: مالك دخل
سعود: لا والله!!
قاطع حديثهم صوت سياره خالد معلنه وصوله
فز سعود وهو يسحب ملاذ وراه مانع خالد من رؤيتها
خالد: حي الله سعود
سعود: حي نباك يا ولد العمه بس لا تقرب محارمنا
خالد استغرب: وش محارمه؟
سعود: ملا..... قصدي حنين وراي
خالد صد و قال: المعذره
و راح داخل وهو يسرع خطواته لتفت سعود على ملاذ بمجرد دخول خالد داخل البيت
ملاذ: عساك صملت؟
سعود وهو يتامل عيونها السود و شعرها البّن الحرير الي يلاعبه الهوا: عز الله اني صملت
ملاذ احتدت نظراتها لسعود و صدت بقوه و مشت متوجه ل داخل البيت
_______________________________
عدى شهر بدون اي احداث مهمه و بيوم من الايام كان سعود قاعد مع أمه وهو كالعاده يفكر ب ملاذ الي اسوطنت تفكيره و زرعت حبها في قلبه بجمالها
سعود:يما
ام سعود:نعم
سعود:يما ابي تخطبين لي
ام سعود بفرح قالت : الساعه المباركه الي فكرت فيها تتزوج تبي ادور لك عروس ولا في وحده ببالك
سعود:لا والله يما ابي تخطبين لي ملاذ بنت عمي محمد
ام سعود:تم وانا امك اليوم نكلمهم و بكرا نروح نخطبها لك رسمي
سعود:تم يا الغاليه
ام سعود:واخيرا بزوجك. و افرح فيك و اخيرا
سعود بأس راس أمه و قال : الله يديم الفرحه عليش يا أم سعود توصين على شي أنا رايح غرفتي
ام سعود:سلامتك
راح سعود و أم سعود دقت على ام ملاذ
ام سعود:الو
ام ملاذ: هلا هلا ام سعود
ام سعود: شخبارش
ام ملاذ: بخير الحمدالله ونتي
ام سعود: بخير... اسمعي يا ام ملاذ مالش في الطوليه داقه عليش ابي احدد معش وقت و نجي نخطب بنتكم ملاذ لولدنا سعود
ام ملاذ: هاذي الساعه المباركه الي تجون فيها
ام سعود: بكرا يناسب
ام ملاذ: ايه يناسب
المهم تم تحديدا الموعد بكرا في بيت الجدرائد الساعه 1 الظهر
قفلت ام ملاذ مع ام سعود و راحت متوجه ل غرفه بنتها و شافتها قاعده على جوالها
ام ملاذ: حبيبتي ملاذ
ملاذ ابتسمت: سمي يما
ام ملاذ: في خطاب جو يتقدمون لش
فزت ملاذ لما تذكرت سعود و قالت: مين!!
ام ملاذ: سعود ولد عمش خليل
شهقت ملاذ و كتمت شهقتها بيدها و قالت: سعود!!
ضحكت ام ملاذ و قالت: اي سعود
ملاذ سكتت و ابتسمت بخجل و قالت: سعود رجال و النعم فيه بس احس بستخير
ام ملاذ: استخيري بسرعه ترا حددنا انو بكرا يجون و يتقدمون لك بكرا
فزت ملاذ: كيف!! بكرا!
