រឿង Neighbors(ចប់)

Part 01 (ក្មេងខូច)

រូបរាងក្មេងប្រុសម្នាក់វ័យប្រហែល17 ឆ្នាំបានបោះជំហានចុះពីលើឡានសេរីទនើបដោយមានស្ពាយហ្គីតាមកជាមួយ ថ្ងៃនេះក្រុមគ្រួសាររបស់គេត្រូវផ្លាស់ប្តូរមករស់នៅឯភូមិគ្រឹះដ៏ធំស្កឹមស្កៃមួយកន្លែងនៅក្នុងទីក្រុងបាំងកក

«នេះជាផ្ទះថ្មីរបស់ពួកយើងហើយ កូនប្រញាប់ចូលទៅមើលទៅ!!» អ្នកជាឪពុកបានដាក់ដៃលើស្មាកូនប្រុសជាមួយស្នាមញញឹមសប្បាយរីករាយរួចនាំកូនប្រុសនឹងប្រពន្ធដើរចូលទៅក្នុងភូមិគ្រឹះបាត់ទៅ ដោយមានពួកអ្នកបម្រើជាច្រើនលើករបស់របរតាមពីក្រោយ

លោកSakkon Sumett ជាមនុស្សមានអំណាចក្នុងសង្គមដែលមានអំណាចជាមន្រ្តីថ្នាក់ធំក្នុងជួររាជការក្នុងប្រទេសថៃ មានទ្រព្យសម្បត្តិចាយមិនខ្វះជាពិសេសនោះគាត់មនុស្សចិត្តបុណ្យជួយអ្នកក្រ មិនធ្វើអំពើខុសច្បាប់ ស្អប់ភាពអយុត្តិធម៍ ភរិយាឈ្មោះPin Yattan នឹងមានកូនប្រុសទោលម្នាក់ឈ្មោះ Bible Sumett ជាមនុស្សស្ងប់ស្ងាត់ ចិត្តល្អមិនចូលចិត្តអាងអំណាចឪពុកធ្វើបាបអ្នកទន្សោយជាងខ្លួនជាដាច់ខាត ដើរតាមគន្លងឪពុក

#ក្នុងភូមិគ្រឹះ

ក្រោយពីបានដើរមើលបន្ទប់ក្នុងភូមិគ្រឹះគ្រប់សព្វរួចអស់មុខរាបស្មើរបស់ក្មេងប្រុសវ័យ17 ឆ្នាំនៅតែរក្សាទឹកមុខបែបមិនចាប់អារម្មណ៍ដដែល

«យ៉ាងមិចដែលកូន?ចាប់អារម្មណ៍ចង់បានបន្ទប់មួយណា?អាចប្រាប់ម៉ាក់បាន!» អ្នកជាម្តាយសួរទៅកូនប្រុសសំណព្វចិត្តដែលដើរចុះមកខាងក្រោមជាមួយរូបរាងសង្ហារនឹងមុឺងម៉ាត់របស់គេ

«បន្ទប់មួយណាក៏បានដែរ!!» គេជាមនុស្សងាយបើទោះបីខ្លួនជាកូនអ្នកមានទ្រព្យសម្បត្តិមានអំណាចក៏ពិតមែន ប៉ុន្តែគេមិនមែនជាមនុស្សសូញសាញច្រើនទេ នៅកន្លែងណាក៏បាន

«អរ៎!ចឹងទុកម៉ាក់អ្នករើសឱ្យកូនទៅចុះណា៎ ពួកឯងឆាប់ទៅរៀបចំទៅ» អ្នកស្រីPin
«ចាស៎លោកជំទាវ!» និយាយចប់ពួកគេនាំគ្នាដើរតាមអ្នកស្រីឡើងទៅសម្អាតបន្ទប់ដែលគាត់បានរើសសម្រាប់អ្នកប្រុសរបស់ពួកគេ

«បើមានអីមិនស្រួលកូនត្រូវប្រាប់ប៉ាឱ្យដឹងឮទេ?» លោកSakkon និយាយបែបនេះព្រោះតែកូនប្រុសរបស់គាត់គេជាមនុស្សមិនសូវចូលចិត្តនិយាយស្តីច្រើន បើទោះជាមានបញ្ហាអ្វីក៏គេមិននិយាយឬប្រតិកម្មដែល លុះត្រាតែរឿងនោះសំខាន់ខ្លាំងនឹងមានផលប៉ះពាល់ដល់មនុស្សដែលគេស្រឡាញ់នឹងការពារប៉ុណ្ណោះ ទើបគេដាច់ចិត្តនិយាយ