ابتسم راكان مـن شـاف القلب الازرق جنب حرفه وحط رتويت على ة
التغريدة وكتب بحسابه << والله إني احبه حبّ القدامى الأولين
حبّ م يضره لا بعد ولا قلة مراسيل L>> ابتسم وهـو يقفل جواله ويـنظر السقف ويسال حاله: البنت ذي قسم بالله مصيبه وش المشاعر والحب الي ضرب قلبك؟ بس والله ي اني احس بمشاعر غريبه لمن اشوفها مشاعر ماعشتها من ثلاث شهور
وتنهد بضيق؛ ي الله ي رب البشر ورب ادم وحواء انك تزين الامور علينا
~ من بكرا الصباح ~
عبدالعزيز وهو يوكل امه من صحن الجبن: عافيه عافيه
العمه نوره وهي تهز يـدها بـ النفي : خلاص شبعت
عبدالعزيز بدا يرتب الطاوله الي بها الفطور جنب سرير امه وثم لف عليها: يمه بوه شين يوجعتس تشتكين من شين؟
هزت راسها العمه نوره بـ الايجاب وهـي تناظر بـ السقف ونطق عبدالعزيز: وش الي يوجعتس؟
العمه نوره سكتت لثواني وثم رفـعت يـدها لـ راسها ؛ هنا هنا
عبدالعزيز فهم انه تقصد راسها ونطق : ابشري ماعطيتك علاجك انا صح؟ الحين تاكلين حبوب الراس وان شاء الله بعدها تنامين مرتاحه
ولـف عـلـى الثلاجه الصغيره الـي تتوسط غرفه العمه نوره وكانت مليانه بـ العلاجات اخذ كيس حبوب الراس ولكن مع الاسف كانوا مخلصين ولف على العمه نوره: يمه ذا مخلص وش نسوي ؟
العمه نوره رفعت كتوفها بـ مدري ونطق عبدالعزيز: بعطيتس مشروب ل الراس واروح اشتري لك الحبوب زين ؟
هزت راسها العمه نوره بـ الايجاب وهي مستلقيه على السرير وتناظر السقف وجاها عبدالعزيز وشربها العلاج وجلس عندها لين ماغفت العمه نوره ولف عبدالعزيز على شنطة امه وهو يدور الصرافه لاجل يشتري بها العلاج ولكن؟ مافيه شي قام من مكانه وهو ينادي الخدامه:ي ميرييي
جت ميري تركض: يس بابا؟
عبدالعزيز بحده : انتي ياخذ صرافه ماما !
شهقت ميري بـخوف وهي تهز راسها بـ النفي: لا بابا انا مافيه حرامي
صرخ عبدالعزيز: من بوه غيرتس بـ البيت ؟؟؟؟
ميري بـخوف : هذا بابا تركي اخذه امس
عقد حواجبه عبدالعزيز بستغراب : وش؟
ميري : والله انا شوف امس
عبدالعزيز مسح كفوفه بوجهه : تمام شكرا
مشت ميري من امامه ورفع جواله عبدالعزيز رفع جواله يتصل على تركي ولكن بدون رد تـنهد بضيق وهـو يحاول يبرر لـ فـعلته ولكن ماله مبرر ابد وش يبي بـفلـوس امه وهـو عارف بـان فلوس امه صرف من الدوله ل المرضى طـلع مـن البيت مـتوجه لـبيت تركي وكـله تساؤلات ليه مايرد وليه اخذ الصرافه ؟
وفعلا بعد دقايق نزل من سيارته وهو يشوف تركي طالع من البيت بثوبه ومعه شنطة دوامه قرب لهِ عبدالعزيز: سلام عليكم
تركي لف عليه ببرود : وعليكم السلام ؟
عبدالعزيز وقف امامه تماما ونطق : صرافه امي وين؟
رفـع كتوفه بـتمثيل : مادري
عبدالعزيز ناظر فيه بضـحكه: تركييي! تكلم ترا الخدامه تقول انها شافتك وانت تاخذها !
رفع اصبعه تركي ؛ يخي استح على وجهك تتهم اخوك بسبب كلام شغاله ؟ صاحي انت ولا عقلك بوه شين!