ام ملاذ: اي بسرعه موافقه ولا؟
ملاذ: موافقه
ضحكت ملاذ لما سمعت امها تزغرط بعلو صوتها
ضحكت ام ملاذ وهي تبوس خذ بنتها الي باست راسها بقوه و قالت: يازين الدنيا بفرحتش يا يما
ام ملاذ مسحت على راس بنتها بحنيه و طلعت من الغرفه لما سمعت ابو ملاذ يناديها
و عند ملاذ الي فرحت فرحه ما يعرف فيه غير الله و كيف سعود كان قول و فعل و كان صادق لما كان ينسب ملاذ من محارمه وهي بنت عمه و ملاذ نطت و فتحت دلابها و طلعت نفس الفستان الي سعود شافها فيه اول مره و غسلته و كوته و بخرته بعود و عطرته الياسمين و دخلت الحمام و سوت حمام مغربي و تنظيف للبشره و اخذت شور عن سنه و صارت تلق لق و ناعمه و بيضن و خلصت و طلعت من الحمام و لبست بجامه حرير و ما قدرت تنام من الفرحه و التفكير بحياتها لما تتزوج سعود و بعد تفكير عميق نامت
_________________________________
عند سعود الي دخل غرفته و هوا فرحان ل فرح أمه و اخذ مفاتيح السياره و طلع راح اخذ له ثوب و شماغ و رجع للبيت و قال لامه تغسلهم و لبت طلعه و اخذه سعود و كواهم و بخرهم و عطرهم بالعود و دخل الحمام و طلع عده الحلاقه و حلق. دقنه و ضبط شنبه و غسل وجهه و اخذ شور عن سنه قدام و طلع لبس و تعطر بعود و دخل ينام و هو فرحان فرح ما يعلم فيه غير الله
_________________________________
في بيت ابو خليل الساعه 1 الظهر كان الكل موجود من رجال و حريم و بنات و عيال كبار و صغار و كانو كلهم فرحانين و وقف ابو سعود و معاه سعود
ابو سعود:يا اخوي يا محمد اليوم جيت أنا و ولدي عشان نخطب بنتك ملاذ ل ولدي سعود على سنه الله ورسوله
ابو ملاذ:و هاذي الساعه المباركه الي تجيو فيها و سعود رجال والنعم فيه و الكل يشهد برجولته و شهامته و راي بنتي هو الاول و الاخير.
ابو سعود:خلها تاخذ راحتها بتفكير و هدايه الرحمن
_______________________________________
دخل أبو ملاذ عند ملاذ و كانت ملاذ بكامل زينتها و كانت تجنن و كانت ابتسامتها تصنع يوم الي يشوفها و دخل أبو ملاذ و معه ام ملاذ و حنين و لين و قال أبو ملاذ : يا بنتي انتي موافقه على سعود
ملاذ:اي
ابو ملاذ:ماعندش اي مشكله تتزوجيه على سنه الله ورسوله
ملاذ:ما عندي اي مشكله يا غالي
ابو ملاذ ابتسم بفرح و بأس راسها و ام ملاذ و حنين و لين يزغرطو و الزغاريط وصلت للرجال و سعود كان متوتر و منزل رأسه خايفه يجيه الرفض بس رفع رأسه بفرح لما سمع صوت الزغريط و التبريكات والتهاني
________________________________
جا الشيخ و جلس بين ابو ملاذ و سعود
و قال: يا ابو العروس قول وراي...... زوجتك ابنتي
ابو ملاذ: زوجتك بنتي
الشيخ: على المهر المتفق عليه
ابو ملاذ: على المهر المتفق عليه
الشيخ: على سنه الله و رسوله
ابو ملاذ: على سنه الله و رسوله
الشيخ: العريس قول معي..... قلبت منك ابنتك
سعود: قبلت منك ابنتك
الشيخ: على المهر المتفق عليه
سعود: على المهر المتفق عليه
الشيخ: وعلى سنه الله و رسوله
سعود: وعلى سنه الله و رسوله
الشيخ ابتسم ابتسامه عريضه و قال : الف مبروك
فزو كل الرجال الي في المجلس يباركون ل سعود و ابو سعود و ابو ملاذ و انهالت التبريكات عليهم زي المطر و تم كلشي و وقع سعود و وقعت ملاذ و دخلو ملاذ المقلط و دخلو سعود عليها
سعود لف ل ملاذ و انصدم من جمالها و نعومتها و وقال:لا إله إلا الله اشهد بالله انش موت حمر و كان يتأملها بحب
و ملاذ تتقطع خجل و منزله راسها و مستحيه و سعود بيموت من أنوثتها
سعود : ملاذي
ملاذ فزت لانو اول مره أحد ينسب اسمها له و يناديها كانها ملك له و قالت:عيونها
سعود مسك قلبه و قال : الملكه و الزواج الشهر الجاي يناسب ؟
(انتهى البارت الثلاث+اتمنى يكون عجبكم عطوني رايكم بتعليقات و ادعموني بنجمه و اذا قدرت في بارت بنزل بعد الفطور 🤍)