وأنا الهبايب ماتحرك غترتي وعقالي

الهبايب ~١~

بزمن التسعينات بمحافظه القصيم تحديدا عنيزه با بيت العم ابراهيم الشعبي
والي كان عندهم الصبح وفارشين فرشتهم باحوش ل الفطور
العمه نوره : ي جوهرهههه الفطور تعالييي
جوهره بزعل : يبههههه شففف ولدككككك
العم ابراهيم كان يفطر : منهووو الي مزعل جوهرتي
طلعت جوهره من المجلس وهي ترفس رجولها بالارض: منصورررر
منصور طلع وراها وهو يضحك : يبه قسم بالله بنتك ذي مابها ولا ذره انوثه
العم ابراهيم من جلست جنبه الجوهره : علامك تقول كذا عنها؟؟؟
منصور جلس قباله وبدا يفطر : ماشفت شعرها ؟ قسم بالله اخذها حارس تلعب مع العيال كوره
جوهره والي كان شعرها بوي تحركه بخفيف : مب شغلكك لهدرجه شعري جالس على قلبكككك؟؟؟؟
العم ابراهيم: لا وهو صادق ي بنتي مايجوز الشعر القصير تشبه با الرجال والعياذ بالله
تنهدت جوهره بتملل وحطت الطرحه على راسها : طلالللل يلا تعال معي ل المدرسهههه
العم ابراهيم نزل راسه : كا العاده قفلت موضوع الشعر
~~ سطح البيت ~~
والي كان فيه غرفتين بس غرفه وحده ل البنات والغرفه الثانيه ل العيال ورغم انها صغيره ولكن تكفي الكل وغرفه الاب والام في الدور التحتي
صعدت العمه نوره وهي تصرخ : ي عيالللللل يلاااا قوموا مدارسكممم
طلع عبدالعزيز من غرفته وهو يعدل ثوبه : صباحتس الله با الخير
العمه نوره : يهلا صباحك الله با النور من متى صاحي ؟
عبدالعزيز: من صليت الفجر وانا صاحي وترا العيال كلهم صاحين داخل بس شوفي بناتس
طلعت انتصار وهي تفرك عيونها بتعب : سلام
وطلعوا معها البنات وكلهم لابسين ل المدارس
العمه نوره ل انتصار : علامتس انتي؟ مانمتي زين ؟
انتصار : الا الا نمت بس الناموس اكل عيوني
طلع طلال من غرفته وهو يناظر با البنات : خوش والله ع وين رايحين البنات ! ورا ماتجلسين انتي وياه مع امي ب البيت مارح تفيدكم بشي الدراسه
العمه نوره بحده : طلاللل اعقل
نزل راسه : سمي يمه
انتصار بضحكه: خرشششش
العمه نوره بعصبيه : وانتي بعد اعقلي ويلا قدامي انزلوا افطروا
نزلوا العيال والبنات وهم يسلمون على ابوهم ويفطرون معه
طلعت مريم من المجلس ببتسامه : يبه ابشرك ناصر توه متصل على تليفون البيت ويقول ان اليوم اول يوم جامعه له
العم ابراهيم فز : نويصررر؟ اعطيني ياه بتصل عليه
مريم : والله ماش يبه تعرف انت الاتصال با الديره ماهو هاك الزود علشان كذا قفل الخط بس ماعليكم مبشرني ويقول انه بخير واموره ماشيه تمام التمام
العم ابراهيم تنهد بقله حيله وبراحه : الحمدالله دامه بخير مانبي شين اكثر من كذا تعالي تعالي افطري
مريم : لا والله عليكم با العافيه بروح اشر الملابس لا السطح وثم ارقد ومتى ماصحيت اكلت
العم ابراهيم قام من مكانه : الي ودتس يلا يلا ي عيال
مدارسكم قوموا
قاموا من السفره وهم يرتبون ثيابهم من الاكل واخذوا شناطهم وطلعوا من البيت مع العم ابراهيم بحكم انه معلم دين
~~ با الحي ~~
طلعوا عيال وبنات ابراهيم ل الحي الي كان مليان اطفال يلعبون بوسط الحي والي با السياكل