تنهد عبدالعزيز وهو يمسك راسه : تركي انطق بـ الحقيقه تراي مارح اكلك!!
قرب له تركي وهي يمسك ياقه : عزوززززز اصحى يرحم والديك وش قاعد تقول انت
دفه عبدالعزيز بقوه على باب السياره وطاح تركي على الارض يرفع الصرافه الي طاحت على الارض وحطها بـ جيبه بشكل سريع والتوتر يملا ضلوعه : مامعيييي شييي
توسعت عيون عبدالعزيز من لمح اسم << نوره بنت سعيد >> على الصرافه ونطق : تركييييييي ليههه الكذببب
تـقـدم لـهم منصور الي طلع من بيته الي كان قبال بيت تركي وهـو يـشوف عبدالعزيز سـاند تركي على السياره ويدينه على ياقته وصرخ بعلو صوته : ولدددد انت وياهههه
ابـعد عبدالعزيز عن تركي وهو يمسك راسه ويردد :اعوذ بالله من الشيطان الرجيم
منصور بصراخ : وش بلاكمم؟؟؟؟
عبدالعزيز رفع راسه بعصبيه لمنصور: انت تدري عن موضوع الصرافه!!!
نطق تركي بعصبيه : كلنا نعرف ومخططين على ذا الموضوع بنشوف كيف بتصرف على امي وكيف بتراعيه وبعدين انت مسوي الولد المثالي ل امي واحنا الغلط !!!! حنا نعرف زين وش نسوي وبالعكس حنا نقدر نشيل امي على ضلوعنا بس مشكلتنا انت الي لعب بعقل طلال وازعجتنا على البيت وعلى ورثنا وحلالنا
فز منصور وهو يمسك عبدالعزيز من شافه انفلت على تركي وهو يصرخ : صاحيييي انتتت تبي تورث امككك وهي حيههه!!!
منصور وهو يدفع عبدالعزيز عن تركي ؛ خلاصصصصصصص
تركي استغل الفرصه وركب سيارته بشكل سريع ومشى ل دوامه وجاهل صراخ عبدالعزيز ؛ وينننن بتروح منييي؟؟؟؟
منصور بعصبيه : خلاصصصص
عبدالعزيز ابعد عن منصور وصرخ ؛ انتم الي خلاص يرحم امكم انتم الي خلاصص تعبت منكم اتركوني واتركوا امي بحالناااا
وركب سيارته وعصبية الارض كلها فيه كان يمشي بـ الطريق الطويل والشمس على وجهه ماهو عارف وين يروح ولمن يروح يحس انه وصل لحده من اخوانه ماتوقع بيوم بيوقف بوجه واحد من اخوانه الي يعزهم ويصرخ عليهم او اعصابه تتعب بسبب واحد منهم ماحس بنفسه الا هو واقف قدام باب العم راجي نزل وامله كله بـ العم راجي بعد الله سبحانه كان متوقع ان العم راجي الشخص الوحيد الي ممكن يتفهم عبدالعزيز دخل مجلس الرجال الي كان مفتوح بابه وبوجود مشعل والعم راجي جلس قبالهم بعد السلام ونطق:عمي ابيك بموضوع
العم راجي بستغراب: تكلم اسمعك شصاير !
عبدالعزيز نزل راسه بخجل ماكان متوقع بيجي اليوم الي يشكي لاحد من اخوانه ولكن الزمن جبره ونطق : عمي قسم بالله اني تعبان من اخواني وافعالهم
فز العم راجي: وش بلاهم اخوانك!!!
عبدالعزيز اسند على الجلسه وهو يفك ازرار ثوبه العلويه بقهر:يجبروني اطلع من البيت لاجل ورثهم تخيل ي عم انهم يبون يورثون امي وهي حيه وليتها وقفت لين هنا لا ي عم ماخذين فلوس امي لاجل ايئس واترك لهم البيت واترك لهم امي ينقلونها من مكان لمكان ومن بيت لبيت ظنهم كذا انهم اوفوا بـ حق امي والله ي عم اني مقهور منهم
العم راجي: اعوذ بالله من قهر الرجال ي عزوز تمالك نفسك والي تسويه انت صح واخوانك انا بجمعهم واتصرف معهم لاتشيل هم ولايضيق لك خاطر
قرب له عبدالعزيز وهو يقبل راسه : الله يطول بعمرك
~~ بيت العم ابراهيم ~~
ابتسمت الجادل من صعدت ل سطح البيت وهي تتامل امكان جلستهم قبل والفرش الي كانوا يسهرون الليل كلها عليها نطقت الجوري : الله يمه كنتوا تجلسون هنا ؟
ابتسمت الجادل: اييي المكان كان يهبل اخر الليل مع شاهي وسوالف البنات بس الحين مليان غبار
تـقـدم رابح ل الغرفتين : وهذولا غرف من ؟
الجادل لفت على الغرف وهي تشوف فرش العيال والبنات يملاهم الغبار ؛ الي على اليمين غرفه الرجال واليسار البنات
ضـحك راكان : ماشاءالله عمامي قبيله شلون تكفيهم الغرف ذي الا يمه كيف شعورك بالله وانتي تشوفين المكان مهجور؟
تنهدت الجادل بضيق وهي تشوف المكان ونطقت بـ:اثر البيوت بدون اهلها ولا شي يجلب محبتها غلا من سكنها احسب عمار الدار ياراكان جدران واثر عمار الدار ياراكان اهلها
رابح : صح لسانتس ي الغاليه
تنهدت الجوري بضيق من كلام امها : صدق يمه البيت صار يخوف بعد عمامي وبنات عمامي احس صار بيت مهجور
راكان سكت لثواني وهي يناظر بـ الحوش من فوق السطح وهو يتذكر جلستهم مع العمه نوره وجمعه الكل حولها وسوالفه ايام ماكانت ليان بدون حجاب وتجلس معه بـ الساعات بـ الحوش هذا غير لعب عيال عمامه بـ الكوره واصواتهم والرسمات الي على جدران البيت ايام ماكان يرسمون على الجدران والاباء يهاوشونهم والـعمه نوره تدافع عنهم صعب جدا تنسى ناس كانوا معك طول العمر ومتعود على وجودهم بحياتك
~~ من بكرا العصر ~~
طـلع من البيت وخلفه اهله وهو يشوف ابوه جالس قدام الباب مع كوب شاهي ونطق : يبه ماتبي تجي معنا ؟
عبدالعزيز تنهد بضيق: لا والله مشغول راحو انتم وانبسطوا وانا ان خلصت شغل اجيكم
هز راسه راكان بـ الايجاب ومشى يركب سيارته مع اهله وتقدم طلال لعبدالعزيز: وش عندك شغل ؟
عبدالعزيز تنهد بضيق وهي يشرب الشاهي والله مدري وش أقول
قمت أتعذر بالشغل والطلايب وأنا قسم بالله ماني مشغول ومقفل جوالي بليا سبايب هاللحين لو دقيت تلقاه مقفول عيت على صدري تهب الهبايب لا أداني الجمعه ولا أداني الضول ما كن لي بين الحبايب حبايب لو أضحك شوي أتعومس علطول بالله ي طلال ماتحس ان النفوس صارت ثقيله وصدورنا صارت ضيقه على بعض ماقدر ارتاح بـ جلستي معهم
تنهد طلال من وضع اهله ونطق ؛ يابن الحلال وسع صدرك وتعوذ من بلبيس قم معنا وتجاهل كلامهم
تنهد عبدالعزيز بضيق : رح انت عسى الله يسهل طريقكم انا بجلس مع امي
طلال : الي تشوفه
ومشى من عنده لسيارته متوجهه لمخيم منصور وخلفه سياره راكان وعبدالعزيز كان جالس بـمكانه يـناظر بهم
~~ الساعه ١٠م~~