ركب ادهم السيكل و وراه اياد
تركي : بزران التوام ذولااا
ضحكت هيا بخفه : عادي خلهم ينبسطون
اياد وهو رافع يديه يسلم على بزران الحي من السيكل : سلامممم
ادهم بعصبيه : يورععع امسك ثوبي زين ترا ظهري ماهو معي
اياد شد يدينه على ثوب ادهم : يلا هذا انا تمسكت
دخلوا البنات مدراسهم والي كانت عباره عن جلسات ارضيه ل الطالبات والمعلمه تكون لها جلسه قدامهم و طاوله صغيره
دخلت جوهره الفصل وقابلت البنات
جوهره بفرحه : بناتتتتت
لفت لها ترفه:شعندتس ؟
جوهره فكت الطرحه عن شعرها : شرايكم ؟
الكل شهق من شاف شعرها والبعض بدا ينتقد بحكم انه عيب وحرام فكيف جوهره سوته؟؟؟
ترفه : يهبللللل بس شلون قصيتيه ؟ وابوتس مطوع ومعلم دين ؟
جوهره بعدم اهتمام: عادي امس باليل الكل كان نايم وانا قمت ل الحمام وقصيته ولمن قاموا اهلي ما صار شي لاني ذي اصلا ماهي اول مره اسويه وانتي اكثر وحده تدرين
رفعت الطرحه على راسها من دخلت المعلمه
المعلمه : سلام ي بنات
الكل: وعليكم السلام
المعلمه : يلا افتحوا سوره الكهف
~~ مدرسه العيال ~~
دخلوا العيال سوا وكل واحد راح لفصله
عبدالعزيز ابتسم بفرحه من قابل متعب رفيقه
عبدالعزيز: يهلاااا والله با الخويييي
متعب ببتسامه : هلابككك
مشى يسلم على عبدالعزيز وتركي
والتوام مشوا ل فصلهم مع طلال
متعب : يلا كاننا تاخرنا ؟؟
تركي : يلا امشوا
توجهوا لفصولهم وهذي اول ايام الدرسه
~~ بعد ساعات ~~
طلعوا من مدرسهم والكل مشى مع ربعه اما البنات
راجعين مع بعض البيت
جوهره : يويلي بناتتت جوععع
سلمى : علامتس انتي؟ ما اكلتي با الفسحه؟
جوهره بعصبيه : وين اكللل ي حظيييي اختس ذي اخذت اكلي كله
وكانت تقصد هيا اصغر العنقود
انتصار ضربت كتف هيا الي كانت تاكل بطاطس ولا هي مهتمه لهم
انتصار : وجعههه ي التسذوبه تقولين لي ناسيه اكلتس با البيت واخر شين ماكله اكلنا كلنااا ؟؟؟؟
هيا بعدم اهتمام: عاد انتم اغبياء صدقتوني ؟ تعرفوني انا انسى امي ولا انسى الاكل
سلمى بضحكه : عافيه عافيه عليتس ي لبه
اخذت جوهره الاكل من هيا : انطمييي ولا كلمه ي التسذوبببب
ضحكت هيا : خوذيه اصلا شبعانه والحين ارجع والاقي امي مسويه كبسه اوففف بسس
جوهره بعصبيه : بناتتتت امسكوهههه عنييي تراني بديت افقد اعصابيييي
انتصار بعصبيه : خلاص يورعه انتي وياها تتهاوشون علشان اكل ؟ الحمدالله والشكر بس
سكت الكل من شافوا سياره جراند ماركيز 88<<احدى السيارت القديمه >>
عند باب بيتهم
انتصار : غريبه سياره من؟
فزت الجوهره بفرحه. : شكلههه سياره خالي فرحانننننن
سلمى : مستحيللل خالي فرحان نسيتي بنته الجادل ؟ اكيد انها بمدرسه حاليا
هيا : مستحيلللل خالي ذا يموت ولا يخلي بنته تدرس
جوهره بحماس: بروحححح اشوففف
ركضت جوهره ل البيت وهي تتمنى ان الموجود خالها فرحان
وفعلا اول مادخلت قابلت العمه موضي ام الجادل والجادل والخال فرحان با الحوش مع العمه نوره
الجوهره مشت لهم بفرحه : يهلااااااا
انحنت ل الخال فرحان والعمه موضي وحضنته الجادل بكل شوق وحب بحكم انها اقرب وحده لها