جـلس الـكـل بـوسط مـجلس المخيم بوجود العم راجي الي نطق: والله اني مصدوم من فعلتكم
تنهد منصور بقله حيله: ي عم ماسوينا شين غلط حنا نبي حقنا وبعدين عزوز دايم يحسسنا اننا عاقين بـ امنا واننا مانتهم بها وبعدين عزوز طول عمره كان يخبي عنك مشاكل بيتنا وش جاه المره ذي ؟
واعتلت اصواتهم بـ المجلس مابين عيال ابراهيم ومابين العم راجي وراكان تنهد بضيق منهم ومن اصواتهم وقام من مكانه لمكان الابل والغنم وهـو يشوفه فاضي وانواره خفيف تـقـدم ل المكان وهو يناظر فيه ويناظر بـ الصقر الي على شبك الابل اخذه على يده وهو يتكلم معه: ي طير مالمحت زولها ؟ ي الله بـ الليله ذي تطل علي والمحها لو لمحه بس
فز بخوف من الصوت الي جاء خلفه : منهي الي شفقان على زولها؟
لف بخوف راكان : وش فيتس انتي؟ وبعدين اي زول تتكلمين عنه ؟
ضحكت الجوري : شدراني عنك انت قايل كذا
راكان ؛ سمعتي غلط كنت اقصد سيارة عمي تركي ماهي موجوده و ودي لو اشوفها
ضحكت الجوري ونطقت بغمزه : عليناااااا ؟؟؟؟
صد راكان يحاول يخفي ابتسامته : يشيخه توكلي وراتس بس
ضحكت الجوري وهي تمسح على الابل: تدري ذي اسمها جوريه
ضـحك راكان :طيب ؟
الجوري : يعني قريبه من اسمي
راكان بسخريه : اذ كان اسمها الجوري ذاك الوقت تعالي تباهي
كشرت الجوري : مالت عليك انا غلطانه اني واقفه معك
ومشت من عنده وظل راكان يضحك قابلت الجوري لين وليان بطريقها : وش عندكم هنا ؟
لين : ابد ي ملي نتمشى
ليان : الا انتي وش عندتس ؟
الجوري : انحشت من العوباء ام لسان ديما ورحت عن الابل يهبل المكاننن ي بنات بس ترا راكان اخوي هناك
لين : بنروح له باكر الصباح نفطر عندهم
هز راسها الجوري بـ الايجاب ومشت لقسم الحريم وقفت ليان وهي تحس ان الفرصه امامها وهي تتذكر كلامه بـ تويتر واستخدامه لنفس قلوبها القلب الازرق مع حرفها ونطقت بكذب : لين بروح الحمام
لين ناظرت بها : تونا جينا من قسم الحريم وين بتلاقين حمام ؟
ليان : بروح الحمامات الي عند الابل
لين : صاحيه انتي ؟ البنت تقولك اخوها هناك وانتي تقولين بروح
ليان وهي تركض : ماعليك اروح من ورا الاشجار
وفعلا مشت من ورا الاشجار لدوره المياه وهي تناظر نفسها بـ المرايه وترتب شعرها ولفت على حديده جنب دوره المياه ومسكتها بيدها وثم قربت شوي لمكان راكان ولكن مازالت ورا الشجر اظهرت نصف شكلها وضربت رجلها بـ العصاء وطاحت على الارض تصرخ:يبهههههههه
فز راكان من الصراخ ومشى لمكان الصراخ وصد نظره من شاف البنت الي لابسه بلوفر ازرق وبنطلون ابيض وشعرها الطويل مسويته ويفي وكفها عـلـى قدامها بـمكان الاصابه ونطق بتوتر ؛ منهي انتي ؟ وش جابك هنااا ؟
ابتسمت ليان بـ الم من لفتت انتباه راكان ونـطقت بصوت عالي: رجوليييي تنزف دم من الحديد
لف عليه راكان ولكن سرعان ماصد لقدمها الي تنزف وفك شماغه الي كان على شكل عمامه وربطه على نزيفها ونطق وهو منزل راسه ونـطقت ليان وهي تعض ثغرها من شكل راكان الي كان له شنب خفيف وعضلاته الخفيفه باينه وثوبه الابيض: شكرا راكان
راكان وهو صاد : معك احد ؟
هزت راسها بـ النفي ونـطقت بكذب ؛ لا جيت لحالي
راكان بستغرب ؛ شلون جايه من قسم الحريم لحالك ؟ عموما قومي وانا يناظر فيك
شهقت ليان : كيف اقوم ماقدر رجلي توجعني
جت لين وهي تركض من المنظر ونطقت بخوف : ليانننن شفيكككك
توسعت عيون راكان بذهول معقوله ذي ليان ؟ رفـع عيونه لاشعوريا وهو يناظر بـها ويـتامل تفـاصيلها ماحس بنفسه الا من صرخت لين:عمى يعمي عيون العدو صد مناك
صد راكان وليان ضربت لين لانها خربت اللحظه عليها كان ممكن تمسك راكان لين قسم الحريم ولكن شائت الاقدار ومسكت يد لين لين قسم الحريم
~~ من بكرا الصباح ~~
دخـلت الجوري المطبخ وهـي تـشوف الحريم مجتمعين يرتبون الفطور والنص الثاني يرتبون السفره بـحوش المخيم وليان جالسه عـلـى الكرسي وماده قدمها وتناظر بهم قربت لها الجوري بغمزه:ماقلتي لي من ساعدك امس؟
بـلعت ريـقها بتوتر من نظرات الحريم ونطقت لين : راكان اخوتس بس عيونه زايغههه
ضحكت نجلاء : والله بنتي تطيح الصقر من السماء ما الومه
ضحكت الجوري ومدت كـفها بغمزه ل ليان ؛ قومي معي حركي رجلتس ماهو زين تجلسين ورجلك بها جرح
مدت يدها ليان لكف الجوري بتوتر وهي عارفه حركات الجوري اذ كشفت احد ومسكت كـفها الجوري وحطتها على ذراعها وبدت تتمشى معها بـ المخيم لين مانطقت ؛ ليونههه
ليان بـستغراب : لا دام بوه ليونه عز الله افلحنا وش ماسكه علي انطقي
ضحكت الجوري : وش وضعكم مع القلوب الزرقاء والحروف ؟
ليان بعدم فهم : مافهمت ؟
الجوري وهي تفتح جوالها: اوريتس ي لبى وش قصدي
فتحت عـلـى حساب راكان ودخلت عـلـى التغريدة ومدت الجوال ل ليان : شوفي
مسكت الجوال ليان وبلعت ريـقها بتوتر وهي تقراء التغريدات وتشوف اخر تغريده كانت ليله امس وكان كاتب << ليت اللقى ما انتهى يوم شفتك وليت الثواني في شوفتك طالت>> عضت ثغرها محاوله ل اخفى ابتسامته وهي تشوف القلب الازرق الي حست بانه رابط بينهم
ونطقت الجوري: ليان
رفعت نظرها ليان لها وكلها توتر وكـملت الجوري: ترا راكان كويس وطيبوب واحلف لك بالله اني ما اقول كذا علشانه اخوي انا مادري لو انتي تقصدينه بـ كلامك او لا مابي اخوي يوهم نفسه بذي العلاقه
ليان سكتت بدون رد وهي تناطر بـ الاسف وكلمت الجوري ؛ وغير كذا ماما ممكن تخطب له بنت خويتها
فز ليان بخوف :الا احبه جوري معقوله مافهمتيني مـن التغريدات كلها حب الطفوله وانا من انولدت على الدنيا ماشوف غير راكان امامي
ابـتسمت الجوري ونـطقت : الله ي المشاعر لياني و راكاني بوه شين احلى من كذا ؟
ليان بتوتر ؛ تكفين الجوري وصلي له كلامي بس مابيه يحس اني ميته عليه ولا ابيه يكون مع غيري
ضحكت الجوري وهي تشوف الحب من عيون ليان الي كانت منزله راسها وتعض ثغرها بتوتر من مشاعرها الي نثرتها بثواني ليان بنفسها ماكانت عارفه كيف نطقت بكل ذا اصلا ماتعرف كيف المشاعر ذي جت لها صحيح انها متاكده من مشاعرها ناحيه راكان ولكن ذي المره كانت تحس بشي مختلف بشي غريب لـ اول مره تحسه بـ الكون
ان اصبت فهو من فضل الله وان اخطأت فهو من الشيطان ✨🤎
انستا الكاتبه 27ixi1i
أنت تقرأ
وأنا الهبايب ماتحرك غترتي وعقالي
حركة (أكشن)مختومه🤎 جميع الاحداث واقعيه ولا استبيح نقل او اقتباس ولو جزء بسيط من الروايه🤎.
